الجوارب

[مشكلتي]

السلام عليكم اخواني اخواتي في الله . قررت طرح مشكلتي علني اجد الجواب عندكم. تعرفت على شاب محترم متدين و الحمد لله المهم اتفقنا على التعارف الذي دام شهرين بنية الزواج اتفقنا على كل شيئ حيث شرط عدم العمل و الحجاب الشرعي. وافقت على ذلك و انا متحجبة لم اجد في الامر حرج بل بالعكس كنت مرتاحة . تحدثنا عن الحجاب وقال انه الفضفاض العادي الذي تلبسه كل امراة مسلمة. حددنا موعد الخطوبة . و اليوم بينما كنا نتحدث قال لي يجب ان ترتدي الجوارب مع الحجاب ،لم افهم شيئا الجوارب؟؟ لكن هذا تلبسه المتجلببة ؟؟؟؟؟؟ و قد قلت له انا لا احب الجلباب فكيف اليوم تقول لي هذا لماذا لم تصارحني؟؟؟؟؟ رد على بانه خاف من ان ارفض ..........و برر ان الجوارب تدخل ضمن الحجاب الشرعي......... و الرجلين عورة و.....الخ .و كادت العلاقة ان تنتهي بسبب الجوارب ... وفي الاخير قال لي سوف اقبل مؤقتا بعدم ارتدائك للجوارب لكن مستقبلا سوف ترتدينهم ...........ما الحل اريد رايكم فانتم عائلتي اصدقائي انصحوني جازاكم الله كل خير فلا تبخلوا على بردود صريحة ...نفسيتي تعبت بسبب الموضوع
ـــــــــــــــــــــــــــــ
نرجوا تقديم النصح بعيدا عن الفتوى وإن ارادت صاحبة الموضوع الفتوى فلتسأل مختصا في ذلك على أرض الواقع مباشرة

[Crazy lazy Girl]

لازم تكون الامور واضحة بيناتكم من اول يوم للخطبة هو ماكانش صريح و نتي ما حبيتيش الاقتراح مع انه لا يوجد اجمل من السترة للمراة

الزواج راهو حياة و توافق ثقافي و اجتماعي وووووو.......
و بالتوفيق

[مستفانم]

تعارف ولمدة شهرين ! واااو

أختي الفاضلة ومع كامل إحتراماتي لو هذا الشاب كان متدين صراحة بهذا القدر حتى يفرض عليك إرتداء الجوارب ماكان ليكلمك أو يتعرف عليك حتى .

كان ليطلبك من أهلك حتى وبدون رؤيتك أو الحديث معك

أنا أشك في الأمر

الجوارب للمتجلببة ويجب وضع النقاط على الحروف من الآن كي لا تقع بينكما مشاكل مستقبلا لسمح الله

عموما صل صلاة الإستخارة فما خاب من إستشار ربه الأعلى

[لحن الفرح]

السلام عليكم
اختي اذا رأيت فيه نعم الزوج الصالح وانسان طيب يخاف ربي ويحبك .فلا ترفضي مايقول لك ، فإنه يراك زوجة المستقبل .
المهم الهناء فقط . واذا رأيت العكس وقلبك ماهناكش ليه فلا تكملي مشروع الزواج وكل واحد يروح لحالوا .

[فتـ حييةـاة]

........ يليق تفرحي وتحمدي ربي ...........رزقك بزوج يغير عليك وحابك تكوني مستورة واش فيها اذا لبستي الجوارب مارايحين لا يجيفوك لا يعطلوك على المشي

ربي يسهل

[الجواهر]

كنت ساقول لك مادمت لا تعملين فسيكون خروجك من البيت قليلا فاحتملي ثم فكرت قليلا و وجدت ان المراة لا تخرج للعمل فقط تذهب لزيارة اقاربها و اسرتها تذهب للطبيب
حين ترزق باولاد ستاخذهم للمدرسة للطبيب لكسوتهم .........خروج متكرر فهل تتحملين لبس الجوارب هذه من مجهة و من جهة ثانية الشخص الملتزم يضع شروطه كاملة دفعة واحدة و ليس بالتقسيط كما فعل معك و ما يدريك ربما سيشترط شروطا اخرى ؟؟ جايبها معاك حبة حبة
اطلبي منه كل الشروط و ان كان يستحق تحمل الجوارب تزوجيه و ان كان لا يستحق فيعوضك الله خيرا منه علما ان الجوارب ليست من الحجاب الشرعي

[**د لا ل**]

