مرات افكر في ...........

[ambitieuse]

سلام يا اخوتي لا اعرف بمادا ابدا .لا استطيع نسيانه و حياتي اصبحت عداب و لا استطيع ان اقلب صفحة من جديد بالرغم من خطبتي عدة مرات و لكن اصبحت انسانة متعصبة لاتفه الاسباب و كل مرة اتفكره و ابكي و اقول لمادا سمح فيا فهو يعلم انني اعشقه و اعمل المستحيل من اجله و لا يوجد اي شيء حاليا يمنعه من الزواج بي .سوف نقولون انها تقول اشياء تافهة و لكن فوق جهدي و مرات افكر في الانتحار لالقى الراحة لهدا العداب و الله ما استطعت العيش بدونه.

[عُضو مُحترم]

لا أعتقد انه سبب مُقنع للإنتحار

[the flower girl]

هناك مثل جزائري يقول الي بدلك بالفول بدلو بقشوروا

[اريج16]

الانتحار ليس حل
ابتعدي عنه اذكن يحبك سييتقدم لخطبتك وان كان العكس فحاولي ان تنسيه وتبني حياتك من جديد النسيان صعب لكنه ممكن مع الوقت ستنسين

[محمد جديدي التبسي]

أختي ضعي عقلك في رأسك ولا تستسلمي لما يمليه عليك قلبك
اكثري من الذكر والاستغفار واسألي الله من فضله وأن يعوّضك بالحلال الطيب
دعي عنك هاته الأفكار السلبية وتفائلي خيرا
وبما أنه ابتعد عنك فهذا اكيد خير لك فالحلال هو الدي يثمر ويبارك فيه الله عزوجل أما الحرام فلا يورث إلا الذل والانكسار
الجئي الى الله بصدق وإخلاص أكثري من الذكر والاستغفار وقراءة القرآن وصلاة النوافل وربي يوفقك لما فيه خيرك

[عربية الهوية]

ختي ماتعصبي ما والو
انا نقولك علاه خلاك على خاطر هو اصلا محبكش
بنادم كيما هدا متخيسريش دقيقة من حياتك تخممي فيه تخسري روحك على جال شخص كيما هاك
اللي باعك اتبرع بيه

[j.p.sarter]

والله توشاتني كلماتك واش انقولك ..الي ما جربش ما احسش بيك كما يجب......انقولك شيء واحد فقط ...وكلي ربي واعرفي انه كل شيء بالمكتوب وامني بالقضاء والقدر ..صدقيني ديري ربي دائمن في بالك سوف ترتاحي.

[soso sirin]

لانو عارفك بلي تموتي عليه و ماتقدريش تعيشي بلا بيه علا هكا راه يعذب فيك و هو متاكذ انو انتي ماتقدريش تتزوجي بغيرو.يا اختي هذا ماهوش حب هذا سموه استعباد و انتي راكي باغية تكوني مستعبدة .علاه عليك هذا العذاب كامل هو كون جيتي في بالو كان راكي تربي في وليدو ضروك و انتي راكي تخممي فيه كون جا ماشي واجد نقولو السيد عندو ظروف راكي تقولي انو راه واجد واش قاعد يستنى.علابالي راكي تقولي هو الهوى الي نتنفسو هو ولا مانديش هو ولا نموت كون جا صح يبغيك اصلا مايحطكش في موقف كيما هكا و لا يوصلك لحالة كيما الي راكي فيها اديها من عندي بينيلو بلي تقدري تعيشي بلا بيه هو يا اما كان يتمسخر برك و ماكانش يبغيك صح بلاك كان باغي يخليك تبغيه برك لانو كاين شي ناس مرضى نفسيين يجرو مورا الحاجة كي يوصلو ليها يبعدو و مايقيموش كامل يا اما هذا السيد متاكد انو تقعدي تستنايه حتى و ماتتزوجيش معنتهى راكي عايشة علاجالو برك و بلاك في التالي هو يتزوج و يبني دار و يدير ذراري و انتي تقعدي غير تستناي وقتاش يشوف فيك الوقت راه يتمشى يا اختي و انتي بكي على واحد دار المستحيل باه يديك و ماداكش هذا يغيضك الحال عليه ماشي واحد ماخاصاتو والو و راه يستنى واش راه باغيك تروحي تخطبيه.اختي انتي خليها على ربي و ادعيه لانو اذا كان من مكتوبك تديه ماشي من مكتوبك والله و تموتي و ماتديه و زيد علاجالو راكي خاسرة دنيتك و تزيدي تخسري اخرتك و زيد انتي الي راكي رايحة تتعذبي كي تنتحري هو يعيش حياتو و تطفر فيك

[اية الرحمن1988]

السلام عليكم
أختي حياتك أغلى من أنك توقفيها من أجل شخص لا يستحق ذرة حب
لحظات الضعف صعبة لكن الجرح راح يبرى بمرور الوقت و يبقى مجرد ذكرى مرت في حياتك
اصبري وادعي ربي يرزقك بأفضل منو
وكيما خلاك في هاد الحالة نظن ميستاهل ديري على جالو كل هاد الشيء.

[عزه]

حسبنا الله ونعم الوكيل في مثل هؤلاء المخادعين

[ريمة89]

سلام يا اخوتي لا اعرف بمادا ابدا .لا استطيع نسيانه و حياتي اصبحت عداب و لا استطيع ان اقلب صفحة من جديد بالرغم من خطبتي عدة مرات و لكن اصبحت انسانة متعصبة لاتفه الاسباب و كل مرة اتفكره و ابكي و اقول لمادا سمح فيا فهو يعلم انني اعشقه و اعمل المستحيل من اجله و لا يوجد اي شيء حاليا يمنعه من الزواج بي .سوف نقولون انها تقول اشياء تافهة و لكن فوق جهدي و مرات افكر في الانتحار لالقى الراحة لهدا العداب و الله ما استطعت العيش بدونه.
اختي مادمتي تقولي هكدا خلاص موحال تنساي
انا نقولك حاجة بالاك ربي شاف فيها خير يجي نهار تقولي الحمدلله كي ربي شاف ليا وسلكني ياختي انا نقولك والله الحب ماكاين قبل الزواج انا تزوجت عن حب والله والله والله كلوا بعد الزواج ربي يعطيك راحة المجتمع يعطيك راحة الناس كامل تعرف بحبك وتقولك الله يكمللكم لكن مع زوجك مع شريك حياتك اللي عمروا ماراح يسمحلك تتعدبي ولا تبكي زالله ياختي حب الزوج مايساويه حتى حب واللله تنساي كلش تقولي الله يهديني انا جايحة كنت نبكي عليه
انا نقولك اليوم ارقدي وديري فبالك بلي هو راه لاباس عليه مهني وانت اللي راك تسوفري وتمرضي في روحك وادعي ربي يخرجهولك من قلبك وربي راح يستجيب ليك
خليتي ربي وتفكري فالانتحار
مالقيت مانقول ...............
ادعي ربي راه قادر على كلش وديري فبالك اللي خلقوا خلق غيروا واحمدي ربي مالا انت هدا لراح تنتاحري واليتيم كيفاه واللي ماتتلوا يماه ولا والديه كيفاه تنتاحري علاجال راجل الله يهديك ادعي ربي الشكوة من غير لربي مدلة وحدوا اللي يقدر يمحيه من قلبك
وماترتابطي بحتى واحد لا خطبة لازواج حتى تقرري تخرجي من الغرقة تاع هد السيد .
ان شاء الله نسمعوا عليك خبر مليح ياربي ويفك كربتك .

[خولة لبابة]

كلمة الانتحار نحيها من بالك أختي..............حاولي أن تعالجي الأمور كما هي و كوني واقعية.............

[لحن الفرح]

اختي ربي يبعثلك احسن من هذا الرجل . اختي العزيزة مازالت الحياة قدامك ومازلتي صغيرة . التهاي بروحك لوكان تقعدي تخمي تولي عجوزة ونهار اللي يجي واحد بالطبع كيفاش تقابليه .والله غير يجيك رجل احسن منوا بكثير . وتعيشي معاه اسعد ايام حياتك .

[فتـ حييةـاة]

علاش شكون قالك كي تنتحري تريح من العذاب ؟؟؟؟؟؟؟؟ هذاك وين يبدا العذاب تاع الصح

[hano.jimi]

ان احببت شيئا بشدة اتركه ان عاد فهو لك وان لم يعد فهو لم يكن لك من البداية
حبيبتي استخيري الله وعسى تكره شيئا وهو خيرا لكي
عيشي حياتكي لا تدري ربما هو لا يفكر فيك وانت تقتلي نفسكي لاجله
اعرف فتاة طلقها زوجها صحيح انهارت لكنها بحثت عن اشياء تزيد وزنها وبالتالي ازدادت جمالا وعندما صادفها قال لها اصبحتي جميلة ومع الوقت رجع لها

[wafaa1997]

انا نقولك مهيش حاجة تدي بيك للانتحار و تدخلي للنار على جالو و ماتتهنايش من العذاب بالعكس ثم للي يبدا العذاب صح صح .. خمي مليح قبل ما ديري هذيك الحاجة و ان شاء الله تلقاي للي خير منو..

[Narcisse95]

ادا كنتي فحلة بنت فحولة رديلو الصاع صاعين
قادرة تجيبي أحسن منو خلقا و بهاء وجه و حتى مالا و يكون يحبك و فوق هدا يكون زوجك
فلم لا تفعلين هدا ؟ ماشي انتقام ولا ... بصح اعدلي مع نفسك تستحق ماهو أفضل ... و راهو يرجع يحلل كيما يشوفو خير منو و يغير و في هاداك الوقت سكري الباب في وجهو
;)
iهدا هو الحل

[دلوعة أبي و زوجي]

أختي ضعي عقلك في رأسك ولا تستسلمي لما يمليه عليك قلبك
اكثري من الذكر والاستغفار واسألي الله من فضله وأن يعوّضك بالحلال الطيب
دعي عنك هاته الأفكار السلبية وتفائلي خيرا
وبما أنه ابتعد عنك فهذا اكيد خير لك فالحلال هو الدي يثمر ويبارك فيه الله عزوجل أما الحرام فلا يورث إلا الذل والانكسار
الجئي الى الله بصدق وإخلاص أكثري من الذكر والاستغفار وقراءة القرآن وصلاة النوافل وربي يوفقك لما فيه خيرك
كلام أخ صواب بارك الله فيك
أختي أنت السبب فأنتي من أقنعتي قلبك و عقلك بهذه الفكرة تخلي عنها فستنجحين
و علاه بكري مكنتيش عليشة بلا بيه ؟ ناس فقدوا والديهم و عطالهم ربي الصبر
بالاك ربي يحبلك الخير و هذ الإنسان ميستهلكش أحسني الظن بالله ربي ميحبلنا غير الخير و كون يكون مكتوبك غير هو لي تديه
و لي يبيعك تصدقي بيه مشي تبيعيه
و ربي يفرج عليك و يفرحك