بليييييز مكن مساعدة في غوسات نتاع حلوى الكريستال

[chaimaciara]

بليزززز ممكن وصفة حلوى الكريستال حابة نديرها فلفاتحة نتاعي واذا عندكم وصفات اخرى اعطوني رايكم في اقرب وقت بلللللللللللللليييييييييييييييييييز:confused:

[انتي بلون الورد]

للعجينة
رطل كوكاو او لوز محمص و مرحي
رطل مرغرين لابال
نصف باكي خمارة قاطو
كاس سكر رطب
مغارف كبار كاكاو 2
فاني
قشور القارص
فرينة

للكريمة
نصف لتر حليب
2 مغارف فرينة
صفار بيضة
كاس سكر رطب
فاني
مغرف نشاء
باكي زبدة ستار

كيفية التحضير
في طبسي كبير و واسع نضع المرغرين و السكر و الفاني و قشور القارص و نضربهم بكف اليد جيدا حتى الحصول على مرهم....نضيف الكاوكاو و الكاكاو و نخلط جيدا ثم نضيف الخمارة و نبدا بلم العجين بالفرينة شيئا فشيئا حتى الحصول على عجينة طرية و لينة
من الاحسن نحلل في العجينة فوق ساشي باه تبقى محافظة على شكلها
الشكل حسب الرغبة تحبو ديروه على شكل قلوب على شكل دوائر......اي شكل ترغبوه

نروحو للكريمة
خلطي في طاوة كل المواد المذكورة اعلاه ماعدا الزبدة.......ضعي الخليط فوق نار هادئة
الى ان يخثار انزعيه من على النار و اتركيه يبرد جيدا......ضعي في صحن آخر الزبدة تكون لينة بحرارة الغرفة ضربيها بالباتور حتى تولي كي المرهم و مبعد ابداي ضيفي كريمة الفرينة لي حضرناها قبل قليل غير بشوية بشوية حتى تكمل كامل الكريمة و نتي تضربي بالباتور في الأخير رايحين نتحصلو على كريمة اكثر من روعة....انتظروني المرة الجاية نوريهالكم بالصور كيفاه تتحضر يعني بالتفصيل الممل.....صدقوني لما تجربوها تولو كامل ما تقدروش تستغناو عليها.....راني وليت حورية المطبخ هههههه
المهم نلصقو الكريستال بالكريمة يعني حبة بحبة و نغطسوه في الشكولاطة الذائبة اما مسألة التزيين فتبقى اذاوق هده الوصفة ديتها منا والله نسيت شكون الاخت لي تفضلت ب تقديمها والفضل ليها ومبروك عليك الخطبة ختيتو ربي يكملك علا خير اعرضيني متنسيش راني بنت بلادك ههههههههههههههه

[lyna38]

شوفي هذا الرابط للاخت himanlogine
http://www.djelfa.info/vb/showthread.php?t=1001884

بتوفيق

[himanlogine]

اختي لبنات راهم كفاو و وفاو......مبروك عليك اختي