راني بديت نخدم في التريدة... - الصفحة 2

ftage · 2014-04-28, 20:35

اقتباس:

المشاركة الأصلية كتبت بواسطة طالبة الجامعة

ftage من اي منطقة انت بالتحديد

راني من شلغوم العيد ولاية ميلة...
ونتشرف بزيارتك لينا..راكي على العين والراس.

ftage · 2014-04-28, 20:47

اقتباس:

المشاركة الأصلية كتبت بواسطة islam1aya

يعطيك الصحة اختي قوليلي شحال تخليها ترتاح فوق ليزار او القماش من فضلك
وكتكمليهاوتقطعيها شحال تقعد قبل ما اطيبيها
ربي يعينك

بارك الله فيك
تخليها فوق الايزار حتى تيبس بعض الشي مالازمش تيبس بزاف حتى تولي تتكسر لالا.
تكون بين بين يابسة بصح بين يديك تقدري تطبقيها على 2...تحطيها في كيس بلاستيكي ادا كان عندك الوقت تقومي بمراحل التالية او تتركيها في الثلاجة حتى الغدوا..المهم تكون في كيس بلاستيكي.
اما بعد ماتقطعيها مربعات صغيرة في ذاك الوقت خليها تجف حتى تصبح قاسية..يعني اذا حبيتي تكسريها تتكسر معاك.ثم تصيريها في العين المتوسطة باش تتخلصي من الفتات..ومن ثم تحطيلها حبات فلفل اسود صحيح ماشي مرحي ..وتخبيها في علبة كبيرة. لانها تتكسر ادا خبيتيها في اكياس كيما نعملو مع الكسكس او الشخشوخة هادوك ما نخافوش عليهم يتكسرو...وتخليها قد ماحبيتي حنا يدور عليها العام.
المهم المكان يكون مهوي وبعيد عن الماء

ftage · 2014-04-28, 20:51

اقتباس:

المشاركة الأصلية كتبت بواسطة om hadil

يعطيك الصحة اختي كفاش طيبوها احنا في الغرب نسميوها القوارط

بارك الله فيكي

ربي يسعدك....ان شاء الله نطيبها ونحطلك الطريقة كاملة.
وهي في العادة تكون مرق ابيض باللحم والدجاج والحمص والبيض.
تتفور ثم تتجمر.

ftage · 2014-04-28, 20:57

اقتباس:

المشاركة الأصلية كتبت بواسطة بريق الدجى

يعطيك الصحة خدمة تاع الحراير
حبيت نسالك فقط اختي انا جربت نقصها اعمدة كما لي فالصورة لكن جاتني الخدمة صعيبة بالالة و ماعرفتش
و يعطيك الصحة مرة اخرى تاكلوها بالصحة و الهنا

انا تاني اول مرة كانت صعيبة ..لكن بعد عدة محاولات اصبح سهلة وصدقيني عملية اكثر.
بعد ما تخرجي هادوك المستطيلات تحطي قد ماحبيتي فوق بعضهم وبعدها بالسكين تقطعي مربعات.
انا مثلا اندير 10مستطيرت فةق بعض ثم نقطع..ونحاول مانخليهم ملتصقين مع بعض..
ان شاء الله نكون فهمتك .
وربي يسعك ويبارك فيك

ftage · 2014-04-28, 21:03

اقتباس:

المشاركة الأصلية كتبت بواسطة جيجلية

يعطيك الصحة

شجعتينا باش نديروها

لازم نخليوها تنشف مليح فوق ليزار والا نشفوها بالمايزينة بر ك

تستعملي النشا لما تكون تحليها بالعصا والالة باش ماتلصقش ببعضها في مرحلة التقطيع.
تم تحطيها فوق الايزار تنشف نصف نشفة..يعني لما تلمسبها باليد تلقايها جافة بصح تتطبق على زوج..تحطيها في كيس بلاستيكي تم تمرريها في الة التقطيع المستطيل تم بالسكين تقطعيها مربعات ..ثم تعاودي تخليها تجف لكن هذه المرة حتي تصبح جافة تماما يعني اذا قستيها ببعض القوة تتكسر.

ftage · 2014-04-28, 21:07

اقتباس:

المشاركة الأصلية كتبت بواسطة ام نافع

ما شاء الله اختي تيبسها في الشمس ولا تفوريها ومن بعد تيبسيها ارجو التوصيح

التريدة ليست مثل الكسكسي..ماتفوريهاش
خليها تجف في جو عادي ليس شرط الشمس..تخبيها والنهار اللي تحبي تطيبيها تفوريها
وبارك الله فيك وفي كل الاخوات الطيبات.