ما العمل حتى لا أفقد العمل؟

[مشكلتي]

السلام عليكم
مشكلتي هي في العمل بعلاقاتي العملية تفرض علي تسليم رقم هاتفي لمدراء المؤسسات التي اتعامل معها
من بين هؤلاء المدراء ، مدير تعامانا معه و إنتهت العلاقة بعد مدة تقريبا 5 او 6 أشهر أفاجئ برسالة نصية على رقم هاتفي مضمونها شيئ من الغزل ، في الأول إعتبرتها مجرد رسالة ليس لها أي قيمة ، مثل بقية الرسائل اليومية المزعجة لكن في رسالة أخرى تبين لي أنه مدير مؤسسة تعاملت معها من قبل و هو ليس من ولايتي .
اجبته مباشرة ، إعتبارا لطبيعتي في التعامل مع أولئك المدراء بالدات بحزم ..و سئلته سؤال مباشر : هل لك أطفال ، يجيب بكل فخر و ثقة : نعم لي طفلان و زواج له مدة أبع سنوات .
و الله ربي حلل 2 و 3 و حتى 4 ..و إن أراد حتى 10 لا يهمني امره ، مشكلتي إدن ، اريد التخلص من هذا الطلب بطريقة غير مباشرة ، لأن برفضي قد تفض العلاقة التعاقدية مع المؤسسة ..تصورو معي ؟؟؟؟


لا تقولو لي هذا من نتائج عمل المرأة ، فهده المرحلة قد تجاوزناها .......................................

[الواثق]

****لا تقولو لي هذا من نتائج عمل المرأة .؟؟؟.****......................هذا ماكنت اريد قوله .......................والله المستعان

[soso sirin]

اختي ماشي كامل الناس مايسواوش كاين الي يصلحو و كاين الي يخافو ربي حنا تاني المدير دوموندا لينيميغو تاعنا كامل و راهم عندو مي انتي انسان عندك شك فيه انو ماتزيديتش تخدمي معاه بزاف ماتمديلوش النوميغوتاعك مدي تاع الخدمة تاعكم و زيد انا تاني نخاف بزاف على الرقم تاعي ملي درتو مابدلتوش و ماشي معولة نبدلو والله مرة واحد يخدم معايا دومونداه مني قتلو نيشان مانمدولكش هاذي مافيها والو و مافيهاش حشمة و زيد اذا كان لازم تمديه نهار تكمل الخدمة بينك و بينو و بغى يهدر معاك فهميه بلي مايزيدتش يعاود مابغاش يفهم كوبي عليه يعيى يعيط و منبعد يكره روحو و لا مديه لخوك يمدلو زوج كلمات على قلبو اذا ماحشمش لانو اذا فتي هدرتي معاه والله راح يكرهلك حياتك و انتي ماخصاكش تكسار الراس

[Mireya]

السلام عليكم
هو كبعث الرسالة محشمش منك و جاتو شيء عادي , انت علاش راكي حشمانا منو ؟؟؟ يا اختي اهدري معاه و قوليلو بلي انت ترفضي هكذا حاجة اللي بيناتكم غير العمل لان الناس ولات هكذا تفهم مكانش حاجة غير مباشرة في بلادنا , حقك يا اختي عادي اهدري معاه و فهميه اكيد مرحش يزيد يتصل و انت ديري رقم مخصص للعمل فقط و رقمك الخاص وحدو و انشاء الله الجماعة يزيدو يفيدوك
و ربي يهدينا إن شاء الله

[بلسم الجراح]

rقوليلو نخبر المادام و ما يزيدش يعاود و قوليلو ليميساج راهم عندي دليل وهكذا مايزيدش يهددك بالخدمة و اذا زادت الامور تعقدت رانا هنا نزيدوا ندبروا عليك

[nasser26]

أختي خلي لي ميساج عندك دليل ليك غدوة كشما كاين ارفدي قضية للعدالة و خليه يحلها بسنيه

[sarl02]

