المساعد الشخصي الرقمي

مشاهدة النسخة كاملة : التخصصات التي احبذها اريد نصائح

محب الرياضيات
2012-06-25, 12:44
مدرسة عليا للاعلام الى

طب

جراحة اسنان


صيدلة


مدرسة عليا للتكنولوجيا



مدرسة عليا للاساتذة



رياضيات و اعلام الى
RIMA95
2012-06-25, 12:52
من فضلكم
هل يجب ان تتوفر لديك الطابعة لتعرف معدلك في شهادة الباكالوريا ام ان هذا غير ضروري مع العلم انه عندما تضع رقم التسجيل في الموقع المخصص للنتائج تكون مجبرا على الضغط على طباعة فهل الطابعة ضرورية
ارجو الاجابة سريعا
وشكرا مسبقا
محب الرياضيات
2012-06-25, 12:54
لا ليست ضرورية

الطباعة يعني تطبع لك في حاسوبك


الشرط الوحيد هو برنامج اكروبات __ملاحظة هو موجود في الكمبيوتر دائما الا اذا كنت قد محوته
RIMA95
2012-06-25, 12:57
شكرا اخي جزاك الله كل خير ووفقك
فريال المحتاجة عفو الله
2012-06-25, 12:59
مدرسة عليا للاعلام الى

طب

جراحة اسنان


صيدلة


مدرسة عليا للتكنولوجيا



مدرسة عليا للاساتذة



رياضيات و اعلام الى

يحدث معك نفس ما يحدث معي أخي :)
انا نحب الطب و هذا ما هو واضح في توقيعي :1:
بصح درك بديت نميل شوية للمدرسة العليا للإعلام الآلي
الطب و الله غير مليح مي لازم على الأقل 11 سنة باش نكمل كلش ... كي نفكر بللي من سنة أولى ابتدائي للباك قريت 13 سنة و نزيد 11 سنة ( يعني نعاود كلش من 0 ) مممم تجيني شوية ياسر
بالنسبة لي


اللي بالأحمر نستبعدهم .. يبقالي الخيار بين 3
قللي زدت حيرت أكثر مي زيد شوف بقية الأعضاء
محب الرياضيات
2012-06-25, 13:03
شكرا لك راكي خوفتيني على الطب امالا نخرج مولا 30عام


شيباني امالا تفوح ربع حياتك قراية
faten19
2012-06-25, 13:03
الكل ملااااااااااااااااح خير لي تميل ليها ممكن تمدلي تخصصات الادبيين ياباك2012
فريال المحتاجة عفو الله
2012-06-25, 13:04
شكرا لك راكي خوفتيني على الطب امالا نخرج مولا 30عام


شيباني امالا تفوح ربع حياتك قراية

أجل و لكن تخرج إلى النعيم

إذا خيرنا طب يعني لازم علينا نضحيو شوية ...
محب الرياضيات
2012-06-25, 13:06
ـ موسيقى أستاذ التعليم متوسط المدرسة العليا للأساتذة بالقبة(الجزائر) 13.67 ـ
ـ رياضة ( قسنطينة ) 13.43 ـ
ـ علوم وتقنيات النشاطات البدنية و الرياضية ( وهران ) 12.89 ـ
ـ آداب و لغات انجليزية ( بومرداس ) 12.09 ـ
ـ علوم وتقنيات النشاطات البدنية و الرياضية ( بومرداس ) 12.05 ـ
ـ رياضة ( باتنة ) 11.92ـ
ـ علوم وتقنيات النشاطات البدنية و الرياضية (أم البواقي) 11.04 ـ
ـ علوم سياسية ( بومرداس ) 10.82 ـ
ـ رياضة ( المسيلة ) 10.55 ـ
ـ فنون سينيمائية ( سيدي بلعباس ) 10.54 ـ
ـ آداب و لغات عربية ( بومرداس ) 10.34 ـ
ـ آداب و لغات فرنسية ( بومرداس ) 10 ـ
ـ حقوق ( بومرداس ) 10 ـ
ـ فنون التشكيلية - فنون العرض المسرحي ( تلمسان ) 10 ـ
ـ فنون العرض المسرحي ( سعيدة ) 10 ـ
ـ حقوق ( باتنة ) 10ـ
ـ علوم سياسية ( باتنة ) 10ـ
faten19
2012-06-25, 13:12
هههههههه وين راه لمعدل15 ويين جاااااااااااااوبني
محب الرياضيات
2012-06-25, 13:25
15 ادب وفلسفة نورمالمون يدوك ل و . م . ا ههههههههههههه


