تسجيل الدخول

مشاهدة النسخة كاملة : الطعام من صنع الرجال ....الد واطيب

مباركة 1961
2012-06-26, 09:30
سلام....
عفوا من السيدات ربات البيوت ..لااريد بهدا الموضوع الانقاص من قيمتهن ولكن تابعن واعطييننى رايكم ورايكن ...

فى احد الايام وبعد عمل شاق ومتعب اقترحت على العائلة ان نتناول طعاما تقليديا من الخارج ...فاحظرت الطبق الدى احبه كثيرا من المطعم الى الدار _لانى احب ان اكل براحتى فى بيتى _ وكان الطبق هو الشخشوخة المسيلية الحارة ...اخفيت الامر عن زوجى لرغبتى فى معرفة رايه فى الاكل ......تجمع افراد العائلة حول الطبق ونهموه نهما مريعا حتى انا اكلت اكثر من طاقتى _رغم خضوعى للرجيم _ اعجب الكل بلدة الطعام ..فقلت لهم انه من صنع المطعم المجاور وهاهى لكم اراؤهم
الزوج ....لديد جدا احيانا اكله مع اصدقائى ولكن طعام البيت الد
الابن الاكبر ..لمادا لم تخبروننى بهدا من الاول فانا اقرف من اكل الرجال انهم لايراعون امور النظافة ....
الابن الثانى عندى كيف كيف المهم يكون لديد __وهو فعلا لديد
البنت الثالثة ...نحب اكل البيت ولكن مليح احيانا الواحد ياكل من طعام صتعه غيره ليعرف كيف يطبخ الاخرون
البنت الرابعة ..انا تعودت على اكل الجامعة ورغم انه يصنعه رجال الا انى اضطر للاكل احيانا ومع دلك فطعام امى هو الافضل
اسالكم ..هل تحبون اكل المطاعم وهل تحسنون صنع بعض الطعام لو اضطرتكم الظروف لدلك ...ام مازلتم تحملون الفكر الشرقى الدى يرى ان الرجل الدى يطبخ فى الدار ويساعد زوجته فى تحضير بعض الاطباق انتقاصا من رجولته ...
ارجو تفاعلكم دون عقدة نقص لان اولادى كلهم يساعدوننى فى تحظير الاطباق فى رمضان وتحضير المائدة وجمع الاوانى بعد الاكل ...ماعدا غسل الصحون فانا اكرهها بعد الاكل واتمنى التخلص منها ولو بالرمى ....فيكفينى شرها بنتاى الله يكون فى عونهم فى رمضان المقبل
نجمة ساطعة
2012-06-26, 11:25
بكل صراحة اضطر لأكل المطاعم في حالة السفر فقط .... و كنت اشتهي احيانا عندما نذهب للتسوق لكن اكتشفت انه مجموعة

سموم و بمجرد اكلها يبدأ التفاعل و عينك ما تشوف الا النور حتى كرهتها

حتى الكاشير و الباتي نحبو ياسر بصح من نهار طبقت وصفة شفتها هنا في المنتدى لقيت البنة بعيييييييييييييييييييييييييد

و قررت ناكل من صنع يديا هههههه
قضــــــــــــ وقدر ـــــــــــاء
2012-06-26, 12:02
السلام عليكم
أعشق البيتزا وآكلها غالبا خارج المنزل
ولا يهمني إن كان من يحضرها رجل أم امرأة
والرجال أيضا نجدهم أحيانا كثيرة يعملون في شروط ملائمة من نظافة وغيره
وعلى ما أعتقد أشهر المطاعم العالمية
أصحابها رجال هم من يحضرون الأطباق
ولكن يبقى أكل المنزل أضمن وأكثر صحية
والله اعلم
تحياتي
knives55
2012-06-26, 13:16
لا احب اكل المطاعم لانها تفتقر الى موصفات النظافه على عكس اكل المنزل
اريج16
2012-06-26, 13:31
موضوع شيق اكل البيت اضمن والذ لاكن لاامانع اكل المطاعم بل عجبني كثيرا الفست فود البيتزا فقط منحبهاش على جال الفرماج منحبوش ومنطيقوش
سي عبدو
2012-06-26, 13:47
المرأة ترى بأن أكل المطاعم ( النظيفة طبعا ) لديد لأنه مُريح لها

والرجال يرونه غير مرغوب فيه لأنه يُكلّفهم أكثر ويَخشون أن تتعلق بأكل المطاعم الزوجة والأولاد

مصيبة ...
سعاذ
2012-06-26, 20:58
سلام عليكم
انا نموت في ماكلا تاع برا سرتوا لا تلقيت مع صحباتي
لي يشوفني يقول عمري ماكليت صح ماشي ديما من ذاك خطرة في شهر
سرتو لمحاجب نستمتع كي نكلهم وانا ماتعبتش فيهم
اما بالنسبة لي تكون طيبتهم مراة او رجل انا مايهمنيش
المهم كي يكون مكان نظيف
واغلب المطاعم و البيتزيريات لي نروحلهم
لي يطيبوا رجال ومكان لي يطيبوا فيه يكون مكشوف
اي مضمون من ناحية النظافة
الكـ الطيبة ـلمة
2012-06-26, 21:10
ان اضطررت الى ذلك أحيانا ..... لكني أفضل طعام البيت

لأن والدتي تكره الطبخ الرجالي و لها تحليل مضحك جداااااااااااااااااا لهذا و هي تعتقده وجيها

و والدي أيضا حى الخبز لا يود مشاهدته على المائدة
لينة نور
2012-06-26, 21:49
السلام عليكم

زوجي لا يعرف سوى غلي البيض ...لم أقل القلي ...

يضيف اليه الزيتون والشمندر و.....ويكون سعيدا جدا عندما يفعل ذلك وكانه يلعب ...

أحمد الله أنه لا يجيد الطبخ لما يخلفه من أطباق هنا وهناك ووووو....

وأمهر طباخين العالم رجال .

