قولولي واش ندير

[مريم الصابرة]

السلام عليكم يا جماعة الخير كيف احوالكم؟
أنا كنت طرحت عليكم موضوع بنت خالي وكتبتولي ردود باارك الله فيكم الحالة مازالت هي هي لكن الجديد يا جماعة والله حرت جيت ندير الخير انا ويمى رانا في مشاكل مع زوجها ومعاها هي مريضة مرة على مرة كل ما يقولها كلمة فالهاتف تحاول تنتحر اليوم ربي ستر ولقيتها راحا ترمي روحها من فوق دارنا والمشكل انا مريضة وما نقدرلهاش صحتي قليلة الحمد لله يمى كانت فالدار قريب رماتني من الفوق واش ندير وليت نخاف نروح من الدار كاش ما دير في روحها ولو نخلوها تروح للشارع وقادرة تقتل روحها او كاش ما بلعبو بيها واش ندير حطيت امي وحطيت نفسي في مشكل وانا والله راني ن مريضة وما عرفت واش ندير وليست نسايسها دبرو عليا واش ندير وشكرا وإسمحولي

[اميرة باحتشامي]

ربي يفرج عليك اختي ويشفيك انت في موقف صعب

ربي يهدي والديها وراجلها هذاالمراة المسكينة

[الواثق]

صبرا جميلا والله المستعان......................حولو ان تهدئو من روعها وان تذكروها بالله وان تخوفوها بمغبة قتل النفس والانتحار وان نار جهنم اشد حرا وعذابا مما فيه الان فكيف تهرب من عذاب او ابتلاء صغير غير دائم الى جهنم تخلد فيها وفيها عذاب عظيم .................... كاش نهار يلقا واحد فيهم يتفش فيه..

والله المستعان

[عُضو مُحترم]

ربي يهديها و يثبت فؤادها

أما زوجها و اهلها إذا صح يستاهلو هذه الكلمة

ربي ينتقم منهم

[Lydia istanboul]

يا ليليا ختي قستيني,,,,ربي يفرج عليكم,شوفي المساعدة مليحة لكن لا يكلف الله نفسا الا وسعها.اذا شايفة صحتك وقدرة ماماك مش حمل هاد المشكل ,الافضل تأخذوها لمشفى لتعالج بالمهدئات,يظهرلي هادي عندها انهيار عصبي و احباط مزمن يلزملو الدوا و راني خايفة كاشما يصرا فيها عندكم و تحصلو مع مواليها و مع راجلها ديجا راه شاريهالكم.يا ختي اسمعي نصيحتي خذوها للمشفى او اعلمو الجهات الخاصة بأنها تشكل خطر على نفسها و وووو و الله أعلى و ‘أعلم.ربي يفرج عاجلا غير اجلا

[مريم الصابرة]

ربي يفرج عليك اختي ويشفيك انت في موقف صعب

ربي يهدي والديها وراجلها هذاالمراة المسكينة
السلام عليكم اختي ربي يخليك اللهم آمين والله عييت وما لقيت واش ندير نقولها روحي ماشي جاية غيب وعارفة باللي لو راحت للشارع راحا تقتل روحها او تهمل وثاني بزاف الحالة اللي راها فيها مرات تكون مليحة تسمع القرآن ونحكي انا وهي وتولي عادي لكن هو راجلها يجي يديها او يعيط فالتلفون تولي في حالة اخرى ما فهمتش انا والطبيبة النفية قاتلي لو تبقى هكذا لازم ندخلها للمستشفى إتصلت ب والدها قالي ربي يسهل كي تموت ما تقولوليش علاه هذا واش دارت والله الطفلة عاقلة ونشهد على هذا قدام ربي هوما هبلوها باباها وراجلها شكرا اختي

[مريم الصابرة]

صبرا جميلا والله المستعان......................حولو ان تهدئو من روعها وان تذكروها بالله وان تخوفوها بمغبة قتل النفس والانتحار وان نار جهنم اشد حرا وعذابا مما فيه الان فكيف تهرب من عذاب او ابتلاء صغير غير دائم الى جهنم تخلد فيها وفيها عذاب عظيم ..............................كاش نهار يلقا واحد فيهم يتفش فيه..

