استفسار في الفيزياء؟؟؟؟؟؟

همس الجفــــــــــون · 2012-04-08, 17:12

اهلا و مرحبا

اليوم و انا احل تمرين في الفيزياء مع وحدة صحبتي خرجنا واحد المشكل

هو في الحقيقة ماشي مشكل بل سؤال بسيط تخالفنا فيه

هذا سؤال هو متى نستعمل قانون الجذب العام ؟؟؟؟؟؟؟؟؟؟

و بتوضيح اكثر هل نستطيع ان نستعمل هذا القانون كي يكون عندنا كرتين صغيرتين ؟؟

ولا نستعملوه غير كي يكون مثلا بين الكواكب او كوكب و جسم

انا قلتلها بلي ما نستعملوهش في حساب القوة بين كرتين صغيرتين

مي هي قالت العكس مع العلم ان فيهذا التمرين طاونا شحنة الكريتين و كتلتهما

و الآن اريد منكم الجواب طبعا اذا حبيتو تجاوبوني

Narcisse95 · 2012-04-08, 18:14

قانون الجذب العام يتعمل للأجسام المتناهية في الكبر
يعني يمكنجذب عام بين أرض و كرية...أو أرض و القمر ...

✿❀سًجّْـدًةْ خٌشٌـوُعٍـ ❀✿ · 2012-04-08, 18:23

لالا بل يمكن حساب قوة التجاذب بين كرتين
حنا حسبناها بين محفظتين
ياخ القانون يقول
كل جسمين تنشأ بينهما قوة تجاذب
مهما كان حجمهما
و لكن تلقايها جد صغيرة
يعني يمكن اهمالها

chama115 · 2012-04-08, 18:30

تستعمليه عادي مشي شرط تكون اجسام كبيرة جدا

والله اعلم

رميساء ونادو · 2012-04-08, 18:36

اهلا سالي الجواب هو قوة الجذب العام تنسا بين اي جسمين سواء بين جسم و كوكب او بين جسم و جسم اخر او بين كواكب

بغض النظر عن حجم الجسمين و راني تاكت من الكتاب و اذا مقتنعتيش سقسي الاستاذة

hanan122 · 2012-04-08, 18:38

الســــــــــــــــــــــلامـ

حنا الاستاذة قالتلنا نستعملوه في الكون وبامكاننا ايضا استعماله في اجسام اخرى

و الله اعلم ...

Kadmix · 2012-04-08, 18:41

يستعمل في كل الحلات بصح التأثير تاعو يبان كي يكون 2أجسام بعاد على بعضهم في الكتلة كيما par expl:
جسم يسقط من ارتفاع و الأرض
القوة المطبقة من طرف الجسم عاى الأرض غير كافية لجذب الأرض و لهذا تجذب الأرض هذا الجسم
عموما الكتلة كي تكون صغيرة تولي القوة صغيرة فلا نلاحظ تأثير
والله اعلم