حفظ الله لك عائلتك أختي مباركة .
b.mayssouna
2012-06-26, 21:57
القدرات متكافئة بين الجنسين لكن لا نستطيع القول ان كل الرجال او كل النساء يجيدون الطبخ لانه فن وليس عادة
BAROUD
2012-06-26, 22:01
ايــــه بــــصــــحــــتــــوا
خولة لبابة
2012-06-26, 22:31
ماذا اقول لكم أنا لا آكل كثيرا في المطاعم ......لكن أول مرة أكلت في المطعم مع أبي كان الرجل هو الذي طبخ الأكل و لن أكذب عليكم..........الأكل كان لذيذ جدا..........و أنا بصراحة عندما احس بالجوع آكل ما وجدت امامي و لا اشترط ان كان من صنع امرأة أو رجل........فعلى كل حال انه أكل.......
الواثق
2012-06-26, 23:08
موضوع شيق ههه.......اصلا موصيبتي هي الاكل مكانش محل امر عليه الا وادخل له وخاصة لمحاجب .........بالنسبة للرجال هناك الكثيير من هم متمرسون في المهنة وفاقو النساء في ذلك ................والجواجلة معروفين بهذا ................اخي الكبير فنان في الطبخ ولا احد في البيت يضاهيه في الطبخ حتى زوجته عجزت رغم مهارتها انا افرح جدا عندما يقولون لي انه في المطبخ ...............اخي الاخر من اكبر المفسدين اذا دخل المطبخ من لباسه تحسبه يعمل في فندق 5 نجوم وهو حارق الاواني بدون منازع ولمطبخ محرم عليه ويغيضني نهار لتخرجو امي بدون اي شفقة وهو يقول والله مازال ماتعرفوش قيمتي ههههه..............وامي كي يتحرق اي ماعون يغيضها اكثر من اولادها ههههه...................هذا حال لي ماعندوش بنات في الدار والله ميزيرية غياب الام يعني كل واحد يهرب في جهة نولي عايش مع البيض المقلي والطماطيش وهذا مانعرف ههههه....................

