نشاوركم وانصحوني راني عندي ثقة فيكم [الأرشيف] - منتديات الجلفة لكل الجزائريين و العرب

مشاهدة النسخة كاملة : نشاوركم وانصحوني راني عندي ثقة فيكم

أم نديم

2012-06-21, 14:40

راني باغية نشري غسالة أطباق ممكن اللي عندها تجربة فيها تفيدني وواش هي الماركة المليحة أنا لقيت samsung ب6 ملاين وكاين كوندورب 3.5 وستار لايت ب 3 ملاين منفضلكم انصحوني

dr.m

2012-06-21, 17:09

]السلام عليكم علمي علمك يا اختي انا تاني حابة نجيب واحدة بصح مانيش متاكدة واش من نوع
المهم اللي تشريها تستعمليها بالصحة و الهناء

dr.m

2012-06-21, 17:10

oumhana

2012-06-27, 13:50

السلام أختي الغاليه بالنسبه لغسالة الأطباق أنا نقوللك غير أخطيك و أغسليهم بيدك خير أختي شرات وحده بصح المشكلة هي انو لازم تنظفي أطباقك قبل ا ديريهم في الغساله و ثاني ما تغسلكش كلش مثلا المقله و الكاسرونه ولاكوكوت عاأنا شفت بلي راهي تزيدلك شغل على شغل و زيد تحكم غير البلاصه .أسمحيلي أختي إذا مشجعتكش خاطر خفت تندمي كما أختي.هاذوك الدراهم ديري بيهم حاجه آخرى .واسمحيلي على التدخل تاعي شكرا.أختك أم هناء

أم نديم

2012-07-02, 09:42

اختي بزاف اللي قالولي كيما انت لكن انا ولادي صغار وعييت نلحق على شغل الدار قلت نشريها تنحي عليا شوي

staifia

2012-07-02, 13:35

حنا عندنا الماركة تاعها electrolux شريناها بـ 4,5 .. مليحة و تنحي عليك شدة ... الاطباق لازم تنظفيهم قبل ما تحطيهم وكيما قالت الاخت متغسلكش الكوكوطة ,, بصح المقلاة و الكاسرونات تغسلهم تخرجهم يشعلو .... ربي يحفظك اختي سلام

تحياتي / staifia

الصمت حكمة

2012-07-04, 18:21

و الله على كلمة ثقة حبيت نعطيك راي بالصح كي عرفت سؤالك حشمت من روحي . ما عندي حتى فكرة و عمري ما خممت نكسبها و لو انو ولادي كاملين صغار . ربي يكون معاك . و اذا شريتي ربي يهنيك بيها انشاء الله

أم نديم

2012-07-05, 20:11

ربي يجازيكم على هذا الردود ونتمنى كل وحدة عندها تجربة تفيدني بيها

أم نديم

2012-07-24, 22:12

باركولي راني شريت electrolux وربي يسهلي معاها

فرح العمر

2012-07-25, 11:14

مبروك عليك و كى تستعمليها قوليلى رايك بصراحة على خاطر انا تانى حبيت نشرى واحدة