ليزاموندين بالمورانغ روووووعة

ام اماني77 · 2013-04-19, 09:29

السلام عليكم غالياتي
حلوى ليزاموندين حلوى معروفة هي عبارة عن عجينة الصابلي نحطها في لي مول ونحط في الوسط كريمة فرانجيبان لي هي عبارة عن زبدة ولوز وسكر وبيض وكمية من الفرينة
انا اليوم عملت لي زاموندين بحشوة مختلفة بدل كريمة الفرنجيبان عملت المورانغ مع اللوز والنتيجة كانت راااائعة
المقادير
العجينة:
250غ مرقرين
125غ سكر رطب
2صفار بيض+بيضة كاملة
ملعقة صغيرة فاني
500غ فرينة
الحشو:
2بياض بيض
100غ سكر
فاني
175غ لوز مرحي
للتزيين:
رقائق اللوز محمصة
ناباج
كرز معلب
معجون
الطريقة:
اولا نحضر العجينة
بواسطة الخلاط الكهربائي نخلط السكر والمرقرين جيدا نضيف الفاني والبيض ونخلط ونضيف الفرينة ونلم العجينة دون عجنها نغطيها ونخليها ترتاح.
في هذا الوقت نحضر الحشو
نحضر المورانغ انا استعملت طريقة الغالية ميميشة ربي يحفظها وترجع تنورنا من جديد
حطيت اناء به ماء على النار لما يغلي الماء نقص للنار تماما ونحط فوق الاناء صحن به بياض البيض وكمية السكر المذكورة في المقادير والفاني وبخفق باعلى سرعة بواسطة الخلاط الكهربائي حتى يبيض الخليط ننزع الصحن من على النار ونستمر في الخفق حتى يبرد الخليط تماما وهذا شكلها

https://

نضيف للمورانغ 175غ من اللوز نحرك الخليط ونتركه جانبا
لتحضير هذا الحلوى نحتاج الى هذا النوع من لي مول

https://

ندهنهم بالزبدة
نبسط العجينة بالحلال حوالي 4مم ونقطع دوائر ونحطها داخل لي مول نثقبها بالشوكة ونحط داخل كل حبة كمية من المعجون مانكثروش غير شوية

https://

نحط كمية من الحشو في كل حبة

https://

ندخل الحلوى للفرن يكون مسخن مسبقا على درجة حرارة180درجة حتى تطيب
بعدها نخرجها من الفرن ونخليها تبرد ثم ندهنها بالناباج اومعجون مخفف بشوية ماء زهر ونحط فوقها رقائق اللوز المحمصة ونرش عليها شوية سكر ونزينها بالسوريز كونفي

ونحطها في حاويات ورقية ونقدمها وهذا شكلها

https://

https://

عن قرب اممممم

https://

نتمنى تعجبكم الحلوى ولاتنسوني من صالح دعائكن غالياتي ولكن بالمثل
في امان الله

fadilasor · 2013-04-19, 09:34

هايلة اختي ام اماني شكرا

ام اماني77 · 2013-04-19, 10:05

شكرااااا اختي سعدت بمرورك

sarah.. · 2013-04-19, 10:07

ماشاء الله روعة
تسلم الايادي
فعلا مبدعة

moslihe29 · 2013-04-19, 10:28

رووووووووووووعة حبيبتى ربى يعطيك ما تتمنى دائما متالقة هذوك لى مول ماشى تاع القنيدلات كيما ليتارتولات وهوما صغار ارجو التوضيح لانى ذهبت للسوق وشريت طابع السلطانيات التاعك ووجدت ليمول مثل التارتولات وهوما صغار حبيت نشريهم لكن ماكانش فى بالى اى وصفة تجى فيهم وشكرااحبيبتى ننتضر منك كل جديد