بالنسبة لي الاكل الداخل او برا عندي كيف كيف عندك خبز المخابز لا اطيقه لازم المطلوع ..............وانا ناقد كبييير تاع طبخ وعارف بلي الزوجة تاعي ان شاء الله نهبلها لازم تتحمل النقد ........انا خايف نولي نعلم فيها كيفاش تقلي البيض هههه......................الله المستعان
خولة لبابة
2012-06-27, 07:53
[quote=الواثق;10574786]موضوع شيق ههه.......اصلا موصيبتي هي الاكل مكانش محل امر عليه الا وادخل له وخاصة لمحاجب .........بالنسبة للرجال هناك الكثيير من هم متمرسون في المهنة وفاقو النساء في ذلك ................والجواجلة معروفين بهذا ................اخي الكبير فنان في الطبخ ولا احد في البيت يضاهيه في الطبخ حتى زوجته عجزت رغم مهارتها انا افرح جدا عندما يقولون لي انه في المطبخ ......
أنا عندي أخ ليس بطباخ لكن اذا لم يجد أحد في البيت يطبخ لحاله و هو ماهر نوعا ما .........اخي الاخر من اكبر المفسدين اذا دخل المطبخ من لباسه تحسبه يعمل في فندق 5 نجوم وهو حارق الاواني بدون منازع ولمطبخ محرم عليه ويغيضني نهار لتخرجو امي بدون اي شفقة وهو يقول والله مازال ماتعرفوش قيمتي ههههه..............وامي كي يتحرق اي ماعون يغيضها اكثر من اولادها ههههه................
و الله أضحكني كلامك....تضكرني بقصة أبي قبل أن أولد انا.....ولدت أمي طفلة قبلي انا فكانت مريضة و لهذا بقيت أمي مع أختي في المستشفى و تركت أبي في البيت ليطبخ لبقية اخوتي لأننا عائلة كبيرة لكن أبي المسكين لا يعرف شيئا عن الطيخ وضع المقلي من أجل بيضتين ترك الزيت في النار مدة طويلة و لما تذكره أسرع و سكب البيض فيه و فجاة ارتفعت البيضتين في السماء.....و كل تلك المدة و هو يحرق أواني المطبخ......و هناك ماعون تحبه كثيرا أمي......لم يترك و لا آثار على أنه ماعون احرقه ....ههههه .......اما الآن اخوتي لديهم الحظ لأن لدي اخوات يطبخن ما شاء الله........ههههه....و راك معروض يا أخي الواثق لعندنا في رمضان الجاي.......هههه.......
مباركة 1961
2012-06-27, 10:26
سلام..
شكرا الاخ فلال باك....على المرور الطيب ..وكان الاجدرمن الرجال ان يتعلموا ولو ابجديات الطبخ للاستعمال فى الحالات الطارئة
شكرا الاخ الواثق ...دائما مميزا فى ردك..بالنسبة لاخيك الدى يتسبب فى الحرق و..و..ماعليهش ليتعلم يجب التغاضى عن بعض الامور انا ابنتى وفى بداية تعلمها كانت تنسى الطبخ على النار فيحترق الاكل والاناء فمادا تفعل ياواثق ترميه خفية عنى ولما لاحظت فقدان الكثير من الاوانى سالت ابنتاى ...فباعتها الصغرى قالتلى روحى لمكان رمى النفايات تجدين كل الاوانى كنت اغضب احيانا ولكن اسكت واتركها تعيد الكرة حتى اصبحت الان ماهرة وهى تقدم لزوجها مالد من الاكل ...
شكرا بارود....الله يسلمك واش شهيت الشخشوخة واللا.....
شكرا ب.ميسونه ..وفعلا الطبخ فن ودوق وهنا السر فى اعداد الطعام ...انا نحب نطيب بالصح مانحبش غسيل الماعن...
شكرا لينه نور على الرد اللطيف شوفى انا ننصحك حببى زوجك فى المطبخ وخاصة ببعض الاطباق الخفيفة كالسلطات والعصائر وحتى بعض الاكل الخفيف انا نحب اما نشترك فى التحضير فى رمضان وتغمرنى سعادة مابعدها سعادة كوننا نشترك فى بعض اعمال البيت وقتها فقط احس بهدا النوع من التوادد والتعاطف والتعاون ربى يخليلك عائلتك وزوجك يارب
مشكورة يابنتى الكلمة الطيبة ...ومن يحب الخبز الخارجى ولكننى اضطر له لكونى عاملة وخاصة فى الغداء حيث اعود على 11.30 اما فى المساء فانا ربة بيت تقليدية احب الكسرة الفطير والمطلوع وكل الطبخ التقليدى والحمد لله كاين الروبو راهو هنانا تحياتى للوالدة والعائلة فى انتظار ان تحلى على زوجك لتعطرى بيته بكل انواع العطور نتاع المطبخ ...
شكرا ياسعاد... انت راكى كي بنتى تقولى نحب البيتزا نتاع برة وخاصة كى تاكلها مع صحاباتها وتحب الاكل اللى تحضرو معاهم فى الاقامة تقولى يجى يهبل ...ربى يحفضك ياسعاد
ياسى عبو مشكور على ابداء رايك ولكن الا ترى بان المراة فى حاجة للاكل خارجا ولو مرة فى الشهر _عطلة مطبخية _ماعليهش تكلف شوية بالصح تزيد المحبة بيناتهم
عندك حق يا كنيفز 55 بالصح صدقنى كاينه بعض المطاعم جد جد نظيفة والاكل فيها يشهى
شكرا ياريج16 انا كدلك دائما اقول ماتقولين .....شكرا للرد اللطيف....
اهلا الخ ع.ش نورت موضوعى وعندك حق بعض المطاعم تلتزم النظافة التامة.... والبيتزا هى اللى خاليتلى صحتى نحبها رغم ان الطبيب منع على المعجنات وادا شممت رائحتها اشتريها وطز فى اوامر الطبيب
مشكورة يانجمة قطبية.....الاكل خارجا للمظطر ولكن اعرفى فقط نوع الاكل الدى تطلبين وماتكثريش على فكرة ركن الطبخ فعلا فيه انواع من الاكل لم اكن اسمع بها وتعلمتها منه _مشكورات اعضاء هدا الركن _
اسفة للاطالة ولكن لااعرف كيف اقتبس فالجا الى هده الطريقة فى الاجابة على كل من تفاعل مع الموضوع
الواثق
2012-06-27, 10:52
سلام..
شكرا الاخ فلال باك....على المرور الطيب ..وكان الاجدرمن الرجال ان يتعلموا ولو ابجديات الطبخ للاستعمال فى الحالات الطارئة
شكرا الاخ الواثق ...دائما مميزا فى ردك..بالنسبة لاخيك الدى يتسبب فى الحرق و..و..ماعليهش ليتعلم يجب التغاضى عن بعض الامور انا ابنتى وفى بداية تعلمها كانت تنسى الطبخ على النار فيحترق الاكل والاناء فمادا تفعل ياواثق ترميه خفية عنى ولما لاحظت فقدان الكثير من الاوانى سالت ابنتاى ...فباعتها الصغرى قالتلى روحى لمكان رمى النفايات تجدين كل الاوانى كنت اغضب احيانا ولكن اسكت واتركها تعيد الكرة حتى اصبحت الان ماهرة وهى تقدم لزوجها مالد من الاكل ...
شكرا بارود....الله يسلمك واش شهيت الشخشوخة واللا.....
شكرا ب.ميسونه ..وفعلا الطبخ فن ودوق وهنا السر فى اعداد الطعام ...انا نحب نطيب بالصح مانحبش غسيل الماعن...
شكرا لينه نور على الرد اللطيف شوفى انا ننصحك حببى زوجك فى المطبخ وخاصة ببعض الاطباق الخفيفة كالسلطات والعصائر وحتى بعض الاكل الخفيف انا نحب اما نشترك فى التحضير فى رمضان وتغمرنى سعادة مابعدها سعادة كوننا نشترك فى بعض اعمال البيت وقتها فقط احس بهدا النوع من التوادد والتعاطف والتعاون ربى يخليلك عائلتك وزوجك يارب
مشكورة يابنتى الكلمة الطيبة ...ومن يحب الخبز الخارجى ولكننى اضطر له لكونى عاملة وخاصة فى الغداء حيث اعود على 11.30 اما فى المساء فانا ربة بيت تقليدية احب الكسرة الفطير والمطلوع وكل الطبخ التقليدى والحمد لله كاين الروبو راهو هنانا تحياتى للوالدة والعائلة فى انتظار ان تحلى على زوجك لتعطرى بيته بكل انواع العطور نتاع المطبخ ...
شكرا ياسعاد... انت راكى كي بنتى تقولى نحب البيتزا نتاع برة وخاصة كى تاكلها مع صحاباتها وتحب الاكل اللى تحضرو معاهم فى الاقامة تقولى يجى يهبل ...ربى يحفضك ياسعاد
ياسى عبو مشكور على ابداء رايك ولكن الا ترى بان المراة فى حاجة للاكل خارجا ولو مرة فى الشهر _عطلة مطبخية _ماعليهش تكلف شوية بالصح تزيد المحبة بيناتهم
عندك حق يا كنيفز 55 بالصح صدقنى كاينه بعض المطاعم جد جد نظيفة والاكل فيها يشهى
شكرا ياريج16 انا كدلك دائما اقول ماتقولين .....شكرا للرد اللطيف....
اهلا الخ ع.ش نورت موضوعى وعندك حق بعض المطاعم تلتزم النظافة التامة.... والبيتزا هى اللى خاليتلى صحتى نحبها رغم ان الطبيب منع على المعجنات وادا شممت رائحتها اشتريها وطز فى اوامر الطبيب
مشكورة يانجمة قطبية.....الاكل خارجا للمظطر ولكن اعرفى فقط نوع الاكل الدى تطلبين وماتكثريش على فكرة ركن الطبخ فعلا فيه انواع من الاكل لم اكن اسمع بها وتعلمتها منه _مشكورات اعضاء هدا الركن _
اسفة للاطالة ولكن لااعرف كيف اقتبس فالجا الى هده الطريقة فى الاجابة على كل من تفاعل مع الموضوع


