بين الجار و الدار

[ghada91]

اعضاء المنتدى الغالي :D

سعيدة بوجودي معكم من جديد :D

اليوم حبيت نفتح موضوع اجتماعي رانا نعيشوه

في حياتنا اليومية: :confused:

بين الجار و الدار:confused:

بكري نعقل روحي كي كنت صغيرة :rolleyes:

كي كنت نقرا فالابتدائي:rolleyes:

تفاجانا بوفاة جدي ربي يرحمو:o

توفى في فترة امتحانات
:o
و يما و بابا لازم يروحو ....المشكل فينا حنا وش يديرو؟؟:confused:

ايه مالا خلاونا عند الجارة ...;)

نقولكم حاجا و الله انا و خويا ما حسينا بوالدينا:rolleyes:

قعدنا عند الجارة نووورمال عااااادي :rolleyes:

نقراو و ناكلو و نرقدو كيما في بيتنا:19:

حتى ولاو من العزى و رجعنا لبيتنا تقول ماكان والو:19:

هاذو هوما الجيران تاع بكري:)

كان الجار يحس بخوه الجار:)

و الله صدقوني مرة ولد جوارينا مرض و طلعوه للمستشفى فالليل

و الله بتنا سهرانين فالعمارة حتى ولىّّّ:)

ايييييييييييييييييه.....:mad:

ارواحو للجوارين تاع ضرك............:mad:

ما يهتمش بيك خلاص... صباح الخير تقول راهم يخلصو عليها باش يقولوها:mad:

مع العلم انو الهدرة راهي باطل
:cool:
صباح الخير ما دات ما جابت وش رح تخسر اذا قلتها لجارك

.............................:cool::cool::cool::co ol::cool:

كنا بكري خاصة في وقت الصيف العشية طويلة و روايح العشويات دايرة حالا فالكرطي:D

ايه مالا تلقى الولاد رافدين الطباسا .... هاذا طالع هاذا هابط:D

تحس روحك راك عايش و عندك اهل و احباب:D

...........................

مانحكيلكش على العيد الكبير..واحد يذبح واحد يسلخ و الولاد

لابسين الجديد و فرحانين و رافدين النسافات:19::19::19:

مع العلم انو الكل شرا الكبش بصح نظلو نتبادلو في الاطباق و اللحوم و البوزلوف
:D:D:D:D:D:D
هههههههههههههههه

و الله كنا روووعة:19::19::19:

ما نحكيلكش على المولد النبوي.......:)

فالنهار مانديرو والو بصح رواح طل علينا فالليل تقول الضو راه شاعل فالكرطي تاعنا:):)

المحارق و الشموع و الغنا و الصلاة على النبي:):)

...............

آآآآآآآآآآآآآآآآآه

على ضرك....
:o:o:o:o
كلشي راه صامط و ما عندو ذوق
:o:o:o:o:o
المولد النبوي يفوت علينا تقول نهار عادي
:o:o:o:o:o
و ذاك العيد كثر منو
:o:o:o:o:o:o
......................

كي نحكي ليما تقولي يابنتي القلوب راها تبدلت

ماعادتش القلوب كيما بكري الناس كانت عندها النية

الجار قبل الدار
;););););););););)
ماشي كيما ضرك....ربي يجيب اللي فيه الخير

اسمحولي راني طولت عليكم

نظن الفكرة راهي وصلت

اليكم الخط

:mh92::mh92::mh92::mh92::mh92::mh92::mh92:

[الجليس الصلح]

شكراااااااااااا بارك الله فيك على الموضوع

[ghada91]

شكرا على المرور الطيب راني نستنا في رايك حول الموضوع

["محب الله"]

شكرا على القصة

[ghada91]

هههههههههههههههههههههههههههه

ضحكتوني و الله

نظن ما قريتوش الموضوع مليح

نظن كي طولت عليكم الكتبة حسبتوه قصة

ههههههههههههههههههههههههههههههههههههه

ننصحكم تقراو مليح

[عربية الهوية]

