نقترح الموضوع هدا و من فضلكم نتناقشو فيه

[louza06]

السلام اخواتي و اخواني هدا تاني موضوع نطلب رايكم و مناقشتكم انشاء الله نلقى ردود من عندكم جميعا الموضوع انو هل يجب ان يكون الزوج و الزوجة متعلمين او مثقفين مايش بشرط يكونو مكملين دراستهم و متحصلين على شهادة كثير من االنساء ترفض انها تزوج بواحد ماهوش قاري او مكملش تعليمو ( نفرضو خلص ف السنة 9 اساسي) البعض منهم تقلك نديه متعلم باه نقدر نتناقش معاه و باه يخرجو ولادي قاريين وووووو و نفس الشىء بالنسبة للرجال واش رايكم فيها ممكن طرحتو الموضوع هدا و انا جديدة هنا لكن في الاعادة افادة هههههههههه

[رؤيا الظلام 48]

صراحة انا تمنيت زوج متعلم بما انني متعلمة من جهة طريقة التفكير - النقاش وحتى الاولاد كيما قلتي

وخطبوني بزاف سنة 9 اساسي وحتى اقل من ذلك لكن رفضت لو كانو ثالثة ثانوي ممكن لكن الحمد لله راني مخطوبة الان لشخص متعلم (جامعي ) ومثقف كذلك......وكل شخص سواء رجل او امرأة عنده مقاييس يتبعها في اختيار شريك الحياة

[عُضو مُحترم]

امي و ابي رحمه الله

لم يكونا متعلمين

ولكن انجبا طبيب و مهندس و محاسب وووووالبقية كل واحد في خدمتو

[soso sirin]

انا راح نهدر على روحي انا ماذا بيا نديه قاري ماشي لانو القاري يفهم خيرمن الي ماشي قاري بالعكس مرات تلقاي شي ناس والله نيفوهم هابط مي والله يفهم ماشاء الله مي انا نخاف انو يصرالي معاه مشاكل سوغتو كي نكون نهدر معاه بلاك يقولي راكي دايتها في روحك و على حاسبة روحك عليا و لا خايفة كل نقاشاتنا مع بعض تكمل بكلمة فهمنا غير انتي الي قريتي و لا فهمنا غير نتي الي تفهمي و لا الي خايفة منها تاع الصح سكتينا برحمة الوالدين القرايا و الفهامة مكانش لانو كون يكون قاري نعرف واش نرد عليه مي اذا رديت عليه و هو ماشي قاري بلاك نجرحو و هي عقليات اختي قادر قاري و ماشي قارية و حياتهم هايلة و العكس صحيح و قادر هوما للزوج قاريين و تلقايهم دايمن متناقرين

[miss catirin]

el 9arya tedi 9ari w eli machi 9areya tedi machi 9ari
w el mouhim a5ela9ou machi malou wella 9eeyetou

[MIWAKE]

ان اظن ان الرجل عندما يتزوج مع امرة تتفوق عليه من حيث المستوى ربما و اقول ربما يحس بالنقص مع مرور الوقت و الله اعلم

[sarl02]

امي و ابي رحمه الله

لم يكونا متعلمين

ولكن انجبا طبيب و مهندس و محاسب وووووالبقية كل واحد في خدمتو

وانا مثلك تماما يا فتى ..والديا ربي اخليهملي ماهمش متعلمين ولكن انجبو اطارات كل في مجاله الله ابارك ..لكن يا فتى لا تقارن جيل اليوم بجيل الامس ..ذاك وقت وهذا وقت ثم كانت النية والبركة ووو ...بصح ذرك مكان والو ...يعني ذرك اجيبها قارية ما تسلك واجيبها ماشي قارية ما تسلك ...خليها على ربي وخلاص.

[زرقـآء اليمآمـة]

السلام عليكم
شكرا اختي على موضوعك
يوجد كثير منهم من يشترط لكن اغلب الرجال يريدون زوجة متعلمة او مثقفة حتى تفيد اولادها وتساعدهم
ولكن ليست للمستوى التعليمي دور فسلفنا تزوجوا بأميّات وانجبوا فطاحل العلماء فالامر تربوي اولا ................

