الى الاخت الوهرانية 1

ام امجد14 · 2012-12-09, 17:21

السلام عليكى اختى انا جربت تقريبا جميع و صفاتك و مشكوووووورة حبيبتى استفدت منكى الكثير
وحبيت نسالك على طريقة عمل قريوش وهران هذاك الى يجى لونه ابيض و يتقرمش
و حبتو نوعا ما حبتو كبيرة على هذاك الى يجى احمر يعنى طايب بزاف لا وياريت طريقة الضفيرة
وبالفعل راكى قدمتيلى خدمة و مشكووورة

الوهرانية 1 · 2012-12-09, 22:52

وضحي اكثر حبيبتي طلبك وانا في الخدمة خاصة فيما يخص القريوش لاني نصنعو بانواع كثيرة ممكن تحطي صورة توضحو اكثر وانا في الخدمة
حبيبتي وضحي وانا هنا لمساعدتك

ام امجد14 · 2012-12-10, 07:55

مشكوووورة اختى على الرد
انا نقصد القريو هذاك الى يجى نوعا ما لونو فاتح وحبته كبيرة شوى و يتقرمش بزااااف يديروه صحاب وهران و تيارت

oum tesnime · 2012-12-10, 17:20

تقصدي هدا أختي

ام امجد14 · 2012-12-12, 13:23

الله يعطيك الصحة هذا هو

ام امجد14 · 2012-12-13, 07:55

من فضلك جاوبنى يا الوهرانية 1

الوهرانية 1 · 2012-12-13, 08:17

اقتباس:

المشاركة الأصلية كتبت بواسطة ام امجد14

من فضلك جاوبنى يا الوهرانية 1

lوالله يا ريت بصح ما فهمتكش انت واش حابة قوليلي برك وانا نساعدك لنتي قصدك الي حطو الاخت في الصورة

ام امجد14 · 2012-12-13, 11:13

نعم انا قصدت القريوش تاع الصورة

ام ياسين187 · 2012-12-13, 16:04

للأمانة منقولة لوصفة لكن جميلة وواظحة نتمنى نكون ساعدتك اختي

مقادير
1كلغ فرينه
250 غ زبدة صول
قرصه ملح
1 بيض
2 فاني
2خمارة حلوى
للعجن بماء الزهر والماء
عسل عاقد للتعسيل
وزيت للقلي
وجنجلان للتزيين

التحضير

انا درت نصف الكمية لأنو قريوش يقطع بزاف

نذوب الزبدة انا ديت 125 غ

نحط الفرينه+ 1 خمارة + 1 فاني + قرصة ملح نخلهم

نضيف الزبدة تكون سخونه باش تدخل مليح في فرينه

ونحكها غايه باش الحبيبات ميقعدوش فيها

ثم البيض , ونعجنها بالماء يكون دافي وماء الزهر

مطريش العجينه بزاف باش متغبنكش في انشاء شكلها
نديرها في كيس بلاستيكي ترتاح لمدة 30 او 35 د

نشكل حربوش و نكسلو بالة العجين هنا الالات تختالف كاين من صغيرة للكبيرة وكاين من الكبيرة لصغيرة
انا رقم 1 هو ارقق و رقم 9 اخشن

حليتها في رقم 6

ثم اطويها على نفسها وعاودي حليها

ثم حليها في رقم 5

ثم اطويها وعادي حليها في نفس الرقم وهذا سر انتفاخها و خفوفيه نتاعها

نشكل مستطيل وندير في كل واحد 5 اسطر

هنا الشكل كل وحدة وكيفاش تشكل انا نعرف غير هذا برك هههه ودرتلكم بسياله لأنو منعرفش نخدم بيدي ونصور

زاوية نتاعها نجبها ونخرجها للفوق

تصبح بهذا الشكل

وكل ما تخدمي تغطيه بكيس بلاستيكي باش ما ينشفش ويتشقق من فوق وميتنفخلكش في قليان

كي نكملو كل العجين نحط الزيت في مقلاة او طاجين القلي
ونخليه يسخن كي يسخن نولي نقلي واحمرار يقعدلك ياتحبي لون ذهبي يا تحبيه لون برتقالي
ويتعسل ديركت كي يتقطر في عسل يكون ثقيل باش قريوش تحافض على نفسها لمدة طويله ومتتعجنش

كي تعسليها خليها تقطر من العسل
وزينيها بجنجلان

شوفو كيفاش جي في الوسط مورقه وجي فارغه اي مش معجنه

ملاحظة = الزيت مالازمش يكون سخون بزاف
واذا كانت اول مرة تخدميها انت سخني الزيت وارمي وحدة فقط اذا حمارت بلخف اعرفي انو الزيت سخون بزاف لازم يبرد شوي وتنقصي النار واذا قعدت التحت متطلعتش اعرفي انو مزال ما سخن زيادة
وديما تكون النار هادئة

ام امجد14 · 2012-12-16, 10:37

مشكوووووووووووووووووووووووورة اختى على هته الوصفة نجربها و نردك الخبر فى ركن التطبيقات

ميرنا الجزائرية · 2014-04-02, 18:03

معليش تاعوديلي الصورة تع كيفاش خدمتي شكل تع الحبة مخرجتليش الصورة

kristal farah · 2015-12-31, 16:08

الله يعطيك الصحة هذا هو