|
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
2017-02-15, 19:15 | رقم المشاركة : 1 | ||||
|
اريد ان اكون من كنت سابقا
السلام عليكم ورحمة الله تعالى و بركاته اخواني
|
||||
أفضل جواب - كتبه وَحْـــ القلَمْ ـــيُ | |
وعليكم السلام ورحمة الله وبركاته أنا آسفة لكن ما كتبته مضحك بالنسبة لي لأني أفهم ذه المعاناة جيدا لقد عانيت منها العام الماضي لكن كان عندي ربع عذر وهو المرض يؤسفني يا سيد أمين أن أخبرك بأنك تدرس من أجل العلامة هذا خطأ انت اذا درست من أجل العلامة سيكون الامر متعبا عليك ان لا تدرس من اجل العلامة وتاخذ 20 (= *** المهم لكي تعود بنفسك الى ريثم الدراسة أولا اعمل ما عندك من واجبات ستكون سسعيدا حين تنجز واجباتك وتكبر ثقتك لا تفكر بغيرك دعك منهم فلياخذوا اية علامة لا يهمك ابدا كل يوم ضع خطة لما تعمل كأن تقول : " اليوم باذن الله احل 3 تارين في المتتايات" هذا واضح لذا إياك ان تقول : "اليوم أحل باذن الله بعض تمارين في المتتايات" كن واضحا ولا تكلف نفسك الكثير فان تحل 3 تمارين أفضل من انك تريد حل 10 لكن تكسل عنها وايضا في الوقت كن محدد وقسم وقتك لأنصاف الساعات تتخللها خمس دقائق راحة كل مرة ومن الافضل يكون عندك مكتب خاص بالدراسة خير من انك تروح للمطبخ او غرفة الجلوس والسرير لان العقل يعلم ان الاولى للطعام والثانية للتلفاز والثالثة للنوم ' ومرة أخرى نركز على انك لازم تقرا مش علاجال اعلامة هذا الامر رايح يقلقك بزااف صفي بالك وصحح نيتك وخلي طلب العلم فرصة لجمع الحسنات ماتقراش لمجرد القرايا ولا العلامة امم وشوف واش هيا الامور اللي راي تضيعلك وقتك ايلاكانت الالكترونيات من الافضل تتخلص منها وفي الحقيقة أغلبنا يعاني من مثل هاذي المشاكل كيما ران هنا والفرض تاع الاونجلي غدوة ان شاء الله يعني لازم تحب المادة باش تقراها وتبدع فيها وايضا لازمك تتعلم كيفاه تحبس الكلام هاذا اقتباس:
العام اللي فات انا ماكنتش عارفة الطريقة نتاع القرايا في الليسي وزيد مرضت والله كان عام الله لا يردو ولا يشوفني في مثالو هذا وبالتوفيق |
2017-02-15, 20:40 | رقم المشاركة : 2 | ||||
|
|
||||
2017-02-15, 21:46 | رقم المشاركة : 3 | |||
|
شكرا جزيلا لك اختي فعلا انا نسيت لدة الدراسة كما قلت ورحت افكر بالعلامات فقط وهدا هو الخطا لكن هدا بسبب ظروفي التي الزمت علي التفكير بهده الطريقة |
|||
2017-02-15, 22:44 | رقم المشاركة : 4 | ||||
|
اقتباس:
شكرا لك *** ممكن راني نكتر الهدرة لكن راك نبهتني لنقطة راك قلت ظروف .. شخصيا من الظروف الي كانت تخليني نحوس على العلامة 3 امور وكلها مش مليحة وكان لازمني نتخلص منها الاول كنت نحب ندي علامات كبار ممكن باش نكون الاولى هاذا الامر فقت بلي ما يخرجش لانو فيه رياء والحمد لله ربي يوفق باش نتخلص منو، التنافس شيء جميل لكن بدون الرغبة في التميز وحب الظهور ثانيا الاساتذة ربي هديهم كانو حاطين ورانا ومازالو على العلامات لكن كانت عندي استاذة ربي يجزيها افضل حاجة دارتها كانت تقولنا " نتوما تقراو على جال العلامة هاذ الامر ما يساعدكمش باش تتحسنو في المستوى وماراحش يكون فرق بينكم وبين لي يديها بالغش المهم مش العلامة المهم الفهامة'' ربي يجزيها معها بدات الفكرة تتبلور في راسي ثالثا العائلة والاساتذة القدامى والاصدقاء يا ويلي وسواد ليلي لما كنت نفكر بردات فعل امي وابي والاهل كنت نخمم كون ما نديش مليح واش يصرا؟