امالا عندك غير المدارس العليا للاساتذة او الادارة او العلوم الاجتماعية و الاقتصادية
faten19
2012-06-25, 13:33
ههههههههههههه نروووووووووح هههههههه لااااااااااااه الحقرة هاهي باااااااااينة
wafaa98
2012-06-25, 13:37
pharmacie fort bzf hiya sa7 9rayathom s3iba mais ana nabri pharmacie w nchalah na9raha
kamel eltakhassousat li7atithom fihom elham wel9raya bzzzzzzzzzzzzzzzf surtout MEDECINE
MHRAS
2012-06-25, 13:39
انشاء الله اذا مكتبش ربي طب ولا صيدلة نديرو حاجة خفيفة وخلاص
wassim2tm
2012-06-25, 13:52
المهم النجاح ويفرحوا الوالدين والاحباب
ency5group
2012-06-25, 14:27
مدرسة عليا للاعلام الى : في رأيي أحسن تخصص من بين هذه التخصصات لكن عليك الاستفسار كثيرا عنه قبل اختياره و الاستعداد للجهد الذي ينتظرك

طب : إذا كان لك ميل نحو مجال آخر فأفضل لك ابتعد عن الطب و ما جاوره ( هذا المجال يصلح فقط للمولعين به منذ الصغر و المستعدين للتضحية بعدة سنوات من أجله )

جراحة اسنان : الطب و ما جاوره


صيدلة : هي أفضل التخصصات التابعة للعلوم الطبية لكن اختيارها يتعلق بعدد الأماكن المتوفرة ببلديتك للصيادلة فمثلا بلديتنا بسبب كثرة الصيادلة فيها لا يمكن فتح صيدلية جديدة ( الصيدلة تتيح أيضا أعمال أخرى غير عمل الصيدلي و للمتفوقين موجود فرص للعمل في الخارج )


مدرسة عليا للتكنولوجيا : معدل قبولها مرتفع نوعا ما 15,67 العام الماضي لكن ليست لدي أدنى فكرة عنها



مدرسة عليا للاساتذة : إذا كان للثانوي فهي مقبولة نوعا ما لكن المتوسط أخطيك



رياضيات و اعلام الى : الأفضل المدسة العليا ثم جامعة الجزائر ثم قسنطينة ( أما البقية فأغلبها ليست لها سمعة كبيرة )


بالمناسبة إذا كنت غير مستعد لتعلم اللغة الفرنسية فاختر المدرسة العليا للأساتذة لكن أعلم أن لديك القدرة على تعلم الفرنسية من أجل اختيار تخصص أفضل
أسيرة الغموض
2012-06-25, 15:21
مدرسة عليا للاعلام الى

طب

جراحة اسنان


صيدلة


مدرسة عليا للتكنولوجيا



مدرسة عليا للاساتذة



رياضيات و اعلام الى

السلآآم عليكم

ممممممممم كل التخصصات التي اخترتها جيدة

المدرسة العليا للإعلام الآلي يشكرو فيها و قالو القراية فيها و لا خلي ،، بصح هي على حساب علمي في العاصمة (( أنا شخصيا كنت حابتها مي هي خارج الولاية نتاعنا :( ))

الطب و ما أدراك ما الطب ،، 7 سنين حتى تولي طبيب عام و زيد 4 سنين باش تدير تخصص ،، هو صح الطب مليح والخدمة نتاعو Noble ، بصح تبقى دايما المشكلة في esk يبقى عندك نفس طول النفس خلال سنوات الدراسةو لا لالا

جراحة أسنان ،، هو التخصص لي بربي ان شاء الله احتمال كبير نخيرو ،، يعني domaine تيعو bien و القراية 5 سنين ،، je pense قالو السنة الأولى هي الأصعب psk يكون فيها بزاف les modules و en + تكون جذع مشترك مع l médecine بصح من بعد تخفاف شوية القراية و تدخل في التخصص ابتداء من 2ème année ،، و لي عاجبني فيها أكتر انو من السنة الثانية تبدا l pratique ،، عدد سنوات الدراسة 5 سنين + 3 سنين و لا 4 تخصص و تخرج docteur en chirurgie dentaire

الصيدلة ،، ( قاتلي صاحبتي مدايرتها ) صعيبة شوية en + لي ما نحبوش فيها انك تقرا تقرا و من بعد تولي تبيع ف la pharmacie يعني en dirait تولي كيما l commercent ،، و حتى كي تدير spécialité يحبلك باش تلقى خدمة ،، عدد سنوات الدراسة 6 سنوات و تخرج un docteur en pharmacie و سنوات التخصص 2 و لا 3 سنين

