شربة الفريك

[ام مؤمن]

السلام عليكم

شربة الفريك

http://www.koctail.com/pics/3710821312161734.jpg


http://www.manalonline.com/upload/6_5_16.jpg



نبدا بسم الله


المقادير

فخد او صدر دجاجة + قطعة لحم غنم او بقر + بصلة كبيرة او 2 متوسطين مفرومة 3 سنات ثوم مفرومين

عود كرافس +طماطم مصبرة 2 ملاعق اكل

طماطم حب مرحية 2 حبات صغار تكوني فورتيها او غليتيها وترحيها ملح وفلفل اكحل وزيت راس حار اخضر و كسبر مرحي اذا كنت تحبي طعموا و فريك جاهز

طبعا و ملعقة صغيرة غبرة فريك

التحضير

اغسلي اللحم و الدحاج جيدا و احطيه في قدر و اضيفي له البصل و الثوم و الزيت و الفلفل اسود و الملح و الطماطم المصبرة و ممكن تضيفي كسبر مرحي انا مانحطوش و تخلطي كل شيىء و تخليهم على نار هادئة يتقلاو حتى يذبل البصل و تنسايش تحركي ساعة على ساعة

حتى تتقلى مليح ضيفي طماطم نتاع الحب و زيدي قلي شوية و امبعد امرقي بماء سخون و خليها تستوي حتى يطيب الدجاج و يقرب يطيب اللحم امرقيها بكمية من الماء و خليها تغلي و بعد ما تهز الغليا ارمي كاس صغير او نصف كاس كبير من الفريك و الفلفل الاخضر اذا ماتحبيش الحار خليه مغلوق او استغني عنوا و نقصي للنار و خلي الفريك يطيب على الاقل ساعة او اكثر و ماتنسايش تحركي ساعة على ساعة باش مايعجنش الفريك كي تنشف امرقيها بماء ساخن و بعدها ضيفي غبرة الفريك و عود الكرافس و خليها تغلى 20 دقيقة حتى تختار و طفي عليها

ماتخليش المرقة عاقدة الفريك بعد ما يبرد يتكاثف و حطيها في غميقة و زينيها بدبشة مقطعة رقيقة

http://i.imm.io/7pvk.jpeg

ملاحظة

ممكن تعملي شربة الفريك بالدجاج فقط او باللحم فقط اذا ماتوفروش الاثنين و اذا توفروا راهم يزيدوها بنة ايضا ممكن تستبدلي اللحم بكريات من الكفتة مداوية و ارميها تطيب بعدما تمرقي

و شهية طبية

[liliane24]

يعطيك الصحة أختي أم مومن ، بارك الله فيك.
مشكلتي في التمراق، مانعرفش نمرق يا تجيني خاثرة بزاف، ياتجيني جارية
رايحة نجرب نستعمل غبرة الفريك ، شكرا على الطريقة

[ام مؤمن]

[QUOTE=liliane24;10566589]يعطيك الصحة أختي أم مومن ، بارك الله فيك.
مشكلتي في التمراق، مانعرفش نمرق يا تجيني خاثرة بزاف، ياتجيني جارية
رايحة نجرب نستعمل غبرة الفريك ، شكرا على الطريقة[/QUOTE


الله يسلمك و فيكي بارك الله

امرقي باللعقل برك و كي تجيك خاترة تقدري تزيديلها الماء و تخليها تعقد و طيبي دائما على نار هادئة

غبرة الفريك غير مغيرفة صغيرة نتاع قهوة برد راهي تخترها و تبننها

شكرا و عمت مساءا

[liliane24]

شكرا جزيلا لك أختي أم مومن ربي يخليلك مومن و يحفظه لك.

[jackin]

http://www.mr7-ly.com/up/uploads/images/mr7-ly.com6d75adbd87.gif

[ام مؤمن]

شكرا جزيلا لك أختي أم مومن ربي يخليلك مومن و يحفظه لك.

الله يسلمك حبيبتي و يحفظك و يحفظ ماعندك

[ام مؤمن]

http://www.mr7-ly.com/up/uploads/images/mr7-ly.com6d75adbd87.gif


و جزاكي من واسع نعيمه و بركاته بارك الله فيكي

[fatimazahra09]

ياتيك الصحة ...تعاون بزاف ناس الغرب لاخاطر هم يطيبو الفريك بطريقة الحريرة وهذا خطا ....

