دعاءكم

[مشكلتي]

منذ هاجر أخي إلى الخارج تبدلت سيرة بعض أولاد الحي معانا مع العلم بقينا فقط نحن الفتيات والأبوين والمشكلة أنهم في الليل يسهرو تحت نافذتنا وما نعرف اذا يشربو ولا ياخدو مخدرات المهم يطيرونا النعاس واطلعولنا الزعاف مرات حتى يشعلو موسيقى وكانهم دايرينها بلعاني في بعض الأوقات نشعل الضو يسكتو ممبعد يزيدو أكثر في هبالهم الوالد عندو مرض ورايح جاي مسبيطار ما نحبوش نزيدو عليه او من غيروا ماكاش شكون يهدر معاهم وماليهم كثر وكثر منهم رجائي تدعولناربي يبعد بلاهم علينا لأنه ليس في اليد حيلة وربي يفتح ويفك كرب كل واحد فيكم

[الدكتور سام]

يا اختي كاينة الشرطة و الدرك.بلغو عليهم هدا مكان

[~~ أغيلاس ~~]

الحل يسير،،،،،،،،،،،، يخرج الوالد تعك يطردهم،،،،،،،،، و إن كان مريضا تلبس والدتك حجابها ( إن كانت عجوزا ) و تخرج تطردهم،،،،،،،،،،، و إن لم يتأدبوا عليكم بالشرطة .

[الجليس الصلح]

ربي يفرج عنكم هذا البلاء برحمته

[نور اليقين جيداء]

حتى حنا و كيفكم و الله مرات يجو عند الباب و يشربو حاشكم معيينا مع الشرطة يدخلو و يخرجو عادي
الله يهديهم هدا مكان

[مريم الصابرة]

السلام عليكم اختي شوفي لما الوالد نتاعك مريض نصيحتي لما يجو عند الدار إتصلي بالشرطة هذي خدمتهم ويجو يشوفوهم متلبسين بلاما تروحي وتشتكي إتصلي بالشرطة او الدرك وهكذا ما يولوش ليكم لانو هكذا يعتبروكم خايفين منهم ويزيدو اكثر كاين ربي اختي قادر عليهم ربي يبعدهم عليكم شكرا

[دكتورة بإذن الله]

يا اختي قومو بتقديم شكوى لدى الشرطة القريبة من سكناكم بخصوص الازعاج لي راكم تتعرضون له من قبل هؤلاء

و هم يستكلفو بالامر لاننو كاين الشرطة تاع هاذي الصوالح راهم سيفيل يدورو ويتاكدو و بتالي يحكمو بيهم على غفلة

و ماتخلطوش فيهم لانهم منحرفين و لربما يفعلون ما اكثر خصوصا انهم عارفين بوضعيتكم

و ربي يهدي ماخلق..

[azade]

سلام عليكم أختى انا ننصحك تتصلو بشرطة و بدون مايعرف بابك إلا كان مريض و قولو لامك وتصرفو لانهم راح يتمادووو أكثر

[samirovich]

لا أتفق مع رأي استدعاء الشرطة
لأنهم لن يفعلوا شيئا وربما يزيد هؤلاء الشباب من ايذائهم لكم
الأحسن أن تضعوا زيت سيارات مستعمل في مكان جلوسهم تحت النافذة
أو تكلموا شخصا ليطلب منه الابتعاد بطريقة هادئة
انتم لم تجربوا الحسنى معهم

[mizouhamza]

لا يا أختي تقدري الديري جيبيلهم الجدرمية و لا لا بوليس متبقاوش سكتين هكا

[البريئة]

ان شاء الله ربي يبعدهم عليكم بعد السماء عن الأرض أنا مع رأي الأخ لي قالك ضعوا زيت السيارت ، و إذا اضطررتم ضعوا أكياس القممات أكرمكم الله لأني أرى بأن هذه الأكياس أفضل بكثيير منهم حتى كي يفرج ربي

[selma sosou]

ربي يكون معاكم ااو يهديهم

[الجواهر]

هذه المشكلة يعاني منها الكثير فقد قل احترام الجار و صار انتهاك الحرمات جهارا
اذا بلغتم الشرطة سيعرفون انكم من بلغتم و لا تعرفون ردة فعلهم خصوصا و انهم منحرفون و انتم تقريبا بلا حماية قد يكسرون باب البيت عليكم و لن تاتي الشرطة الا بعد فوات الاوان
لهذا انصحك ان تحدث امك احد ابناء الحي المعروف بكلمته المسموعة " عندو قيمة " عن المشكلة و تطلب حلها وديا
ربي يهديهم و يهدينا