اختي الكريمة توجد ايقونة اقتباس
http://www.djelfa.info/vb/images/buttons/quote.gif
هي في اسفل كل رد اضغطي عليها ينقلك الى وضع تعقيبك على الرد يعني ستجدين نص الذي رد عليك محصور بين الوسمتين QUOTE.....وبعدها اكتبي ردك مباشرة
الواثق
2012-06-27, 11:05
[quote=الواثق;10574786]موضوع شيق ههه.......اصلا موصيبتي هي الاكل مكانش محل امر عليه الا وادخل له وخاصة لمحاجب .........بالنسبة للرجال هناك الكثيير من هم متمرسون في المهنة وفاقو النساء في ذلك ................والجواجلة معروفين بهذا ................اخي الكبير فنان في الطبخ ولا احد في البيت يضاهيه في الطبخ حتى زوجته عجزت رغم مهارتها انا افرح جدا عندما يقولون لي انه في المطبخ ......
أنا عندي أخ ليس بطباخ لكن اذا لم يجد أحد في البيت يطبخ لحاله و هو ماهر نوعا ما .........اخي الاخر من اكبر المفسدين اذا دخل المطبخ من لباسه تحسبه يعمل في فندق 5 نجوم وهو حارق الاواني بدون منازع ولمطبخ محرم عليه ويغيضني نهار لتخرجو امي بدون اي شفقة وهو يقول والله مازال ماتعرفوش قيمتي ههههه..............وامي كي يتحرق اي ماعون يغيضها اكثر من اولادها ههههه................
و الله أضحكني كلامك....تضكرني بقصة أبي قبل أن أولد انا.....ولدت أمي طفلة قبلي انا فكانت مريضة و لهذا بقيت أمي مع أختي في المستشفى و تركت أبي في البيت ليطبخ لبقية اخوتي لأننا عائلة كبيرة لكن أبي المسكين لا يعرف شيئا عن الطيخ وضع المقلي من أجل بيضتين ترك الزيت في النار مدة طويلة و لما تذكره أسرع و سكب البيض فيه و فجاة ارتفعت البيضتين في السماء.....و كل تلك المدة و هو يحرق أواني المطبخ......و هناك ماعون تحبه كثيرا أمي......لم يترك و لا آثار على أنه ماعون احرقه ....ههههه .......اما الآن اخوتي لديهم الحظ لأن لدي اخوات يطبخن ما شاء الله........ههههه....و راك معروض يا أخي الواثق لعندنا في رمضان الجاي.......هههه.......

حفظكم الله ورعاكم ووفقكم الله لكل مافيه خير..........تفكرت لما تزوج اخي وكانت هذه البنت من اقصى الشرق يعني نختلف كثيييرا في الاكلات فتقدمت لى المطبخ في رمضان وتقلدت زمام الامور .............كل اخوتي وانا الاول تفاهمنا باه ننقدوها وقلنا ان الاكل لم يعجبنا وابي كذلك صرح بذلك وكنا نمزح فقط فسمعت هي بذلك وذهبت الى غرفتها تبكي فتعرضنا كلنا للعقوبة وهددتنا امي بدعوة الشر ومن بعد كل واحد ولى يشري في هدية لكي يرجع الامور الى مجاريها وراكم عارفين لنساء تبكي لتر تاع دموع وتبات تحلف ولما تشوف هدية ولو كانت تافهة تنسا قع المشكلة وكأنها لم تحدث ههه
خولة لبابة
2012-06-27, 12:29
[QUOTE=mebarka1961;10577208]سلام..
شكرا الاخ فلال باك....على المرور الطيب ..وكان الاجدرمن الرجال ان يتعلموا ولو ابجديات الطبخ للاستعمال فى الحالات الطارئة
شكرا أخي........لكن ملاحظة صغيرة انا أخت و ليس أخ.........
خولة لبابة
2012-06-27, 12:32
[quote=فلال باك;10576327]
حفظكم الله ورعاكم ووفقكم الله لكل مافيه خير..........تفكرت لما تزوج اخي وكانت هذه البنت من اقصى الشرق يعني نختلف كثيييرا في الاكلات فتقدمت لى المطبخ في رمضان وتقلدت زمام الامور .............كل اخوتي وانا الاول تفاهمنا باه ننقدوها وقلنا ان الاكل لم يعجبنا وابي كذلك صرح بذلك وكنا نمزح فقط فسمعت هي بذلك وذهبت الى غرفتها تبكي فتعرضنا كلنا للعقوبة وهددتنا امي بدعوة الشر ومن بعد كل واحد ولى يشري في هدية لكي يرجع الامور الى مجاريها وراكم عارفين لنساء تبكي لتر تاع دموع وتبات تحلف ولما تشوف هدية ولو كانت تافهة تنسا قع المشكلة وكأنها لم تحدث ههه

و الله اضحكتني يا أخ الواثق.....لكن صحيح النساء يحببن الهدايا ههههه
و أنا لا اعرف سوى القليل عن الطبخ.......هههههه الله يستر.....في هذه العطلة ان شاء الله راح اتعلم......بالك تضحكوا عليا......و لو أخبركم ما اللذي منعني من تعلم الطبخ ستضحكون كثيرا......هههه
الكـ الطيبة ـلمة
2012-06-27, 12:52
موضوع شيق ههه.......اصلا موصيبتي هي الاكل مكانش محل امر عليه الا وادخل له وخاصة لمحاجب .........بالنسبة للرجال هناك الكثيير من هم متمرسون في المهنة وفاقو النساء في ذلك ................والجواجلة معروفين بهذا ................اخي الكبير فنان في الطبخ ولا احد في البيت يضاهيه في الطبخ حتى زوجته عجزت رغم مهارتها انا افرح جدا عندما يقولون لي انه في المطبخ ...............اخي الاخر من اكبر المفسدين اذا دخل المطبخ من لباسه تحسبه يعمل في فندق 5 نجوم وهو حارق الاواني بدون منازع ولمطبخ محرم عليه ويغيضني نهار لتخرجو امي بدون اي شفقة وهو يقول والله مازال ماتعرفوش قيمتي ههههه..............وامي كي يتحرق اي ماعون يغيضها اكثر من اولادها ههههه...................هذا حال لي ماعندوش بنات في الدار والله ميزيرية غياب الام يعني كل واحد يهرب في جهة نولي عايش مع البيض المقلي والطماطيش وهذا مانعرف ههههه....................

بالنسبة لي الاكل الداخل او برا عندي كيف كيف عندك خبز المخابز لا اطيقه لازم المطلوع ..............وانا ناقد كبييير تاع طبخ وعارف بلي الزوجة تاعي ان شاء الله نهبلها لازم تتحمل النقد ........انا خايف نولي نعلم فيها كيفاش تقلي البيض هههه......................الله المستعان


أضحك الله سنك خويا الواثق


حقيقي نعمة كبيرة وجود البنات في البيت فهن يحملن الأعباء على الأم منذ الصغر

احنا بحكم اننا كنا "لارج فاملي" والدتي تعمدت أنو تحملنا المسؤولية

و تطلب يد المساعدة منا منذ الصغر طبعا كنا نديرو أخطاء جسيمة و أحيانا كثيرة نأخذ قسطا وافرا من التوبيخ

لكن مع الوقت الكل تعلم ذكور و بنات و الآن إخواني ما شاء الله يساعدون زوجاتهم حتى في التسياق

أما الطبخ فعندي أحد إخواني يطبخ الملوخية أحسن منا نحن اخواته وكذا زوجه تفضل ان يطبخها هو
*********************

وقتاش تعرفوا قيمة اخوكم الطباخ الماهر ؟؟؟؟ :)


ربي يحفظكم و يهنيكم
الكـ الطيبة ـلمة
2012-06-27, 12:57
[quote=الواثق;10577550]
و الله اضحكتني يا أخ الواثق.....لكن صحيح النساء يحببن الهدايا ههههه
و أنا لا اعرف سوى القليل عن الطبخ.......هههههه الله يستر.....في هذه العطلة ان شاء الله راح اتعلم......بالك تضحكوا عليا......و لو أخبركم ما اللذي منعني من تعلم الطبخ ستضحكون كثيرا......هههه




تصوري كنت اتصور انكِ أخ :1:
بما أنو صرحتي أن السبب مضحك فشخصيا حبيت نعرفو :)
الواثق
2012-06-27, 13:09
أضحك الله سنك خويا الواثق


حقيقي نعمة كبيرة وجود البنات في البيت فهن يحملن الأعباء على الأم منذ الصغر

احنا بحكم اننا كنا "لارج فاملي" والدتي تعمدت أنو تحملنا المسؤولية

و تطلب يد المساعدة منا منذ الصغر طبعا كنا نديرو أخطاء جسيمة و أحيانا كثيرة نأخذ قسطا وافرا من التوبيخ

لكن مع الوقت الكل تعلم ذكور و بنات و الآن إخواني ما شاء الله يساعدون زوجاتهم حتى في التسياق

أما الطبخ فعندي أحد إخواني يطبخ الملوخية أحسن منا نحن اخواته وكذا زوجه تفضل ان يطبخها هو
*********************

وقتاش تعرفوا قيمة اخوكم الطباخ الماهر ؟؟؟؟ :)


ربي يحفظكم و يهنيكم



نعرفو قيمتو في المستشفى فقط ههه....................لانه طبيب وهذا يكفيه وعلاه رايح يتعدى على حوايج اخرى
الواثق
2012-06-27, 13:12
[quote=mebarka1961;10577208]سلام..
شكرا الاخ فلال باك....على المرور الطيب ..وكان الاجدرمن الرجال ان يتعلموا ولو ابجديات الطبخ للاستعمال فى الحالات الطارئة
شكرا أخي........لكن ملاحظة صغيرة انا أخت و ليس أخ.........

واحدة بواحدة ههه..............
نجمة ساطعة
2012-06-27, 13:12
سلام..
شكرا الاخ فلال باك....على المرور الطيب ..وكان الاجدرمن الرجال ان يتعلموا ولو ابجديات الطبخ للاستعمال فى الحالات الطارئة
شكرا الاخ الواثق ...دائما مميزا فى ردك..بالنسبة لاخيك الدى يتسبب فى الحرق و..و..ماعليهش ليتعلم يجب التغاضى عن بعض الامور انا ابنتى وفى بداية تعلمها كانت تنسى الطبخ على النار فيحترق الاكل والاناء فمادا تفعل ياواثق ترميه خفية عنى ولما لاحظت فقدان الكثير من الاوانى سالت ابنتاى ...فباعتها الصغرى قالتلى روحى لمكان رمى النفايات تجدين كل الاوانى كنت اغضب احيانا ولكن اسكت واتركها تعيد الكرة حتى اصبحت الان ماهرة وهى تقدم لزوجها مالد من الاكل ...
شكرا بارود....الله يسلمك واش شهيت الشخشوخة واللا.....
شكرا ب.ميسونه ..وفعلا الطبخ فن ودوق وهنا السر فى اعداد الطعام ...انا نحب نطيب بالصح مانحبش غسيل الماعن...
شكرا لينه نور على الرد اللطيف شوفى انا ننصحك حببى زوجك فى المطبخ وخاصة ببعض الاطباق الخفيفة كالسلطات والعصائر وحتى بعض الاكل الخفيف انا نحب اما نشترك فى التحضير فى رمضان وتغمرنى سعادة مابعدها سعادة كوننا نشترك فى بعض اعمال البيت وقتها فقط احس بهدا النوع من التوادد والتعاطف والتعاون ربى يخليلك عائلتك وزوجك يارب
مشكورة يابنتى الكلمة الطيبة ...ومن يحب الخبز الخارجى ولكننى اضطر له لكونى عاملة وخاصة فى الغداء حيث اعود على 11.30 اما فى المساء فانا ربة بيت تقليدية احب الكسرة الفطير والمطلوع وكل الطبخ التقليدى والحمد لله كاين الروبو راهو هنانا تحياتى للوالدة والعائلة فى انتظار ان تحلى على زوجك لتعطرى بيته بكل انواع العطور نتاع المطبخ ...
شكرا ياسعاد... انت راكى كي بنتى تقولى نحب البيتزا نتاع برة وخاصة كى تاكلها مع صحاباتها وتحب الاكل اللى تحضرو معاهم فى الاقامة تقولى يجى يهبل ...ربى يحفضك ياسعاد
ياسى عبو مشكور على ابداء رايك ولكن الا ترى بان المراة فى حاجة للاكل خارجا ولو مرة فى الشهر _عطلة مطبخية _ماعليهش تكلف شوية بالصح تزيد المحبة بيناتهم
عندك حق يا كنيفز 55 بالصح صدقنى كاينه بعض المطاعم جد جد نظيفة والاكل فيها يشهى
شكرا ياريج16 انا كدلك دائما اقول ماتقولين .....شكرا للرد اللطيف....
اهلا الخ ع.ش نورت موضوعى وعندك حق بعض المطاعم تلتزم النظافة التامة.... والبيتزا هى اللى خاليتلى صحتى نحبها رغم ان الطبيب منع على المعجنات وادا شممت رائحتها اشتريها وطز فى اوامر الطبيب
مشكورة يانجمة قطبية.....الاكل خارجا للمظطر ولكن اعرفى فقط نوع الاكل الدى تطلبين وماتكثريش على فكرة ركن الطبخ فعلا فيه انواع من الاكل لم اكن اسمع بها وتعلمتها منه _مشكورات اعضاء هدا الركن _
اسفة للاطالة ولكن لااعرف كيف اقتبس فالجا الى هده الطريقة فى الاجابة على كل من تفاعل مع الموضوع


ما تقوليش برك راكي تقصديني راني زعفت صح:mad::mad::mad:
الواثق
2012-06-27, 13:18
ما تقوليش برك راكي تقصديني راني زعفت صح:mad::mad::mad:


النجمة القطبية هي احد النجوم الساطعة يعني تابعة للرميصاء الخاصة بك
مباركة 1961
2012-06-27, 15:37
ما تقوليش برك راكي تقصديني راني زعفت صح:mad::mad::mad:


شكرا ياواثق ...رانى تعلمت نقتبس _ومن علمنى شيئا صرت له عبدا
يانجمة ياساطعة ويامنيرة عفوا __حقك على _وهاهى بوسة على الجبين
مباركة 1961
2012-06-27, 15:44
اختي الكريمة توجد ايقونة اقتباس
http://www.djelfa.info/vb/images/buttons/quote.gif
هي في اسفل كل رد اضغطي عليها ينقلك الى وضع تعقيبك على الرد يعني ستجدين نص الذي رد عليك محصور بين الوسمتين quote.....وبعدها اكتبي ردك مباشرة
شكرا ياواثق ..رانى عاودت الاحابة لاتيقن ان كانت تخرج لى كما اردت _ اى بالا قتباس

هده بعض مساوىء التعليم على ....نحب نعاود...
ومن لايحب الهدايا .. ياواثق انا نموت فيها واطفالى فاقولى بالفيس نتاعى وهكدا ديما كي يدردروها يديروا مثلك
مباركة 1961
2012-06-27, 15:49
[quote=mebarka1961;10577208]سلام..
شكرا الاخ فلال باك....على المرور الطيب ..وكان الاجدرمن الرجال ان يتعلموا ولو ابجديات الطبخ للاستعمال فى الحالات الطارئة
شكرا أخي........لكن ملاحظة صغيرة انا أخت و ليس أخ.........


عدرا ابنتى فلال بلاك لم اقصد اعدرونى جميعا رانى صايمة ويظهر نظرى زاد نقص يلزم نرجع للطبيب ...الف عدر ولكن مامعناه اسمك بالعربية ...اعدرينى تطفلى
الواثق
2012-06-27, 15:51
كما انك اذا اردت ان تقتبسي الكثير من الردود دفعة واحد شوفي الايقونة التي بالقرب منها
http://www.djelfa.info/vb/images/buttons/multiquote_off.gif

فضغطي علىها في كل رد تريدين الرد عليه حتى تصلي الى الرد الاخير وديري اقتباس تلقاي كامل الردود اقتبست الذين ضغطت عليهم من قبل ...........فقط الاقتباس يكون بين الوسمتين مثلا [QUOTE=mebarka1961;10581088]......................[/QUTOE].........واي اقتباس اجيبي اسفله مباشرة وهكذا
مباركة 1961
2012-06-27, 16:22
شكرا ياواثق ربى يحفضك ..ويحميك من كل سوء
انا هدا وين فهمت معنى تلك الاشارة....
شكرررررررررررا
انا ولادى يفهموا فى الاعلام الالى وعندهم شهادات ولكن نحشم كى نضال نسقسى فيهم
تصور عندى موقع على النت _منتدى خاص باطفال قسمى الا انى لااعرف نقل الكثير من الاشياء فيه الا بمساعدة ابنتى المتزوجة .....وهى مازالت مريضة..وما نحبش نتعبها معاى ..ربى يحفضك ياواثق هنيتنى بدرسك المفيد هدا...
الكـ الطيبة ـلمة
2012-06-27, 17:50
شكرا ياواثق ربى يحفضك ..ويحميك من كل سوء

انا هدا وين فهمت معنى تلك الاشارة....
شكرررررررررررا
انا ولادى يفهموا فى الاعلام الالى وعندهم شهادات ولكن نحشم كى نضال نسقسى فيهم
تصور عندى موقع على النت _منتدى خاص باطفال قسمى الا انى لااعرف نقل الكثير من الاشياء فيه الا بمساعدة ابنتى المتزوجة .....وهى مازالت مريضة..وما نحبش نتعبها معاى ..ربى يحفضك ياواثق هنيتنى بدرسك المفيد هدا...



سيدة مباركة تمنيت أنكِ طرحت اشكالك و أنا هنا ...و أرد عليه بدلا عن خويا الواثق

حتى ندي دعواتك ليه و يعذرني خويا الواثق :)


خصوصا و انتي صائمة >>> ربي يتقبل منك

أرجو أن لا تحرميني منها ايضا
نجمة ساطعة
2012-06-27, 18:21
النجمة القطبية هي احد النجوم الساطعة يعني تابعة للرميصاء الخاصة بك

بل هي اكثر سطوعا مني بصح السيدة مباركة المفروض ما تغلطش بيناتنا بحكم تعرفنا في اثنين

شكرا ياواثق ...رانى تعلمت نقتبس _ومن علمنى شيئا صرت له عبدا
يانجمة ياساطعة ويامنيرة عفوا __حقك على _وهاهى بوسة على الجبين


حاشاك راني ندلل عليك برك :):):)
مباركة 1961
2012-06-27, 18:33
تستاهلى اكثر فانت كابنتى سارة

المهم راه صافية لبن...
نجمة ساطعة
2012-06-27, 18:35
تستاهلى اكثر فانت كابنتى سارة

المهم راه صافية لبن...


ما تتصوريش قداه نعزك تعرفي ماما قدك قدقد ساعات نحب نقولك ماما مباركة بصح نخافك تزعفي :rolleyes::rolleyes::cool::cool:
مباركة 1961
2012-06-27, 18:37
سيدة مباركة تمنيت أنكِ طرحت اشكالك و أنا هنا ...و أرد عليه بدلا عن خويا الواثق


حتى ندي دعواتك ليه و يعذرني خويا الواثق :)


خصوصا و انتي صائمة >>> ربي يتقبل منك

أرجو أن لا تحرميني منها ايضا
شكرا بنيتى ...انا جد ممنونه لكل اعضاء هدا المنتدى الدى احسه بحق عائلتى الثانية
دعواتى اليك والى كل الاعضاء بان يستركم الله ويمنن عليكم بما تقر به اعينكم يارب
مباركة 1961
2012-06-27, 18:44
ما تتصوريش قداه نعزك تعرفي ماما قدك قدقد ساعات نحب نقولك ماما مباركة بصح نخافك تزعفي :rolleyes::rolleyes::cool::cool:

