مساعدة في كيفية حفظ الحلويات لمدة طويلة

[موجو جوجو]

السلام عليكم
عرسي مور رمضان إن شاء الله
و ماكاش لي يعاونني فالحلوى و باه نشريها اتجيني غاليه شويا تان نخاف ماتكنش مليحه فالمذاق
المهم
راني حابه نبدا ندير الحلوى تاع عرسي من دك و نديرها فالكونجيلاتور
قوللي تصلح هادي الفكره؟
و مايتبدلش المداق تاعها؟
معوله ندير إن شاء الله
بقلاوه، عرايش، تشاراك مسكر، و فواكه تاع عجينة اللوز و التاي نديرو بالمقروط
ندير حوالي 300 حبه من كل نوع
أعطوني رايكم في الإختيار تاعي تاع الحلوى
و إدا نبدا ندير من دك نديرها فالكونجيلاتور
أدا تخسر ولا لالا

[امة الله نور]

شوفي اختي متقدريش اديريها فالمجمد
لكن الي تصنعيها ديريها في بسينة تاع بلاستيك و غميها بالساشي تاع بلاستيك رايحة تقعد طرية
و كي يقرب عرسك حلي عليها و عمري فالباطات

[موجو جوجو]

يعني ماتفسدش لمدة شهرين فالباسينه ولا تيبس؟؟

[موجو جوجو]

وحده ما بغات تردلي
مام متعرفوش قولولي مانعرفوش

[it's me]

انا نظن بزاف عليها شهرين عندي صحبتي كانت تخبي البقلاوة في المجمج والله طعمها يتبدل

[امة الله نور]

بزاف شهرين كاملين
تيبس اخلاص جربي المجمد

[faizarbh]

الف مبروك اختيتي شوفي المقروط يفسد غير ما تغامريش
و الحلوى الاخرى ما تفسدش بصح البنة تتغير يولي صامط من الاحسن تخلي في رمضان و اديريه

[شيماء أخت الرسول]

ننصحك مدريهاش في البسينة وتغميها لخطراكش تجي فيها الريحة صبري وخدميهم في 15 الأخيرة من رمضان و ربي عاونك انشاء الله

[liliane24]

ماكان لاه أختي تغامري رايحة الحلوى تفسد يعني ذوقها رايح يتبدل ، من الأحسن تخدميها في الأيام الأخيرة من رمضان

[موجو جوجو]

ماكان لاه أختي تغامري رايحة الحلوى تفسد يعني ذوقها رايح يتبدل ، من الأحسن تخدميها في الأيام الأخيرة من رمضان

ننصحك مدريهاش في البسينة وتغميها لخطراكش تجي فيها الريحة صبري وخدميهم في 15 الأخيرة من رمضان و ربي عاونك انشاء الله



الف مبروك اختيتي شوفي المقروط يفسد غير ما تغامريش
و الحلوى الاخرى ما تفسدش بصح البنة تتغير يولي صامط من الاحسن تخلي في رمضان و اديريه

بزاف شهرين كاملين
تيبس اخلاص جربي المجمد

انا نظن بزاف عليها شهرين عندي صحبتي كانت تخبي البقلاوة في المجمج والله طعمها يتبدل
شكرا على الردود تاعكم
ان قلت نبدا بلي تشد روحها اكتر و نكمل لوخرين
كيما المقروط هو الأخر كامل
وتان الكميه لي نديرها لكل نوع نقسمها على يومين ولا اكتر على حساب الخدمة تاعها
و تان متلا نبداها في بداية رمضان ليوم عرسي وين نديرها فالكونجيلاتور ولا على برا
و فاش نسبق
أنا قلت فالعرايش مبعد البقلاوه مبعد تشاراك ممبعد الفاكيه تاع عجينة اللوز
و ف الأخير المقروط
و قولوللي تان على كاش حلوى ملتشدش مقادير بزاف و ساهله

[faizarbh]

راني سقسيت و ماما و قاتلك غير ما تغامريش راح يتبدل مذاقها كليا

[انتي بلون الورد]

انا عن تجريب كل مندير القاطو ف المجمد يتبدل الطعم تاعو و كتير من المرات نرميه و زيد تخليهم برا تان كيفكيف يخسرو و رانا ف الصيف زعما متقيسهمش السخانة خاصة المقروض عن تجربة ني برا ني في المجمد ادا قعد بزااف يتبدل طعمو وشهرين بانتلي بزاف ورانا ف عز الصيف

[موجو جوجو]