اولا باين بلي تخدمي عند بريفي لان هذه الامور تحدث في العمل في القطاع الخاص او ان صح التعبير استعباد الخواص ....ثانيا انت راكي خايفة ما تعطيلوش وجه تاع هدرة وامبعد الخبر يلحق لصاحب العمل تاعك وربما يتم ايقافك او توبيخك كاقل شيء ....بصح يا اختي كرامة الانسان فوق كل اعتبار ...صاحا انقولك حاجة كون طلب هذا الشخص شيء اكبر من هذا مثلا قالك اخرجي معايا ولا انحبس الخدمة معاكم اتجعلين هذا العرض محل تفاوض في سبيل المحافظة على عملك؟؟؟.....انا جابلي ربي هذي ولا الميساج الي بعثولك كيفكيف....مالا اذا لحقت لهكذا انت راكي حابة البخس على روحك واناعل بوها خدمة الي راكي خايفة اضيعيها .....حافظي على روحك وكرامتك وعزتك تسوى الف خدمة ....والخدمة الي معاها الذل خليها اتروح وربي يرزقك ما خيرمنها ....اسمحيلي اذا كان ردي قاسي لكني اعرف جيدا اجواء وخبايا العمل في القطاع الخاص ....وهذا ما جعل الرجال يعزفو ن عن العمل عند الخواص مقارنة بالبنات.

[مستفانم]

" تبين لي أنه مدير مؤسسة تعاملت معها من قبل "

المفروض من هذا الجملة أنك لم تعودي تتعاملي مع المؤسسة اللي يديرها يعني مضى 6 أشهر عن آخر لقاء .

وحتى لو مازلتو تتعاملوا معاهم ماتخافيش هو عندو مصالح يعني عقود وأموال وأي إلغاء للعقد يساوي خسائر مادية بين الطرفين وهو ماراحش يغامر

أنت عندك ليميساج أي حاجة تصرا في المستقبل تقدري ترفعي دعوة بمحاولة إبتزاز

[سارة 1989]

علاه هاد التخمام بزاف بدلي النوميغو و خلاص ديري في بالك مليح كل المدراء ما يحشموش ما تزيديش تمدي نوميغو تاعك و لا ماديلهم نوميغو تاع الدار lfixe

[الوداع]

هذا اختبار من الله عز وجل، فالعمل شيء عزيز ولكن الشرف أعز منه، أنت لا تعيريه اهتماما وأدي عملك كما يجب إن حاول أن يثير لك المشاكل اعلمي أن الكثيرات تركن عملهن لمثل هذه الأسباب وعوضهن الله بعد صبرهن

[~~ أغيلاس ~~]

كما قالت إحدى الأخوات، غيري رقم الهاتف .

و أنصحك باللباس الشرعي ( على الأقل حجاب فضفاض و خمار طويل نوعا ما ) مع الصرامة و الجدية في التعامل، و طبعا ترك كل ما يتعلق بأدوات الزينة، و كوني على يقين بأن الذباب لن يحوم حولك .

[نجمة ساطعة]

شوفي اختي الكريمة عندك الحق في الجملة الاخيرة نسي هؤلاء أن العرب قبل النبي صلى الله عليه و سلم كانوا في قمة الفساد

خمر و زنا و لم بكن هناك عمل مرأة .....

بالنسبة للحل لا تقلقي ابدا كوني ذكية جدا .... في هذه المواقف لا يتم الرد بحزم خاصة مع مديرين خبثاء

العكس قولي له انت مدير قمة و شخص لا يمكن ان ترفضه فتاة عاقلة ... و لكن ليس باليد حيلة اهلي يرفضون رفض قاطع

الرجل المتزوج و امي عاطيتني دعوة الشر لو جيت على مرأة ...جربت نطرح موضوعك باسم مجهول قريب طردوني و شكرا

ربي يوفقك حنونة

[عُضو مُحترم]

مدام تجاوزتي هذه المرحلة

دبّري راسك علاه تشاورينا؟؟؟؟؟

[عُضو مُحترم]

****لا تقولو لي هذا من نتائج عمل المرأة .؟؟؟.****......................هذا ماكنت اريد قوله .......................والله المستعان

تعجبني :19::19::19::19:

[نجمة ساطعة]

مدام تجاوزتي هذه المرحلة

دبّري راسك علاه تشاورينا؟؟؟؟؟

و هل كل المشاكل سببها عمل المرأة ؟؟؟؟ يعني قبل خمسين سنة مثلا لم يكن هناك تحرش
لم يكن هناك زنا لم يكن هناك فساد هكذا ؟؟؟؟؟

[~~ أغيلاس ~~]

و هل كل المشاكل سببها عمل المرأة ؟؟؟؟ يعني قبل خمسين سنة مثلا لم يكن هناك تحرش
لم يكن هناك زنا لم يكن هناك فساد هكذا ؟؟؟؟؟

تعاليقك الأخيرة راكي تباني فيها شوية

http://www.djelfa.info/vb/images/icons/15.gif

قبل خمسين كان هناك جزء من الفساد لا يصل إلى 0.000001 بالمية من الفساد اليوم .

