الدرس 7: انواع les manches الممكن مصادفتها في القنادر......

[sarra5]

اليوم ان شاء الله نبدا في الدرس 7 للخياطة

وهو خاص بجميع انواع les manches الي راح نصادفوهم في اغلب القنادر

اولا لازم نعرفوا الباترون الاساسي تاع المانش

هو ساهل ماعليك الا تطبقي قماشك على 4 وترسمي عليه هذا الباترون وتقصي رايحة تتحصلي على 2 manches



و هذا لما طبقت الباترون على الجريدة

هنا مثني



هنا مفتوح



العرض الstandard يكون 25 سم و الي ذرعيها يكونو سمان ماعليها غير تزيد في القيس شوية

و الطول طبعا كل واحدة واش تحب

النوع الاول : la manche Turkienne "" الذراع التركي"" :

سااااهل للغاية نفسه العادي ما عدا 7 سم تصبح اكثر "" لان الذراع التركي هو الذراع الي فيه النقشات بزاااف باه يجي بومبي"" يعني لازم نزيديو على 7 سم

الباترون تاعو



مثل هذا بالضبط



النوع الثاني : la manche corbeille : او لمراوح



سهلة وعمليه بزاااف خاصة في قنادر الصيف

الباترون تاعها



و هذا شكلها



النوع الثالث : la manche chawia : الذراع الشاوي :

نفسهم لمراوح ماعدا انهم يجيو كبار شوية لان اللباس الشاوي معروف انه فضفاض



النوع الرابع : la manche trois quart : ( ذراع 3 على 4)

الباترون تاعو تاع مانش عادي (( الي حطيته في الاول)) ماعدا انه مايكونش طويل يجي ثلاث ارباع طول الذراع تاعك

اولا تحكمي تقيسي ذراعك

لازم تقيسيه بهذه الطريقة لان الذراع مهما يكون نوعه هكذا نحكمو قيسه



مثلا افترض وجدتيه 60 سم , تقومي بتقسيم 60 على 4 تجدي 15 سم . يعني 15 سم ثلات مرات

15+15+15= 45سم

يعني الطول تاع trois quart تاعك هو 45 سم

ساهلة بزاااااااااف

و باه تسهال اكثر شوفو الباترون تاعو



وهذا مودال تاع المانش هذا



النوع الرابع : la manche حريم السلطان :

هذا النوع عرف انتشار كبير في الآونة الاخيرة لانه راائع بصراحة

هو ساهل ينقسم لجزئين

الجزء الاول هو المانش trois quart مافيه والو جديد

الجزء الثاني هو الفولارة العريضة

الباترون يوضح كلشي





وهذا مودال عليه



هذه هي الانواع الاكثر استعمالا في القنادر تاعنا

طبعا كاين بزاف اشكال تاع les manches لو نحطوهم كامل ومايفضوش

ان شاء الله نكون وفقت في الشرح تاع الدرس واي سؤال انا جاهزة


الدروس السابقة كلها هنا

https://www.djelfa.info/vb/showthread.php?t=1380661

لا احلل بنقل دروسي ابدااا و الله عليكم رقيب

[اماني نينا]

شكرا والله ا ستفدنا من هاد الدروس بزاف

[souheila dz]

شكراااا جزاك الله كل خير

[نورةسعاد]

شكرا لكى اختى على هاذه المساعدة

[تفـღـآؤل ツ وردٍ✿]

الله يبـآرك .. يعطيك الصحـة أختي سارة ‘

يعجبني في الجبب [ نتوما تسيوهم القنـآدر .. حتى سقسيت ماما باش فهمت واش هوما هههه ] les manches trois quart .. ملآحين كي يكونوا الضياف ..

شُكرآ مرة أخرى

[ام هاديل وياسين]

الله يبارك

[*ام فتحي*]

100000000000000000000000شككككككككككررررررررررررراا اااااااا
هدا وين شفت الدرس لي عودة للاسئلة

[crono]

سلام عليكم الله يبـآرك .. يعطيك الصحـة أختي سارة ‘ تثبيت الموضوع باش يستفدنا للأخوات من هاد الدروس

[بوبازين]

يعطيك الصحة ياريت تعطينا الباترون تاع قنادر الشتاء يقولو مايتفغصلوش مثل لمونش صيف

[sarra5]

المشاركة الأصلية كتبت بواسطة بوبازين

يعطيك الصحة ياريت تعطينا الباترون تاع قنادر الشتاء يقولو مايتفغصلوش مثل لمونش صيف

اختي سؤالك جاي بصورة عامة ليس له علاقة بالدرس

لكن الي قالك راه غالط لان القندورة عندها نفس التفصيلة لكن تختلف في المودال تاعها

ومانقدرش نعطيلك الباترون تاع قنادر الشتاء كامل لان كاين مليووون موديل في لقنادر

[ام رقية74]

بارك الله فيك سارة ....و ربي يوفقك يارب

[zahra rose24]

بارك الله فيك الاخت صارة والله لمتفهمش تفهم شرحك مليح ومبسط انتى والاخت السطايفية ربى جزيكم كل خير ويبعد عليكم عين الحسودوالله رانى تعلمت التفصال من عندكم وعدت نوض من النوم نحوس على الجرائد باه نطبق كل ما تقدموه لنا من ورشات ويعطيكم الصحة

[sarra5]

المشاركة الأصلية كتبت بواسطة zahra rose24

بارك الله فيك الاخت صارة والله لمتفهمش تفهم شرحك مليح ومبسط انتى والاخت السطايفية ربى جزيكم كل خير ويبعد عليكم عين الحسودوالله رانى تعلمت التفصال من عندكم وعدت نوض من النوم نحوس على الجرائد باه نطبق كل ما تقدموه لنا من ورشات ويعطيكم الصحة

حاجة مليحة كي تكطبقي لانه بيها تفهمي اكثر

و يا ريت يا اختي تشاركينا تطبيقاتك هنا بالصور اذا اتقدري

[nada_05_]

10/10

[أم ياسين الزهراء]

الله يجازيك كل خير دروس ممتازة