يعطيها الصحه
سقسيها لوكان نديرها مع بداية رمضان
ين نديرها إدا يتبدل مذاقها تان

[موجو جوجو]

شكرا على ردك
قلت نديرهم في بداية رمضان

[fati45]

عادي ختي انا عرسي بقالو شهرين ودرت لحلوي هاد الاسبوع و راها في المجمد
غ البقلاوة مدرتهاش هي و المقروط حتي نقرب ونديرهم

[موجو جوجو]

كلشي مبرك العرس
قوليلي واش درتي كامل فالحلوى

[NourElImen]

السلام عليكم, اختي الف مبروك انشاء الله زواجة الدهر,حبيت نفيدك بمعرفتي القليلة لاني نتبع كثير وصفات الحلوى ,
1- اولا انتي اخترت حلويات تقليدية كانو ناس زمان يحتفظوا بها لمدة طويلة لكن لازم تعرفي بلي مشي فقط طريقة الحفظ لتلعب الدور فقط لانوا عندك العجينة و مثلا جلاصاج عرايش لاخترتيه
2- لحفظ الحلوى المقرمشة مثل البقلاوة ضعيها في طنجرة حديد مع قطع سكر الحجرة حتى تمتص الروطوبة
3- لحفظ الحلوى الطرية مثل العرايش, تشاراك ,عجينة اللوز فرشي اكياس البلستيك الشفافة تاع الخبز لانو صحية في علب البلاستيك لطراوة اكثر او فقط العلب لكن غطيها بغطاء البلاستيك وبعديهم على كليماتيزور
4- را ي من الاحسن تبدي 20 يوم الاخيرة لانو 300 حبة فيها مخاطرة و ابدي 4 ايام مثلا اخدمي مقروط وعسليه وهو سخون في عسيلة باردة ثقيلة وخاليه في 20يوم يحافظ على البنة تاعو ويزيد ثم 4 ايام اخدمي البقلاوة لكن نصيحة في الحشوة ماديريش القرفة لانو مع الوقت القرفة تبدلك الذوق تولي مرة ديري فقط لافاني وثاني طبقات البقلاوة تدهن بالسمن مشى بزبدة مهمة جدا هادي النقطة ثم ديري 4 ايام تشارك وفي اخير كي قرب العرس ديري عجينة اللوز
5- كي تبدي تخملي في القاطو مع الاخير يومين قبل العرس باش ما يبسش عودي اغطسي المقروط في العسيلة دافية مشي سخونة ** وحتي في لكيسات ام البقلاوة حتيها في كيسات وارمي بمغرف فوقها شوية عسيلة لاعطاء اللمعة و تشارك رشي عليه بصفاية سكر الناعم وحتي في لكيسات
6- اما ادا حبيتي حلوى خفيفة نجرب نعطيك لكن حاب نفهم عجينة لوز واش ديري بها:confused:
7-عندي ليك راي لوكان ديري في باطة البقلاوة العرايش, تشاراك ,عجينة اللوز ولتاي ديريلو حلوى خفيفة احسن

[*أم كوثر*]

السلام عليكم
فكرة المجمد مجربتهاش
لكن انا عملت القاطو ودرت كل نوع في بورت مونجي وغلقتو مليح ودرتو في الفريجيدار من تحت مش الكونجلاتوغ
وموالفة ندير هك وجامي لا فسد ولا تبدل مداقه
حتى المقروط نعرف بلي كل ما طول ما ما احسن لكن مادام في الصيف ديريه في الفريجيدار خير
وربي يسهلك

[موجو جوجو]

السلام عليكم, اختي الف مبروك انشاء الله زواجة الدهر,حبيت نفيدك بمعرفتي القليلة لاني نتبع كثير وصفات الحلوى ,
1- اولا انتي اخترت حلويات تقليدية كانو ناس زمان يحتفظوا بها لمدة طويلة لكن لازم تعرفي بلي مشي فقط طريقة الحفظ لتلعب الدور فقط لانوا عندك العجينة و مثلا جلاصاج عرايش لاخترتيه
2- لحفظ الحلوى المقرمشة مثل البقلاوة ضعيها في طنجرة حديد مع قطع سكر الحجرة حتى تمتص الروطوبة
3- لحفظ الحلوى الطرية مثل العرايش, تشاراك ,عجينة اللوز فرشي اكياس البلستيك الشفافة تاع الخبز لانو صحية في علب البلاستيك لطراوة اكثر او فقط العلب لكن غطيها بغطاء البلاستيك وبعديهم على كليماتيزور
4- را ي من الاحسن تبدي 20 يوم الاخيرة لانو 300 حبة فيها مخاطرة و ابدي 4 ايام مثلا اخدمي مقروط وعسليه وهو سخون في عسيلة باردة ثقيلة وخاليه في 20يوم يحافظ على البنة تاعو ويزيد ثم 4 ايام اخدمي البقلاوة لكن نصيحة في الحشوة ماديريش القرفة لانو مع الوقت القرفة تبدلك الذوق تولي مرة ديري فقط لافاني وثاني طبقات البقلاوة تدهن بالسمن مشى بزبدة مهمة جدا هادي النقطة ثم ديري 4 ايام تشارك وفي اخير كي قرب العرس ديري عجينة اللوز
5- كي تبدي تخملي في القاطو مع الاخير يومين قبل العرس باش ما يبسش عودي اغطسي المقروط في العسيلة دافية مشي سخونة ** وحتي في لكيسات ام البقلاوة حتيها في كيسات وارمي بمغرف فوقها شوية عسيلة لاعطاء اللمعة و تشارك رشي عليه بصفاية سكر الناعم وحتي في لكيسات
6- اما ادا حبيتي حلوى خفيفة نجرب نعطيك لكن حاب نفهم عجينة لوز واش ديري بها:confused:
7-عندي ليك راي لوكان ديري في باطة البقلاوة العرايش, تشاراك ,عجينة اللوز ولتاي ديريلو حلوى خفيفة احسن
شكرا لك على نصائحك
و انا البقلاوه جامي نديرلها القرفه ما يعجبنيش مداقها فالبقلاوه
و عجينة اللوز يعني بلت داموند لي تتباع فالحوانت و الداحل نديرلها حشةوه تاع القاطو و الكاوكاو
السلام عليكم
فكرة المجمد مجربتهاش
لكن انا عملت القاطو ودرت كل نوع في بورت مونجي وغلقتو مليح ودرتو في الفريجيدار من تحت مش الكونجلاتوغ
وموالفة ندير هك وجامي لا فسد ولا تبدل مداقه
حتى المقروط نعرف بلي كل ما طول ما ما احسن لكن مادام في الصيف ديريه في الفريجيدار خير
وربي يسهلك
شكرا على الأقتراح و كنت نستنى فيك أنت بالضبط تفيديني
أنا علاه قلت كونجيلاترو
خاطاش عندنا كونجيلاتور كبير فريجيدار مع الخضره إلح ماكاش بلاصه فيه
كنت جربت من قبل البقلاوه نديرها في بورت مانجي لمدة تفوت 20 يوم بصح على برا ديجا فشهر افريل لي فات
يعني ماتبدلش القو تاعها
ونزيد نكتر لحديث و نسقسيك
بما انك ما شاء الله عليك
قوليلي إقتراحك لحلوة عرسي
ندير لي عولت عليهم ولا كاين مودا لهاد الصيف ونبدل
راني نستنى في جوابك
و ربي يعطيك كل ما تتمناي إن شاء الله

[sofia8085]

السلام عليك اختي البقلاوة عادي ديريها وخبيها وكي تجي تحطهها الباطات عاودي عسليها برك حتى المقروط انا نخبيهم والله يقعدو حتى 4 اشهر في المجمد اما العرايش والتشراك ماديريش لا سكر ولا قلاصاج حطيهم في هكاك وكي يقرب العرس كمليهم التزواق نتاعهم هدا مكان والله انا مجربتهم ما يتبدلش خلاص الذوق نتاعهم انا ساعات نخبي العريش من عيد الصغير حتى العيد الكبير ويقعدو كيما راهم حتى بالقلاصاج عادي شوفي اي قاتو معسل ما يفسدش اما السابلي يفسد هو الفاوكه نتاع عجينة اللوز هادو يتبدل الذوق نتاعهم ومبروك عليك اختي

[اية الرحمن1988]

السلام عليكم
حبيت فقط نقترح عليك فيما يخص حلوة الفواكه بعجينة اللوز
راح تخسري فيها بزاف بلا ما ياكلوها ناس بزاف
لأنو على حسب تجربتي بزاف اللي ميجبوش طعمها
وتزيدي تتعبي فيها وانت وحدك مكانش اللي يعاونك
مجرد رأي فقط والله يسهلك ان شاء الله

[عَتْمَـہとか]

أختے


ماتجربيش خيرلك


قاطو فالمجمد !!!!