[نارينا]

المهم ان يكون هناك توافق وليس دائما تكافؤ وانا شخصيا ميهمنيش فالمستوى الدراسي للشخص لانه كاين فرق بين المتعلم والمثقف بصح نفصد ملازمش يكون فارق كبير في المستوى بيناتهم وكلشي نسبي المهم في صلاح الامور

[eBusiness]

أنا لا يهمني أن تكون قارية أو لا لكن يهمني أن تكون قادرة على مناقشة حتى مستقبل الولايات المتحدة الأمريكية معايا هههههههه ولهذا أضن أنها لازم تكون قارية قراية الكتاب وقراية الزمان كذالك، لأني لا اريد أن أعيش مع زوجة طوال حياتي دون أن نتناقش، يعني الدنيا تسماط، معليش مام إلا كانت ما تفهم والوا المهم تناقش باحترام وفي الأخير نقولها يا مرة نوضي للكوزينة ديالك نتيا ما نتاع سياسة يا مخلوقة هههههههه

[الجليس الصلح]

السلام عليكم ورحمة الله
يجب التكافؤ في المستوى التعليمي حتى لا تهتز الأسرة ويصيبها صداع اسمه التنابز بالمستويات وخاصة المرأة التى تتجاوز حدودها وتقذف الرجل بدون المستوى صحيح فاظفر بذات الدين ثربت يداك لكن ما المانع ان يختار الرجل المتعلم المرأة من مستواه

[sarl02]

يا حسراه على ليام ...تم احياء الموضوع بعد مناقشتنا له منذ سنتين 2012-2014. ...وما جبناها لا قارية لا ماشي قارية مزال الحال على حاله ...راه العام يدمر خوه باطل ...المهم الحمد الله على الصحة والستر ...وبلاك راح يحيا الموضوع في 2016 ونبقاو حنا حنا ههه...ربي اوفق الجميع.

[ام مهدي 03]

بالنسبة لى قبل ان اتزوج كنت اتمنى رجلا متدبنا ومتعلما. والحمد لله هذا ما وجدت فى زوجى رغم عدم توفر الشروط المادية التى تغيرت مع الوقت .عشت مع اهله 3 سنوات ثم رزقنا الله بمسكن وعانينا مع الحافلات وسيارات الاجرة 5 سنوات واليوم لدينا سيارتنا......
اقصد انى لو تزوجته غير متعلم لما تغير اليوم كما تغيرت الظروف المادية.واحمد الله على ذلك كثييييييييييييييييييييييرا
ورغم انى متعلمة لكن بقيت شهادتى نفسها قبل الزواج لانى منهمكة فى تربية اولادى ودعم زوجى فى دراساته العليا
والله انا راضية جدا على ما اعطانى الله فهذا ما تمنيته ووجدته

[amelsoussou]

اخوتي اضن ان تقييم الاشخاص لا يكون فقط بالشهادات فالفكر والثقافة لا علاقة لهما بالشهادة:

[أَحمــد]

التكافؤ العلمي ليس شرطاً من شروط السعادة الزوجية ولكنه عامل مساعد في تحقيق درجات أعلى للوفاق، ولكن العناصر
الأساسية للنجاح في مسألة النكاح تتمثل في الدين والأخلاق والأمانة وحصول القبول والميل والقدرة على تحمل المسئولية،
بالإضافة إلى كون كل طرف جاء من أسرة مستقرة، وما عدا هذا من العوامل فهي عبارة عن عوامل ثانوية مساعدة فقط.
والشهادات العلمية لا تفيد صاحبها إذا لم يكن له خبرة في الحياة وقدرة على التفاعل مع المجتمع والقيام بدور إيجابي في
الحياة وهذه العلوم لا تدرس في القاعات ولكن تكتسب بحضور الجمع والتجمعات وهذا علم متاح في ميادين الحياة

http://www.djelfa.info/vb/showthread.php?t=1234180