والله المستعان
السلام عليكم اخي بارك الله فيك والله يا خويا نديرها القرآن ونحكيلها ونخليها تقرا فالميكرو على الإنتحار تندم وتستغفر وتولي تبكي هو يعيطلها زوجها او يجي لينا للدار باه يحاول يديها لأانو رانا نحاولو نعالجو المسالة تولي في حالة اخرى وانا واش ندير حرت امي والله تعبت مي قاتلي محال نخليها فالشارع و من بعد ما لحفتها وما رماتش روحها رحغت تبي وتطلب منا فالسماح وكانت رايحة قنالها ما تروحيش مي لازم داوي روحك وخافي من ربي وصلي وإدعيواش نديرو اللي علينا رانا نديرو فيه والله اليوم مريضة باه نروح للطبيب ما خرجتش على جالها وامي راهي تحوس على خدمة يعني ما راهيش قاعدة تعبت الله غالب شكرا خويا

[مريم الصابرة]

ربي يهديها و يثبت فؤادها

أما زوجها و اهلها إذا صح يستاهلو هذه الكلمة

ربي ينتقم منهم
السلام عليكم اخي بارك الله فيك شكرا راجلها هو سباب المشكل ................. كانت لاباس عليها رجعت وحدة اخرى وتصرافاتها خلاص نتاع وخجة منهارة شكرا

[مريم الصابرة]

يا ليليا ختي قستيني,,,,ربي يفرج عليكم,شوفي المساعدة مليحة لكن لا يكلف الله نفسا الا وسعها.اذا شايفة صحتك وقدرة ماماك مش حمل هاد المشكل ,الافضل تأخذوها لمشفى لتعالج بالمهدئات,يظهرلي هادي عندها انهيار عصبي و احباط مزمن يلزملو الدوا و راني خايفة كاشما يصرا فيها عندكم و تحصلو مع مواليها و مع راجلها ديجا راه شاريهالكم.يا ختي اسمعي نصيحتي خذوها للمشفى او اعلمو الجهات الخاصة بأنها تشكل خطر على نفسها و وووو و الله أعلى و ‘أعلم.ربي يفرج عاجلا غير اجلا
السلام عليكم اختي ربي يخليك
والله يا ختي تامني بربي من التعب ما رانيش قاجرة حتى نتنفس من كثرة واش صرا اليوم لصراحة قلبي ما يخلينيش نتخلى عليها والله تكون هايلة وتحكي معايا وتصلي وتدعي وتضحك وعادي نحكو انا وهي ونوريلها الفتاوى والقرآن فالميكرو هي تتعرض للضغط من راجلها وتولي واحدة اخرى الطبية نتاعها عيطتلها فالهاتف قاتلي راهي عندها إنهيار عصبي ولازم تشرب دواها عندها دوا لما مديتولها هدأت شوية والله حرت التعب تعبت وخفت كاش ما يصرالها ماشي على جالنا حنا لأانو ملفها عند الطبيبة وشعال من مرة حاولت تنتحر لكن على جالها صغيرة حرام نخلوها تضيع صح راني حايرة والله تعبت يمى معايا مرات نحس بالذنب إني جبتها لدارنا ومرات نقول لو راحت للشارع لو ماتت انا ندي طنوبها تلاقيتها وما حبتهاش ربي يفرج حرت وتعبت شكرا اختي تعيشي

[hamzagolf6]

عليكي االستعانة بمراكز التكفل بالنساء هناك الكثير
وين تسكني ؟؟

[عربية الهوية]

في عوض يساندوها حرام عليهم واش دايرين
.............................
واولديها الله يهديهم مهما كان هاذي بنتهم ولا نهار الطفلة دير حاجة في روحها يولو يحبوها ويقولو يا ريت
قصتها قطعتلي قلبي
اشغليها يجليها في المنتدى حاولي تنسيها
وربي يجيب اللي فيه الخير

[فارس الجزائري]

السلام علكم
خيرا إن شاء الله
أختي الكريمة ما دمتم تدورونا حول المشكل فلن يكون هناك حل بل سيبقى الوضع على ما هو عليه
لذا عليكم أن تخرجوا من المشكل باقتراح حلول عملية وسريعة تبعث بداخلها الأمل
عليكم أن تركزوا على المستقبل وليس الحاضر حاولي أن تبعثوا فيها الأمل في فرص جديدة وجدية في الحياة
شجعوها على البحث عن عمل أو اقترحوا عليها القيام بأعمال يدوية داخل المنزل
اجعلوها تشعر أن الأمر لا يتوقف عند هذا الرجل بل الحياة مليئة بأشياء أخرى تستحق أن نجربها ونعش فيها
أكثرو الحديث معها عن المستقبل بأمل وتفائل كبيرين
أخروجها من السجن الذي بداخلها واجعلوها تنطلق في الحياة
حاولي القيام بنزهات معها من حين إلى آخر خاصة في هاته الأيام
إن كان بالإمكان أن تقطعوا إتصالها بزوجها اياما حتى تستعيد عافيتها وإنكان غير ممكن حاولوا أن تكونوا معها أثناء الاتصال وقوموا بتهوين الأمر عليها إلى حد التفاهة والاستصغار
أكثروا لها الدعاء وقربوها من الله أكثر
المهم في الموضوع هو محاولة الخروج من الحلقة التي أغلقة عليكم وفتح بابا من الأمل والتفاءل في الحياة
بالتوفيق إن شاء الله