يفسدلك متأكدة



ماتخاطريش وخلي يلحق الوقت وشوفي وحدة ولا زوج يعاونوك فيه

[مسعودي خولة]

اختي ننصحك ماتخاطريش ب 300 حبة راهي عمر كامل خلي في ليامات الولين تاع رمضان وابداي ديري في عقلك خير دك مازال شهرين كاملينوالف مبروك نشالله كي يبقالك شهر في يدك اتكلي على ربي واقسمي ليامات عللى حسب عدد انواع القاطو وربي يسهلك نشالله

[الراجية رحمة الله]

حطيها في بوغطمونجي بلاستيك ما تفسدش كي عادت في الكونجيلاتور حنا فالصحرا وصلحت معانا مبروك العرس

[omrahim5]

ألف مبروك عليك ختي اولا.أما فيما يخص تخبي القاطو مدة شهرين نقولك متغامريش رايح يتبدل طعموا نهائيا وزيد متنسايش بلي رانا في فصل الصيف كل شي يفسد بسرعة .ربي يكون في عونك

[ماما ليث]

بزاف شهرين المذاق يتبدل

[red rose 13]

slt ya hanona ana jarabtha wakhdamt 3 ANWA3 wkhabithom 2 MOIS falglac mayakhssarch bassah makrot madabik dirih fi ramdan wkhabih mais kitkharjih 3aslih min jadid walah rir ssaYiha wmatkhafich lah yhanik wyaj3AL YAMEK ZININ BY

[catia]

اختي ما تغامريش خاصة اذا كانت الكمية كبيرة لوكان تفسد راح تخسري (en double) اصبري الى اواخر شهر رمضان واعمليهم مع انتاع العيد والله المستعان والف الف مبروك او ربي ايكمل ان شاء الله

[رضوان67]

اختي ديريها في بلا و غطيها بالسيلوفان تقعدلك جديدة وانشاء الله عرسك مبروك

[jackin]

خدميهم في 15 الأخيرة من رمضان
و ربي عاونك
ان شاء الله

[red rose 13]

يا اختي العزيزة انا خدمت 3 انواع شهرين قبل العيد ودارتهم فلكونجيلي وماسرالو والو مغير مقروط لدرتو اسبوع قبل العيد وخببتو فلكونجلي ومين جبدتو عسلتو من جديد ميتغيرش طعمو ويبقى كيما كان و الله يهنيك ويسهلك

[ام محمد الحبيب]

أختي القاطو كي طيبيه خليه يبرد وخبيه بعد في المجمد
لكن من اليوم راهي مدة شوي كبيرة
أبداي بالمقرود في الأيام 15 الأخيرة تاع رمضان خبيه في مكان مايكونش سخون بزاف لأن المقرود يزيد يتحط ويجي مليح كي يتخبى
بعدها ديري الحلويات الأخرى
اعرفي كيفاه تخبيها برك في المجمد
ربي يعاونك.

[zina zineb]

السلام عليكم انا حبيت نقلك اختي كيفاش تحافضي على القاطو ديالك مدة طويلة بالنسبة للبقلاوة ضعيها في المجمد كي تخرجيها عاودي عسليها تبقى البنة ديالها كيما راهي والشاراك ضعيه قبل متسكريه في المجمد كي تخرجيه سكريه عادي كيما لعرايش والمقروط غير ما تخافيش و زواج مبارك ربي هنيك ان شاءالله

[aryèm]

ضضضضضضضضضضضضضضضضض

[crono]

صبري وخدميهم في 15 الأخيرة من رمضان و ربي عاونك انشاء الله
وألف مبروككككككككككككككككككككككك:mh31:

[آلاء النايلية]

وانا ران كيما انت نخمم بالصح خفتتاخدي رايي متريسكيش ...
وخري قد ما تقدري
رب يهنيك اختي و يسهلك

[*dania]

البقلاوة تقعد كما هي في المجمد جربتها شخصيا تاع عجينة الفيلو تخسر تروحلها القرمشة تولي ما تصلحش و يبهات لونها
التشاراك يتنحالو السكر اصنعيه و خبيه بلا سكر تسمى يساعدك كتجبديه ديريلو السكر
والعرايش ثاني تقعد كما هي
فقط العلب تكون محكمة الاغلاق ما لازمش يدخلها البخار تاع المجمد
و المقروط كتجبديه عاودي سخني عسل و عسليه
والبقلاوة ثاني تحبي تفرغي مغرف صغيرة عسل على كل حبة
الكفتة تبقى كما هي
والف مبروك مسبقا