[المدير2012]

جزاك الله خيرااااااااااااااااااااااااااااااااا

[ام مؤمن]

شكرا جزيلا لكم

[اسمهان79]

مشكووووورة حبيبتي على الوصفة وجعلها الله في ميزان حسناتك
ربي يبارك فيك وفي صحتك

[R@K]

شكرا على الوصفة ......

[MiSsoU23]

جزاك الله كل خير وشكرا على فكرة غبرة الفريك

[oumimade26]

شكراااااااااااااااااااااااا اللهم بلغنا رمضان

[حياة نور الدين]

بارك الله فيك

[ام محمدْ ومريمْ]

سلام مشكورة حتى انا نعملو بنفس الطريقة بصح منعملش طماطم الحب على خطرتبقى حرشة بصح عجبتني طريقتك انشاء الله نجربها

[أم ياسين الزهراء]

ريحتها وصلت عندي امممممممممممم هايلة

[ام مؤمن]

مشكووووورة حبيبتي على الوصفة وجعلها الله في ميزان حسناتك
ربي يبارك فيك وفي صحتك

امين حبيبتي و فيكي بارك الله

[ام مؤمن]

بارك الله فيك

و فيكي بارك الله

[ام مؤمن]

شكراااااااااااااااااااااااا اللهم بلغنا رمضان

العفو اللهم امين

[ام مؤمن]

سلام مشكورة حتى انا نعملو بنفس الطريقة بصح منعملش طماطم الحب على خطرتبقى حرشة بصح عجبتني طريقتك انشاء الله نجربها

العفو اختي

طماطم حب تبننها عجب تقدري ترميها حبة كاملة بعد ماتمرقي و كي تطيب اجبديها اعصريها و صفيها و ضيفيها للمرق قبل ماترمي الفريك

[ام مؤمن]

شكرا على الوصفة ......

العفو اختي الشكر لك

[ام مؤمن]

جزاك الله كل خير وشكرا على فكرة غبرة الفريك

الله يسلمك شكرا لك

[ام مؤمن]

ريحتها وصلت عندي امممممممممممم هايلة

كون جيت نقدر نوصلهالك للدار حنونة شكرا

[idron0]

الله يجازيك خير

[ام مؤمن]

يجازيك و يجازينا بارك الله فيك اختي

[أم عبد الله ياسين2]

شكرا على الوصفة ، تبان بنينة

[ام مؤمن]

شكرا حبيبتي ام ياسين جربيها تعجبك بزاف

[ام محمد78]

يعطيك الصحة

[tahiya]

mérci beaucoup okhti

[سعاد بن خليفة]

ندير فيها حبة بطاطا وحريوات ومن بعد نرحيهم ونظيفهم جي روعة شكراا علی الموضوع

[ام مريم الجزائرية]

صراحة جربتها وماعجبتنيش احنا موالفين المرمز هايلة وتفحفح في طيابها
كل واحد واش تعود

[ام مؤمن]

ندير فيها حبة بطاطا وحريوات ومن بعد نرحيهم ونظيفهم جي روعة شكراا علی الموضوع

بصحتك حنونة

نجربها على طريقتك باضافتك ان شاء الله

[ام مؤمن]

صراحة جربتها وماعجبتنيش احنا موالفين المرمز هايلة وتفحفح في طيابها
كل واحد واش تعود

احترم صراحتك و كل شخص و على واش تعود فعلا احنا في قسنطينة نحبوها بزاف و نديروها في رمضان 30 يوم مانستغناوش عليها و نديروها فى الاعراس

و هي تحب المهارة في الطبخ انا والدتي ربي يحفظها تدير شربة فريك صدقيني تاكلي اصابعك وراها و اصدقاء اخي كي يجونا من العاصمة او من الولايات الاخرى يطلبوا شربة الفريك اللي يذوقها مرة ماينساهاش هي و الرفيس القسنطيني الله الله

الصراحة انا و لا مرة جربت المرمز او تذوقته و على العموم ممكن تحطيلنا الوصفة نتاعك و نجربوها

[ام مؤمن]

شكرا اختي على الوصفة انا طريقتي مختلفة مانخليهش ينشف ،لما يطيب اللحم و يخثار جاري الفريك نضيفلو الدبشة مقطعة رقيقة او نعناع غبرة ونطفي عليه ،جزاك الله كل خير.

جزانا و جزاكي الله كل خير بارك الله فيكي

[fleur de lili]

ya3tik saha4444444444

[ام ايمان16]

بارك الله فيك

[ام مؤمن]

شكرا لكم جميعا و بارك الله فيكم كلكم

[Oum Ziko]

بارك الله فيك

[ام مؤمن]

http://uploads.sedty.com/imagehosting/319631_1331668487.gif