دخلت السوسة كيس الكسكس ,,,السوسة دخلت للشكارة تع البربوشة 'سكسو',''النعمة,,

Mohammed_Amine · 2015-09-30, 12:43

السلام عليكم خاوتي ,,
الايام اللي عداو ظهرت عندنا حشرة في عدة انحاء من المنزل الى ان انتبهت انها تتواجد بكميات اكبر في غرفة تخزين اكياس الكسكس ,,, المهم انا خبرت السلطات 'يما" ,,,السؤال تاعي هو ان كان استهلاك مادة الكسكس بعد هذه الحادثة غير مضر صحيا و تضل صالحة للاستعمال 'مع العالم انه تم غربلت و تنقية الاكياس التي اصيبة بشكل جزئي' ,,, عاونونا الله يستركم يما تقلقت

الواثقْ بالله · 2015-09-30, 13:05

سالت امي فقالت : كي دير فيها السوسة خلاص ارميها للجاج و العصافير

لانو حتى و تغربلها تبقى فيها الريحة تاع السور و مسقبلا ضع اوراق الرند او الفلفل اسود غير مطحون هكذا لن تعاني من السوس

Mohammed_Amine · 2015-09-30, 13:18

هاذي فوطو تعها ,,انا صورتها,,

Mohammed_Amine · 2015-09-30, 13:51

مي احنا مادارتش فيها الريحة و ماتقاستش بزاف + هاذيك الحشرة كحلة موش حمرة كيما اللي ف الفوطو ,,,

الواثقْ بالله · 2015-09-30, 14:00

السوس لي يدير في الكسكس و السميد لونو اسود

رَكان · 2015-09-30, 14:11

قل أمك تعرض الكسكس طوال اليوم على سطح الدار الشكس سوف تقضي على كل شيء ..حتى أنها تطرد السوسة الموجودو فيه والرائحة ..برك قل لها تقلب مرة على مرة ...

عاشقة مجنونة · 2015-10-04, 15:43

معندها مدير يخي كسكس راح يتغسل

beautifulmin85 · 2015-10-04, 23:01

سؤال يحتاج اهل الخبرة يجيبون عليه "العجائز" السلطات العليا كما قلت اخي الكريم

Mohammed_Amine · 2015-10-05, 12:54

ههههه خايف ناكلو ويفقسو في بطني ,,

عاشقة مجنونة · 2015-10-05, 13:43

كلو و على ضمانتى ميسرالك والووووووووووو

Rose19 · 2015-10-05, 16:50

اختي تعرض الطعام للفساد كحال الكسكس مصيره الرمي ’ لا تحاولي ايجاد حل لشيئ لا حل له و انت في غنا عن تسمم غذائ’, نعرف جيدا ان الكسكس يتم غسله و تفويره يعني يتم القظاء على السوس و لكن هذا غير مؤكد

FATIMANOOR · 2015-10-06, 21:11

ما راح يسرالك والو و هذيك السوسة حنا نسموها الكوز تجي فالكسكس و السميد....
الكسكس لازم ينشف مليح و ييبس و ما يكونش في مكان فيه الرطوبة ما يصرالو والو