لا اختي انت فقط كبرتي وماوليتيش تلاحظي سقسي الصغر برا وشوفي الرد نتاعهم
حنا مزلنا هكا خصوصا في رمضان نتبادلو الاطباق يا اختي انا الحريرة ندير قدرة كبيرة تلقاي ولاد الجوارين يستناو بغرافاهم برا:1::1:
حتا هوما يبعتونا مي انا خسارة مناكلش
وصح ايامات ميتنساوش خصوصا المولد النبوي كي نلعبو حرب مع الحومات الاخرى :d

[ghada91]

صح و اللح يامات شابة

بصح الجوارين عندنا ماشي كيما بكري راهم تبدلو

انا هاذ الفكرة اللي راني حابة نوصلها

[ايمان نور الجزائر]

عندك الحق انا برك نتفكر في صغري كيفاش كنا
نورمال مع جيراننا وجارتنا
ماكان ددار ما دخلتهاش عند جيراني لعبت عندهم كليت عندهم
ومام بناتهم باتو عندنا وجوزت صغر هايل
مي درك الحالة تبدلت يا اختي هوما الجيران نفسهم مي حاجة اخرى خلاص
زعما نخرج نخدم يوميا راني مليحة اذا تلاقيت بواحدة
واذا صبحت والا مسات راهي مليحة اذا فتحنا حوار مسقم
الله غالب كل شيء تبدل وسامات زمان احلى واحلىىىىى
القلوب ضياقت ما ولينا نتحملو والو

[ghada91]

و الله غير صح

[fatiha2012]

ايــــــــــــــــــــــــــــــــــــــــــــــــ ــــــــــه
يامات زمان

[اميرة الجزائر2010]

السلام عليكم
شكرا اختي موضوع قيم صحيح جار بكري ماشي كما الان نتاع الان غير المشاكل و و وو و و و
وين ايام زمان

[قضــــــــــــ وقدر ـــــــــــاء]

السلام عليكم
على حسب رأيي العلاقة بين الجيران تبدلت
أصبح كل واحد مهتم بنفسه وأموره
غاب ذاك التعاون الذي كان موجودا
إلا مارحم ربي
فمثلا لو تحدث مشكلة على 2ليلا في منزل أحدهم لنقل سرقة
هل يهرول الجيران لإنقاذه
في رأيي قليل من يفعلها
هناك علاقات سلام سلام تعاون في استلاف بعض الأشياء
لكن ليست بالشكل الذي يجعل الجار يحس بجاره قبل أن يطلب هذا الأخير يد المساعدة
نحن نلاحظ صلة الرحم بين بعض الأسر مقطوعة
فما بالك بالجيران
والله أعلم هذا رأيي

[ghada91]

و الله غير صح

[البيرين1]

موضوع في المستوى.فامراة فرعون قالت في القران ربي ابني لي عندك بيتا في الجنه ولم تقل ابني لي بيتا في الجنة عندك اي انها بدات بالجار قبل الدار .اما الان فهناك من لا يعرف حتى اسم جاره

[مريم الصابرة]

السلام عليكم اختي غادة ربي يبارك فيك صح هذيك كانت زمان ضرك تخافي تخلي وليدك عند الجارة وهذا إذا اصلا قبلت تشدو وزيد واش من طباسة راحين وجايين هذيك بكري رحت تكري ضرك ياكلو وإنت تشمي زمان كنا لما نطيبو حاجة تقولي يمى نخاف كاش وحدة تتوحم لازم نمد للجيران وفالعيد كيمت قلت الوالد نتاعي ربي يرحمو اللحم ما يبقاش في دارنا نمدو لجيران وحتى لما نديرو الشوى نعرضوهم لدارنا ما ناكلوش وحدنا وضلاك يا ختي والو ياكلو بالتخبية الزواج بالتخبية ما تسمعيش حتى يعرضوك للصالة تنخلعي تقولي الخطابة جاوهم فالليل الزغاريت وما يزغرتوش يا ختي القلوب قساحت هذا واش نقولو ربي يحنن قلوب الناس على بعضاها شكرا

