حلويات من مطبخي

[ام خديجة1]

اخواتي الصراحة انا اعتمد على عدة انواع للطورطات في مطبخي وكلما اعمل واحدة اعملها بمقادير وطريقة اخرى
احب التغير وكلها رائعة ولكل اخت سالت على هده الطارت لها ذلك

https://

بالنسبة لهذه مقاديرها بسيطة وسهلة
اضربي جيدا 4 بيضات مع 120 غ سكر عادي وقبصة ملح حتى تصبح كريما ثم اضيفي نصف كاس اتاي زيت او زبدة مدابة +علبة ياغورت غير محلى وواصلي الخفق ثم اضيفي المنكه اللي تحبيه انا دائما افضل عصير الليمون مع الزازت نتاعه وزيدي الفرينة فيها كيس خمارة (الفرينة تقريبا 250غ
او اقل بشوية )ويكون المزيج مثل المسكوتة صبيه في بلاط طويل خاص بالسويسرول فيه ورق الزبدة او ادهنيه جيدا بالزبدة ودردري عليه الفرينة باش مايلسق طيبيه راه بالخف يطلع ويطيب خليه حتى يبرد تماما وقسميه الى 3 اشرطة ولسقيهم بالكريما انا وضعت فيها فواكه مقطعة حتى تكملي الاخيرة وزينيها بالكرام شونتي ومعجون انا استعملت معجون الفراولة
حلوة كيكة باردة لايام الصيف روعة
تحلية بالفرماج اللي عملتها من قبل (تعملي نفس الطريقة وتنزعي الزبيب ماتحطيهش في الوصفة )ولما تبرد تماما اضيفي لها الشانتي والفواكه المفضلة لديك وضعيها فوق القاطو وغطيها مليح وحطيها تبرد على الاقل ساعة ونصف اواكثر ثم زينيها بالشانتي وجلى الفراز انا خدمتو في البيت
جلى الفراولة كي تعملي معجون الفراولة عملي قيمة كاس زيادة من الماء في طيابو ثم صفيه واضيفي له م/ص نشاء وعاودي طيبيه على نار دليلة حتى يتكثل ولما يبرد صبيه فوق الكيكة وزينيها بالشانتي وخليها تبرد نصف ساعة اواكثر وقدميها
اي نوع قاطو رحيه واضيفي له علبة شيكولاطة مدابة على حمام مائي والصور توضح البقية

https://

https://

https://

https://

https://

https://

https://

اتمنى تعجبكم
تحياتي

[remadna]

الله يبارك
بسيطة و منظرها جميل
يعطيك الصحة
عندك وصفة مادلان سريعة جدا و اقتصادية ( لا يفصل فيها البياض على الصفار)

[remadna]

الله يبارك
بسيطة و منظرها جميل
يعطيك الصحة
عندك وصفة مادلان سريعة جدا و اقتصادية ( لا يفصل فيها البياض على الصفار)

[ام خديجة1]

المشاركة الأصلية كتبت بواسطة remadna

الله يبارك
بسيطة و منظرها جميل
يعطيك الصحة
عندك وصفة مادلان سريعة جدا و اقتصادية ( لا يفصل فيها البياض على الصفار)

مرحبا بالغالية رماضنة عندي حبيبتي مادلان ساهل وسريع جدا
اضربي جيدا 4 بيضات مع كاس سكر عادي وقبصة ملح حتى يطلع ثم اضيفي كاس اتاي صغير زيت وزازت ليمون وعصيره وكاس اتاي صغير حليب وكيس خميرة واضيفي الفرينة حتى تصبح ثقيلة شوية يعني تجي مثل المسكوتة ولكن شوية زيادة عليه الفرينة ضعي بالمغرف في ليكسات وطيبيها
زينيها بالشيكولاطة اتمنى اني افدتك حبيبتي طريقتي اعتمدها كي نكون مزروبة

[sisi 26]

شكرا لك أم خديجة تبان تهبل باين ذوقها رائع

[faizarbh]

شكرا لك أم خديجة

[ماروكو رورو]

يمي تبدو شهية
شكرا جزيلا لك
جزاك الله خيرا

[remadna]

المشاركة الأصلية كتبت بواسطة ام خديجة1

مرحبا بالغالية رماضنة عندي حبيبتي مادلان ساهل وسريع جدا
اضربي جيدا 4 بيضات مع كاس سكر عادي وقبصة ملح حتى يطلع ثم اضيفي كاس اتاي صغير زيت وزازت ليمون وعصيره وكاس اتاي صغير حليب وكيس خميرة واضيفي الفرينة حتى تصبح ثقيلة شوية يعني تجي مثل المسكوتة ولكن شوية زيادة عليه الفرينة ضعي بالمغرف في ليكسات وطيبيها
زينيها بالشيكولاطة اتمنى اني افدتك حبيبتي طريقتي اعتمدها كي نكون مزروبة

يعطيك الصحة
جربت المادلان 4 مرات بنفس المقادير تاعك تقريبا
مرة بالزيت و مرة بالزبدة و مرة الياغورت و مرة بالحليب جاني كالكسرة ومع ذلك أكل
نجرب و اقل لك

[mimi53]

يعتيك الصحة حبيبتي وشكرا على الرد السريع لي انا حبيت نعرف كيفاش وكان لي دلك مشكورة حبيبتي وجعله الله في ميزان حسناتك يا رب

[ام راضية]

تحياتي عزيزتي ام خديجة وين الغيبة ان شاء الله راكي بخير
اما وصفاتك لا تحتاج الي تعليق
بوركت وسلمت يداك

[*ام رامي*]

يعطيك الصحة
رووووووعة سلمت يداك عزيزتي ام خديجة

[imi122009]

شكرا لك أم خديجة

[زرابة]

الله يبارك ممكن مقادير

[نور الرحمان1986]

رووووووووووووعة اختي خديجة يعطيك الصحة

[ahlem_22]

يعطيك الصحة أم خديجة...............واش من كريمة لي عملتيها في الوسط؟وشكرا