بسبوسة بطريقة ولا اسهل خاصة للمبتدئات الصغيرات

oum nada · 2014-09-05, 21:20

السلام عليكم اقدم لكم وصفة البسبوسة بطريقة سهلة خاصة للبنات الصغيرات

لحابة تتعلم من مامتها نقدملهم وصفة سهلة ورح تعتمدها دايما باذن الله مثل بنات اختي

المقادير :

4 بيضات ( تحطيه في كاس تاع قازوز بنفس الكاس نكيل جميع المقادير )

1 كاس سكر

1 كاس زيت

1 كاس حليب

1 ملعقة صغيرة فانيليا

2 خميرة كيميائية

1 ملعقة أكل مبشور الليمون

2 كاس دقيق متوسط

2 ملعقة فرينة

ملاحظة : تقدري تضيفي كاس جوز الهند او كاس كاوكاو مرحي رقيق وتنقصي كاس دقيق

العسل :

2 و1/2 كاس سكر
4 كاس ماء
1 قطعة الليمون+ 2 ملعقة اكل عسل

تحضير العسل :

في وعاء نضع السكر، الماء و الليمون و نضعه على النار لمدة 15 دقيقة نضيف العسل و نضعه جانبا لكي يبرد

التحضير :
بواسطة خلاط كهربائي نخلط البيض مع السكر ثم نضيف الزيت، ثم الحليب، مبشور الليمون و الفانيليا ، ثم نبدا نخلط باليد بملعقة باقي المكونات الفرينة و الدقيق ثم الخميرة الكيميائية و نخلط جيدا ..نسكب الخليط في قالب مدهون بالزيت و ندخله فرن مسخن مسبقا على 180 درجة لمدة 30 دقيقة تقريبا حتى تتحمر، نخرجها من الفرن و نسكب عليها العسل ونزينها حسب ذوق كل وحدة

هنا نسيت مقولتلكمش ماشي شرط تحطي اربع بيضات لانه كل وحدة تعرف سنيوة تاعها وشحال تحطلها حبة بيض اذا كانت سنيوة تاعك ترفد 5 بيضات او اقل او اكتر ايضا تكيلي البيض وتكملي تكيلي جميع المقادير بنفس كيلة تاع البيض