نطيح من عينهم ونرجع كأني ديت معدلاتي السابقة صدفة صدقني بعدها فهمت انو العائلة اكبر عائق واكبر محفز هيا كانت عائق عندي بسبب تفكيري . هوما يوفرولي كلش باش نقرا ونا نبات نخمم كون ما نديش مليح واش يصرا. وبالتالي مشيت بالعكس لما مرضت في الاول ونزل المعدل ديالي كنت لي نقولو من العائلة عليه: يخزر فيا ويقولي هبطتي... ومنبعد يضحك ويقولي مليح نورمال مافيها والو تبعدي العين (= صراحة لوكان جيت علابالي بلي ماراح يصرا والو كون يهبط المعدل ديالي كون ماعييتش روحي في السنوات الماضية وقريت بعقلي ^^ يعني هاذي تجربتي الشخصية كتبتها بالاك تتعلمو منها العائلة ماحطوهاش عائق لما تقرا قرا براحتك يكفيك الهم اللي فيك ماكالاه تزيد تحمل هم العائلة ** تصرف كأنها استراحة محارب لما المعدل ينزل تلقا لذة كبيرة ونتا تحاول تطلع يقولك القمة صعيب توصل ليها والاصعب انك تبقا فيها ولكن نورمال وخّر خطوة باش تقدّم زوج خطوات باذن الله الانتصار الحقيقي ليس في أن لا تسقط لا.... انما الانتصار الحقيقي في أن تستطيع الوقوف بعد السقوط أنا أعتذر لأني في المواضيع اللي هاكذا نحب نهدر بزاف وايلاكان تفكرت كاش حاجة نزيد نكتبها باذن الله ونقولك انا شخصيا في الفترة اللي عانيت منها من هاذ المشكل التيار كان ضدي سبحان الله مثلا لما تكون نتا الاول الجوائز يكونو كيف كيف لما تتوخر نتا يرجعو للتلميذ الاول جائزة مميزة ^^ وفي اللول الاساتذة عمرهم ما يشكروك لما تبعد يفتحو قاموس المدح والاطراء لازمك تصبر و ما تنساش الطائرة تقلع عكس اتجاه الريح |
||||
2017-02-16, 09:24 | رقم المشاركة : 5 | |||
|
سلام اولا نحييك لشجاعتك و اعترافك و مواجهة نفسك بالحقيقة هادى اول خطوة |
|||
2017-02-16, 18:19 | رقم المشاركة : 6 | ||||
|
اقتباس:
حقا انا اشكرك اود ان اقول ان هده العبارات بدات توقظ بداخلي حب الدراسة و شخصيتي القديمة فقد ضربت مشاعري في الصميم اكرر شكري اختي اعد انني سافعل بما قلت موفقة |
||||
2017-02-16, 18:24 | رقم المشاركة : 7 | ||||
|
اقتباس:
اكرر شكري دعواتك سيدتي |
||||
2017-02-16, 19:07 | رقم المشاركة : 8 | |||
|
قريت موضوعك و رديت و بعدها عرفت انك من نفس مدينتى لكن عايشة بعيد ة عليها راجع مليح و ما تخممش فى النقاط و حتى الوالدين ادا شافو اولادهم يبدلو مجهود مايحسبوهمش على النتائج بالتوفيق |
|||
2017-02-16, 20:23 | رقم المشاركة : 9 | ||||
|
اقتباس:
مليح كي راكي من القل يعني تفهمي مليح عقلية الاولياء القليين ههههه:d اكرر شكري واعدك انني ساعمل من اجل تحصيل العلم و اسعاد و الدي لا من اجل النقطة |
||||
2017-02-16, 21:09 | رقم المشاركة : 10 | |||
|
ههههههههههههههههههههههه ايه نعرف مليح العقلية و نعطيهم الحق |
|||
2017-02-17, 13:44 | رقم المشاركة : 11 | |||
|
امييييييي يارب |
|||
الكلمات الدلالية (Tags) |
من لديه نصيحة فلينفعني |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc