هل كلكنّ يا نساء تطبخن؟؟

[خولة لبابة]

السلام عليكم و رحمة الله تعالى و بركاته
أخواتي النساء.....أريد أن أعرف هل كلكنّ تطبخن؟؟؟
و هل تعرضتنّ لعراقيل؟؟
و للعاملات ...كيف توفقن بين العمل و المنزل؟؟؟
أسئلة كثيرة أنتظر التفاعل من الجميع......الذكور ايضا.....

[ghada91]

السلام عليكم

اخي الكريم نشكرك على الموضوع

على حساب رايي راك حاب تتزوج مع وحدة عاملة

و راك خايف اذا تفرط فيك فالماكلة

هههههههههههههههههههههه

نمزح معاك برك

ربي يوفقلك نشا الله كل ما فيه خير

بالنسبة لي انا عاملة و الحمد لله بقدرة الله نوفق بين الدار و الخدمة

راني نتدرب قبل ما نتزوج باش تجيني ساهلة من بعد

بصح بعض المراااااااااااااات نجي عيانة بزاااااااااااااااااااف

سيرتو فالشتا

النهار قصير بزاف

بصح الصيف عادي نخدم الشغل تاع الدار وحدي

نخلي المجال للآخرين

...............................

شكرا

[الجليس الصلح]

صحيح تراجعت بنات حواء من مهارات في الطبخ إلى مهارات سياقة السيارات والعمل خارج البيتوكثيرا ما نرى بنات لا يعرفن من أمور البيت شيئا وما عادت الأمهات تهتمن ببناتهن ليتعلمن سنن الحياة بل رحن إلى التنويع في مشاهدة المسلسلات وووووووشكرا

[خولة لبابة]

[QUOTE=ghada91;10584598]السلام عليكم

اخي الكريم نشكرك على الموضوع

على حساب رايي راك حاب تتزوج مع وحدة عاملة

و راك خايف اذا تفرط فيك فالماكلة

هههههههههههههههههههههه

نمزح معاك برك

ربي يوفقلك نشا الله كل ما فيه خير

بالنسبة لي انا عاملة و الحمد لله بقدرة الله نوفق بين الدار و الخدمة

راني نتدرب قبل ما نتزوج باش تجيني ساهلة من بعد

بصح بعض المراااااااااااااات نجي عيانة بزاااااااااااااااااااف

سيرتو فالشتا

النهار قصير بزاف

بصح الصيف عادي نخدم الشغل تاع الدار وحدي

نخلي المجال للآخرين

...............................
لماذا الجميع يضنني ولد و ليس بنت........يا أختي أنا بنت...
شكرا على الرد......

[mohamed160]

شكران على الموضوع . واجد النهارى جاءت بنت خالى ويمها لدارى ما كانت الام انتعى فى الدارى وقولتلها يابنت حالى طيبى الفطورى قالتلى ما نعرف وزوجة خالى زعفتى من بنتها جتى طيبتلهم الفطور انا والله شى موئسف بزاف تلقى بنت ما تعرف اطيب الفريب والله عيب انا حشمت منها . انا كون جيت فى مكنها كون تتحل الارض ندحل

[rinat]

السلام عليكم.........اعتقد أنو أي وحدة متزوجة تطيب محتمة عليها تبقى في طيابها مليح ولا خايب ........الراجل هو وزهرو..وكيعود جيعان ياكل ياكل ههههههههههه...
انا عن نفسي نخدم معندي حتى مشكل هي قضية نظام ولازم توجدي كلش من قبل وانتي وشطارتك...على كل حال ربي يكون في عوننا الخدامات

[سومية88]

السلام علي اعتقادي مكاش امراة ماتعرف الطيب اناالحمد الله نموووووت عل الطياب لوكان نصيب مانخرج من الكوزينة حتي المراءة العاملة محتمة عليها الطيب حتي الا ماتعرفش تتعلم ملراهيش حاجة صعيبة بل العكس كي نكون نطيب نحس بالمتعة

[نجمة ساطعة]

الحمد لله نطبخ نعم .......و الحمد لله اكثر حاجة ورثتها من ماما عندي نفس في طياب يعني طيابي بنين نعمة من ربي

حاليا عزباء ... حكاية نوفق منظنش تخرج عليا لاني مقلشة تبانلي خدمة بعد زواج نونو غير الى الله غالب

[soso sirin]

انا الصح الكوزينة كنت ندخلها نفحات برك معنتها وقت مايضهلي كي تزوجت اختي تم وين دخلتها نيشان و الحمد الله راني نعرف نطيب صح ماشي طياب الي يخلع مي الحمد الله كي يجيني ضيف نقوم بيه و حتا في رمضان نطيب و انا نبغي ندخل للكوزينة وحدي مانبغي حتا واحد يوقف عليا كيما البوليسيي .و على نهار نتزوج ان شاء الله و الله تبانلي شوية صعيبة .هي كلشي بالولف اذا باغية تتعلمي الطياب معنتها نهار الاول ماتجيكش نيشان بلمداومة راح تتعلمي

[خولة لبابة]

و اذا قلت لكنّ أني لا اعرف الطبخ الاّ القليل فماذا ستقلن لي ؟؟؟ كسولة ؟؟؟......لكن أنا عملي أكبر من هذا ..........هههههههه ستضحكون كثيرا.......

[الفآرسُ المُلثَم]

شكرا على الموضوع
أنا بالنسبة ليا نطيب ماش بزاف بصح كي كملت مع القرايا راني ناويا نتعلم كلش خاصة الحلويات
و اذا قلت لكنّ أني لا اعرف الطبخ الاّ القليل فماذا ستقلن لي ؟؟؟ كسولة ؟؟؟......لكن أنا عملي أكبر من هذا ..........هههههههه ستضحكون كثيرا.......

لاأختي وعلاش حتى لدرك تقدري تتعلمي.......... عملك أكبر من هاذا ؟ واش تقصدي ... ماتقوليليش تحرقي الماكلة ههههههههههه

[خولة لبابة]

لا يا أخواتي..........انا لا اطبخ الآن فقط ساتعلم........لأني و منذ كان عمري 9 سنوات أعمل مع ابي في البداية كنت اساعده حتى أصبحت أتقن عمله هو يعمل في أنابيب المياه........توصيلها الى المنازل ...الخ.........و بعدها بدأنا البناء في بيتنا هو ايضا بناء فأنا كنت من يخدمه و لهاذا تعلمت ايضا البناء........في الشتاء ادرس و في كل عطلة صيفية أعمل مع أبي......و أذكر عنما نجحت في شهادة التعليم المتوسط.....قالت لي اختي الكبرى الآن كبرتي يجب أن تتعلمين الطبخ.........بدأت تعلمني كيف نصنع خبز المنزل...** الكسرة*** لكن لم أكمل حتى ناداني أبي لاعمل معه.......و الأن لا أدخل كثيرا الى المنتدى لاني اساعد أبي في وضع البلاط...........ههههه......يعني أعمل عمل الرجال........لكن ستكون هذه اخر سنة لي بهذا العمل......لأني اذا نجحت في الباكالوريا سأذهب الى تخصصي و ستشتاق العائلة اليّ علما أنها لا يمكنها الاستغناء عني......فأنا التي أحضر جميع احتياجات العائلة.......ههههه....و الله يدوم الصحة....ان شاء الله.......هذه أنا......

[mohamed160]

لا يا أخواتي..........انا لا اطبخ الآن فقط ساتعلم........لأني و منذ كان عمري 9 سنوات أعمل مع ابي في البداية كنت اساعده حتى أصبحت أتقن عمله هو يعمل في أنابيب المياه........توصيلها الى المنازل ...الخ.........و بعدها بدأنا البناء في بيتنا هو ايضا بناء فأنا كنت من يخدمه و لهاذا تعلمت ايضا البناء........في الشتاء ادرس و في كل عطلة صيفية أعمل مع أبي......و أذكر عنما نجحت في شهادة التعليم المتوسط.....قالت لي اختي الكبرى الآن كبرتي يجب أن تتعلمين الطبخ.........بدأت تعلمني كيف نصنع خبز المنزل...** الكسرة*** لكن لم أكمل حتى ناداني أبي لاعمل معه.......و الأن لا أدخل كثيرا الى المنتدى لاني اساعد أبي في وضع البلاط...........ههههه......يعني أعمل عمل الرجال........لكن ستكون هذه اخر سنة لي بهذا العمل......لأني اذا نجحت في الباكالوريا سأذهب الى تخصصي و ستشتاق العائلة اليّ علما أنها لا يمكنها الاستغناء عني......فأنا التي أحضر جميع احتياجات العائلة.......ههههه....و الله يدوم الصحة....ان شاء الله.......هذه أنا......