[خولة لبابة]

ماذا أقول لكي يا أختي ......عليكي ان تحرسي على تهدئة أمكي .......و ذكريها ان الله جل و علا يحرم الانتحار...........ذكريها بالصبر.......ذكريها بقصة الأنبياء عليه السلام و صبرهم عن الأذى و نصر الله لهم في النهاية.......اقطعوا الاتصال بزوجها و لو لايام حتى تسترجع عافيتها...........و أنا سادعوا الله أن يخرجكم من كربكم.......ان شاء الله.......يعجز لساني عن الكلام..........
و أنا أوافق كل ما قاله كل من الأخ فارس الجزائري و الأخ الواثق.........

[soso sirin]

معليش يا مريومة اصبرو معاها و ماتخلوهاش روحها هي راهي حاسة انو ماعندها حتا فايدة في الدنيا على هكا راهي باغية تنتحر راجلها و حاوزها دارهم و مابغاوش يشدوها والله بزاف عليها كون جات جبل كون راه طاح و ماتنسايش الي ماشي موالف المشاكل والله مايقدر يصبر و لا يتحمل انتوما دايمن خلوكم معاها و ربي يخلصكم و هو الي راح يمدلكم القوة من عندو مي باغية نسقسيك حاجة يا مريومة باباها بلاك نقولو قلبو قساح هاذي ماعندهاش يماها اوحجي بنتها ماراهيش غايضتها و اخواتها تاني مكانش صح باباهم قالهم مانقبلهاش في الدار مي هاذي راهي اختهم و راهي مريضة و هاذي الحمد الله مادارتش حاجة يحشمو عليها والله حرام عليهم واش دايرين فيها و ربي راح يخلص كل واحد ان شاء الله سواء دار الخير و لا الشر و ربي يكون في عونك و عون يماك يا مريومة

[مريم الصابرة]

معليش يا مريومة اصبرو معاها و ماتخلوهاش روحها هي راهي حاسة انو ماعندها حتا فايدة في الدنيا على هكا راهي باغية تنتحر راجلها و حاوزها دارهم و مابغاوش يشدوها والله بزاف عليها كون جات جبل كون راه طاح و ماتنسايش الي ماشي موالف المشاكل والله مايقدر يصبر و لا يتحمل انتوما دايمن خلوكم معاها و ربي يخلصكم و هو الي راح يمدلكم القوة من عندو مي باغية نسقسيك حاجة يا مريومة باباها بلاك نقولو قلبو قساح هاذي ماعندهاش يماها اوحجي بنتها ماراهيش غايضتها و اخواتها تاني مكانش صح باباهم قالهم مانقبلهاش في الدار مي هاذي راهي اختهم و راهي مريضة و هاذي الحمد الله مادارتش حاجة يحشمو عليها والله حرام عليهم واش دايرين فيها و ربي راح يخلص كل واحد ان شاء الله سواء دار الخير و لا الشر و ربي يكون في عونك و عون يماك يا مريومة
السلام عليكم اختي سيرين رك نفهمك شوفي عي يماها الله غالب علها لانو ما تهدرش قدام خالي ما عندها حتى كلام لما قاتلو بنتي قالها روحي معاها باباها قالها تزوجت خلاص يقتلك هذا الراجل وعادي رالجلك كان خوها هنا عنهم واحد راح راه فالترك ولما كان هنا كان يوقفلو في وجهو منين مرة دابزو راجلها ووصلت بيناتهم كبيرة منعها من دار باباها وخوها خلاص قطع العلاقة معاها وراجلها قالها لو تحكي مع حوك نطلقك والبنات عندها وحدة صغيرة يعني 14 وراحت لدار جدها وجدها عندو مرتو ماشي جداها حطت منها العين يعني مسكينة كل باب مقفول عليها ايا لقيتها فالطريق راهي معانا واللهن حاول نساعها يكل شي ولما نضحكها تولي تضح تقولي لو ما راكيش إنت لو راني هبلت والله تغبض ربي يفرج عليها يمى قالتها لو تحبي تطلقي إنت حرة او ترجعي لراجلك كيماتحبي المهم راكي في دالاي كاللي بنت ما يخصك والو وصح والله نعاملها كإنها ختي ربي عالم ونعسها ونحكي معاها وعيطت لصحاباتي جاو قسرنا وحكينا وكانت نرومال معانا ربي عالم كيفاش راني نديرولها مي هو راجلها يجي وإلا يعيط فالتلفون لو ما ترفهش يبعث لمساج ما نحكيلكش واش يكتب تولي في حالة اخرى ربي يهديه شكرا اختي

