الأخت yarasmin. 26 ترد على تساؤلاتكم هنا

[aicha ROSA]

أرجوك الأخت yarasmin تعطينا مقروط الفرينة والسميد ، يطيب في الكوشة يجي هشيش و بنين . جربت بعض الوصفات بصح مانجحتش
وشكرا

[yarasmin.26]

[QUOTE=serine alger;10291468]من فضلك عندي سؤال. اليوم درت تارت ب **كريمة الشانتيي** و بقات الزيادة شحال نقدر نحتفظ بيها في الثلاجة لحين استعمال اخر. شكرا
مكان حتى مشكل تقدري تحتفظي بيها حتى 1 شهر في المجمد الى استعمال اخر

[kokotg]

الحمد لله على سلامتك وربي يشفيك

[yarasmin.26]

[QUOTE=aicha ROSA;10293902]أرجوك الأخت yarasmin تعطينا مقروط الفرينة والسميد ، يطيب في الكوشة يجي هشيش و بنين . جربت بعض الوصفات بصح مانجحتش
وشكرا
صباح الخير" نعطيك وصفة المقروط ولكن لازم تعرفي انه المشكل راه في السميد اعلى هكذاك منجحلكش المقروط وكذالك لازم تشوفيه بعينك كيفاه ينخدم باه تعرفي الطريقة
المهم {800 غ سميد متوسط+200 غ فرينة+250 غ زبدة ذايبة +50 غ سمن+ملح + عبر 3/4 ماء والباقي ماء الزهر+1 م ك سكر +لفاني
الحشو كيما تحبي اذا درتى الاغرس {الغرس +1 م ص قرفة +1/2 كاس اتاي زبدة +1او2 مك ماء الزهر
خلطي السميد +الفرينة +ملح +الدهان ذايب+سكر +لفاني واخدمي بيدك حتى ليدام تتداخل فيما بعضها وتروكيه يرتاح ليلة كاملة غدوة من ذاك احكمي بالحفنة ورشيها بالماء + ماء الزهر وخلطي بأ طراف الاصابع فقط حتى ينتلم وشكليه حربوش وضعي العقدة في الوسط واغلقيه امليح وقطعيه مقروطات ويطيب في الفرن درجة الحرارة 180 مدة 30 د كي يخرج من الفرن وهو باقي في السنيوى سقيه بالعسل مخفف بماء الزهر وخليه يشرب مليح مدة 4 سا منبعد انزعيه وضعيه في صحن او اي شيئ
نتمنى وصلاتك المعلومة وفهمتى بطريقة مبسطة

[manothebest]

أختي ياسمين من فضلك إذا تقدري وصفة مقروط عااادي يعني اللي يطيب في الزيت المهم يعوووود يذوب في الفم و مايتكسرش في المقلى
جربت شحال من وصفة الشكل يا الشكل و البنة والو و وين السر تاعو ؟؟؟ ونقدر نخدمو بالدقيق تا ع
الخبز ولا لازم سميد خشن؟
[i

[كريمة 118]

[QUOTE=yarasmin.26;10182247]

المشاركة الأصلية كتبت بواسطة كريمة 118

سلام اختي yarasmin.26 راهي تحوس على حلويات متكلفش وتقطع وراهي رايحة تدير في العلبة وتدي بلاوات لدار راجلها 7-8 بلاوات والمقروظ والباقلاوة والقريوش ارجوكي في اقرب وتكون حلويات مجربة...........ومتكلفش راكي عارفة الميزانية شكرا
...
. كاين التشاراك العريان باللوز ايفيلي+ القريوشات المشبكة+حلوة الحرة +التشاراك المطلي+قنيدلات بالكراميل +القنيدلات النواة كوكو شابة+ المشوك بالصنوبر او الكوكاو او اللوز ايفيلي كيما تحبي + المخبز+المشقوق+السكندرانيات بالقطايف+المشكلة+ حلوة الكفتة+كرات البندق يمكن استبداله باي مكسرات+حلوة الكادو+سكندرانيات النقاش+قنيدلات بالاوراق والوردة من الفوق+البقلاوة+المقروط وينو تاع المقلة ولا الكوشة قوليلي واش هما الحلويات الي عجبوك وانا نعطيك المقادير انشاء الله انكون افدك

السلام عليك اخت ياراسمين.26 عذرا على الغياب كنت منشغلة بالدراسة بمايخص الحلويات اعطني التشاراك المطلي +مقروظ المقلة+الباقلاوة+القريوش+حلوة تاع شكولا الا عندك ....
شكرا لك مع كل احترامتي .

