خطيبي والفايسبوك غادي يهبلوني

[سارة البوسعادية]

اختي نصيحتي رح نجيبهالك من الاخر دون حلول جزئية
شوفي كنت مخطوبة وكنا في غرفة تجهيز العرائس وكامل المخطوبات قاعدين نحكو غير على الشكليات وش جابولك في العيد ووش كساك وقدش مدلك شرط ووينا صال رح تديري عرسك ووش رح تلبسي والاغلبية كانت تتصادف مع مشاكل لكن بالاحرى مش لاتيه بيها
ونهار تزوجنا بانت العيوب كمل العرس والجهاز والشكليات وقعد الصح
نقلك حاجة نعرف زوج صحاباتي تطلقو من اول عام لانو كاين امور اساسية في الرجل دينه واخلاقه اهم شئ وهو لي تبازي عليه
وقاعدة ديتها من الحياة الراجل الخلاط طبع وجينات فيه مش رح تتنحى
ومشكلة الفيسبوك كاينة حتى لصديقاتي متزوجات ومدمرتلهم حياتهم ومندمييييييييييييييين
النصيحة خليه وربي يعوضك احسن منو الراجل الي يحسسك انك معمراتيلو دارو وعينيه
مش بعد الزواج تعيشي في هاجس الفيسبوك والتلفون
نصيحتي خليه

[علي فرقاني]

اختي اطلبي من بن غبريط تغلقلوا الفيسبوك انا امزح معك شجعيه على طاعة الله تدريجيا سيبتعد عن المعاصي

[nani matrix]

اختي حاولي تقنعيه باغلاق الفيسبوك يعني لازم انت تبادري وتغلقي الفيسبوك انتاعك يقلك الباب اللي يجيك منو الريح سدو واستريح

دبرو عليا راني رايح نشوف خطيبتي في العيد ومانيش عارف واش ندي معايا
وصح رمضانكم ماتزعفوش مني راني حاصل قاعد غير نخمم واش ندي معايا

[ام البنوتة]

هذا باين فيه خلاط و رايح يتعبك غدوا كي تتزوجي بيه مادام فقتي بخرايبو و انت على البر افسخي الخطوبة و خليه يشبع بالبنات لي يشبهولو فالطيور على اشكالها تقع
انت نقية و تستاهلي واحد نقي
الفايسبوك هذا ما يجي منو غير الهم

[حمودية]

و الله اذا من درك مراكيش ترقدي و تأكلي حبيبك هذا كالضرس المسوس الي يجي منو غير الالم الاحرى اذا متصلحش اقلعيه و هني راسك
و الله ان أخلصلك بعد العام الاول من الزواج راح يخونك فالثاني .................اسألي المتزوجة

[صفية1]

المشكلة ماش في الفايس بوك والا البنات المشكل باللي راو يكذب ..ويكذب عليك هاذي الصفة اللي ما نقدرش نحملها ...حتى لو صلحتي مشكل الفايس بوك هل ممكن ترجعي تديري ثقة في راجل كذب عليك ...المهم مهما شاورتي نحن بشر لا نعرف علم الغيب واش راهو يدير ، والمستقبل علاقاتكم كيفاه راح تكون وكيفاه راح يتصرف واذا راح يتوب وكيفاه هو يخمم ....لذا نقلك ادعي ربي بكثرة وصلي الاستخارة...ادعي لربي يهديه والا يبعدو عليك....ربي يكون في العون