لم انجح في المسابقة التوضيف وزوجي غاضب مني

[امينة مناد]

السلام عليكم
انا متزوجة وعندي طفلة عمرها الثلاث سنوات زوجي عمله غير كافي و ........
ترشحت لمسابقة عون في ادارة السجون يعني كارديانا ولكن رغم اجتهادي وعملي بجهد للحصول على الوضيفة ورغم انه كان هناك من يساعدني على حد تعبيرهم الا انني لم انجح بوصول خبر رسوبي من مصدر قريب قبل وصول البرقية ..................المهم زوجي يرامقني بنضرات قبيحة ويشعرني بضعف ويكرر قوله انه تعب من عمله الدي لا يكفي لتغطية حاجاتنا ..............وصحيح ان زوجي شخص طيب ويريدني فقط ان اساعده ليس ان اعمل عليه ولكن انا لم انجح فكيف ساتغلب على نضراته القاسية :mad:

[التـــــــــــــــــــائهة]

وقتاش فوتي ؟؟؟؟؟

[عُضو مُحترم]

الله يرزقك الحلال الطيّب الكثير المُبارك

[ام يحي الجزائرية]

لا حول ولا قوة الا بالله واش ذنبك انتي ؟ انتي درتي الي عليك واسمحيلي نقلك هو رب الاسرة وهو الي لازم عليه يصرف فالدار كيفاش يقبل مرتو تخدم ووين ؟؟؟ كارديانا الله يهديه ويسر امورك انا ننصحك اذا عندك حرفة اخدمي بيها وبقاي في دارك معززة مكرمة
الله يصلح الاحوال

['' أمة الرحمن '']

و الله حيرة في أزواج آخر زمن
ربي يهدي ما خلق

[عُضو مُحترم]

تعلّمي الخياطة و الطرز او الحلاقة

ما تاخذش وقت طويل

او اصنعي الحلويات و بيعيها لاصحاب المحلات

رانا في وقت الاعراس و الحلويات مطلوبة بكثرة

و فيها مدخول مُحترم بما ان الله لا يريد لك التوظيف

ربي يهنّيكم و يسعدكم و يرزقكم

[امينة مناد]

شكرا على التفاعل ولله اني اشعر بنقباض كبير وحتى انا صراحتا لم اكن احبد هدا العمل فهو يبعدني عن ابنتي ليلا ولايام ورغم تمنياتي ان انجح الا اني لم اكن مطمئنا والحمد لله على كل حال ربما هدا احسن لي انني لم انجح ولكن ام زوجي هي التي شجعت زوجي على هدا العمل وزينته له

[عُضو مُحترم]

الصبر يا اختي امينة

الصبر و الدعاء لله

فهُو الرزاق

[سآجدْ للهْ]

الله قدر لك الخير ..
وزوجك لا أظن ان هذا الامر يستدعي الغضب أبدآ الامر ليس بيدك مطلقآ
حىولي توضحيلو أنك لست انت المسؤولة على النجآح والرسوب وأن العمل لا يتلاءم مع ظروفك الخآصة...
وسيتفهم الأمر إن كان زوج متفهم..

وربي يوفقك ويجيب ليكم لي فيه خييير

[soso sirin]

نقلك حاجة اختي كاين خدمة من خدمة هاذي الخدمة والله ماشي تاع مرا و زيد نقلك الحمد الله الي ماربحتيش و الله ماجايا تخدمي في الحبس و زيد و بنتك طولي عليها هكا والله بزاف و زيد ماجاياش المرا تبات برا الدار و ان شاء الله تكون خير ليك و خيرها في غيرها ان شاء الله و ربي يمدلك خدمة تكوني فيها مرتاحة و قريبة لبنتك و دارك و راجلك تحمليه بلاك يكون مقلق من المصروف و لا حاجة لانو مكانش الي يقبل باه مرتو تبات برا الدار و ان شاء الله تكون يمات برك و يرجع مليح معاك

[امينة مناد]

شكرا لكم صحيح ان امر المصروف صعب خاصتا اننا نسكن في بيت واحد مع العائلة مع امه واخوته ويعني السلفات وولادهم انا لست ناقمة على حياتي بل الحمد لله ولكن نادمة على دراستي ولله انني كنت املك فرصة رائعة اد انني قبل زواجي كنت اعمل صحفية الا انني توقفت بعد زواجي لانني كنت اضن ان هدا انسب لي ولم اكن اعلم ان الحياة الزوجية صعبة هكدا .

[madir15]

فيها خير............................................... ...................

