أحتاج نصحكم ودعاؤكم

[مشكلتي]

السلام عليكم ورحمة الله
وصحا رمضانكم اخواني
شكرا على هاذ المجال لي فتحتوه باه كواحد يستشيركم ويطلب منكم النصح والدعاء
انا فتاة بعمري21سنة جامعية والحمد لله مشكلتي هي واحد يبغيني ونبغيه وربي يشهد ما غلطانا في حاجة يعني لقاء ومانلقاهاش نعرفو بعض بحكم انه من لافامي تاع ماما وهدرنا في الفيس بوك كلامنا في اول كان عادي بكل احترام ومزال هكا ونهار خبرني بلي يبغيني مام قالي بلي المشكل هو في اهله يعني باباه وجدي ماشي متفاهمين وقالي بلي قبل ما يعترف لي هدر لماماه عليا مي قاتلو مستحيل حاول باه يبعد عليا بصح ما قدرش وذروك وانا في الحالة رغم انو الصواب مام ما نحكوش في الفيس بصح يا خاوتي والله غي بزاف صعب والفت على اقل نقوله سلام وماظنوش فيا سوء ربي يشهد علينا ما خسرنا في كلمة بغيتكم تنصحوني وتدعولي معاكم ربي يسهلها عليا باسكو شي لي ورانا فيه صعيييب بزاف رجائي منكم دعوة وقت الافطار باه ربي يجمعني بيه في حلاله ولا يبعدنا على بعض وما نغلطوش لانو نفس صعبة
وجزاكم الله كل خير

[*أم سجى*]

اختي بما أنك جامعية احذري كل الحذر التفكير في الالتقاء به والتحدث معه وجها لوجه.......مجرد نصيحة فقط.......اما عن مشكلتك اخبريه ان يتقدم لخطبتك رسميا وان تم الرفض من والديك فاقطعي علاقتك به نهائيا....وان شاءالله ربي يسهللكم في طريق الحلال ويكون من نصيبك باذن الله

[- بصمة خير -]

امشي بعقلك فقط
ما ديريش حاجة تندمي عليها من بعد
و ما تنقاي كيفاه تصلحي الخطأ

ربي يسهل بيناتكم
و يجمعكم في الحلال
لكن حذاري
تضحي تضحيات تندمي عليها
و حذاري توقفي ضد اهلك على جالو
ماهوش زوجك
مازال اجنبي
نعرف الموقف صعيب
و مش ساهل
لكن كوني قوية
و امشي الطريق الصحيحة اللي ما تغضبش ربي
باذن الله تجتمعو بالحلال

[اريج 07]

ربي يجمعكم في الحلال

[Fidae Leen]

ربي يفرج عليك و يجمع بيناتكم فالحلآل ... إن سارت الأمور عكس مبتغاك تذكري " من ترك شيئا لله عوضه خيرا منه "

[sarah ortho]

صراتلي قصة تقريبا كيما انتي قطعت علاقتي بيه وادعيت ربي يبدلي ما خير ، في البداية صعيييب الحال او مبعد ربي بدلي ما خير وخير وخير والحمد لله راهو عندي 6 سنين زواج ونحب راجلي ونموت عليه. ربي يفرج