[محمد...عبد النور]

السلام عليكم أختي غادة
و الله من المواضيع التي يعاني منها الكثير
الجار و ما ادراك ما الجر
وصية جبريل عليه السلام للنبي حتى ظن الرسول صلى الله عليه و سلم ان الجار داخل مع الورثة و بدوره اوصانا الحبيب المصطفى عليه ازكى صلاة و سلامم عن الجار و ربط ذلك بالايمان بالله و اليوم الآخر
في زمن الطفولة أتذكر كنا نلعب مع ابناء الجيران سواء في الخارج-- برى-- و لا في دارنا و لا دارهم كيف كيف
مرات يلحق وقت الغداء عادي ناكلوا عند الجوارين اواولاد الجوارين ياكلو عنا عادي
كل واحد من الجيران كأب لي و مين يقول كلمة الكل يلتزم بيها و الاطفال بهجة و فرحة للجميع
و لما يكون عن واحد فرح و لا قرح الكل يد واحدة و يعاونوا و يتكاثفوا تحسبي عائلة واحدة
اييييييييه الله يرحم ايام زمان هههههه
درك حدث و لا حرج الجار كأنه غريب ما تعرفيه ما هو جارك و لما تصرى حاجة و لا يعني له الامر شيئا
و بعض المناطق و خاصة المدن الكبرى لما يغيب الجار اول من يسرقه هو جاره
الحمد لله حنا رانا في بلدية صغيرة و مازالت الرحمة و الالفة كاينة ، رغم ان الجيل الصغير قليل التلاحم لكن البركة في الكبار ، يسقسوا و يحافظوا على الجيرة و العلاقات و حتى الشباب في وقت الشدة مازال فيهم المروءة لكن راهي تقل
شكرا على الموضوع أختي
جزاك الله كل خير و أقر الله عينيك بما تحبين و رزقك رضا الوالدين
و لا تنسينا من دعائك
ســــــــــــــــــــــــــــــلام

[ghada91]

MERCI merci pour le passage pour tous

bien venue

[محمد...عبد النور]

السلام عليكم و رحمة الله و بركاته
اهلا أختي غادة 91.....و الله هاذي مدة طويلة راكي غايبة و لا ادري وين رحتي ...ان شاء الله غيابك في الخير
و بالمناسبة أقول لك رمضان كريم لك و لكل العائلة الكريمة صغيرا و كبيرا و جعل الله الشهر الكريم فاتحة خير عليكم
كما يقال ...الجار قبل الدار
فالجار لولا ان له مكانه عظيمة لما اوصانا الحبيب المصطفى به و بالبر ة الاحسان اليه فيكفينا حرص سيدنا جبريل على وصية النبي حتى ظن النبي صلى الله عليه و سلم انه --اي الجار-- من الورثة ** مازال جبريل يوصيني بالجار حتى ظننت انه سيورثه **
و لعظم الجوار و مدى اهميته في بناء المجتمع جعل الله الاحسان و تفقد و نصيحةو الحفاظ على الجار من الاولويات ...فالجار اذا كان طيبا هو بمثابة الاهل و الناصح الامين و اذا اختل و كان شريرا فلا امان في الدنيا و هذا ما نجده اليوم في الناس
و قديما لما يغيب الجار فجاره اولى به ....يحرس بيته و يقضي حوائجه و يكون ليه نعم المعين و اذا حلت به اي مناسبة ...فرح او قرح كان اولى من الاهل في المساعدة ....و لكن اليوم الامور قلت و انحصرت و لم تبق كما كانت عليه سابقا
و لكن لابد ان نحسن نحن للناس كي يتذكروا و يعتبروا و نكون لهم نعم القدوة لكي يبقى بصيص الخير في الامة
بارك الله فيك أختي غادة
و الله أتمنى ان نراكي و خاصة في هذا الشهر الفضيل
المهم أسأل الله ان تكون اختي بخير و عافية و كل العائلة بصحة جيدة
صح فطورك و كل عام و انت بخير
جزاك الله خير الدنيا و الاخرة و اقر عينيك بما تحبين
ســـــــــــــــــــــــــــــــــــــــلام

