هيا نحكيو على تجاربنا الفاشلة - الصفحة 7

Basketteuse · 2013-02-19, 12:13

اقتباس:

المشاركة الأصلية كتبت بواسطة nounoudjs

واش نقولك يااختي جربت البطاطا المقلية بالماء جاتني دقداق للاسف ماصورتهاش

ههه خسارة فكرة غريبة برايي نشرشمها من بعد نحمرها احسن

ام ساجد · 2013-02-19, 14:08

يعطيكم الصح على هاذ الموضوع
انا مرة مازالني في دارنا وشفت طاجين الملسوقة في التلفزيون وطبقت في رمضان تصوروووووووو
جاتني اختي قاتلي بابا عجب خلاص طاجينك كلاه الكل رحت نجري فرحانة قتل صح با عجبك الطاجين خسؤ فيا خسرة خايبة
وقالي بغش هذاك طاجين هذاك.... هذاك شخشوخة ......ههههه جا معجن من داخل من هذاك الوقت ما عاودتوش ان شاء الله نطيب ازوجي كانش نهار

fati 17 · 2013-02-19, 14:18

اناغير البارح جربت خبز توست تبعت المقادير جاني عجينة من الداخل واكبر كارثةعملتها في المطبخ كيكة قدرة قادر

Basketteuse · 2013-02-26, 10:24

اقتباس:

المشاركة الأصلية كتبت بواسطة ام ساجد

يعطيكم الصح على هاذ الموضوع
انا مرة مازالني في دارنا وشفت طاجين الملسوقة في التلفزيون وطبقت في رمضان تصوروووووووو
جاتني اختي قاتلي بابا عجب خلاص طاجينك كلاه الكل رحت نجري فرحانة قتل صح با عجبك الطاجين خسؤ فيا خسرة خايبة
وقالي بغش هذاك طاجين هذاك.... هذاك شخشوخة ......ههههه جا معجن من داخل من هذاك الوقت ما عاودتوش ان شاء الله نطيب ازوجي كانش نهار

هههههه يعطيك الصحة على الشخشوخة . مايديروها غير الحراير ههههه، ماعليش تصرالنا كامل ، لازم تعاوديه باه تتنحالك العقدة ، وردي لنا بالخبر

Basketteuse · 2013-02-26, 10:26

اقتباس:

المشاركة الأصلية كتبت بواسطة fati 17

اناغير البارح جربت خبز توست تبعت المقادير جاني عجينة من الداخل واكبر كارثةعملتها في المطبخ كيكة قدرة قادر

انا تاني صراتلي مرة ، انا قلت بالاك الفور قاوي ، على هديك طاب من برة ومن داخل عجين!!

maiar · 2013-02-26, 10:41

انا طبقت بريوش ماربري ديتو روحت عند عجوزتي و حطيتو يطيب و ببقينا انا و سلافاتي نتغاننو على الفور اذا شاعل من فوق او من تحت لانو شوية قديم و الضوء تاعو فاسد و بالتالي طاب من فوق باه فيقنا بيه و كملنا طيابو من تحت و خرجلي يابس من فوق

ندى معمر · 2013-02-26, 10:49

انا البروبلام كي ندير الحاجة مانقدرش ندوقهانستناه هو يدوقها ويقوليو مسكين وادا كشماقال نصبر نقولو المرة الجاية تجي خيروادا جات ماعندهاش الشكل منوريهالوش نرميها

أم ماجد · 2013-02-26, 14:40

طبقت كيكة الميكووند ماعندي مانقول قولوا انتوما

إضغط هنا لرؤية الصورة بحجمها الطبيعي.

يا لمزوق منبرة واش احوالك من داخل

اميرة في دنيا حقيرة · 2013-02-26, 15:34

هههههههههههههههههههه يا ام ماجد واش نحكيلك واش نخلي انا راني من الجامعة طول تزوجت و اكي تعرفي وحدة من الهملة للكوزينة شوي صعيبة هههههههههههههه المهم منطولش عليك الحاجة المليحة اني نسكن وحدي ربي ستر ادا الحاجة فزدتلي خلاص المهملات و الفم الساكت لا من سمع لامن شاف ونغطيهاباه ميشوفهاش راجلي مرمية ههههههههههه و الحاجة كي تجي تشبة اكيد راح ياكولها حقل التجارب نتاعي زوجي و انا من النوع لي كي تفسدلي حاجة نقلق مسكين ياكولها و يشكر و عاود هههههههههههههههههه يطلعلي في الموغال اما الحلويات اغلبية الوقت تنجحلي و درك الحمد الله وليت شاطرة شاطرة حوحو يشكر روحوا ههههههههههههه