الله يبارك الاخت وربى يحفضك . والله غير قليل باه تلقى بنت كما انتى تخدام هدا العمل ربى يعونك ويحفضك لولديك

[slimeline]

موضوع تافه ما عجبنيش خلاص

[الفآرسُ المُلثَم]

لا يا أخواتي..........انا لا اطبخ الآن فقط ساتعلم........لأني و منذ كان عمري 9 سنوات أعمل مع ابي في البداية كنت اساعده حتى أصبحت أتقن عمله هو يعمل في أنابيب المياه........توصيلها الى المنازل ...الخ.........و بعدها بدأنا البناء في بيتنا هو ايضا بناء فأنا كنت من يخدمه و لهاذا تعلمت ايضا البناء........في الشتاء ادرس و في كل عطلة صيفية أعمل مع أبي......و أذكر عنما نجحت في شهادة التعليم المتوسط.....قالت لي اختي الكبرى الآن كبرتي يجب أن تتعلمين الطبخ.........بدأت تعلمني كيف نصنع خبز المنزل...** الكسرة*** لكن لم أكمل حتى ناداني أبي لاعمل معه.......و الأن لا أدخل كثيرا الى المنتدى لاني اساعد أبي في وضع البلاط...........ههههه......يعني أعمل عمل الرجال........لكن ستكون هذه اخر سنة لي بهذا العمل......لأني اذا نجحت في الباكالوريا سأذهب الى تخصصي و ستشتاق العائلة اليّ علما أنها لا يمكنها الاستغناء عني......فأنا التي أحضر جميع احتياجات العائلة.......ههههه....و الله يدوم الصحة....ان شاء الله.......هذه أنا......




الله يبارك عندك الخبرة فالبناء ربي ينجحك ويخليك لوالديك

[فقير و باغي نطير]

الله يبارك عندك الخبرة فالبناء ربي ينجحك ويخليك لوالديك


حرام عليك تستهزئين بالصغيرة المسكينة

[خولة لبابة]

[quote=فقير و باغي نطير;10588667]حرام عليك تستهزئين بالصغيرة المسكينة

و لماذا ستستهزئ منّي؟؟؟

[خولة لبابة]

موضوع تافه ما عجبنيش خلاص
بالنسبة اليك تافه لكن بالنسية اليّ موضوع مشوق.............نعم تختلف نظرات كل واحد منّا.............لكن شكرا على المشاركة في الرد...........

[مشكاة الهدى]

السلام عليكم


اولا ربي يهدي ما خلق في بعض الردود
ثانيا
موضوع شيق ويكسر الروتين بين المراة والزواج ووو
ثالثا انا اطبخ منذ 10 سنوات

[سعاذ]

سلام عليكم
انتي تعلمتي البناء من باباك وانا تعلمت التجارة من بابا
الطبخ انا بديتوا بكري وعندي حكايات معاه
اول مرة نقلي بطاطا كنت نقرى السنة الثالثة ابتدائي قتلي يما بطاطا منحطوهاش في المقلة حتى يغلي الزيت حطيت الزيت و قعدى نسنا فيه وكتاش يغلي كي الماء محبش يغلي ومن بعد كي شميت ريحتوا حطيت البطاطا شعلت النار في المقلاة
وكسرا كي كنت نقرا سنة الخامسة راحت يما عند خوالي وخلتني مع نانا وانا نكره الخبز قررت نخبز كسرا كي جيني كسرة جاريا نزيدلها السميد وهكظا المهم صبح نخبز 3قرصات وعشو تاني خاطر مانشتيش كسرا لقديمة كي روحت يما لقاتني خلصتلها شكارة تاع السميد بصح تعلمت
واول مرة ندير القاطوا نهار نجحت باك بصح جاء ماشاء الله
الطبخ يلزم كراج و ما تخافيش وهو متعة
انا دوكا الحمد الله يقوا على طيابي بنين


اما التوفيق بين الخدمة ودار الله اعلم بما اني عزباء
بصح واش راني نشوف لي يخدموا في الادارات صعيب بزاف باش توفق بين الخدمة والدار خاطر لازم تخدم من 8 الى 4 ونصف
بصح لي يخدموا في التعليم نقدر نقولك بلي يقدروا يوفقوا

[فتـ حييةـاة]

واش يااختي هربت من الكوزينة لقيتك جايبتهالي هنا :1:خلينا نريحو منها شوية :sdf:
سؤال(ان امكن ) مامعني اسم فلال ؟؟ دايمن نبغي نسالك ونحشم:o