السلام أختي هذه هي الوصفة اللي موالفة نستعملها خويا يحب pain d'épices جربت كم من وصفة لكن هدي هي اللي عجباتو ولينا نديروها ديما
المقادير
250 غ عسل
250 غ فرينة
100 غ سكر(تبانلك تجي حلوة بزاف بصح هذي هي حلاوتها)
1 كيس خميرة كيميائية
1 ملعقة صغيرة فاني أو كيس
2 بيضات
100 ملليلتر حليب
1 ملعقة صغيرة حبة حلاوة مرحية
1 ملعقة صغيرة قرفة (أنا ندير أكثر من ملعقة)
1 ملعقة صغيرة قرنفل مرحي (أنا ندير أقل ندير حوالي نصف ملعقة لأني ما نحبش ذوق القرنفل ديري حسب الذوق)
1 ملعقة صغيرة زنجبيل بودرة (حتى الزنجبيل ندير أقل من ملعقة )
و تقدري تزيدي جوزة الطيب و زريعة البسباس مرحية أيضا كنت نديرها قبل ما تنتهي الكمية اللي كات عند ماما هههه (كيما قتلك التوابل حسب الذوق)
التحضير
خلطي المكونات الجافة كلها في وعاء (الفرينة, التوابل, الخميرة, السكر, الفاني)
سخني العسل جيدا على النار ثم صبيه على المكونات الجافة و هو سخون
أضيفي البيض واحدة تلو الأخرى مع الخلط
أضيفي الحليب
ادهني مول الكيك بالزبدة و رشيه بالفرينة و صبي الخليط
أدخليه للفرن الساخن و كي يطلع نقصي شويا للفور تاعك و خليه مدة 45 دقيقة إلى ساعة حسب الفرن جربي بموس كي يخرج ناشف راهو طاب
أرجو أن تعجبك الوصفة كما أعجبت أخي