انا جد فخورة لو ناديتنى باسم امى لى كل الشرف فى دلك ....
انا فى داك اليوم اللى يصير عندى مجموعة من البنات ..عندى غير زوج واحب البنات كثيرا...
لطف منك ان تنادينى امى....ساخبر بنتاى بدلك...
عربية الهوية
2012-06-27, 18:49
ممكن اسيدتي بصح كي تشوفي المطاعم وحالتها تفقدي الشهية
انا منجمش ناكل برا حتى في السفر ندي من الدار او اصبر نفسي بالفاكهة والحلويات
مباركة 1961
2012-06-27, 18:58
مروركممكن اسيدتي بصح كي تشوفي المطاعم وحالتها تفقدي الشهية

انا منجمش ناكل برا حتى في السفر ندي من الدار او اصبر نفسي بالفاكهة والحلويات
مرورك اكرمنى... ورايك محق غير انى ساعات نحب ناكل خارجا اونحظر الاكل من المطاعم ادا كنت متاكدة من نظافتهم ...
خولة لبابة
2012-06-27, 18:59
[QUOTE=mebarka1961;10581236][quote=فلال باك;10578552]
عدرا ابنتى فلال بلاك لم اقصد اعدرونى جميعا رانى صايمة ويظهر نظرى زاد نقص يلزم نرجع للطبيب ...الف عدر ولكن مامعناه اسمك بالعربية ...اعدرينى تطفلى

و الله يا أختي......اسمي لحد اليوم لم أجد له معنى..........حتى في الجزائر......هناك اسمين فقط......** فلال** و أنا أبحث عن معناه و لحد اليوم لم أجد له معنى.....و أمي سمعته من واحدة فسمته لي و في مختلف مراحل الدراسة جميع أساتذتي يسالني نفس السؤال ما معنى ** فلال**......و الله أعلم........
ام نسمة
2012-06-27, 19:06
مرحبا ماما مباركة كيف حالك اتمنى تكوني بخير انت وكل افراد عائلتك المهم انا اكره اكل برا اخاف من التسممات خاصة خلال فترة الصيف الا اني لااستغني عن وا حد يخدم كباب هايل تاكلي صباعك موراه كل ما نروح لتلك المنظقة جامي نشور بلا ما نشري عليه صندويش كباب نموت فيه
مباركة 1961
2012-06-27, 19:19
]

مرحبا ماما مباركة كيف حالك اتمنى تكوني بخير انت وكل افراد عائلتك المهم انا اكره اكل برا اخاف من التسممات خاصة خلال فترة الصيف الا اني لااستغني عن وا حد يخدم كباب هايل تاكلي صباعك موراه كل ما نروح لتلك المنظقة جامي نشور بلا ما نشري عليه صندويش كباب نموت فيه
اهلا بابنتى زهور الفل ..كيف هى احوالك ...اعدرينى انشغلت قليلا بمرض ابنتى سارة

راه مازال المرض عليها ويمكن نديها للخارج......المهم انت راك مليحة انت ومولى بيتك واولادك ..
تعرفى انا كدلك عندما امر فى الشارع ونشم رائحة الاكل ونكون جيعانة ..وخاصة رائحة الشخشوخة _نشرى برك نحس يصرالى كيما توم وجيرى نعود نتبع فى الرائحة ..
ربى يحفضك يازهور ويحفضلك عائلتك ....بنتى راها تسقسى عليك....
سعاذ
2012-06-27, 19:33
سلام عليكم
انا شخصيا عجبتني طرقة لي ستعملتيها في الرد كل مانقري ردك على عضو نتفكر واش كتب
طريقة جديدة ومارهيش روتينية

الواثق شكون كذب عليك و قالك بلي نساء ينساو كلش بمجرد احضار هدية و لو بسيطة
Rose19
2012-06-27, 19:46
رغم براعتي نوعا ما في الطبخ الا ان هناك اطباق تكون الذ في المطاعم و لا ارى اي مانع في ان اشتري احيانا من المطاعم او ان اكل هناك فما اجمل عندما تجلسين و يوضع لك الطعام بدل ان تضعيه للاخرين و لو مرة في الشهر و احيانا تغيير الطباخ (مرة انت و مرة ابنتك و مرة اختك) يغير من ذوق الطعام لان الانسان غير الذوق الدي تعود عليه.
اما مساعدة الذكور فلها علاقة بطريقة التربية فاذا تعودو مساعدة امهم فبارك الله فيهم و لا حرج او انقاص في رجولتهم, اما اذا لم يتعودو على هذا فصعب ان سياعدو امرأة (ام او زوجة) الا اذا كانت تربيتهم جيدة.
○•ميسون•○
2012-06-27, 19:49
..................................................
لينة نور
2012-06-27, 20:20
السلام عليكم


شكرا أختي مباركة على النصائح القيمة وعلى الدعاء الطيب جعله الله من نصيب كل المسلمين .

وكما قلت فعلا عندما يشتغل الازواج مع بعض هناك متعة وسعادة وود لكن أرجوك لا تقولي في المطبخ:sdf:

فمشكلتي وسواس النظافة أبعده الله على كل المسلمين ...لكن نتعاون على نشر الغسيل وسقي النبات و...

أدعو الله أن يشافي بنيتك اسمها مثل اسم ابنتي .
مباركة 1961
2012-06-27, 21:14
رغم براعتي نوعا ما في الطبخ الا ان هناك اطباق تكون الذ في المطاعم و لا ارى اي مانع في ان اشتري احيانا من المطاعم او ان اكل هناك فما اجمل عندما تجلسين و يوضع لك الطعام بدل ان تضعيه للاخرين و لو مرة في الشهر و احيانا تغيير الطباخ (مرة انت و مرة ابنتك و مرة اختك) يغير من ذوق الطعام لان الانسان غير الذوق الدي تعود عليه.

