الغيرة والحسد تدير كلشي

[مشكلتي]

السلام عليكم،وصح فطوركم
مشكلتي
عرض ت ناس البيت ومعاهم سلفتي ،كانت وحدها في المطبخ تنظف واحنا برا
جابت قطعة قماش وقالت صبتها على البوتاجي
قطعة قماش عفن ومسخة بزاااف ،،ماكانتش كاينة في الدار الكل
انا موسوسة وبراف لاجافيل ما يخطينيش ،انا رميتها لكن زوجي قالي نحرقها ،،خاف كاش سحر
انا شكيت قلت بالاك غيرة
شيء غريب تصيب حاجة عمرك ما شفتها في مكان من الصباح وانا نظف فيه
هل هذا الشي طبيعي وانا موسوسة؟؟

[حضنية28]

يا اختي ما ديري في بالك حتى حاجة
والشيطان يدخل من هذه الابواب
وان شاء الله ما يكون غير الخير
أكثري من الدعاء هاته الايام

[القمة انفو]

خطيك من التوسويس يا اختي ديري ربي في خاطرك

[*أم سجى*]

احرقو قطعة القماش واتحصنو بالاذكار واغلقو الحكاية .....انا شكيت مكان لاسحر لا والو حابة برك تحشمك قدام راجلك أنك ما تنقيش( ما تنظفيش) هذا مكان الله يهديها ويهدي ذالنوع مالعباد يخمو عند رجليهم حاشاك

[سارة البوسعادية]

اقراي سورة البقرة وما تتهميش اختي ان بعض الضن اثم

[nanoua7]

[bيا اختي نظن تحشم فيك برك جابتلك هداك القماش الموسخ قدامهم مي انتي نحي الشك وديريها في كاش علبة مع الملح و الجافيل تترنخ فيهم تم احرقيها

[le rouge]

خاصة الحسد

[le rouge]

مرض القلوب

[katiya]

اختي اقري المعوذتين وتوكلي على الله ولن يصيبك شئ باذنه ومتحوطيش في بالك قضية السحر بزاف وبالتوفيق

[ابن مرزوق]

تحصني بالأذكار والأدعية ورشي البيت بالماء والملح المقروء بالقرآن إن كنتي تشكين في شيء ما ، فالقرآن يزيل كل بلاء بإذن الله

[لحن الحياة.]

يا ا ختي كاين وحد المثل تقولو جداتي و انا احبه كثيرا هههههههههههههههههههه

السلفة حصيفة لوكانهي وصيفة
انتي اصلا كييييييييييفاه تخلي سلفتك تخدملك في دارك ؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!
انا سلافات امي شش يتحركو و يتقدمو للكوزينة عندهم غرفة الجلوس نحشرهم فيها بلا ما نخرج العيب وما يخدمونا ما نسحقوهم ما يديرونا حاجة

انتي القماش هذا ماتحرقيهش لانه اذا كان سحر كيما راكي تقولي السحر ما يتحرقش حذاري
واذا كان نيتها تبين فيك العيب اسمحيلي هنا نتي عطيتيها فرصة وغلطتي ومتزيديش تعاودي الخطأ تاعك

وماديري والو في بالك باينة حبت ديرلك النش برك خاصة انك قلتي انك تحبي النظافة

[ابراهيم داود]

اضحكتني قصة السحر هذه ...والطريف ان السحرة يبقون غائبين تماما في مجتمعنا الكل يرى انه عبقري زمانه وان الاخرين يكرهونه ويحسدونه لذلك يعطي لنفسه حق سبهم وتحقيرهم ومشروعية عداوتهم...انه تبرير حقير لسوء. اخلاقنا الجماعية

[روح المي]

صراحة راها تجنن فيك بركا كيما صغار حبت تغيضك

[oumhana]

الله يهدي ما خلق

[casscada]

يا لطيف اغلب الناس ولاو يحبو يديرو غير تلشر و عندهم لحسد و الغيرة الا مم رحم ربى يا رب الطف بنا و ابعدنا عنهم بعد اليما، للارض