[*اية*]

بالرغم من انو جيرانا تاع هنا ناس ملاح وطيبين بصح مش كيما جيرانا وين كنا نسكنوا بكري
الدنيا تبدلت ومبقاتش الثقة

[واحد من النااس]

رغم كل شيئ فلنحاول ان نكون نحن دائما القدوة و البقية الباقية التي يرى الناس فيها الخير و التفاؤل
فكا ان الناس نراهم جيرانا لنا فبدورنا نحن جيران لهم......فلنكن خير الجيران و لنعطي القدوة و نكون للناس مؤدبين بأفعالنا و أخلاقنا
و بهذا قد يرجع بعض الغافلين عن غيهم و يكونون خير جيران للناس

[Assouma 93]

الايام الزينة راحت يا حصراه ماشي كيما ضرك كلشي رجع صامط

[tateb]

النيه تاع السبيعينات و الثمانينات راحت مع البرابول و الغزو الثقافى الغربي

[~ نسمات الخير~]

بارك الله فيك

[ghada91]

merci pour tout pour le passage

[محمد...عبد النور]

اهلا و مرحبا على اطلالته البهية اختي غادة 91
الحمد لله انك بخير و عافية
نتمنى ان نرى مشاركاتك الطبية بكثرة
جزاك الله كل خير و اقر عينيك بما تحبين
ســـــــــــــــــــــــــــــــــلام

[* عبد الجليل *]

شكرا لكي اخت غادة على الموضوع المميز بارك الله فيك
والله هذه هي حقيقة مجتمعنا اليوم تبدلت النية والعقلية ربي يجيب الخير برك
تحياتي الخالصة

[ghada91]

شكرا بارك الله فيكم

[" أبو عبود"]

مزال يجي نهار تعيدي على يماك بالفيسبوك ولا بالميساجات يا اختي. قديما كان نظام القبيلة يحكم فكان الكل يحترم بعضهم بعضا ولا احد يظلم عند شيخ القبيلة ولو كان ولده ياخذ منه الحق. وهكذا كان الجوار. انا ايضا عشت ما كنت تقولين عنه باللحظة لكن الان ليس لدينا جيران. بل اني اشعر برغبة في الرحيل من المدينة حتى لا اراهم. خصوصا الاقارب منهم. الان كل واحد عايش لنفسه. وليته عايش الكل تائه لا يعرف حتى لم هو على قيد الحياة

[ghada91]

كلامك صح بارك الله فيك

لكن بالنسبة لأمي..... كلام آخر

اهجر كل الناس ....لكن امي لااااااااااااااااااااااا

امي كيان ساكن في قلبي امي دولة ..... امبراطورية....ملكة قبي

ربي يطولي في عمرها
*******اسمحلوي خرجت على الموضوع*****

[AMINA.Z]

نفس القصة صرات معانا انا و خويا الكبير

لما توفاة جدتي ربي يرحمها و كنا وقت امتحانات في الابتدائي

بقينا عشرة ايام عند الجارة

ايام و لا اروع

[ghada91]

ههههه ايام الصغر و البراءة و الني الصافية

.....روحي شوفي درك اذا تقدري تخلي بنتك و لا اختك عند الجارة
مستحييييييييييل

على خاطرش النية تبدلت

على كل حال شكرا على المشاركة
بارك الله فيك