مدرسة عليا للتكنولوجيا

مدرسة عليا للاساتذة

ما عنديش فكرة عليهم

رياضيات و إعلام آلي ،، نقولهالك أخطيك psk عادت تاع الناس الكل ،، و إذا كنت حاب الإمتياز في قرايتك ما كان لاه تديرها


الموووفييد دركا نستناو حتى نزيدو نشوفو la moyenne و من بعد يجي الكلام نتاع الصح

الله يحققلنا قاع وش نتمناو



دمتــ في حفــــظ الرحمـــــــــــــآن
billel25-dz
2012-06-25, 15:36
للتوضيح فقط بالنسبة للطب راك كيما تخلص 7 سنين ( السنة 7 براتيك)
وتدير التخصص راك تولي تأخد أجرة يعني تقرا و تخدم
و ماش 12 سنة غير قراية برك
و لا حبيتو تعرفو الاجرة لي تأخدها أثناء سنوات التخصص نسقسيلكم عليها
أسيرة الغموض
2012-06-25, 16:03
للتوضيح فقط بالنسبة للطب راك كيما تخلص 7 سنين ( السنة 7 براتيك)
وتدير التخصص راك تولي تأخد أجرة يعني تقرا و تخدم
و ماش 12 سنة غير قراية برك
و لا حبيتو تعرفو الاجرة لي تأخدها أثناء سنوات التخصص نسقسيلكم عليها


oui ,, c'est Vrai ،، يعودو يخلصوه كيما طبيب عام يخدم في المستشفى ،، و على حسب علمي حتى في جراحة أسنان نفس الشي لي يكمل 5 سنين و يكمل la spécialité خلال سنوات التخصص الأجر ديالو كيما طبيب أسنان يخدم في القطاع العام

ايه تعيش خويا اذا قدرتي سقسيلنا عليهم في زوج بارك الله فيك


دمتم في حفظ الرحمآن
rmkh
2012-06-25, 16:19
bn ana 3endi khouya deyer medcine ou had el e3 3am rah 1er anné spécialité ou rah yekhlass 45000DA
fatiha2012
2012-06-25, 16:27
أجل و لكن تخرج إلى النعيم

إذا خيرنا طب يعني لازم علينا نضحيو شوية ... أنت 30 مقبووول لأنك شاااب
شوف أنا :1: نظن فهمتييني؟

أين هو النعيم أخت فريال
تقراي شحال من سنة و اذا ما توفرتلكش الشروط باه تحلي privé تروحي للمستشفى préemploi راهم يديو مليون و نص
علما أن les femmes de ménage في نفس المؤسسة يديو مليون و 800 و تترسمي بعد شي 6 سنين ولا 7
يمكنك التأكد من أي مشفى
انا شخصيا لست من مؤيدي الmédcine
drnafser
2012-06-25, 17:05
شكراااااااااااااااااااااااا
محب الرياضيات
2012-06-25, 21:09
انا اكره الطب ايضا لطول السنوات فقط اما في الدراسة وعندما تعمل فهوافضل مهنة


ترتيبي سيكون

مدرسة عليا للاعلام الى

صيدلة

انا انتظر بقية التخصصات الجيدة
محب الرياضيات
2012-06-25, 21:24
ااااااااااااااااااااااااااااااااا
فريال المحتاجة عفو الله
2012-06-25, 21:27
قلبي معلق بالطب رغم أن تعليقاتكم تخيفني و المدة أيضا
لكني سأضحي من أجل تحقيق حلم الطفولة ان شاء الله
محب الرياضيات
2012-06-25, 21:31
قلبي معلق بالطب رغم أن تعليقاتكم تخيفني و المدة أيضا
لكني سأضحي من أجل تحقيق حلم الطفولة ان شاء الله


الطب ليس جيد للذكور اما الفتياة فهو افضل تخصص



والدليل عندما تذهبين للجامعة وتدرسين الطب _ان شاء الله _ تجدين معظمهم بنات او اولاد بابة و مامة
Ambitious man
2012-06-26, 23:49
الصيدلة ،، ( قاتلي صاحبتي مدايرتها ) صعيبة شوية en + لي ما نحبوش فيها انك تقرا تقرا و من بعد تولي تبيع ف la pharmacie يعني en dirait تولي كيما l commercent ،، و حتى كي تدير spécialité يحبلك باش تلقى خدمة ،، عدد سنوات الدراسة 6 سنوات و تخرج un docteur en pharmacie و سنوات

