اجيبوني

[مشكلتي]

السلام عليكم
اريد الجواب الشافي لهدا السؤال هل صحيح اذا المرأة تطلب من الرجل انهم يزوجوا عيب ........؟ وهل صحيح انها تخسروا اذا قالتلو نزوجو؟
انا فبالي الراجل الي تقولو المرأة نزوجو يفرح راها حابة الحلال وانتم واش رايكم:confused::confused::confused::confused:

[ما وراء الطبيعة ؟؟؟؟]

لا يا أختي

لا تضعي نفسك في ذلك الموقف

وقد تقعين في المساومات

لسنا في زمن الصحابة

[malak achark]

لا يا اختي كان هذا في زمن النية وليس في زماننا هذا الفهم تغير
وان طلبت منه هذا يفهم بانك ترمين نفسك عليه اتركيه هو من يطلب هذا

[EVE]

في شحال راهم ؟ راكي خالعتني راكي رايحا تخطبي الرجال أون غرو
يا أخت بالاك ما كاش الي وجهها صحيح كيما انا بصاح حاجة كي هادي ما نديرهاش مع العقلية تاع دوك يعيا منك قبل لعرس

[أكوام الورد]

من رأيي
إدا كانت في علاقة محرمة معاه عيب على خاطر غادي يحس بلي راها تعرض نفسها عليه وراها طيحت من قيمتها بزاف
أما إدا حب يبني علاقة معاها وقاتلو تحبني أجي لدارنا و أخطبني تماك ماشي عيب وراها دارت الصح
بصح ماشي تقولو نزوجو.. تختار اللفظ المناسب و المحترم
هذا رأيي و الله أعلم.... في إنتظار آراء إخوتي المشاركين و المشاركات

[abdel02]

إن كان الشخص أهلا لذلك...فاين العيب...

[أم البشائر]

يا اختي معظم رجال هذا العصر يجري موراك قرن نهار تلفتي اليه فقط وتكلميه يقول

راها تتلصق

وانت عندك 20 عام يقول كبرت وخايفة عنوسة

ولا عندها مشاكل في دارهم حابة تهرب

حتى الشباب معذورين

اصبح سوء الظن هو الغالب على الطرفين من كثرة ما عاشو وسمعو بعلاقات صرا فيها العجب

وخاصة تلك التي تبدا بالطيبة وتنتهي بانها او انه اكبر مرواغ"ة"

يعني في رايي البنت تعز روحها واللي كاتب لها يقصدها وان تحدثت عنهاا قناة الجزيرة بكل سوء

واللي موش كاتب راه يلقالك سبب وانت ماشاء الله

واحسن شيء عدم الخوض في العلاقات لما لها من اثر سلبي على النفسية وانعدام الثقة اضافة الى الذنوب عافانا الله واياكم

[lilou f lilou a]

إن كان الشخص أهلا لذلك...فاين العيب..

[AHMED BELGOT]

إذا كنت معجبة بهذا الرجل و ترين فيه الرجل الصالح فلا عيب في طلب الزواج منه و لكن يكون الطلب عن طريق ولي المرأة و لا يجوز الطلب مباشرة لأنه يثير الفتنة و يعرض المرأة الى ما يحمد عقباه
نصيحتي أن ترسلي إليه من يخاف الله و يريد لك الخير و يكون محرما لك كوالدك أو أخوك

[نهال الجزائرية]

في زمانا هذا عيب وعـــــــــــــــــــار البنت تطلب هذا الشيئ أتركيه هو من يفعل ذلك و تأكدي إذا كان فيه خير سيأتي يطرق بابك سلام

[hayet04]

لالالالالا هي قصدها امو الرجل ادا طلب علاقة غبر شرعية و هي قانلو ادا حابني مزوجو

[منال 22]

مستحيييييييييييييييييييييييييييييييييييييييييييييي يييييييييييييييييل ان اطلب من رجل ان يتزوجني لاه كارهة من حياتي افضل هو لي يحوس علي ماشي انا لي نحوس عليه باه نبقى دائما عزيزة عندو ماشي نقولو ازوج بي ومبعد يولي يعايرني بيها

[صُبح الأندلس]

أغلب من رد لم يفهم قصد السائلة ، هي قصدت أنه إذا كانت هناك سابق معرفة بين الطرفين (حب)و هو لم يطلبها رسميا فبادرت هي و طلبت الزواج هل يعد عيبا في حقها ؟
و إجابتي ليس عيبا فأن تطلب منه التقدم رسميا إلى البيت خير من استمرار العلاقة بينهما خارج إطار الزواج

[لقرع بوكريشة]