[مريم الصابرة]

السلام علكم
خيرا إن شاء الله
أختي الكريمة ما دمتم تدورونا حول المشكل فلن يكون هناك حل بل سيبقى الوضع على ما هو عليه
لذا عليكم أن تخرجوا من المشكل باقتراح حلول عملية وسريعة تبعث بداخلها الأمل
عليكم أن تركزوا على المستقبل وليس الحاضر حاولي أن تبعثوا فيها الأمل في فرص جديدة وجدية في الحياة
شجعوها على البحث عن عمل أو اقترحوا عليها القيام بأعمال يدوية داخل المنزل
اجعلوها تشعر أن الأمر لا يتوقف عند هذا الرجل بل الحياة مليئة بأشياء أخرى تستحق أن نجربها ونعش فيها
أكثرو الحديث معها عن المستقبل بأمل وتفائل كبيرين
أخروجها من السجن الذي بداخلها واجعلوها تنطلق في الحياة
حاولي القيام بنزهات معها من حين إلى آخر خاصة في هاته الأيام
إن كان بالإمكان أن تقطعوا إتصالها بزوجها اياما حتى تستعيد عافيتها وإنكان غير ممكن حاولوا أن تكونوا معها أثناء الاتصال وقوموا بتهوين الأمر عليها إلى حد التفاهة والاستصغار
أكثروا لها الدعاء وقربوها من الله أكثر
المهم في الموضوع هو محاولة الخروج من الحلقة التي أغلقة عليكم وفتح بابا من الأمل والتفاءل في الحياة
بالتوفيق إن شاء الله

السلام عليكم خويا الفاضل بارك الله فيك إنت المشرف الوحيد الليررد ونصحني ربي يجازيك
والله يا خويا راني ندير اللي عليا بالزيادة نديرلها القرآن نكونو قاعدين نقولها نوضي نصلو وندعو ومن بعد نحكي انا وهي ونديرو الحلويات فالدار باه ما تبثاش تفكر وين نروح معاها راهي مزال ما طلقتش وراك عارف هدرة الناس وممكن راجلها كاش ما يتهمها الوضع صعيب يعني انا وما نخرجش من الدار ا نقدرش نديها لكاش مكان نزهة وإلا لالا الوالدة نتاعي ما تحبش وزيد انا مريضة ما نقدرش نمشي وراني نقولها حتى لو طلقت ربي يعوضك وتتزوجي وجيبي ولاد وعلاه للا قلتلها ما راهش يستاهل تغضبي ربي على جال وتنتحري والله تكون مليحة وتستغفر وتندم واش دارت ومن بعد هو يجي لدارنا يحاول يردها يرجع ثمث يولي يدابزها في دارنا تولي في حالة اخرى البارح حاولت تنتحر من فوق الدار يمى حاوزاتو قاتلو ما تزيدش تجي خلاص تطلق الطفلة خير من تموت واليوم غلقتلها الهاتف وخبيتو لأانو بزاف يضغط غليها انا الآن راني نديها عند طبية نفسية صديقتي كانت تجرش معايا راهي تابع في حالتها وربي إن شاء الله يكون الشفا وتولي كيما كانت شكرا وبارك الله فيك نصحتني وربي يجازيك

[مريم الصابرة]

عليكي االستعانة بمراكز التكفل بالنساء هناك الكثير
وين تسكني ؟؟
السلام عليكم خويا شكرا وربي يخليك محال نديها لمركز ودارنا كاينة وهي مريضة راهي منهارة عصبيا لازم متابعة من الطبيب النفسي ربي يفرج عليها شكرا لإقتراحك وكانت صديقتي هنا غقترحت عليا هكذا قلتلها عارفة تهرب من عندهم وكاش ما دير في روحها لانو ما تفيقش بواش راهي دير ربي يشفيها شكرا خويا ربي يجازيك