هذا غير صحيح لان ما توليش كيما التاجر...
انت صاحبة الصيدلية وانا خمت فيها العام الي فات في الصيف ومول الصديلية كان يخدم بالفاتورات الي تفوت 50 مليون ... اما للفتيات يمكنهن كراء دبلومهن لاصحاب الاموال وسيجلب لهن على الاقل 100 مليون في العام ... هذا والله اجل واعلم
Ambitious man
2012-06-26, 23:51
للتوضيح فقط بالنسبة للطب راك كيما تخلص 7 سنين ( السنة 7 براتيك)
وتدير التخصص راك تولي تأخد أجرة يعني تقرا و تخدم
و ماش 12 سنة غير قراية برك
و لا حبيتو تعرفو الاجرة لي تأخدها أثناء سنوات التخصص نسقسيلكم عليها
يخلصو بين 4 ملاين و 5 والله اعلم
Ambitious man
2012-06-26, 23:53
oui ,, c'est vrai ،، يعودو يخلصوه كيما طبيب عام يخدم في المستشفى ،، و على حسب علمي حتى في جراحة أسنان نفس الشي لي يكمل 5 سنين و يكمل la spécialité خلال سنوات التخصص الأجر ديالو كيما طبيب أسنان يخدم في القطاع العام


ايه تعيش خويا اذا قدرتي سقسيلنا عليهم في زوج بارك الله فيك


دمتم في حفظ الرحمآن


ختي جراح الاسنان بعد 3 سنوات يبدا يخدم في المستشفى ويقرا في نفس الوقت وانا نعرف صاحبي سنة 4 ويخلصو الله اعلم اقل من الطبيب العام ب 700 الف تقريبا اذا ما خانتنيش الذاكرة
mamouche
2012-06-26, 23:53
اخي ربي يجيبلك ما تتمنى خبرني واش راك داير باشتنحي التقلاق هدا راني خلاص ما قدرتش نستحمل
Ambitious man
2012-06-27, 00:01
مدرسة عليا للاعلام الى

طب

جراحة اسنان


صيدلة




هذه هي الخيارات الاحسن في الجزائر
المدرسة العليا للاعلام الالي مستوى عالي , التوقيت مملوء عن آخره ، يجب عليك الاجتهاد كثيرا وتخبش ليل ونهار ... وصراحة واش تقراه والتعب الي تتعبو في 5 سنوات يفوق ما يتعبه من يدرس الطب في 12 سنة على الاكثر .. زد على هذا لا احد يظمن العمل انت وزهرك وقدر ربي سبحانو ، صدقني نعرف زوج واحد خرج الاول في دفعة خرج للخارج وآخر خرج الاول في دفعة اخرى وصدقني راه يخدم الاعمال الشاقة لان ذنبه الوحيد زوالي زما عندوش الكتاف ...
الطب رائع لمن يحبه ويحب ان يحفظ ، تحفظ تدي ما تحفظش ما تديش ، والقراية باينة على عكس المدارس التحضيرية التي في الامتحانات هذا العام (اقصد المدرسة التحضيرية علوم وتقنيات التي ادرس فيها) يعطولنا مشاكل جامي لا شفناهم على شكل تمارين ويطلبو منا نحلوهم وانا نشفا دا صاحبي 0,75 في الفيزياء مع انو كان يدير الليالي البيضاء في الدراسة :confused:
جراحة الاسنان ... اقل من الطب في سنوات الدراسة وقد تكون اكثر دخلا اذا احسنت اختيار مكان العيادة الخاصة
صيدلة ... الربح السريع بعد 7 سنوات حفظ للدروس
ربي يوفقك خويا
Ambitious man
2012-06-27, 00:03
اخي ربي يجيبلك ما تتمنى خبرني واش راك داير باشتنحي التقلاق هدا راني خلاص ما قدرتش نستحمل

اذا تقصدني انا راني داير مدرسة تحضيرية علوم وتقنيات واكملت السنة الاولى وانتقلت الى السنة الثانية ولله الحمد
اما اذا قصدت غيري فاعتذر عن الرد
باربي الأصيلة
2012-06-27, 00:08
السلاآم عليكم و رحمة الله

رأيت موضوعكم و لقد كنت مثلكم العام الماضي محتارة جدا لكنني إخترت صيدلة و الحمد لله

لمحة بسيطة عن الصيدلة
فرع رائع يجمع كل التخصصات و الذي أعجبني أكثر يتناول الأمراض من جانب و علاجها بتدقيق من جانب آخر لكن لا أخفيكم أن دراستها صعبة و تحتاج إلى جهد لا بأس به

الطب الدراسة تاعو أبسط من الصيدلة نوعا ما لكنه أيضا يحتاج إلى جهد خاصة من ناحية الحفظ رزم كبيرة من الحفظ ما شاء الله
الصيدلة نوعا ما تعتمد الفهم أكثر من الحفظ لكن فيها الحفظ بطبيعة الحال لكن الطب أكثر ..

