الكوفرولي( الدرس التطبيقي الاول لورشة انجاز تروسو سموكس) - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الأسرة و المجتمع > قسم الأشغال اليدوية و التجارب المنزلية > قسم الاعمال الفنية

قسم الاعمال الفنية الرسم - السراميك - اشغال الابرة ابداعات و اعمال فنية مختلفة

 

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

موضوع مغلق
 
أدوات الموضوع انواع عرض الموضوع
قديم 2012-05-01, 19:23   رقم المشاركة : 1
معلومات العضو
fifiarch
مشرف قسم الأشغال اليدوية و التجارب المنزلية
 
وسام الحضور المميز وسام المشرفة المتميزة لدورة اعمال السموكس وسام المركز الثاني 
إحصائية العضو









fifiarch غير متواجد حالياً


B18 الكوفرولي( الدرس التطبيقي الاول لورشة انجاز تروسو سموكس)




مساء النور لبنات ان شاء الله اموركم تمام
اليوم مع درس الكوفرولي
والذي كان اول درس في ورشة انجاز تروسو سموكس
نبدا على بركة الله
اتمنى لكن متابعة مفيدة وان شاء الله نكون على قد الثقة ونتحصلو في النهاية على اجمل الاعمال
هنا رابط الدرس النظري الاول
والذي عرفنا من خلاله انواع الكوفروليات واكيد كل اخت اختارت واش يناسبها وتانا تعلمنا كيفاه نقيسو ونستعملو القماش

http://www.djelfa.info /vb/showthread.php?t=863414

كل اخت تحمل المخطط لي عجبها و تجيب ورقة بيضاء و تحاول ترسم المخطط على هذه الورقة و هكذا باه تفهم العمل لي حابة تديرو
خلاص فهمتيه عرفتي كيفاش تقسمي القماش
جيبي مقص و ميترة وابداي على بركة الله
روحي لغرفة واسعة حلي القماش نتاعك و اكيد لازم تكون الارضية نظيفة كيما تفاهمنا



بداي القص و حاولي تنظمي حواف القماش لانو ممكن البياع نهار لي باعلك يكون قص القماش معوج



نتحصل على قطعتين بالمقاسات المطلوبة وكالعادة باه مايتسنسرش القماش نجيبو ولاعة ونحرقو اطراف القماش



الان نحضر الباترون والذي هو عبارة عن قطعة كرتون نرسم عليها جدول ابعاد مربعاته ستة سنتيمتر لانو البعد المناسب لعمل الكوفرولي
ونثقب رؤوس كل المربعات ثم نضع الباترون على القماش ونبدا في تنقيطه كاملا مع مراعاة ترك عشرة سنتيمتر على الحواف من كل جانب
هذه العشرة سنتيمتر هي حساب نتاع الخياطة



بعد ذلك نتحصل على زوج قطع متماثلين في الابعاد ومنقطين وجاهزين للعمل



ولان الفراش نتاعنا راح نخدموه بالياسمينة المقلوبة
اول خطوة هي عمل الياسمينات ولازم تكون على ظهر القماش
وهذا الفيديو راح يعلمكم طريقة عمل غرزة الياسمينة

http://www.youtube.com/watch?v=mhnWFQKet6s

لازم نكملو كامل القطعة بالياسمينة على ظهر القماش طبعا



ومن وجه القماش يكون العمل هكذا



الان نجو لطريقة عمل الياسمينات المقلوبة
وهي تكون عن طريق حشو الياسمينات
اولا نحضرو المادة لي حابين نحشو بيها ومن الاحسن لاوات نتاع الميترة لانو الافضل
انا هنا اخترت البونج وللاسف لقيت غير الرقيق قصيتو مستطيلات وطويتها باه تجيني مليحة



وهنا الفيديو يبين طريقة حشو الياسمينات

http://www.youtube.com/watch?v=Jvlv_...hannel&list=UL

هزو اربع اوراق نتاع الياسمينة واحشو وسطهم بالبونج و خيطو
لازم تكون خياطة مليحة باه نهار اخر ماتتفتحش

والاخوات لي حابين ينوعو بين الياسمينة المقلوبة والياسمينات الكبار يشوفو هاذ الفيديو يعلمهم الطريقة

http://www.youtube.com/watch?v=-dw8L...hannel&list=UL

راكي تخرجي الورقات نتاع الياسمينة من تحت لفوق يخرجلك كانو مربع
في النص خيطي راح تخرجلك الياسمينة
وماتنسايش تزيني بالعقاش