[مريم الصابرة]

في عوض يساندوها حرام عليهم واش دايرين
.............................
واولديها الله يهديهم مهما كان هاذي بنتهم ولا نهار الطفلة دير حاجة في روحها يولو يحبوها ويقولو يا ريت
قصتها قطعتلي قلبي
اشغليها يجليها في المنتدى حاولي تنسيها
وربي يجيب اللي فيه الخير
السلام عليكم اختي شفت الوقت اللي وصلتا ليه الأاهل وما رحموش ما بالك الغريب والله الغعريب احن من الاهل
هكذا يمى قالت لباباها لو تموت بالاك تبكي عليها وتقول بنتي قاتلو إنت وراجلها عذبتوها هبلتوها مولات 25 تشرب فدوا نتاع اعصاب وتحوس على الموت كأنو حاجة عادية بزاف وي راهي تكون معايا وتقرا في قسم مشكلتي فالمنتدى وراني نعلم فيها تخدم بالميكرو ربي يجيبالخير إن شاء الله شكرا

[مريم الصابرة]

ماذا أقول لكي يا أختي ......عليكي ان تحرسي على تهدئة أمكي .......و ذكريها ان الله جل و علا يحرم الانتحار...........ذكريها بالصبر.......ذكريها بقصة الأنبياء عليه السلام و صبرهم عن الأذى و نصر الله لهم في النهاية.......اقطعوا الاتصال بزوجها و لو لايام حتى تسترجع عافيتها...........و أنا سادعوا الله أن يخرجكم من كربكم.......ان شاء الله.......يعجز لساني عن الكلام..........
و أنا أوافق كل ما قاله كل من الأخ فارس الجزائري و الأخ الواثق.........

السلام عليكم اختي
ماشي امي اللي راحت تنتحر لالا بنت خالي وي قلتلها اكيد لما تفيق واش دارت تندم لكن فاللحظة اللي تفقد فيها اعصايها نا تعرفش روحها واش دارت وحتى ما تتوجعش حتى لما تفيق من الصدمة راني قطعت كل إتصال بيه اليوم لما هاتفنا لقى هاتفها مغلوق جا لدارنا وماكانتش يمى هنا ما خليتوش يدخل قتلو ماكان حتى واحد فالدار ما تدخلش وقفلت الباب ما ندخل حتى واحد وامي غايبة مهبول يدير فيها بلعاني يحوس يعذبها ربي يهديه شكرا اختي

[soso sirin]

السلام عليكم اختي سيرين رك نفهمك شوفي عي يماها الله غالب علها لانو ما تهدرش قدام خالي ما عندها حتى كلام لما قاتلو بنتي قالها روحي معاها باباها قالها تزوجت خلاص يقتلك هذا الراجل وعادي رالجلك كان خوها هنا عنهم واحد راح راه فالترك ولما كان هنا كان يوقفلو في وجهو منين مرة دابزو راجلها ووصلت بيناتهم كبيرة منعها من دار باباها وخوها خلاص قطع العلاقة معاها وراجلها قالها لو تحكي مع حوك نطلقك والبنات عندها وحدة صغيرة يعني 14 وراحت لدار جدها وجدها عندو مرتو ماشي جداها حطت منها العين يعني مسكينة كل باب مقفول عليها ايا لقيتها فالطريق راهي معانا واللهن حاول نساعها يكل شي ولما نضحكها تولي تضح تقولي لو ما راكيش إنت لو راني هبلت والله تغبض ربي يفرج عليها يمى قالتها لو تحبي تطلقي إنت حرة او ترجعي لراجلك كيماتحبي المهم راكي في دالاي كاللي بنت ما يخصك والو وصح والله نعاملها كإنها ختي ربي عالم ونعسها ونحكي معاها وعيطت لصحاباتي جاو قسرنا وحكينا وكانت نرومال معانا ربي عالم كيفاش راني نديرولها مي هو راجلها يجي وإلا يعيط فالتلفون لو ما ترفهش يبعث لمساج ما نحكيلكش واش يكتب تولي في حالة اخرى ربي يهديه شكرا اختي
واش نقلك اختي والله قطعتيلي قلبي هاذي راهي مغلوق عليها من كل جهة مي معليش ربي دايمن راهم بيبانو مفتوحين.الطفلة هاذي لازملها تروح تشوف طبيب راه كريزاها هذا الراجل واش نقولولو ربي يخلصو في الدنيا و صح والله كاين شي اباء سبحان الله سامحين في ولادهم و قادرين يرقدو عادي لانهم كاليين قلوبهم معنتها تزوجت خلاص ريح منها شي ناس خسارة فيهم الذراري ربي يكون في عونكم و ربي يحنن قلب باباها و راجلها لانو الطفلة راهي حاكمتها عقدة نفسية و حرام عليهم شي رجال تقولي تفوتي عليهم بكاش سيمي و قليل فيهم يدو الطفلة صحيحة من دارهم يهبلوها و يخرجوها من عقلها ربي يهدينا اجمعين