ربي يقدملكم كل ما فيه خيرة ليكم

نوصيكم صليو صلاة استخارة و ربي يسهللكم و إن شاء الله راني هنا في حال أي سؤال
mamouche
2012-06-27, 09:09
اذا تقصدني انا راني داير مدرسة تحضيرية علوم وتقنيات واكملت السنة الاولى وانتقلت الى السنة الثانية ولله الحمد
اما اذا قصدت غيري فاعتذر عن الرد

لله يبارك خويا ربي يوفقك
Ambitious man
2012-06-27, 10:40
لله يبارك خويا ربي يوفقك
آمين الله يجزاك خير حبيبي
زكي bac
2012-06-27, 10:50
كل حسب ميولاته
يعني لا يمكن لاحد ان يختار عنك و خاصة ان خياراتك متباعدة عن بعضها
اما انا ان تحصلت على معدل يؤهلني ل ini ساختاره مع انني احس بانه ستنقصني فاصلة صغيرة للالتحاق به
و بعد ال ini ريا و اع أ هواري بومدين
ربي يوفقنا
مسيردى
2012-06-27, 11:16
كيمياء و محروقات
مدرسة تحضيرية علوم و تقنيات
رياضيات و إعلام آلي
meriem algerie
2012-06-27, 13:07
السلام عليكم ورحمة الله تعالى وبركاته
ربي ينجحك ويوفقك لاختيار التخصص الذي يروقك انت وجميع المسلمين
التخصصات لي اختارتها مليحة و كل وحدة عندها مميزاتها
نبداو على بركة الله بالمعلومات القليلة لي نملكها

مدرسة عليا للاعلام الى
هاذي فوووووووووور مام ادا عندك ميول للتقنيات هذي تناسبك
انا العام الماضي حبيت نروحلها مي دوماج خوفوني وقالولي روح ميدسين خيرلك رغم اني كنت متأكدة اني قادرة نتفوق فيها باسكو نحب المات بزاف
المهم باش تروحلها يزمك معدل عالي العام الماضي بالنسبة للعلميين 17.09 ثانيا ادا ضمنت المعدل يزمك تعرف بلي تبدا مدرسة تحضيرية وبعد عامين اذا كان عندك معدل فوق 12 تنتقل مدرسة عليا واذا كان عندك اقل تعمل كونكور اذا نجحت تنتقل اما اذا رسبت فالوجهة ستكون اعلام الي في الجامعة يعني تكمل تقرا مع لي راحو رياضيات واعلام الي
اما فيما يخص المستقبل اعتقد ان المستقبل زاهر ولكن في الخارج



طب
هذا تخصصي روحت ليه العم الماضي كل ما تحتاجو راني في الخدمة
واش نقولك واش نخلي
المهم انا نحب هذي المهنة (المهنة ماشي قراية) يعني قراية فيها بزاف ماشي صعيبة مي تعيي
تقدر تكره حياتك مي ممبعد كلش يهون
وبخصوص السنوات اعتقد انه لا يجب ان نطلع بهذي العقلية باسكو اذا بديت تقرا وعجبتك كلش يهون سورتو قراية فيها حلوة ماشي سامطة
المهم اي استفسار فيها راني هنا


جراحة اسنان
من فروع الطب شخصيا لا احبها

صيدلة
تخصص مليح سورتو اذا تحب شيمي تقرى 6 سنين ومبعد المستقبل شوية فيه شوماج سورتو دوق الصيدلية راهم بزاف
ولكن تقدر تحصل على منحة لدراسة بالخارج سورتو في لاشين اذا كنت من لي ماجور


مدرسة عليا للتكنولوجيا
هذي معنديش معلومات عليها باسكو واحد ملي نعرف ماراح ليها

مدرسة عليا للاساتذة
هذو مدارس معندي منقول فيهم يعني كلش باين تدخل بكونطرا وتقرا 5 سنين والخدمة كيما يقولو مضمونة هذي نخيليوها بين قوسين باسكو في دزاير ولا شي مضمون