اختي الكريمة

اعتراضك على الجلباب نفسه وليس على الجوراب

لان الجوارب تكملة للباس الشرعي

فمادمت سترتدين الحجاب الشرعي وان لم يكن الجلباب فهو اكيد سيكون واسعا وطويلا يعني الجوارب لن تظهر في جميع الاحوال

لذا وضحي لخطيبك انك معترضة على مبدا الجلباب نفسه وليس على جواربه وبراي انه ليس سببا للتشاجر فمادمت سترتبطين بشخص ملتزم فعليك بقبول شروطه واهمها السترة

فاحمدي الله لانكِ وجدتي من يستركِ

وفقك الله أخيه

[da3dou3]

انتي ساعفي دورك على خاطر تخطبتي و زيد كيما راك تقولي راهو انسان متقي و متدين عمبالك كون تبطلو من الخطبة تعكم اكي انت هي الضحية الكبيرة. الناس درذ سمعت بلي راكي تخطبتي و كون تبطلي وش يقولو انسان متقي و متدين بطل منها يتسمى كاين ان واكي تعرفي الناس ماترحمش مالغري المشكل هو جوارب اذا ساعفي و اصبري فالاخير انت مستفيدة .

[Rose19]

أختي من الافضل ان تلتقي بالسيد و تطرحين عليه سوال واحد: ماهي الاشياء (كل) التي تريدها في شريكة العمر (اللباس , علاقتها مع اقاربك....الخ) و اطلبي منه الرد الصريح دون الخوف من الغد (ان تكوني له او لا, لان هذا مكتوب رب العالمين) و هنا لك ان تقبلي او ترفضي, افضل من ان تنصدمين بأوامر بعد الزواج قد ترفضينها او تقبلينها مكره فتكرهين حياتك.

[سومية88]

السلام انا نشوف حاجة عادي وعلاش تكبريها انا عندي مرت عمي مديرش العجار كي تزوجت خرجتها الاولي راح الحانوت شراهولها درتوا في الحانوت قلتلها نورمال قاتلي المهم معيشني مليح راني الحمد الله وعلاش حتي نوري وجهي لغاشي المهم الراجل واش المقلقك من جوارب وشوفي انت هدا مجرد راي

[بنت الحجاج]

بصراحة

كون جيتْ في بلاصتكْ

حتى و ماكانوشْ فرضْ

كنت راحا نلبسهم


كيما نقولو

على وجهو بركْ

ـــــــــــــــــــــــــــــــــ

أما أنت

ماكيش راحا نخدمي

يعني خرجاتك رايحين يكونو قلالْ



أقصدْ

ماديريشْ مُشكل بلا مُشكٍلْ

[~~ أغيلاس ~~]

........................
و لا داعي للبس الجوارب بإمكانك لبس ليبا سوداء، هناك دكاكين تبيع هذا النوع من الليبات .

و من قال لك بأن المتجلببات فقط من يغطين أقدامهن ؟؟

كل فتاة تريد أن يكون حجابها كاملا تغطي قدميها، إحدى أخواتي قبل أن تلبس الجلباب ( كنت صغيرا حينها ) كانت تلبس حجابا فضفاضا و خمارا و ليبة ( جوارب خفيفة ) سوداء دائما، و أعرف الكثير من الفتيات متحجبات فقط و لكن يغطين اقدامهن، ظهرا فقط ذهبت لإرجاع أختي من المدرسة القرآنية و دخلت إحدى المعلمات و كانت محجبة بحجاب فضفاض ( و خمار أبيض طويل دون نقاب ) و كانت لابسة ليبة سوداء ( يعني جوارب ) .

قبل أن تغطي قدميك إرضاء لخطيبك غطيهما إرضاء لله سبحانه و تعالى .

و كوني على يقين أنك إن رفضت الخاطب لهذه الأسباب الغير منطقية فسيجد من تقبل به و لن تلبس الجوارب فقط بل حتى البُرقع .

[~~ أغيلاس ~~]

كنت ساقول لك مادمت لا تعملين فسيكون خروجك من البيت قليلا فاحتملي ثم فكرت قليلا و وجدت ان المراة لا تخرج للعمل فقط تذهب لزيارة اقاربها و اسرتها تذهب للطبيب
حين ترزق باولاد ستاخذهم للمدرسة للطبيب لكسوتهم .........خروج متكرر فهل تتحملين لبس الجوارب هذه من مجهة و من جهة ثانية الشخص الملتزم يضع شروطه كاملة دفعة واحدة و ليس بالتقسيط كما فعل معك و ما يدريك ربما سيشترط شروطا اخرى ؟؟ جايبها معاك حبة حبة
اطلبي منه كل الشروط و ان كان يستحق تحمل الجوارب تزوجيه و ان كان لا يستحق فيعوضك الله خيرا منه علما ان الجوارب ليست من الحجاب الشرعي

تتكلمين و كأن لبس الجوارب عبء ثقيل .