[مريم الصابرة]

واش نقلك اختي والله قطعتيلي قلبي هاذي راهي مغلوق عليها من كل جهة مي معليش ربي دايمن راهم بيبانو مفتوحين.الطفلة هاذي لازملها تروح تشوف طبيب راه كريزاها هذا الراجل واش نقولولو ربي يخلصو في الدنيا و صح والله كاين شي اباء سبحان الله سامحين في ولادهم و قادرين يرقدو عادي لانهم كاليين قلوبهم معنتها تزوجت خلاص ريح منها شي ناس خسارة فيهم الذراري ربي يكون في عونكم و ربي يحنن قلب باباها و راجلها لانو الطفلة راهي حاكمتها عقدة نفسية و حرام عليهم شي رجال تقولي تفوتي عليهم بكاش سيمي و قليل فيهم يدو الطفلة صحيحة من دارهم يهبلوها و يخرجوها من عقلها ربي يهدينا اجمعين
السلام عليكم اختي شكرا جزيلا وسامحيني طولت ما رديت راهي ضرك تبع عند طبيبة نفسية وراني حكيت مع الطبيبة خبرتني غنها على وشك الإنهيار التام ولازم المسايسة ولازم صوالح بزاف راني معاها ونعاون فيها بالرقية والقرآن فالدار وحكيت مع زوجها فالهاتف قتلو ما تعيطلهاش وخليها ترونكيل قال مرتو ويرجعها قتلو لما تبرا وساهل الحال ما راناش راحين نطلقوك مع زوجتك ما راناش خرابين بيوت فيها شروط ولازم تسقم روحك نحاولو نصلحو الامر المهم الآن تبرا برك شكرا اختي وبارك الله فيك شكرا

[mohamed160]

سلام عليكم ربى يكون امعكم وربى يرزقها الشفاء فى اقرب وقت ان شاء الله

[مريم الصابرة]

سلام عليكم ربى يكون امعكم وربى يرزقها الشفاء فى اقرب وقت ان شاء الله
السلام عليكم خويا ربي يخليك اللهم آمين ربي يشفي كل مريض شكرا

[علي بن عايشة]

السلام عليكم يا جماعة الخير كيف احوالكم؟
أنا كنت طرحت عليكم موضوع بنت خالي وكتبتولي ردود باارك الله فيكم الحالة مازالت هي هي لكن الجديد يا جماعة والله حرت جيت ندير الخير انا ويمى رانا في مشاكل مع زوجها ومعاها هي مريضة مرة على مرة كل ما يقولها كلمة فالهاتف تحاول تنتحر اليوم ربي ستر ولقيتها راحا ترمي روحها من فوق دارنا والمشكل انا مريضة وما نقدرلهاش صحتي قليلة الحمد لله يمى كانت فالدار قريب رماتني من الفوق واش ندير وليت نخاف نروح من الدار كاش ما دير في روحها ولو نخلوها تروح للشارع وقادرة تقتل روحها او كاش ما بلعبو بيها واش ندير حطيت امي وحطيت نفسي في مشكل وانا والله راني ن مريضة وما عرفت واش ندير وليست نسايسها دبرو عليا واش ندير وشكرا وإسمحولي

بسيطة جدا
يا اختي

نعطيك نصيحة انا نفسي مجربها و كانت ناجحا معايا بطريقة مدهشة

الا عندكم راقي مليح في منطقتكم يعالجلكم المشكل و اذا كان مكانش
و واجهتي مشكل كيما انا واجهتها في البداية

نعطيك موقع بنت مصرية تعطيلها تاريخ ميلادك و اسم امك
يوصلك الحل باذن الله من عندها

انا عندي صديقي حاول الانتحار مرتين خلال اسبوع
و اعطيتها معلوماتو و ظهر انه مسحور و تم علاجه بكل بساطة و من دون مشاكل و في السر