اما مساعدة الذكور فلها علاقة بطريقة التربية فاذا تعودو مساعدة امهم فبارك الله فيهم و لا حرج او انقاص في رجولتهم, اما اذا لم يتعودو على هذا فصعب ان سياعدو امرأة (ام او زوجة) الا اذا كانت تربيتهم جيدة.

lمشكورة ياغوز 19 فعلا تحب المراءة انهم يدلعوها احيانا ويسربولها الاكل ...انا كدلك...
اما فيما يخص المساعدة راه تجى مع الصغر باه ماتجيهش عقدة الدخول للمطبخ ويتعلم يطيب وحده فى حال مرض الام او غيابها....
مباركة 1961
2012-06-27, 21:19
سلام عليكم
انا شخصيا عجبتني طرقة لي ستعملتيها في الرد كل مانقري ردك على عضو نتفكر واش كتب
طريقة جديدة ومارهيش روتينية

الواثق شكون كذب عليك و قالك بلي نساء ينساو كلش بمجرد احضار هدية و لو بسيطة
شكرا للملاحظة
رانى خلاص علمنى الواثق نقتبس ...ربى يحفضه ...
اما الهدية فانا دائما ابرع فى تقديم الهدايا لاولادى وعائلتى واحب ان يتفكرونى هم كدلك حتى وان كان انا اللى نعطيهم الدراهم...
مباركة 1961
2012-06-27, 21:28
السلام عليكم




شكرا أختي مباركة على النصائح القيمة وعلى الدعاء الطيب جعله الله من نصيب كل المسلمين .

وكما قلت فعلا عندما يشتغل الازواج مع بعض هناك متعة وسعادة وود لكن أرجوك لا تقولي في المطبخ:sdf:
فمشكلتي وسواس النظافة أبعده الله على كل المسلمين ...لكن نتعاون على نشر الغسيل وسقي النبات و...

أدعو الله أن يشافي بنيتك اسمها مثل اسم ابنتي .


العفو يالينة ربى يبارك فى الجميع....اتعلمين اولادى الدكور فى مسالة المحافظة على نظافة الاكل لايعلى عليهم ...فى العيد يغسلو لى الامعاء نتاع الكبش خير من امراءة ويحظروا مائدة الشواء جيد جدا ...قلت لهم يا سعد نساكم بيكم تهنوهم ..
ربى يحفظ لك بنتك وعاشت الاسامى
مباركة 1961
2012-06-27, 21:32
شكرا يانوار على المرور .....اتكلمى ماتخليهاش فى قلبك..........................
Lydia istanboul
2012-06-27, 21:39
لا أراه جد غريب أن يبرع رجل في الطبخ اكثر من بعض النساء كما يوجد عاملات في سلك رجولي اشد مهارة من الرجال و غالبا يكون احترافي مهني تجديه ليل نهار مع ممارسة تلك الحرفة حتي أجادها و البعض الآخر موهوب ماشاء الله لكن بيني و بينك تجيني صعيبة ناكل من ايدي رجل و لسبب ممكن يظهر لك سخيف ههههه لذلك احتفظ به لنفسي،تحياتي :d:d
الواثق
2012-06-27, 22:59
سلام عليكم
انا شخصيا عجبتني طرقة لي ستعملتيها في الرد كل مانقري ردك على عضو نتفكر واش كتب
طريقة جديدة ومارهيش روتينية

الواثق شكون كذب عليك و قالك بلي نساء ينساو كلش بمجرد احضار هدية و لو بسيطة

من التجربة خلاتني اعرف هذا ...............قرعة ريحة او حتى نقود تخلي الواحد ملك لي يقولها تمشي بدون نقاش هههه
مباركة 1961
2012-06-28, 03:50
لا أراه جد غريب أن يبرع رجل في الطبخ اكثر من بعض النساء كما يوجد عاملات في سلك رجولي اشد مهارة من الرجال و غالبا يكون احترافي مهني تجديه ليل نهار مع ممارسة تلك الحرفة حتي أجادها و البعض الآخر موهوب ماشاء الله لكن بيني و بينك تجيني صعيبة ناكل من ايدي رجل و لسبب ممكن يظهر لك سخيف ههههه لذلك احتفظ به لنفسي،تحياتي :d:d



شكرا ليديا على ابدائك رايك.......اكتبيلى السبب باه نعرف
سعاذ
2012-06-28, 21:26
من التجربة خلاتني اعرف هذا ...............قرعة ريحة او حتى نقود تخلي الواحد ملك لي يقولها تمشي بدون نقاش هههه

سلام عليكم
صح تاع ربي راهوا خلعني كلامك
نسمعهم يهدروا هكذا خاطر حابين يهدرا هكذا
بصح انوا واحد يقلي هذا وعن تجرة اول مرة نسمع بيها
بصح نقولك نساء ماشي كامل كيفكيف
سعاذ
2012-06-28, 21:32
سلام عليكم
استاذة ربي يخليلك اولادك ويحفظهم
احنايا كي كنا نقراو في الجامعة كان رسطوا مديل هام و المعامل تاعوا 10 وحضور اجباري
كانا لازم نكلوا في ريسطوا لاشتا نراطيو كور كن نروحوا في 6 واي حجا يديروهنا كانت جي بنينة لاشتا هي ماشي بنينا كي كنا معبعاض كان كلشي عندوا ذوق
يمات مايتنساوش
مباركة 1961
2012-06-29, 07:00
[quote=سعاذ;10602167]سلام عليكم
استاذة ربي يخليلك اولادك ويحفظهم
احنايا كي كنا نقراو في الجامعة كان رسطوا مديل هام و المعامل تاعوا 10 وحضور اجباري
كانا لازم نكلوا في ريسطوا لاشتا نراطيو كور كن نروحوا في 6 واي حجا يديروهنا كانت جي بنينة لاشتا هي ماشي بنينا كي كنا معبعاض كان كلشي عندوا ذوق

يمات مايتنساوش[/quote

وعليكم السلام...
هكدا كانت تقوللى بنتى الصغيرة ...كنت نحدرها من الاكل فى الجامعة ونقوللها ارجعى للدار _لاننى نسكن قريب منها _تقوللى نخلى الغداء مع صحاباتى ولومبيونس نتاعهم ونجى للدار...جامى...فانصحها بان تاكل غير لى كونسيرف ..ولات عادت تاكل معاهم فى الاقامة ويصرفوا مع بعض ويطيبوا مع بعض...انا نقولك عجبنى الحال لانها تعلمت معاهم الطياب.....
الله يحفضك ياسعاد .._ماعنديش حرف الدال فى لوحة المفاتيح نتاعى لهدا اكتب بالدال اسمك _
سعاذ
2012-06-29, 19:56
اسمي اصلا سعاد
الله غالب كي جيت نسجل لقيت اسم سعاد مسجل
عليها بدلت الدال ب الذال
ونحب اصلا يقولولي سعاد بدل سعاذ