mery19 · 2013-03-07, 12:31

هههههههههههههههههههههههه والله عجبني الموضوع بزاااااااف وانا ثانيكينجرب حاجة وماتصلحش نقولوياك راني نتعلم وهكذا يسكت ومايقولوالو

scorpionoir · 2013-03-07, 13:36

والله راني نبكي من الضحك والله صدقوني راني وحدي في الدار مي من الضحك نبان مع جماعة هههههه.وتفكرت روووووووووووووووووحي .اول مرة ندخل الكوزينة كنت في الثانوية بديت زعما بحاجة حلوة ودرت الميرانق شفت الوصفة في لا تيلي .بديت نخلط ومنبعد دخلتها للفور وكوم بارازار يجي خويا لكبير داخل شم الريحة وقعد يسنى..
؟؟؟؟ جا الوقت وخرجتها وحطيتها تبرد ؟؟؟؟؟؟؟ ومنبعد رحت باه نشوف وندوق وهو راهو ورايا .قالي نتي قلتيلي درت الميرانق ماش خدود عجايز ؟ لقيتها هبطت وتكمشت و و و .تبهدل تبهدل .من هداك الوقت وهو يقولي كاش خدود عجايز

والله راني غير نضحك مالقري راني وحدي في الدار مي تقول معايا جماعة وتفكرت روووووووووووحي كنت في الثانوية كي درت اول تجاربي المطبخية .بديتلهم بحاجة حلوة وجربت الميرانق ؟ خلتطها وحطيتها في الفور وكوم بارازار جا خويا لكبير شم الريحة وقعد يستنى .هيا طابت وخرجتها وحطيتها تبرد .منبعد رجعتلها وخويا ورايا ورايا يتبع هو شافها هو قالي قلتي درت الميرانق ماشي خدود العجايز ؟ واش نقولكم وقولولي اسكتي ؟ لقيتها هبطت وتكمشت و و تبهدل .

Basketteuse · 2013-03-12, 13:32

فعلا تجاربكم مميزة . كانت تبان تبهديلة درك نتفكرو ونضحكوااااااا خاصة خدود العجائز ههههههه

Basketteuse · 2013-03-12, 13:34

اقتباس:

المشاركة الأصلية كتبت بواسطة أم ماجد

طبقت كيكة الميكووند ماعندي مانقول قولوا انتوما

إضغط هنا لرؤية الصورة بحجمها الطبيعي.

يا لمزوق منبرة واش احوالك من داخل

هههههه تبان enceinte . والله انا صرالي ما اكثر . وخاصة كي يجيني الإلهام باه ندير لمستي الخاصة ؟!!!!!!!

حدة الجزائرية · 2013-03-12, 14:51

الله يعطيكم الخير قتلتوني بالضحك بديتها ملول وانا نقرا هاد الموضوع ما شفتوش كنت نثقفكم بالتجارب نتاعي . ما لا عندها وحد 4 ايام عولت ندير كرواصون بحكم انو زوجي ما يحبش الحلويات بزاف يحب هاكا حاجات ناشفين كرواصون بتي بان المهم حوست في المنتدى و لقيت وصفة جربتها شحال من وحدة ونجحت قلت خلاص هذي مضمونة 200 بالالف نضت خدمت و درت عشر حبات من كثر ما ثقيل ثقيل ثقيل ما شي مورق قاع كي جا راجلي كنت غير كيما كملتو نخبيه ما كاش كيفاه الريحة دارت حالة في الدار امالا خيرت ربعة حبات شابين شوية شوية و حطيتهم كلا و مبعد ديراك لميتهم في الساشي و كي خرج قلتلو هدو حطهم وين يحطو الخبز اليابس و هنا خلاصت هذي المغامرة الفاشلة غاضني الحال نحب كي نجرب جاجة تخرجلي

assiremhayet · 2013-03-13, 08:31

موضوع هايل أنا نجرب وصفات من المنتدى ولكن هناك بعض الوصافت لا تعطى كاملة ليست مفهومة كأنها وصفة بدون سرها مثلا لما تديروا مخبز قولو بلي يطيب على درجة 180 د مدة 12د فقط ولما تمدونا حاجة تفوتوها في ألة التوريق قولو وين نحبسوا في الرقم 6 أو 7 او .... أنا مبتدئة في الطبخ والطبيخ وفهمي ثقيل ومثلا لما تديرو وصفة قولو تصلح للقهوة ولا للشاي ولا للمشروبات والقائمة طويلة..... وكاين يقولو علبة مرغرين ثم يقولو علبة حلوة ترك ليحاب يمد يمد الوصفة عللى أصولها كأم كوثر وأم رامي .... وألأخريات يعمرو المنتدى بنصف الوصفات وإن كنت غلطة سامحولي.