وفي الاخير نتحصلو على قطعة القماش مخدومة بهاذ الشكل

من الخلف



من الامام



والان ننتقل لمرحلة اخرى وهي غلق الحواف ناع القماش وتنظيمها والصور تبين الطريقة

في جهة العرض نغلقو بالياسمينات الكبار هكذا



وفي جهة الطول نغلقو من الخلف بهذا الشكل



وبعدين نخيطو كامل القطعة على الحواف باه يتنظم القماش مليح
واللي تقدر تزيد تدير السيرفيلاج لانو هاذيك الخياطة مبعد لما نلصقو القطع بالمشينة نتاع الخياطة ضك ننحوها
ونقصو الزوائد باه تجينا القطعة منظمة وتخرجلنا من الخلف هكا



ومن الامام



ونكملو القطعة الثانية نتاع القماش بنفس الطريقة
نتحصلو على زوج قطع متماثلين نحطوهم فوق السرير بهاذ الشكل



الان نجيبو القماش لاخر لي عندنا نتاع ثلاثة امتار ونحاولو نقسموه الى شرائط نتاع خمسون سنتيمتر
نتحصلو على ثلاثة شرائط



نهزو احد هاذو الشرائط ونقصو طرف منو يكفي باه نربطو بيه بين القطعتين الاولى والثانية فوق السرير
وهذه القطعة لازمتلها بعض التزيين
انا اخترت انو نزينوها عن طريق الطرز بالشرائط
وحاولت اختراع رشمة مناسبة
شوفو على واش اتحصلت
هاذي الرشمة نتاع الوسط
اطبعو منها زوج ومبعد لصقوهم مقابل بعض وانقلوها وسط القطعة





وهاذي نتاع الجوانب



وقمت بنقلهم على قطعة القماش



ومبعد بديت مع الاغصان وخدمتهم عادي كيما تعلمنا في درس طاطا ام سفيان نتاع دورة التطريز بالشرائط
point de tige
اما عن الورود ضك نتعلموهم مع بعض في الدرس المقبل نتاع دورة التطريز
ومبعد هذا على واش اتحصلت
هاذي نتاع الوسط



وهاذي نتاع الجنب



بعدين عندنا الزوج القطع لاخرين هاذو نخلوهم لكشكشة الجوانب كي نلصقو القطع نتاع فوق مع بعض بعد لا نكملو الطرز



اما عن كشكشة فوق نخدمو شريط عرضو صغير برك لانو جهة الفوق كالعادة مالازمش تهبط منها كشكشة
وكشكشة اسفل على حساب نوع السرير لكن ينصح بعملها لانها ضرورية
وبالنسبة ليها راهو باقي عندنا قماش لي قعد من الشريط الثالث لي قصينا منو قطعة الوسط لي رانا نطرزو فيها




نطلب منكم فقط انكم تحضرو قطعة قماش من اي نوع رخيص فقط المهم يكون عرضها متر ونصف ولونها يتماشى مع لون قماش الكوفرولي باه نعملو منها التبطين نتاع الكوفرولي

هنا في درس التطريز بالشرائط راح تلقاو باقي طريقة الطرز نتاع القطعة بالتفصيل
http://www.djelfa.info/vb/showthread.php?t=964585

الان وبعد لانكملو الطرز نلصقو القطع الثلاثة في بعض
من فوق واسفل السموكس والوسط القطعة المطرزة

الان نروحو للكشكشة
شفتو القطع لي قصيناهم المرة لي فاتت
نحكموهم نسرفلوهم من تحت ومن جانب



ونعملولهم مكان الطيات هكا باه يجي طولهم من طول القطع في ثلاثة لاصقين في بعض


االان نخيطو الكشكشة مع القطع السابقة وماذا بينا تكون خياطة معاودة باه تشد مليح



نكملو الكشكشة من الجانبين واسفل
ومن فوق على حساب واش تحبي تديريها او لا
يجينا الفراش هكا من الخلف


ومن الامام


وهنا عن قرب الخياطة


لازمكم تبطنو الفراش من تالي كيما قلتلكم جيبو اي نوع من القماش بلون مناسب للكوفرولي نتاعكم وقصوه بنفس الابعاد من فوق برك ماتحسبوش الكشكشة ولصقوه
للاسف انا ماعملتش هاذ المرحلة

شوفو كشكشة الجوانب
مازالت ماشي منظمة مليح



الان نجيبو الدونتال وندورو بيه الفراش كامل ونخيطوه مليح


ننظمو الفراش و نحددو الكشكشة باه تتنظم




وهكا نكونو كملنا الكوفرولي نتاعنا
وهذه النتيجة لي تحصلت عليها


هنا لبنات عمل اختكم بترا عماد
شوفو فكرة الكشكشة لي فيه


ونظرا لطلب الكثير من الاخوات الشرح لهذه الكشكشة
قدمتلنا اختنا بترا الشرح
فالف شكر لها
ونخليكم مع الشرح نتاعها