[z.abdo]

حسنا اختي

عليك اختي ان تقنعي زوجك انك تريدي ان تجلسي بالبيت وانك راضية بما كتبه الله لكما من الرزق

[حياة الإسلام]

لي صار مش بيدك و مسهلش فيه ربي هده هي الفكرة لي لازم تقنعي بها راجلك و باب الرزق عمرها متتسد المهم السعي ربي يوفقك

[باهي جمال]

الله اراد لك الخير
وظيفة صعبة ومحيط غير صحي مع النزلاء من المجرمين والقليل من المظلومين
لا انصحك بالعمل مع المساجين واطلبي الله فابوابه مفتوحة وحبائل الناس وان وهنت فحبل الله مفتول

[السَّحابة البيضاءْ]

السلام عليكم


اولا الحمد لله انك مانجحتيش فيها لانها اصلا وظيفة غير لائقة بك كامراة


ثانيا على حساب مافهمت زوجك مش شارط الخدمة (( يعني خدمة مرسمة عند الدولة )) المهم مصدر دخل اضافي الا كان هاك ساهلة الاخوة هنا اقترحوا عليك بعض الحرف المفيدة


راه كاين نكوين الخياطة للكامثة بالبيت دوام جزئي لمدة 3 أشهر فقط وبما انك متزوجة و أم نظن أنها تناسبك المهم يكون راسك خفيف وتتعلمي

قلت انك جامعية تقدري ديري عقود ولا ادماج


ربي يوفقك أختي

[نيفرتيتي.]

يا اختي ربي يهدي زوجك ويهديك انت ثان لانك من الاول قبلت انك تعقبي الكونكور احنا عندنا عااااااااااار كبير انه المرا تروح تزور مسجون يعني انه المرا مالازمش تدور خلاص في الجهة هاديك اسمحيلي كيفاه يرضى على مرته انها تدخل للدومان هاذاك المرا ليها دارها ولازم تهدريلو هدرة تضرب في الصميم بمفهوم انه كيفاه تسمحلك رجولتك انك تلزمني باه ندخل للدومان هاذا تدخلي للدومان هاذاك باه تصرفي على ماليه
ربي يهدي واسمحيلي في الرد اذا كان قاسك لكن هذا هو الواقع علاه ماخدمتش اخته

[امينة مناد]

سلام عليكم
هدا ما سافعله عقود ما قبل التشغيل كما اني ساتعلم شيئا اخر .........الان لست ادري ما هو
شكرا لكم اشعر اني لست وحدي

[elec_idriss]

السلام عليكم ورحمة الله وبركاته

نسال الله السلامة والعافية لا حول ولا قوة الا بالله اللهم سلم سلم.

[شمس 15]

يا ختي فهميه و قوليلو الخير فيما إختاره الله ماشي مكتب نربح الحمد لله عسى أن تحبو شيئا و هو شرا لكم.ربي حبك كي ما نجحتيش بلاك كانت عواقب العمل سلبية أكثر من إيجابية خليه يزعف هاذ ليام و ينسى.
قلتي كنت تخدمي كيفاه حتى حبستي هو ألي قالك حبسي و لا نتي؟

[رؤيا الظلام 48]

ربي يهديه ويصلح احوالكم

[sarl02]

واش هذا يا اختي راكي متاكدة بلي هذا الشخص زوجك؟وخلاك اتجوزي كونكور تاع عون ادارة السجون ؟؟؟...والله راني حاير ...انا رجل وحصلت على منصب ضابط ادارة سجون وتركتها بمجرد ان وجدت وظيفة اخرى احسن وافضل ....محيط متعفن بمعنى الكلمة وربي نجاك منو خصوصا وانك امراة ......بصح والله راني حاير في راجلك الي بلا قلب ...سبحان الله العلي العظيم.

[لحن الفرح]

اختي الكريمة ديري روحك ما سمعتي ما شفتي والوقت والزمن ينسي حتي ينسى زوجك .
ان شاء الله تنجحي في امتحان اخر .

[الواثق]

والله ماعرفت واش نقول الا الله المستعان .....................تفكرت الكار تاع النجمة القطبية وقيلا دار بالراي هذاك الرجل

سبحان الله سبحان الله..............هذي وظيفة يتكلمو عليها ؟؟؟؟؟.................انا لو نعرف وحدة تسكن في تمنراست وتخدم هاذي الخدمة نغير عليها واحزن لحالها .........................حتى تكون زوجتي ؟؟؟؟............................اما قضية هو ماقدرش وانت تعاونيه لا لايقنعني هذا ولا اقتنع به البتة الى ظهور الدابة ................

يا اختي الكريمة اذا استطاع الزوج ان يوفر المسكن والاكل والشرب فلقد وفر الاساسيات اما ما قدرش يدير سيارة او محلات او عندو مشاريع هذا لا اسميه متطلبات العيش ................نوفر خبزة كسرة لزوجتي تحت سقف يحمينا خير لي من الف مرة ان تخرج زوجتي للعمل باه نوفرو اطباق وسكن فاخر وسيارة وعلى ظهر زوجتي كلا والف كلا ..........والله المستعان.

والله المستعان

[خولة لبابة]

لم أعرف ماذا اقول لك يا أختاه...........أظن ان زوجك اخطأ كثيرا.........من المفروض أن يقول لك ارتاحي .........و لا تعملي............و لا تقولي انكم لا توفرون كل متطلباتكم........فهو يعمل و لديكم طفلة واحدة...........لا أظن الامر يستاهل ان تعملي..........الله يهدي زوجكي الى ما هو خير........و رزقكم من حيث لا تحتسبون.......

