كيف أكون إجتماعيا؟

[مشكلتي]

السلام عليكم

انا شاب في مقتبل العمر . مشكلتي أني لا أتنازل على كبريائي . أنا شخص غامض حتى في عائلتي لا يعرفون عني شيء
ماذا أحب . ماهي أكلتي المفضلة . ماذا أفعل يوميا حتى أخي لا تعرف
جئتكم أطلب منكم حلول خصوصا كيف أتعرف على ناس جدد خطوة بخطوة . زملاء درسوا معي طيلة 3 سنوات الماضية
لا يعرفون رقم هاتفي حتى :cool:
علاقتي بالناس جد عادية وطبيعية لكن شيء بداخلي لا أدري ماهو يمنعني من نقل أي علاقة بالآخرين إلى المستوى التالي . ولا أريد إستمرار هذا الوضع .

[slimeline]

انصحك بتربية بعض حيوانات ازينة كالمقانن و الكناري فهي احسن صديق و ممارسة اليوغا و فن التامل

[XicaWapa]

السلام عليكم
اتمنى اني نقدر نعطيك واش نعرف

المهم يا صاحبي هادي نتاع كبريائك حيرتني شوية ، يعني انا كفتاة اجتماعية ما عنديش كبرياء وكرامة ؟ لا بالعكس ،لازم تكون

عندك ثقة كبيرة في روحك

ولازم تفتخر بالشخصية نتاعك ، يعني ، دير ورقة واكتب فيها هوايات واهدر عليهم بزاف ، اكتب ارائك في كل المواضيع ، الرياضة ، السياسة ،التاريخ ، الموسيقى .... اي موضوع ، اكتب على اكلة المفضلة كيما قلت ، اللون ، انت واش تحبك وشكون تحبك ، حوايج ما تحبهمش ... اخلاق و مبادئ نتاعك ، القيم لي راك ماشي بهم ، حاول تشارك الناس بالحياة نتاعك هادا ماكان

انت لازم تصنع شخصية للكيان نتاعك و ملتم افتخر بها و حاول توصل للناس ارائك وافكارك و المواضيع لي تهمك
اتفائل ، ابتسم ، كون ظلك خفيف ، اتحاور ، قال بابا يحب السياسة والله نحكي معاه ، اهه خويا لكبير يحب البوكس هات تراش نحكي معاه ، حتى مع ماماك نورمال ، صحابك برا جيب حكاية جديدة و تناقشو فيها سقسيهم ، احكي مع العباد على السخانة ههه على اليورو 2012 على غلاء المعيشة ، ماشي اجتماعي يعني تصاحب الليسي كامل ولا الحومة كامل ولا تكون تقيل بزاف على القلب

اخطيك من الغموض الزائد و كاين حاجة ماشي تفضح روحك ، يعني كاين مواضيع شارك فيهم مع الناس
و كيما قالتلك الزميلة لي قبلي ايه ربي حيوانات والله شعور رائع
صدقني حتى كي تزعف تحكي معاه ...... صداقة نتاع الصح

لوكان تسيي تحكي مع عباد من بلدان اخرى
بالتوفيق

[serine.fly]

بداية لاتضغط على نفسك حتى لا تزيد الطين بلة، فقط حاول أن تراقب من هم حولك، ليس لتقليدهم، بل لأجل ملاحظة أن الأشخاص ليسوا على طباع واحدة، طبعك الكتمان وهذا ليس بالأمر الخطيييير، فجميعنا نتكتم على بعض الخصوصيات حتى مع أقرب الناس إلينا، الأم أو الاخوة والأخوات ,,,,, وكنا كتوميييييييين طيلة مراحل من حياتنا.
لكن، للأسف، مع مرور الوقت يزداد ثقل هذا الطبع، لأنه يشعرنا بأننا نعيش على الهامش، وأننا لا نثير إهتمام من نهتم بهم ولا نعط فرصة للإعتناء بنا ووووو
فقط حاول يا أخي أن تنظر بإيجابية، وأن تبدأ بالتكلم مع من ترتاح معهم، ويستحقون ثقتك، وابحث بنفسك عن أفضل سبيل للتخفيف من هذا الطبع ان كنت تراه سلبي إلى هذا الحد، لكن إعلم أن الظروف ( خاصة طبيعة عملك ) والمواقف والمحيط والتجارب والخبرات ، هي وحدها الكفيلة بتغييرك نحو الأحسن، أضف إليها إرادة التغيير نحو الأفضل.
وفقك اللّــــــــــــــــــــــــــــــــــــه لما يرضيه.

[ريان 7]

الشي لي تمر بيه نوع من الدفاع عن النفس حيث الشخص يعتقد أن الناس سيسيؤون له فيتجنبهم من البداية حتى يمنع تلك المرحلة
لكن هكذا ستبقى وحيدا أقصد أن الانسان يحتاج لان يروي همومه و أسراره لغيره ة يتشارك الحديث معهم و يشاركهم افراحهم و احزانهم
صدقني العزلة سيئة جدا ثم عليك ان تستغل وجود عائلتك معك قبل أن تفقدهم و تندم .
على كل حال كل ما ينقصك هو ان تعطي فرصة للغير كي يتعرف اليك قد تجد فيهم الخير وان تتحلى ببعض من الثقة في نفسك و في الناس .

[الوداع]

لتنسى أمر الكبرياء تذكر أن سبب طرد إبليس من الجنة هو الكبرياء... تواضع للناس وتفهمهم تجد فيهم ما ينفعك وما تنفعهم به

[رؤوف 1990]

ربي معاك خو
حبيت نقولك حاول دير اصحاب راهم اليوم كاين بزاف و كل اليوم دير عادي جدا
الصحاب درك راهم يروحو و يجو عادي
حاول يكون عندك على الاقل صاحب مقرب دون اهمال البقية
احكي مع الناس كي تمر القي السلام و اتبسم في وجوهم درك يجوك وحدهم خويا

[saadi saif]

السلام عليكم اخي نقلك حاجة اانا انسان عكسك على طول اتشارك مع اي شخص مشاكله افراحه اي شيء يحتاجوه في الليسي او الخي نتاعي يبداو بيا انا نقلك والله غير كرهت تروح للسيسي تقلهم النيميرو نتاع سيف اي شخص يمدولك من الطلاب الاساتذة حتى الاداريين ياوة لحقو بيا الاساتذة واصبحو يحكولي ويعيطولي لكن كاينة حاجة انا ماتكلمش على شخص قالي سر او اي كلام عن احد اخر انا نقلك راهو عندي بروبلام كرهت ان الناس الي يحتاجوها يلقوها عندي حتى ليزينيتي يقراطو فيا فيهم لا حبيت نروح لبلاسة ماكانش الي يعرفني فيها حاب نكون كيما انت راك فوووووووووووور

[EVE]

لتكون اجتماعي على الناس أن يحتاجوك يعني كون سرفيابل