في الأول تحسبي 10 سنتيم و تعملي خط و باقي اللخطوط تحسبي 15 سنتيم

تخيطي الأورغونزا مع الكوفرولي و هي مرسومة بالخطوط كيما فهمتكم
و من بعد تفصلي 13 متر الباقية
كيما هي بلى ماتمقصيها
اولا 15 سم بعد ماتكوني بلاصيتيلها بيي ساتيني و تلسقي معاها الدونتيل
و تبليسيها على طول الكوفرولي و لازم يكون منضم
و باقي الخطوط 21 سنتيم طبعا تبليسيها بعد ماتكوني بلاستيلها بيي ساتيني

و تستفيها على طول الأورغونزا حتى تكملي
ملاحظة: طبعا رايح تقولولي شانديرو ب 45سم هديك لي زدناها في القطعا الأولى
هذيك تجي زيادة في شرشيفة عند جانبي الكوفرولي باش ما يجيكمش مزير
و راح يبقالكم من الأورغونزا و الدونتيل ديروه في المخايد
بصح 14سم عرض الأورغونزا فقط

بعد ماتكني فصلتي كيما شرحت في الأول من 4 متر الأولى من الأورغونزا
و خيطتيها مع الكوفرولي تجيبي القطعة التانيه الي طولها 13 متر كاملة بلا ماتمقسي منها



راني حطيت هدي الورقة باش نشرحلكم على اساس
طول الأورغونزا 13 متر و كيفاش تقسميها






هكا لبنات نكونو كملنا الكوفرولي


بعد مشوار طويييييل
الحمد لله تم بعون الله

اكيد نعرفكم شاطرات وتخدمو فيه مليح وتكون ان شاء الله اعمال رائعة


نتمنى الاخوات لي عاملين هذا النوع من الكوفرولي يسرعو وتيرة العمل هكا باه الاخوات لي عاملين الفراش كامل سموكس مايتعطلوش
مطلوب منكن انجاز هذا العمل طيلة ثمانية ايام
يوم الاثنين المقبل ان شاء الله يوضع الدرس الجديد
مالا اشطارو هكا باه مانبقاوش متعطلين
بالتوفيق



الى اللقاء لبنات في الدرس القادم نتاع المخاد ان شاء الله






 

مساحة إعلانية
قديم 2012-05-01, 19:35   رقم المشاركة : 2
معلومات العضو
sofiane2075
عضو برونزي
 
إحصائية العضو









sofiane2075 غير متواجد حالياً


افتراضي

ما شاء الله عمل رائع و متقن يعطيك الصحة و ان شاء الله يكون فال خير لك تفرشيه في فرحك ان شاء الله







قديم 2012-05-01, 20:15   رقم المشاركة : 3
معلومات العضو
batoul2000
عضو مميّز
 
الصورة الرمزية batoul2000
 

 

 
إحصائية العضو









batoul2000 متواجد حالياً


افتراضي

يسلمووووووووووووووووووووو







قديم 2012-05-01, 20:20   رقم المشاركة : 4
معلومات العضو
fifiarch
مشرف قسم الأشغال اليدوية و التجارب المنزلية
 
وسام الحضور المميز وسام المشرفة المتميزة لدورة اعمال السموكس وسام المركز الثاني 
إحصائية العضو









fifiarch غير متواجد حالياً


افتراضي

الف شكر طاطا والله شرفني ردك

العفووو بتول راني قررت ندير كيما دورة التطريز كل حاجة وحدها وليت خرجت درس الكوفرولي وحدو في انتظار التثبيت







قديم 2012-05-01, 20:33   رقم المشاركة : 5
معلومات العضو
yakine barea
عضو جديد
 
إحصائية العضو









yakine barea غير متواجد حالياً


افتراضي

شرح وافي شكررراااا







قديم 2012-05-01, 20:34   رقم المشاركة : 6
معلومات العضو
fifiarch
مشرف قسم الأشغال اليدوية و التجارب المنزلية
 
وسام الحضور المميز وسام المشرفة المتميزة لدورة اعمال السموكس وسام المركز الثاني 
إحصائية العضو









fifiarch غير متواجد حالياً


افتراضي

العفووووو اختي







قديم 2012-05-01, 20:38   رقم المشاركة : 7
معلومات العضو
petra imad
عضو مميّز
 
الصورة الرمزية petra imad
 

 

 
وسام المشاركة المتميزة في اعمال السموكس 
إحصائية العضو









petra imad غير متواجد حالياً


افتراضي

ما شاء الله فيفي شرح مفصل شوقتيني نشوف النتيجة بالتوفيق للأخوات لي دايرين نفس الخدمة







قديم 2012-05-01, 20:39   رقم المشاركة : 8
معلومات العضو
fifi180
عضو مميّز
 
الصورة الرمزية fifi180
 

 

 
إحصائية العضو









fifi180 غير متواجد حالياً


افتراضي

الرشمة نتاع الجوانب مش خارجتلي حمليها من جديد من فظلك و زيد مانقدرش ننقل الرشمة صوف الاغصان اما الوردات و الاوراق لالا لاني نخاف نكبرهم و نحصل مالا مانريسكيش حتى نشوف واش نوع الورد و الاوراق ومن بعد نقرر







قديم 2012-05-01, 21:04   رقم المشاركة : 9
معلومات العضو
fifiarch
مشرف قسم الأشغال اليدوية و التجارب المنزلية
 
وسام الحضور المميز وسام المشرفة المتميزة لدورة اعمال السموكس وسام المركز الثاني 
إحصائية العضو









fifiarch غير متواجد حالياً


افتراضي

العفووو حبيبتي بترا
انا تانا متشوقة نشوف واش راح يخرجلنا
ان شاء الله حاجة مليحة







قديم 2012-05-01, 21:49   رقم المشاركة : 10
معلومات العضو
هاجر المسلمة
عضو مميّز
 
إحصائية العضو









هاجر المسلمة غير متواجد حالياً


افتراضي

قيسته لقيته1.33 بصح ان شاء الله ناوية نشري الماطلة
وقست طول جزء السموكس لقيته 1.91 هكدا يجي او نتاعي جاء اكبر

راني حابة تخرجلي كيما انتاعكم ههه*
معليهش واش حال طول القطعة الي عملتوها بعد ما كملتيها اختي فيفي قلبي راه بدا يخلع
عملت 4متر بالضبط وين الخطاء


كتبتلك في الموضوع لقديم وحطيته هنا
راني خايفة من الطرز اختك راهي والو في الطرز







قديم 2012-05-01, 22:01   رقم المشاركة : 11
معلومات العضو
هاجر المسلمة
عضو مميّز
 
إحصائية العضو









هاجر المسلمة غير متواجد حالياً


افتراضي

شوفو لبنات واش لقيت عند ام انيس في المنتدى الي حاطة فيه دورتها جبتو تشوفوه ونرده ان شاء الله ما تغضبش مني برك







5 أعضاء قالوا بارك الله فيك /شكراً لـ هاجر المسلمة على مشاركته المفيدة
قديم 2012-05-01, 22:06   رقم المشاركة : 12
معلومات العضو
هاجر المسلمة
عضو مميّز
 
إحصائية العضو









هاجر المسلمة غير متواجد حالياً


افتراضي

لبنات راني حابة نتصل معاكم في الفايس مسجلة باسم زوجي بصح راه نتاعي ما تخافوش هههه لو تقبلوني نجمع معاكم







قديم 2012-05-01, 22:06   رقم المشاركة : 13
معلومات العضو
fifi180
عضو مميّز
 
الصورة الرمزية fifi180
 

 

 
إحصائية العضو









fifi180 غير متواجد حالياً


افتراضي

اقتباس:
المشاركة الأصلية كتبت بواسطة هاجر المسلمة مشاهدة المشاركة
شوفو لبنات واش لقيت عند ام انيس في المنتدى الي حاطة فيه دورتها جبتو تشوفوه ونرده ان شاء الله ما تغضبش مني برك
يهبل
ممكن تقوليلي اسم المتدى الي فيه الدورة نتاعها و عاودي احيه اوكيييييييي






قديم 2012-05-01, 22:10   رقم المشاركة : 14
معلومات العضو
هاجر المسلمة
عضو مميّز
 
إحصائية العضو









هاجر المسلمة غير متواجد حالياً


افتراضي

اقتباس:
المشاركة الأصلية كتبت بواسطة fifi180 مشاهدة المشاركة
يهبل
ممكن تقوليلي اسم المتدى الي فيه الدورة نتاعها و عاودي احيه اوكيييييييي
شوفي يبانو الصور
عندك 5






قديم 2012-05-01, 22:19   رقم المشاركة : 15
معلومات العضو
fifi180
عضو مميّز
 
الصورة الرمزية fifi180
 

 

 
إحصائية العضو









fifi180 غير متواجد حالياً


افتراضي

ههههههههههههه خلاص بارك الله فيك
فيفي وين راكي وين راهي الرشمة







الأعضاء الذين قالوا بارك الله فيك/ شكراً لـ fifi180 على المشاركة المفيدة:
موضوع مغلق

الكلمات الدلالية (Tags)
الكوفرولي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



الساعة الآن 14:59

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir
2006-2013 © www.djelfa.info جميع الحقوق محفوظة - الجلفة إنفو (خ. ب. س)
Protected by CBACK.de CrackerTracker