[kamal10]

أختي قولي لراجلك القوامة في يدك اراجل لمليح

[سارة البوسعادية]

يا اختي ربي حبلك الخير
اولا لانهم يطيشوك بعيدة بولايات عن مقر سكنك
وتاني حاجة خدمة مختلطة وفي الليل ومع المساجين
وراجلك مش عاجبو الحال
ساعديه بانك تكوني راضية وزوجة غير مبذرة وقنوعه
اما انك تخدمي في السجن
؟؟؟؟؟
تندمي
خليه يرمقك بنظرات ولا حتى يقلك كليمات

[نجمة ساطعة]

يا لطيف سجن و متزوجة احمدي ربي عسى فيها خير .... ما تحزني ما واالو حاولي تغيريلو جو فقط نسيه بطريقتك الخاصة

[hano.jimi]

كان يجدر به في البداية ان يتزوج بامراة لديه عمل مستقر كطبيبة او استاذة
لاتقلقي نفسك ليس ذنبكي ان لم تنجحي
هناك نساء ماكثات في البيت لكن لديهن مذخول كالخياطة اوصنع حلويات او جليسة اطفال هكذا تساعدي نفسكي عزيزتي

[تالا تسنيم]

ربي يكون معاك أختي الكريمة ما تقنطيهاش على روحك خليها على ربي



http://files2.fatakat.com/2011/2/12975425301620.gif

[امينة مناد]

السلام عليكم شكرا لكل من عاوني بكلاموا وعلى هاد
جاتني فكرة وحبيت نشاركم بيها وتعطوني رايكم وقترحاتكم
حبيت نفتح روضة صغيرة يعني نكري كراج صغير ونجهزوا ويكون لايق بلاطفال وانا نسكن في حي معضم لامهات عاملات وعلى هدا قررت نفتح روضة صغيرة في بدايتها ولكن بحكم معنديش اديبلوم قولولي واش اندير يعني عندي الباك والاعلام الالي فقط .............
ومنخفيش اعليكم اني حبيت اندير روضة بلا منحصل على الرخصة من عند الدولا في البداية فقط ومن بعد كي نشتهر بعون الله نكبرها ونكون اقريت بلمراسلة على هدا التخصص ندير كل الاجراءات
يعني هل هدا ممكن
ارجوكم انصحوني وارشدوني
انا في الاول والاخير نولي لاصدقاءي في منتدى الجلفة

[Rose19]

السلام عليكم
انا متزوجة وعندي طفلة عمرها الثلاث سنوات زوجي عمله غير كافي و ........
ترشحت لمسابقة عون في ادارة السجون يعني كارديانا ولكن رغم اجتهادي وعملي بجهد للحصول على الوضيفة ورغم انه كان هناك من يساعدني على حد تعبيرهم الا انني لم انجح بوصول خبر رسوبي من مصدر قريب قبل وصول البرقية ..................المهم زوجي يرامقني بنضرات قبيحة ويشعرني بضعف ويكرر قوله انه تعب من عمله الدي لا يكفي لتغطية حاجاتنا ..............وصحيح ان زوجي شخص طيب ويريدني فقط ان اساعده ليس ان اعمل عليه ولكن انا لم انجح فكيف ساتغلب على نضراته القاسية :mad:
تجاهلي نضراته و رغم حبك له لا تنسي ان تذكريه بانك مسؤولة منه عملت ام لا.
حولي غضبه لعدم حصولك على عمل الى تفكيره بان هذا ما يريده الله و لن يكون غيره احب ام كره و ذلك لتقوية ايمانه.

[علي بن عايشة]

السلام عليكم
انا متزوجة وعندي طفلة عمرها الثلاث سنوات زوجي عمله غير كافي و ........
ترشحت لمسابقة عون في ادارة السجون يعني كارديانا ولكن رغم اجتهادي وعملي بجهد للحصول على الوضيفة ورغم انه كان هناك من يساعدني على حد تعبيرهم الا انني لم انجح بوصول خبر رسوبي من مصدر قريب قبل وصول البرقية ..................المهم زوجي يرامقني بنضرات قبيحة ويشعرني بضعف ويكرر قوله انه تعب من عمله الدي لا يكفي لتغطية حاجاتنا ..............وصحيح ان زوجي شخص طيب ويريدني فقط ان اساعده ليس ان اعمل عليه ولكن انا لم انجح فكيف ساتغلب على نضراته القاسية :mad:

يا سيدتي الكريمة

روحي لزوجك و قوليلو قالك احمد

عيب عليك
احنا الجزائرين ما تربينا نعتمدو على زوجاتنا في مصاريف البيت

اخرج و اطحن الحجر بضروسك ماشي تشوف زوجتك بنضرات قاسية