لاعلاقة بين المراة والرجل لم يكن المقصد منها الزواج......فاما يفصح الرجل عن نيته والاسراع في طلب الزواج.....واما بادرته المراة وباسرع ما يمكن عن طلبها بالتقدم للزواج.........اي علاقات تتكلمون؟؟؟؟...فلا يجب ان اتتعدى تعارف المراة مع الرجل ايام معدودات قلائل.....ليسارع كل منهما عن نيته ونية الاخر......................اما من يبادرالرجل واما بادرت هي ..فكلاهما معني...فالمبادرة ما حطت وانقصت من قيمة ...المراة...وما خالفت شرعا...........فقيمة المراة وعزتها تنحط وتداس وتعفر ان طالت العلاقات وكثرت وتنوعت وخرجت عن حدود المعقول......بوعود يفتعلها بعض الذئاب لتمدد وتمدد وتمدد هاته الوعود وتصبح سيرة المراة على كل لسان...لترمى في الاخير....فلا بزوج ارتبطت وتحصنت ..ولا من السنة من حولها سلمت...

[أم البشائر]

أغلب من رد لم يفهم قصد السائلة ، هي قصدت أنه إذا كانت هناك سابق معرفة بين الطرفين (حب)و هو لم يطلبها رسميا فبادرت هي و طلبت الزواج هل يعد عيبا في حقها ؟
و إجابتي ليس عيبا فأن تطلب منه التقدم رسميا إلى البيت خير من استمرار العلاقة بينهما خارج إطار الزواج




بل فهمنا القصد يا اعتماد وفي رايي مادام علاقة بين رجل ومراة وكان فيها حب يعني نورمالمون تتوج بالزواج من رقي الرجل

والمراة جعلها الله مطلوبة لا طالبة وبطبعها حياؤها اكبر وان ضعفت واستسلمت لعلاقة حب

وفي قصة خديجة رضي الله عنها حكا عمرو خالد انها كانت تعرف عجوزا فسالت النبي صلى الله عليه وسلم

فقالت له هل تتزوج؟
قالها لها من تقبل بي؟
فقالت له العجوز خديجة

فسالها الحبيب المصطفى هل هي من قالت ؟
فردت العجوز لا ساسالها

يعني هذا كان تعامل النساء مع سيد الخلق فكيف مع باقي الخلق

اطلبو حاوئجكم بعزة فان الامور تسري بمقادير

والعلاقة متى استفاقت منها البنت تنسحب لانها مع رجل وليست مع طفل تربيه لتعلمه اصول اتيان البيوت من ابوابها
بل انسحابها فيه في كل الحالات خير

ان افتقدها فسيتوج علاقته بالحلال

وان ابتعد فقد اراحها الله منه وعوضها خيرا منه

الله الموفق

[عبد اللطيف1]

لامانع في ذلك المهم طلبت الحلال ...اما على النية ربي هو يعرف ما في القلب

[achwak.1993]

يا أختي عمرك ما ترخصي روحك لراجل
على خاطر ما ينساهالكش وصدقيني يجي النهار ويقولك أنت اللي رميتي روحك عليا هذا إذا قبل بطلبك أصلا

[maiar]

اختي انا بالنسبة ليا على حساب مافهمتنا الاخت اعتماد

مكاين حتى اشكال اذا كنت في علاقة معاه فهميه بلي باغية توبي لربي من هذه

و العبد مش ضامن عمرو اليوم حي يا درى الدقيقة الجاية و نروح نقابل ربي قبل مانتوب

و نهار تنوي تزوج فالحلال دارناراك تعرفها و تقدملي باه ربي يباركلنا في حياتنا و ما نستمروش فالذنوب

و نقولك اذا راهو باغيك صح مايلقالك حتى سبة و لتم تعرفي الصح من ,,,,,,,,,

ربي يسهلك اختي

[adel houari]

صحيح حبا الحلال بصح تحشم

[الفتاة الحزينة]

اول حاجة العلاقة بيناتكم محرمة اقطعيها ثاني حاجة تحلي المشكل بواحد اكبر منو
افطني ....عفي نفسك ......ماكاش لامان فوقتنا ....وتوبي لربي ...ومكتوبك جاي جاي ......اصبري برك

[أم عبد النور]

إن كان الشخص أهلا لذلك...فاين العيب...


يعطيك الصحة هاذا رايك

ولكن للأسف ليس رأي كل الرجال


اذا طلبت المرأة الزواج راها تعيش طول حياتها في عار وذل

وكل ما يكون سوء تفاهم يقوللها انت خطبتيني مشي أنا


انا شخصيا لو عاد الزمن للوراء منديرهاش وزوجي هو لي

ترجى باش تزوجنا وراني بقيمتي في داري الحمد لله

أنصحك اذا يحبك صح ويريد الارتباط هو من يطلب ليس أنت

وكما قالو معظم الأعضاء زمن طيبة ولى وندثر


تحياتي