كيما تحكيلي الوالدة على أيام زمان تقول رانا في عالم آخر، يا حسراااااااه .

المشكلة ليست في عمل المرأة المشكلة في ظروف عمل المرأة، الاختلاط و ما ينجر عنه .

بالرغم من أنني مع عمل المرأة في التعليم و التمريض و التطبيب إلا أن عمل المرأة في كل المجالات ( شركات، إدارات، ....... ) في تلك الظروف للأسف صرنا نسمع بسببه الغرائب .

[عُضو مُحترم]

و هل كل المشاكل سببها عمل المرأة ؟؟؟؟ يعني قبل خمسين سنة مثلا لم يكن هناك تحرش
لم يكن هناك زنا لم يكن هناك فساد هكذا ؟؟؟؟؟

انتي واش رايك بصراحة؟؟؟؟

بكري كيما اليوم؟؟؟

على الاقل بكري كان الراجل كي يحب يعاود الزواج

و يجيب الرابعة

يروح لاب البنت

مش يبعث ميساج للبنت و يحكي معاها

هي تجاوزت المرحلة بسلامتها

و خايفة على المؤسسة و مش خايفة على شرفها و كرامتها

بكري قبل 50 سنة كانت مسألة الشرف و الكرامة عند المراة لا تُناقش

تموت و لا تتم مساومتها

اللآن الاخت خايفة على خدمتها

[faty05]

حبسي الخدمة
تتهناااااااااااااااااااي من هذ لحكايات

[لحن الفرح]

اختي الكريمة انا ايضا اعمل و ولتفادي هذه المشاكل عندي 2 ارقام هواتف نقال
واحد للمنزل والعائلة وحباباتي والثاني للعمل اي للموظفين معي على 17 اغلق البورتابل .

[نجمة ساطعة]

تعاليقك الأخيرة راكي تباني فيها شوية

http://www.djelfa.info/vb/images/icons/15.gif

قبل خمسين كان هناك جزء من الفساد لا يصل إلى 0.000001 بالمية من الفساد اليوم .

كيما تحكيلي الوالدة على أيام زمان تقول رانا في عالم آخر، يا حسراااااااه .

المشكلة ليست في عمل المرأة المشكلة في ظروف عمل المرأة، الاختلاط و ما ينجر عنه .

بالرغم من أنني مع عمل المرأة في التعليم و التمريض و التطبيب إلا أن عمل المرأة في كل المجالات ( شركات، إدارات، ....... ) في تلك الظروف للأسف صرنا نسمع بسببه الغرائب .

انتي واش رايك بصراحة؟؟؟؟

بكري كيما اليوم؟؟؟

على الاقل بكري كان الراجل كي يحب يعاود الزواج

و يجيب الرابعة

يروح لاب البنت

مش يبعث ميساج للبنت و يحكي معاها

هي تجاوزت المرحلة بسلامتها

و خايفة على المؤسسة و مش خايفة على شرفها و كرامتها

بكري قبل 50 سنة كانت مسألة الشرف و الكرامة عند المراة لا تُناقش

تموت و لا تتم مساومتها

اللآن الاخت خايفة على خدمتها

اوكي انا لما نتنقد مش معناها راني في الخط طول .... لكن منحبش كي تركزوا على حاجة و ما تطلقوهاش

شايفة بعيني الفساد في كل مكان شيء يخليك ترتعب ....فضاعة بكل المقاييس

لكن ليس في العمل فقط يا جماعة الخير الفساد وصل الى الابتدائي ما رايك ؟؟؟

بالرغم اني في التعليم لكن اعلم ان عمل المرأة فيه الكثير من الاضرار لها ليس مسألة الشرف فقط

لكن الحرّة لا تسمح لنفسها أن تساوم و يبقى هناك حلول و اذا تم المقارنة بين العمل و الشرف

فاكيييييييييييييييييييييد الاجابة لا تحتاج الى تفكير ....

اظنكما فهمتما وجهة نظري ....

و اقول لكم سبب الفساد الحالي ليس عمل المرأة بل الرجل سابقا كان للمرأة من يحكمها فاصبحت

هي من تقوده و فقط

[لحن الفرح]

اعطيك نصيحة اختي الكريمة واياك اياك الضحك مع المدراء والدردشة كلامك يكون محدود وفي ايطار العمل فقط .