أنا أعرف معلمات و أستاذات ( زميلات في العمل ) و طبيبات و موظفات إداريات هنا في العاصمة لا يلبسن الجوارب فقط بل حتى الجلباب و البرقع .

و يؤدين عملهن بصفة عادية .

و والدتي و هي عجوز بعد أن كانت تلبس الحايك و العجار تلبس الآن الجلباب و النقاب و الجوارب و تخرج من المنزل يوميا لقضاء الحوائج و لم أرها تشتك يوما .

[تهاليل]

شوفي أختي حنا منحاسبوش على الماضي نتعك معاه حتى لو كانت اشهر قبل خطبتك كان من مفروض ماتتكلموش المهم هذي بينك وبين ربي أنت راكي تبحثي عن جورب شكون قالك هوما للمتجلببة فقط لالا يخي قالنا لازم تغطوا رجليكم في الصلاة على الاقل ظاهرها أما إذا كان حجابك طويل ويغطي رجليك هذي حاجة أخرى يخي الناس راهم مختلفيني في الوجه واليدين عورة أما مسألة الرجلين أمر مفروغ منو صراحة وزيد ننصحك هذا زوجك قولو من دوك واش راه حاب من ضبط لانو مش راكي مستعدة لأمور اخرى جديدة على حسب ما أظن خليه يحط النقاط على الحروف من دوك باش متولوش في حل واربط من بعد والله يهنيك اختي

[hodayena]

اختي مشكلتك مثل مشكلتي لكن الفرق في انو طلب الجوارب وانا طلب مني النيقاب والله كي عرفتو عمري ما فكرت انو يقولي ديري النقاب لكن ما في اليد حيلة خلاص فتحت ومراحش نبطل على جال النيقاب

[أسيرة الغموض]

السلآآم عليكم

................................ ،،

ثانيا الحق ،، انا نشوف بلي درتي لروحك مشكل من حاجة صغييييييييييرة ،، شوفي ختي هو ما طلب منك انك ديري الحجاب الشرعي غير باه يبينلك بلي راهو يشتيك و يغير عليك و يحبك تكوني ملتزمة و تطيعي ربي في الحجاب لي فرضو ،، و هادو الناس راهم قلال

اي ومالا نقولك اسمعي رايو ،، و بربي ان شاء الله ما يكون غير الخير
و أصلا لحكآية قاع نتاع "" جوآرب "" يعني نووورمال ماشي حاجة تعجز


دعواتي لك بالتوفيق ان شاء الله و ربي يكمللكم و يجيبكم في الصواب



دمت في حفظ الرحمآن

[الحوتي التلمساني]

السلام عليكم
إن كان الرجل المناسب الذي ترضين دينه و خلقه فلا تفسدي نعمة الله من أجل زوج من القماش تضعينه على رجليك .. كبري عقلك يا أخت الإسلام

[aviare]

................ تريدين الصدق هذا مريض نفسيا ثم كيف يتقبلك مؤقتا بدون جوارب بعدها يغير رأيه هذا ان دل فانما يدل على غير اتزانه لو كان ملتزم فعلا فلا جدال في الدين. ......................................... فكري جيدا اليوم جوارب و غدا قفازات.

[فتـ حييةـاة]

................ تريدين الصدق هذا مريض نفسيا ثم كيف يتقبلك مؤقتا بدون جوارب بعدها يغير رأيه هذا ان دل فانما يدل على غير اتزانه لو كان ملتزم فعلا فلا جدال في الدين. ......................................... فكري جيدا اليوم جوارب و غدا قفازات.

آآآآه على وقت لحقناه ...... اللي يطلب من زوجتو تستر روحها =مريض نفسيا
واللي ساترة روحها واش اسمها ؟؟؟؟ ربي يهدينا

[فتـ حييةـاة]

غلقو علينا هاذ الموضوع تاع الجوارب
الراجل طلب من خطيبته تلبس ليبا مع الصباط هذا مكان وواش فيها ؟؟وانتوما كل واحد وكي بانتله ياك ماحسبتوه طلب منها تلبس هاذو فالصيف ؟؟؟
http://x.couver.us/images/sports_knee_socks_with_4stripes_2color.jpg