خطيبي والفايسبوك غادي يهبلوني

[مشكلتي]

السلام عليكم ورحمة الله وبركاته

رمضان مبارك على الجميع

كما هو واضح من العنوان خطيبي والفايسبوك غادي يهبلوني
صراحة بدينا نتواصلو منذ 3 اشهر على الفايسبوك وانا فتحته لغرض التعرف عليه يعني ماعندي حتى اصدقاء هو وفقط
وانا بدا توسويس يخدم فيا ولغيرة بعد ماشفت اغلبية اصدقائه فتيات
وكل مايظيف طفلة ونسأله يقولي الفايسبوك نتاعي مبرمج هكدا من نهار لي فتحته انا استغربت وقلت طلبات الصداقة لوكان ماتكون طلب وموافقة ماتكونش صداقة المهم لي عنده معلومة حول هذا الموضوع ينورنا
وتانيا نلقاه داير متابعة لفلانة وفلانة
بالرغم من انه يقول انه بريئ من هاته الامور لكن انا فقدت الثقة في كلامه وتكلمنا كدا من مرة يلغي صداقة صديقاته لكنه يراوغ كثيرا
والله تعبت من هدا الموضوع مرضت وتوسوست وراحتلي الشهية وحتى نوم

بغيت نعرف ادا اغلبية رجال هكدا ولا بعضهم وكيفاش يخمو من ناحية هذا الموضوع
هل الفايسبوك غير للعب وتعرف على هادي وهادي ام هناك خلفيات اخرى

رجاءا والله راني في حالة الموضوع اثر عليا بزااااف

[علي لقواطي]

لا يوجد حاجة اسمها تلقائية ف الفايس بوك كل حاجة دايرها عن قصد

[ايمان4]

للاسف الفايس بوك لا وجود فيه لللتقايية كما ذكر الاخ فكل شيء مقصود ...
و ليس كل الرجال مخادعين خاينين كما ليست كل النساء كذلك ... يوجد الصالح و الطالح في كل مكان ... حاولي التاكد ..

[*أم سجى*]

اسمحيلي اختي لكن حبيت نقولك انو انتي لي حليتيلو العين وشجعتيه......الحاجة الاولى نورمالمو ميكونش عندك أصلا فايسبوك تتواصلي بيه مع خطيبك والحاجة الثانية انك كنتي توقفيه عند حدو من أول غلطة ...مش مخلية السيد داير ڨصرة وقعدة وانتي محسوبة من بين المعاريض ....أما الحل هو أنك تتفقي انتي وخطيبك على غلق هذه الدوامة لي راكم فيها وترتاحو مع العلم انو لي يوالف الفايسبوك صعيب يقدر يستغنى عليه جربي قوليلو نغلقو كلشي وشوفي بلاك ياخذ رايك....ان شاءالله ربي يجيب الخير

[kaka9999]

حتى لو يملك الف طفلة مش معناه كامل يهدرو معاه و يبعثولو في صور وووو
حاولي الا تكبري قصة فوق لازم
وقوليلو الا كان لايوجد شبه يعطيك كلمة مرور حسابه ةتفحصيه
ربي يسهلكم ان شاء الله

[اكرم akram]

هاذا هوا الراجل نتي خطيبتو وعندو 2000 صديقة ( شبه خطيبة) ربي عينك

[ZORRO__DZ]

يقدر ينح كل الصديقات من اجل عينيك....لكن يستطيع فتح حساب ثاني للصديقات.ّ.الحكاية وما فيها الثقة من الطرفين..الله يجيب الخير.

[اريج 07]

اااه من الفيسبوك و عمايلو ربي يهدي يا ختي كل شي على الثقة لازم تكون لاكونفيونس بيناتكم سينو متقدوش تكملو ربي يهدي

[ريان برهوم]

متكبريها موالو قلو يعطيك الكود لانو قادر يفتح فايسبوك وحد اخر ويضيف فيه لبنات بلا متشوفيه ولا تسمعي بيه حاولي بشوي ومكانش حاجة يسموها تلقائي في فيسبوك

[زهر التوليب]

هذا و الله اعلم اعلم شخص لعوب لا يثبت على شيء ومتعود على هاته الالاعيب ويمكن عنده عشرات الخطيبات يتكلم معهن عبر الفايسبوك ويعدهم بالزواج
و الشخص الذي لا تثقين فيه كيف يمكن ان ترتبطي به وتؤسسي معه عائلة
ربي يصلح الاحوال

[Ibtissem Bessouma]

شوفي اختي حكايتك هي نفس حكاية صحبتي صراتلها قبل شهرين للعلم خطيبها ماكانش عندو فايسبوك و هي كان عندها بعد ما خطبها فتح واحد باش يتعرفو على بعضهم البعض و من بعد بدا غير يخلط فالفايسبوط نتاعو عمرو بالبنات و هي بحكم كانت دايرة فيه تيقة ما داتهاش قالت بالاك ما يحكيش معاهم و مرة جبدتلو عليهم قالها مانعرفهم ما نحكي معاهم و هوما اللي يبعتولي طلبات الصداقة حتى جا النهار اللي انفضح فيه كلشي شافت صديقاتو كل يوم يزيدو و تعليقات على الصور نتاعو راحت تسيي تجيب كلمة السر نتاعو حتى طاحت فيها و كي دخلت لقات الكارثة يحكي معا كامل البنات و كلام حب و مش كتابة فقط كانو حتى المكالمات و مالرسائل لقات بلي كانو مكالمات بالصوت و الصورة و كي قاتلو نكر كلش و كي وراتلو الدليل استعرف و طلب السماح و نحا كامل البنات و رجعت دارت فيه تيقة و سامحاتو و هذي 20 يوم اكتشفت بلي عندو فايسبوك اخر محلول بالرقم تاع الهاتف نتاعو و فيه غير البنات و كامل الادلة تبين بلي نتاعو و كي قاتلو نكر و قالها نتاع صحبي و راهم في مشاكل بسبب هاد الشي
هاد الهدرة ماشي باش نزيد نوسوسك بصح باش تعرفي واش كاين اذا ما يحكيش معاهم قوليلو ينحيهم ولا يعطيك كلمة السر نتاعو و اذا ماحبش معناها يحكي معاهم وماشي كلام عادي

[~رآقية بأخلآقي~]

لا حول ولا قوة الا بالله

ما لقيت ما نقولك

ربي يكون في عونك أختي

[first first]

من حقك ترفضي وتعلقي على تصرفاته المستهترة

[أثيلة]

محجوووووووووووووووووووووز للرد
لي عودة ان شاء الله

[الواثق]

اطلبي منه غلق الفايس بوك او نزع النساء منه على الاقل ............وعلى حساب ردة فعله ستعلمين توجهه ومدى تعلقه بالفايس بوك..................وانصحك بتجنب الكلام معه الابوجود محرم ...........لكن انا لي محيرني واقولها بصراحة تجد بعض البنات تخاف من خطيبها وكلامه مع فتيات اخريات .......ولكن لاتخاف من خطيبها ان كان بعيد عن الله فاما لايصلي او متعاون في صلاته ؟؟...........فالاولى الخوف من انقطاع صلته بخالقه ......فهي الكفيلة برده للجادة والصواب والله اعلم