[جيجلية]

شهرين بزاف

و300 حبة ماشي بزاف تقدري اديري كل يوم نوع وهي خلاصت خاصة كتجيبي اللي تعاونك

ننصحت ما تغامريش بارواح الناس يجيهم تسمم تولي انت السبب

[*dania]

شهرين بزاف

و300 حبة ماشي بزاف تقدري اديري كل يوم نوع وهي خلاصت خاصة كتجيبي اللي تعاونك

ننصحت ما تغامريش بارواح الناس يجيهم تسمم تولي انت السبب
علاش انت ما تستعمليش الاغذية المجمدة و طبعا بطرق صحية

[Nesrine-nina]

السلام عليكم
اولا مبروك عليك اختي بالنسبة لطريقة الحفظ ماعلاباليش لكن بالنسبة لاختيار الحلويات حنا عندنا مانديروش تشاراك مسكر في البوايط و خاصة انك رايحة تديري العرايش لذا يمكن تعوضيه بالدزيريات او قنيدلات او مخبز مطلي..... مجرد فكرة

[أم أسامة 07]

أولا ألف مبروك مسبقا
عن تجربة شخصية القاطو يبقى كما هو في المجمد
لكن في علب محكمة السد

[ام مؤمن]

الف مبروك اختيتي شوفي المقروط يفسد غير ما تغامريش
و الحلوى الاخرى ما تفسدش بصح البنة تتغير يولي صامط من الاحسن تخلي في رمضان و اديريه

مبروك مسبقا

انا المقرود نخبيه حتى تلاتة اشهر و من غير مانعسلوا طبعا و كي نجبدوا نلقاه كيما هو مايصرالوا والوا و دائما نخبي من مقرود عيد الفطر لعيد الاضحى و لا مرة واحد كلاه و عرف انوا مايش جديد يبقى كيما هو و تانيك القاطوا ديما نكونجليه مايصلالوا والوا فقط لازم تكونجلي في بورط مونجي محكم الاغلاق و الله يعاونك و يوفقك

[muslimone]

شكرا جزيلا أول مرة نعرف بلي القاطو مين يتكونجلا ما يصرالو والو وبالاك حتى أنا نكونجلي مبروك لصاحبة الموضوع وشكرا لكن الكل

[الورود المنسية]

الف مبروك اختيتي شوفي المقروط يفسد غير ما تغامريش
و الحلوى الاخرى ما تفسدش بصح البنة تتغير يولي صامط من الاحسن تخلي في رمضان و اديريه

[ali_belkacem]

Nn khti mahich 3afsa rah yabas wla ywali trai yroho sanine m3ah w mabrok 3lik

[manels]

سؤال للاخوات اتنوما قلتولها 15 يوم تاع رمضان واخدميه لكن راهي السخانة بزاف هذو الايامات يعني هل مدة 15 يوم يعني نفرضو عرسها بعد العيد يبقى القاطو عادي

15 يوم قبل العرس والسخانة تاع الصيف كيفاه يولي ذوقو


تحياتي

[sarah_funky]

السلام عليكي اولا الف مبروك نصيحتي ليك انا جربت خبيت المقروض في المجمد لمدة طويلة بلا ما يكون معسل وبقى ماتبدلش طعمو البقلاوة من رايي خليها اخر شي اما العرايش تقدري تخبيها بلا قلاصاج في المجمد وكيف ايجي وقت عرسك خرجيها وديريلها لقلاصاج تشارا كيف كيف اذا معسل خبيه ومن بعد عسليه او قلاصيه في الاخير بالنسبة لفواكه ماعنديش اجابة اتمنى انو نصيحتي تفيدك هكذا تنقصي نصف التعب وربي يعينك

[mirel]

اختي علاه ديري القاطو تاعك والوقت مازال........ المدة راهي مازال شوية طويلة كيما قلت. خلي حتى يقرب العرس..... رانا فالصيف والحلويات كي يطولو ينشفو ويروح الطعم تاعهم حنا كي يبقى للعرس 15 يوم او سمانة نبداو فالحلويات طبعا اذا كان عندك اليد العاملة.........................نصيحتي ليك خلي بعد رمضان وديريه......................الف مبروك مسبقا وربي يهنيك

[aryèm]

salam
okhti wch raki
walahi gbil tfakartk w golt mana3raf wch dart fiha
wch darti?
rabi y3awnak