ساعدوني ارجوكم راني حاصلة الناس اللي جربت

سامية بالولي · 2014-09-06, 22:17

السلام عليكم حابة نسقسي و ساعدوني راني ما لقيتش روحي حابة ندير لعشى لدار راجلي يوم ثاني عيد الاضحى هاذا كي يجيوني و حرت واش ندير كطبق رئيسي خاطر درنا لغدا في العيد الصغير درنا الجلبانة و الشخشوخة و في رمضان درنالها طاجين زيتون اعطيوني طبق يكون مليح و يحمر لوجه و شكراااااااااااااااااااااااا

دائمة الحمد · 2014-09-06, 23:38

اختي اعملي دجاج ديزوسي ومحشي راهو بريزونتابل

x ام رحاب x · 2014-09-07, 07:01

سلام اختي ايلا كنت دابحين في العيد ديري اللحم روتي وزيدي معاه اوردوف مخلطة من كل شئ وزيدي مع اللحم ياما ديري لوبيا ماشطو سوتي وزيدي فريت

ikhlasse25 · 2014-09-07, 07:16

اختي ديري لحم لحلو و اوغدوفغ منوع بلا ما تنساي الحريرةةةةةةةةة

أم ياسين الزهراء · 2014-09-07, 07:46

روطي الكتف راهو هايل وزيدي معاه ليفريت والسلايط ولا لحم مفور مع الروز العيد الكبير عيب ديري الجاج راهو تاع لحم

عطرالذهب · 2014-09-07, 08:36

ديري طاجين ا لشوا مع كبدة مقلية وشوربةوسلاطة

fatma1977 · 2014-09-07, 08:54

راهو لحم الكبش عيب تعملى جاج أعملى روتى بالكتف يجى هايل وإلى ما عندكش الطريقة أدخلى لقوقل وذرك تلقاى مرغوبك وإلى حابىة أعملى طعام باللحم وإلى طاجين الحلو وشربة وسلايط مشوية وأرديفر وشوى لحم كافى مع القازوز والديسار والاكريم وبالتوفيق

سؤدد الجنة · 2014-09-07, 09:55

اذا ثاني عيد ورايحة تعرضيهم فأكيد رايحة تذبحي الخروف
اهم حاجة كاينة اللحم ديري شواء كامل الناس تحبو
والا طبق تقليدي طعام رشتة الى عاد عددهم كبير وزيدي اكيد السلايط الى قدرتي عليها طجين حلو وديسار وشوربة ولا حريرة على حسب عاداتكم
بالتوفيق وربي يجعلها في ميزان حسناتكم

x ام رحاب x · 2014-09-07, 10:32

راني عاودت ادخلت علاه ماديريش عصبان والشربة وسلايط وديسار وخلاص

*رحيق الجوري* · 2014-09-07, 12:32

كسكسي مع سلاطة فاريي وشربة

سامية بالولي · 2014-09-07, 13:36

شكرا على مروركم العطر ربي يستركم ان شاء الله راني استفدت من افكاركم ربي يعيشكم اللي عندها روابط نتاع الاكلات تحطهملي و بارك الله فيكم

ام اريام · 2014-09-07, 20:25

ختي ديري شربة فريك وطبق رئيسي بما انو العيد الكبير ديري طجين الشواء صوص بلونش مع حبيبات حمص وديري خبز الياوورت الطبيعي رائع وديري سلطة منوعة طبق كبير وموفقة انشالله

ام اريام · 2014-09-07, 20:33

خبز الياوورت الطبيعي لام اماني الله غالب ما نعرفش نحط الرابط لكن روحي قسم الاطباق المجربة تلقاي اخت جيادا حطاتو غي تطبيقاتها

ساندي 28 · 2014-09-07, 20:39

طعام باللحم احسن طبق فى رايي

Omrihem · 2014-09-07, 20:43

يا جماعة وعلاه وقتاش العيد