[سمسووومة]

واش راكي بلييييييييييييييييييز راني حابة الوصفة تاع القريوش النحيفيات ولا ماعلاباليش كي سموها باغي نديرها في عرس ختي راه قريب سمانة جاية ارجوووووووووووووووكي

[yarasmin.26]

[QUOTE=manothebest;10316062]أختي ياسمين من فضلك إذا تقدري وصفة مقروط عااادي يعني اللي يطيب في الزيت المهم يعوووود يذوب في الفم و مايتكسرش في المقلى
جربت شحال من وصفة الشكل يا الشكل و البنة والو و وين السر تاعو ؟؟؟ ونقدر نخدمو بالدقيق تا ع
الخبز ولا لازم سميد خشن
؟[i[/ جربتى المقروط تاع شهد العسل راه مليح ويساعد اي واحدة كان عندها مشكل في المقروط وجيك هشيش بصح ايطيب في الكوشة ونفس الشكل الي راه في الصورة شوفي انت واذا حبينى تاع المقلة انقلت الوصفة حنونة مكان حتى مشكل السر انتاعو هو السميد ياحبيبة هذا ك هو العلة

[yarasmin.26]

[quote=سمسووومة;10330729]

واش راكي بلييييييييييييييييييز راني حابة الوصفة تاع القريوش النحيفيات ولا ماعلاباليش كي سموها باغي نديرها في عرس ختي راه قريب سمانة جاية ارجوووووووووووووووكي

وصفة القريوشات الحنيفيات راهي في الصفحة 4 الوصفة مع الصور بالتفصيل الاخت قدمتها ومجربتها وتساعدك كاأول مرة اديريها

[yarasmin.26]

[QUOTE=كريمة 118;10318192][QUOTE=yarasmin.26;10182247]


السلام عليك اخت ياراسمين.26 عذرا على الغياب كنت منشغلة بالدراسة بمايخص الحلويات اعطني التشاراك المطلي +مقروظ المقلة+الباقلاوة+القريوش+حلوة تاع شكولا الا عندك ....
شكرا لك مع كل احترامت .
راكي تقصدي القريوش تاع المشبكة والقاطو تاع الشيكولا ديري تاع البيمو الي راني قدمت الوصفة انتاعو غدوة تصيبي قاع المقادير الي راكي تحوسي اعليهم بصح اصحاب الشلف مايديروش مقروط المقلة ياك اديرو تاع الكوشة ولاراكي خايفة منو المهم نعطيك الوصفة بصح اشري اسميد امليح وتعرضينى للعرس

[كريمة 118]

سلام اختي ياراسمين احنا في الشلف نديروا مقروظ المقلة مانديروش تاع الكوشة وفيما يخص حلوة تاع الشكولا راني حابة هاديك الي جي مربع وتتلصع بالمربى وتترمد بالشكولا ......اكيد نعرضك شرف ليا ومرحبا بيك .....اختي انت من اي ولاية ’ شكرا على مجهوداتك الله يحقق الي تتمناي .
سلام

[غزالة الصّحراء]

ارجوك يا اختي ياراسمين. حبيت أنسقسيك على سمك عجينة الكرواسون . راني طرحت السؤال على ام كوثر . ولكن يبدو انّها غائبة .إن شاء اللّه مايكون غير الخير.
بحثت في موضوع الأخت " أنا أمهم" فيما يخص صور مواضيع ام كوثر . لكن لم أجد. أجبيني من فضلك فالأمر مستعجل.
شكرا

[nina_65]

شكرا لك اختي جربت المادلان تع المجلات جاني روعة شكرا 1000مرة

[سمسووومة]

[QUOTE=yarasmin.26;10332353]

المشاركة الأصلية كتبت بواسطة سمسووومة

واش راكي بلييييييييييييييييييز راني حابة الوصفة تاع القريوش النحيفيات ولا ماعلاباليش كي سموها باغي نديرها في عرس ختي راه قريب سمانة جاية ارجوووووووووووووووكي

وصفة القريوشات الحنيفيات راهي في الصفحة 4 الوصفة مع الصور بالتفصيل الاخت قدمتها ومجربتها وتساعدك كاأول مرة اديريها

ختي ماصوبتاهش انا روحت للباجة 4 تاع هاذ المواضيع الي راكي تردي عليهم.....

[manothebest]

[QUOTE=yarasmin.26;10332051]

المشاركة الأصلية كتبت بواسطة manothebest

أختي ياسمين من فضلك إذا تقدري وصفة مقروط عااادي يعني اللي يطيب في الزيت المهم يعوووود يذوب في الفم و مايتكسرش في المقلى
جربت شحال من وصفة الشكل يا الشكل و البنة والو و وين السر تاعو ؟؟؟ ونقدر نخدمو بالدقيق تا ع
الخبز ولا لازم سميد خشن
؟[i[/ جربتى المقروط تاع شهد العسل راه مليح ويساعد اي واحدة كان عندها مشكل في المقروط وجيك هشيش بصح ايطيب في الكوشة ونفس الشكل الي راه في الصورة شوفي انت واذا حبينى تاع المقلة انقلت الوصفة حنونة مكان حتى مشكل السر انتاعو هو السميد ياحبيبة هذا ك هو العلة

نعم جربتوووووو روووووووووعة يذوب في الفم و درتو غير بالدقيق العادي و لكن مقروط المقلى هو المشكلة إذا تقدري صوريلي الكيس تاع السميد الأحسن للمقروط و متوسط أو خشين ؟؟؟ و الوصفة
ربي يخليك و يعطيلك ماتتمناي ختيتو