أنا عاصي وروشارشي .. لو نجحت في الماستر هل يمكن أن أحصل على إعفاء

[just do it]

بلاد ميكي تع التيكي
قوانين تصدر وشرحها لا يوجد يعني يوجد قانون لكن طريقة تطبيقه غامضة لهذا كثرت التلاعبات والثغرات فاصبحت كل ناحية تفسر القنون كما يحلو لها
انا انصح الاعضاء الذين يريدون الاستفسار ان يتوجهو مباشرة الى المركز لان كل مكتب وله طريقة تعامل مع الحالة
يعني تجد نفس الحالة لكن حلولها مختلفة بالنسبة لمراكز الخدمة

[omarionino]

والله خاوتي مايحلبوك في مركز الخدمة الوطنية وما يشبعوك هدرة
ليعندو إجابة يعاوني خاوتي ماتبخلوش علينا الله لا يبخل عليكم !!!!!

[amine_bobo]

المشاركة الأصلية كتبت بواسطة omarionino

مافهمتكش خويا amin bobo كيفاه مازال يقرا ويدوه عاصي? قانون جديد هذا كيفاه من بعد التأجيل يرجع عاصي بلا ما جاتو اوردابال?ياك ليدير تأجيل يرجعو يبعثولو اوردابال عادي وينزعولو العصيان.

يا خويا هذا كان يقرا بصح جامي خدم التأجيل وصلاتو لوردابال نورمال بصح كي بغا يكمل قرايتو في الطب عطاوه تأجيل لمدة 6 اشهر وبعدها كي رجع ليهم يستفسر واش يدير ديركت طلعوه ورغم انو متزوج وعندو طفل
انا ننصحك شوف واحد يخدم في المحكمة العسكرية سقسيه قبل ماتروح ليها لانهم والله حقارين خاصة راك في حالة روشارش وان شاء الله يفرج عليك

[omarionino]

خويا bobo بارك الله فيك على الإجابة حبيت نعرف برك التأجيل داه من البيرو تع الخدمة الوطنية ولا داه من المحكمة العسكرية ?خاطر في المحكمة مستحيل يعطيلو تأجيل بلا مايعطيلو البراءة من العصيان وكان عطالو براءة من العصيان معناها المحكمة ماعاد عندها حتى دخل فيه خاطر دوسيه يرجع للبيرو تع الخدمة الوطنية يرجعو يبعثولو أوردابال عادي من جديد.
ماتلومنيش خويا راك وسوستني بالشي ليصرا مع صاحبك على هادي نحب نفهم مليح خاطر نخاف من الخدعة تما وزبد بزيادة في البيرو تاعنا مايحلبونا بوالو.
بارك الله فيك خويا

[riadhamine]

المشاركة الأصلية كتبت بواسطة omarionino

خويا bobo بارك الله فيك على الإجابة حبيت نعرف برك التأجيل داه من البيرو تع الخدمة الوطنية ولا داه من المحكمة العسكرية ?خاطر في المحكمة مستحيل يعطيلو تأجيل بلا مايعطيلو البراءة من العصيان وكان عطالو براءة من العصيان معناها المحكمة ماعاد عندها حتى دخل فيه خاطر دوسيه يرجع للبيرو تع الخدمة الوطنية يرجعو يبعثولو أوردابال عادي من جديد.
ماتلومنيش خويا راك وسوستني بالشي ليصرا مع صاحبك على هادي نحب نفهم مليح خاطر نخاف من الخدعة تما وزبد بزيادة في البيرو تاعنا مايحلبونا بوالو.
بارك الله فيك خويا

اصلا المحاكم لا تمنح تاجيل فمجال اختصاصها هو معرفة سبب الامتناع
واذا كان السبب مقنع (دراسة ,طبي,كفالة) يتم منحك رسالة مختومة الى مكتب الخدمة الوطنية مع نزع العصيان والروشارش مع توصية وبناء عليه يتم اعادة الدراسة للملف من الاول في مكتب الخدمة سواء بالقبول او اعادة ارسال الاستدعاءات
المحكمة يتم نظر شكوى مركز الخدمة امامها اي انهما هيئتان مستقلتان في القرارات

[just do it]

بارك الله فيكم

[yoza]

السلام عليكم
إخوتي الكرام أفيدوني في سبيل الله
أنا طالب جامعي من مواليد 1992
لم أتوصف و لم أقم بالفحص الطبي
و ليست لي أي وثيقة تثبت وضعيتي اتجاه الخدمة الوطنية و أنا لا زلت أدرس
في الجامعة و أريد الحصول على تأجيل
هل إذا ذهبت الى مكتب الخدمة الوطنية يعطوني تأجيل؟ و هل يكون ذلك في الحين ؟ أو في مدة طويلة؟؟

[عبدو 90]

تحصل على تاجيل وليس اعفاء

[محمد فلاك]

yoza
أعتقد ذلك أخي .. لكن أنصحك بأن تقرأ الردود السابقة للإخوة
فقد استفدت منها كثيرا .. فوضعيتي مشابهة لوضعيتك