رياضيات و اعلام الى
تخصص مليح وفيه منح دراسة في فرنسا باش تكمل دوكتورا
amin2011
2012-06-27, 14:19
كل حسب ميولاته
يعني لا يمكن لاحد ان يختار عنك و خاصة ان خياراتك متباعدة عن بعضها
اما انا ان تحصلت على معدل يؤهلني ل ini ساختاره مع انني احس بانه ستنقصني فاصلة صغيرة للالتحاق به
و بعد ال ini ريا و اع أ هواري بومدين
ربي يوفقنا

أنا تاني كيما أنت حبيبي راني خايف يلا ما نلحقش للمعدل القبول في الـ eni
manel.1706
2012-06-27, 14:30
السلآآم عليكم

ممممممممم كل التخصصات التي اخترتها جيدة

المدرسة العليا للإعلام الآلي يشكرو فيها و قالو القراية فيها و لا خلي ،، بصح هي على حساب علمي في العاصمة (( أنا شخصيا كنت حابتها مي هي خارج الولاية نتاعنا :( ))

الطب و ما أدراك ما الطب ،، 7 سنين حتى تولي طبيب عام و زيد 4 سنين باش تدير تخصص ،، هو صح الطب مليح والخدمة نتاعو noble ، بصح تبقى دايما المشكلة في esk يبقى عندك نفس طول النفس خلال سنوات الدراسةو لا لالا

جراحة أسنان ،، هو التخصص لي بربي ان شاء الله احتمال كبير نخيرو ،، يعني domaine تيعو bien و القراية 5 سنين ،، je pense قالو السنة الأولى هي الأصعب psk يكون فيها بزاف les modules و en + تكون جذع مشترك مع l médecine بصح من بعد تخفاف شوية القراية و تدخل في التخصص ابتداء من 2ème année ،، و لي عاجبني فيها أكتر انو من السنة الثانية تبدا l pratique ،، عدد سنوات الدراسة 5 سنين + 3 سنين و لا 4 تخصص و تخرج docteur en chirurgie dentaire

الصيدلة ،، ( قاتلي صاحبتي مدايرتها ) صعيبة شوية en + لي ما نحبوش فيها انك تقرا تقرا و من بعد تولي تبيع ف la pharmacie يعني en dirait تولي كيما l commercent ،، و حتى كي تدير spécialité يحبلك باش تلقى خدمة ،، عدد سنوات الدراسة 6 سنوات و تخرج un docteur en pharmacie و سنوات التخصص 2 و لا 3 سنين

مدرسة عليا للتكنولوجيا

مدرسة عليا للاساتذة

ما عنديش فكرة عليهم

رياضيات و إعلام آلي ،، نقولهالك أخطيك psk عادت تاع الناس الكل ،، و إذا كنت حاب الإمتياز في قرايتك ما كان لاه تديرها


الموووفييد دركا نستناو حتى نزيدو نشوفو la moyenne و من بعد يجي الكلام نتاع الصح

الله يحققلنا قاع وش نتمناو



دمتــ في حفــــظ الرحمـــــــــــــآن



الله يحفظك أختي قلتي واش كاين في قلبي خصوصا فيما يخص الصيدلة هاذاك هو رأيي فيها بالضبط مع احترامي لجميع الصيادلة

و الله يجيب الخير
manel.1706
2012-06-27, 14:35
أين هو النعيم أخت فريال
تقراي شحال من سنة و اذا ما توفرتلكش الشروط باه تحلي privé تروحي للمستشفى préemploi راهم يديو مليون و نص
علما أن les femmes de ménage في نفس المؤسسة يديو مليون و 800 و تترسمي بعد شي 6 سنين ولا 7
يمكنك التأكد من أي مشفى
انا شخصيا لست من مؤيدي الmédcine



هادي مكاش منها نعرف واحد طبيب وغي هنا هنا تخرج يخلص 7 ملايين
مليون ونص مكاش منها
manel.1706
2012-06-27, 14:43
أنا راني حابة esi مي راني خايفة ممبعد كون مانطيقش نكمل نختار التخصص اللي نحبو ولا هما يشرطو عليا يعني لازم نروح ريا واعلام
ولا نقدر ندير حتى طب بويسك يلا دخلتلها أكيد المعدل يكون كبير وتتوفر فيه شروط الالتحاق بكلية الطب اللي عندو معلومة يفيدني

الله يجيب الخير
محب الرياضيات
2012-06-27, 14:46
أنا تاني كيما أنت حبيبي راني خايف يلا ما نلحقش للمعدل القبول في الـ eni


esi ولا بدلتها رديتها eni هههههههههه
listoma
2012-06-27, 15:23
مدرسة عليا للاعلام الى

طب

جراحة اسنان


صيدلة


مدرسة عليا للتكنولوجيا



مدرسة عليا للاساتذة



رياضيات و اعلام الى

السلام عليـــــــــكم و رحمة الله و بركآآتـــــــــــه .. /
ممم... الهدرة أكيد رايحة تبدى بالمدرسة العليا للإعلام الآلي ...
أنا الشئ اللي نعرفو عليها بزااف بزااف .. تقدر تصيب مقال مفصل عليها في منتدى dzbac.com ...
++ كيما قال وحد الأخ ولا أخت .. تبدى مدرسة تحضيرية عامين .. تدي فوق 12 تدخل ديراكت ... تحت 12 كونكور ... ما تنجحش .. الجامعة ..
الدراسة فيها صعبة بزااف .. المنافسة شديدة .. و ان كنت من هوااة .. الرقااد ننصحك تبعد عليها ... ++ الخدمة كيما قالوا الضامن ربي ... هذي هي اللي تغيض ... مي النيفو طآآلع بزااف ... و مام الاقامة تاعهم فوووووووور ... في زرالدة ..

الطـــــب : .. أشرف مهنة تخدم للدنيا و للآخرة .... بغض النظر عن عدد السنين خااطرااش يزربو يفوتو لأن الدرااسة ممتعــــة .. أصلا توالف ...
ف أنا شخصيا ننصح اللي يحب الحفظ بزاااف و قادر على شقااه يروح ليها .. لأن الدراسة الأغلبية حفظ .. و نظــــن أنهم صارو 8 سنوات ماشي 7 ...
و الخدمــــــة مضمونة أكيد و الخلاص مليــــــــح ....

جرااحــــة أسنان : مليحـــــــة تقدر تقول رااكـ دخلت تخصص تاع الطب ديراكت ..... الدراسة ممتعــــــة .. العام الثاني ولا الثالث يبدى براتيكـ ... أغلبيتها رسوماات .. تعتمد على الحفظ بنسبة أقل ... عدد سنوات الدرااسة أقل .. و الخلاص أحـــــسن من الطب لأن الجراحين قللال بزااف .. مثلا في المنطقة اللي أنا نسكن فيها كاين 2 جرايحين ... و للزوج ماشي منا ... و لكن الأطبااء كاين 10 ولا 12 .. صرآآحـــــة تخصص رائع .. و مهنة شريفـــــــة طبعا .. ++ شخصيا أفضلها على الطب ...

الصيدلـــــــة : تخصص مليح تاني ... مي مع احترامي لكــــــل الصيادلة فأنا أعتبرها تجاارة ....
خااطرااش تقرى تقرى .. تقرى .. و مبعد تكري الديبلوم .. ولا تفتح صيدلية .. ترجع تبيع و خلاص ... و راكـ تدخل في الدراهم ...
++ صرآحــــــة كل واحد و قناعتو بهذا التخصص .. اللي حاب يدير الدراهم و يربح من العلمـ اللي تعلمو ... و يكمل حياتو هكذا ... عادي ربي يسهل عليه و أنا نحترمـ رأيو ... بصح أنا شخصيا . ما نقدرش نرمي الشئ اللي فنيت حياتي من أجلو على جال الماال .. و ما نقدرش ما نفيدش بعلمي و ما ننفعش بيه غيري ... لأننا مسلمين و المسلم لازم يدير في حسابو بللي راه يخدم للدنيا .. و لأخرتو تاني ....

المدرسة العليا للتكنولوجيــــــــا ... :
تخصص رائع .. و قليل اللي تعمق فيها و حب يعرف وااش راها تخبي من مفاجآت ...
هي صرااحـــــة غير كيما فتحـــــت في 2009 نظن في جانفي ... يعني مازال واحد ما كمل و خدم .. ولا ... بصح مادام راها مدرسة عليا أكيد عندها مميزاات .. خااصة انها في بداية مشوارها ... و هي في الرويبة ... و الاقامة في زرالدة ... و الدراسة بالفرنسية ...
تقرى عادي .. و مبعد تخصص كاين 4 تخصصات .. /
كاين - هندسة ميكانيكية و إنتاج ... - هندسة كهربائية و حوسبة صناعية ... - هندسة صناعية و صيانة
... - هندسة لوجيستية و نقل ...
و كل فرع فيه فرووع .. فمثلا فرع الهندسة الصناعية و الصيانة تقرى فيه : * صيانة صناعية * آلات السكك الحديدية .. * المركبات الأرضية ....
++ نعرف واحد قرى فيها يعني أنا و الله ماني فاهم بالضبط ان كانت المدرسة هذا وين فتحت ... ولا في 2009 غيرت النظام إلى LMD ...
المهم هذا اللي نعرفو درس في الرويبة تكنولوجيا .... و خلص قرايتو فيها .. مبعد دركـ راهو في روسيا .. يكمل في القراية .. و يقرى على صيانة الطائرات ... يعني ميكانيسيان مي تاع لافيون ... ههههه....
و السلاكـ بلاما نهدرو .. باينة ...

المدرسة العليا للأساتذة :
مليحــــــة للبنات بالدرجـــــــة الأولى ... لأن الدراسة فيها بسيطـــــة و عدد السنوات قليلة .. و الخدمة مضمونة ...
تاني للي حاب يكمل حياتو في التعليم ... ++ واحد ما يحقر التعليم ... بكري صح تمرمدو ... مي اللي يدخل دركـ و الله يصيبها واجدة .. الخلاص مليح .. الاجازات و العطل ... الامتيازات الرائعـــــة .. و اللي يكمل أستاذ جامعي .. نهنيــــــــــه .... هههه ...

رياضيات و إعلام آلي : ..
اللي نعرفو عليها أن الدراسة فيها شوية صعيبة ... خااصة في السنة الأولى ما تفهم والو .. و تتخلط عليكـ الأمور خاصة في l'informatique يعني لازم تتمكن منها في البداية .. و إلا تكمل العاام غير بال4 وال5 ... في لافيشااااااج ... هههههه.. .
مي الخدمة .. ما علاباليش ...

بالنسبة ليا ... أنا نظـــــــــن أن الاختيار سيكون بين جرااحـــــــة الأسنان و بين المدرسة الوطنية العليا للتكنولوجيا ....
لأني شايف روحي قادر نكمل مشواري في وحدة من هادو .. و قادر نبدع فيـــــــــهم ....

المهم نتمنى لكل واحد التوفيق في الاختيار .. و لازم تسقسسو مليح .. على كلشي .. و ما تنساوش صلاة الاستخاارة ...
و أكيد ربي رايح يجيب اللي فيه الخير ...

في أمان الله
محب الرياضيات
2012-06-27, 15:30
الامر الذي يجهله الجميع ان التخرج من المدرسة العليا للاعلام الى

عمله مضمون وهو على الاقل

استاذ التعليم الثانوي للاعلام الى
Houda Mhrg
2012-06-27, 16:29
la médecine mon frére .....vive la médecineeeeeeeeee
انا لن اتردد لحظة في الاختيااااااااااااااااااااااار الطب
دعواتكمــ
شكرا بالتوفيق
محب الرياضيات
2012-06-27, 16:45
دك تقلراها وتعاني ههههههههههههه

لا لا لي يحبها ينجح فيها ان شاء الله كيما انت
zinouba23
2012-06-27, 18:20
جميع التخصصات التي ذكرتها رائعة جدا و لكل منها مستقبل زاهر لكني افضل الصيدلة هذا لانها حلمي منذ الصغر و لا اظنها انها كالتجارة و لكل شخص رايه الخاص
المهم التوفيق للجميع و ان شاء ربي يعطي لكل شخص مراده و تخصصه المفضل
محب الرياضيات
2012-06-27, 20:42
طبعا ليست تجارة
bilal122
2012-06-27, 20:57
علووووووووووووووووووووووووم اسلامية بالامييييييييييييييييييييييييير
محب الرياضيات
2012-06-27, 21:19
باي معدل اااااااااااااا
محب الرياضيات
2012-06-28, 08:35
قررت
++++مدرسة عليا للاعلام الى

++++صيدلة

++++جراحة اسنان
BAHI cRaZy
2012-06-28, 09:27
السلام عليكم
اخي


طباعة تعني فقط telecharger و انت تقوم بتنزيل ملف بصيغة pdf و يجب ان تتوفر عهلى اكروبت فقط ليس على طابعة و اذا كان الاكروبت يدعم صفحة النت فيفتحها مباشرة على الاكسبلورل بدون تنزيلها فاحسن