اريد طريقة صنع شاربات بوفاريك من فضلكم

[rachidara]

اريد طريقة صنع شاربات بوفاريك من فضلكم

السلام عليكم و رحمة الله

أنا دخلت لهاد المنتدى و عجبني بزاف

فيه الحلويات الجزائرية الجميلة و الأصيلة و العصرية ( من كل نوع )

أنا اليوم راني نحوس على الوصفة ديال شاربات بوفاريك (بالقارص)

اللي عندها الوصفة ياريت تنزلها في المنتدى للصالح العام

ندعولها بالخير في هاد الصيف الحار

و شكرا مسبقا

[المتألقة]

أين أنتم يا أهل بوفاريك ؟

[rachidara]

و لا واحد يعرف كيفية صنع شاربات بوفاريك بالقارص

لا توجد أي اجابة من فضلكم ماتحشمونيش

وين راكم ياناس بوفاريك و الجزائر العاصمة

[نجم البحر]

السلام عليكم أختي، لا تزعلي حبيبتي ، أنا عندي الوصفة و بإذن الله غدا سأقوم بوضعها في المنتدى ، تحياتي

[/زهرة عصفور الجنة/]

اليك الوصفة2حبات قارص لتر ماء باردسكر حسب الرغبة علبة ياغورت من المستحسن ياغورت تارت الليمون.نقوم ببرش الليمون وعصرم نضيف الماء والسكر والياغورت بعدها نصفيه البعض يحب نكهة الما زهر يمكن اضافة قطرات

[rachidara]

السلام عليكم و رحمة الله

الله الله عليك يا أختي أم منى و ياسين

نشكرك بزاف على هده الوصفة

جازاك الله كل خير و الله راني فرحانة بزاف

عندي مدة راني نحوس عليها هده الوصفة

نجربها ان شاء الله في اقرب وقت و نرجعلك بالخبر

[/زهرة عصفور الجنة/]

موفق في التحضير

[rachidara]

السلام عليكم

أخي نجم البحر أشكرك على الرد و الإهتمام بالموضوع

أنا مازلت في انتظار وصفتك الخاصة بشاربات بوفاريك

هكدا سوف أحضرها و احضر وصفة الأخت أم منى و ياسين ثم نقولكم شكون هي الوصفة الأحلى

إتفقنا أخي نجم البحر؟؟؟؟؟ :d

في انتظار الوصفة دمت في رعاية الله و حفظه

[rachidara]

اين انت يا اخي نجم البحر ؟؟؟؟؟ مازلت انتظر وصفة الشاربات

واقيلا راك نسيتنا

[نجم البحر]

المشاركة الأصلية كتبت بواسطة rachidara

اين انت يا اخي نجم البحر ؟؟؟؟؟ مازلت انتظر وصفة الشاربات

واقيلا راك نسيتنا

السلام عليكم أختي العزيزة ، أنا لم أنس ما وعدتك به ، و إنما بحثت على الوصفة و لم أجدها ، لا أريد إعطائك المقادير عشوائيا ، و لهذا اصبري قليلا حتى أتمكن من وضعها في المنتدى.
وعد الحر دين عليه.

[rachidara]

شكرا اخي نجم البحر على الإهتمام و الرد

فيما يخص الوصفة خد راحتك و حتى و لو لم تجدها مافيش مشكل

أنا راني قمت بنحضير وصفة الأخت أم منى و ياسين و جات هايييييييييييييييلة نشكر بزاف الأخت أم منى و ياسين جازاها الله كل خير

و إدا لقيت وصفة أخرى يا أخي نجم البحر و قمت بتنزيلها في المنتدى فسوف اقوم بمسابقة لمعرفة من هو احسن شاربات

جازاك الله كل خير يا اخي نجم البحر و الى الملتقى ان شاء الله

دمتم في رعاية الله

[fouad_setif]

لتحضير 2 لتر من الشاربات لابد arome citron +acide citric+ نصف كغ سكر + مايزينا(نشاء) + 3 حبات قارص + 2 لتر ماء
التحضير: ذوبي السكر في الماء ثم اضيفي ملعقة صغيرة ونصف اسيد سيتريك ثم اعصري حبات القرص في الخليط ضيفيلهم 2 مغارف صغار مايزينا ثم اضيفي اروم سيترون كما تريدين ان يكون اللون والذوق وحريكي الخليط جيدا وبالصحة والهناء ولا تنسون بدعائكم بارك الله فيكم .
ملاحظة: اسيد سيتريك و اروم سيترون يباع عند محلات بيع مواد الحلويات والاعراس وفيما يخص اروم سيترون انصح بشراء قارورة 1 لتر من نوع سوفاروم (3ملاعق كبار الى 4 يكفي لتحضير 2 لتر ) .

[kimou_dz]

الوصفة الحقيقية نادرة...................والله اعلم

[soltana]

جزاااك الله خيرااا ...

[ام احمد]

المشاركة الأصلية كتبت بواسطة منى2004

اليك الوصفة2حبات قارص لتر ماء باردسكر حسب الرغبة علبة ياغورت من المستحسن ياغورت تارت الليمون.نقوم ببرش الليمون وعصرم نضيف الماء والسكر والياغورت بعدها نصفيه البعض يحب نكهة الما زهر يمكن اضافة قطرات

لقد جربت هذه الوصفة و جاتني روعة جربوها ماتخافوش
شكرا جزيلا عزيزتي