احب امي و لكن

[مشكلتي]

السلام عليكم جميعا سادخل مباشرة في الموضوع
انا فتاة مقبلة على البكالوريا مشكلتي انني ارد الكلام على امي احيانا
صحيح ان امي عصبية و قاسية قليلا لكنني اعلم ان قسوتها علي ليست الا بسبب خوفها علي و حبها الشديد لي
لكنني احيانا لا اكون في حالة نفسية جيدة مع ضغط الدراسة وو و تاتي امي تصرخ علي دون سبب فارد عليها الكلام لكنني اندم بعد ذلك
و اذهب لاصالحها
ارجوكم كيف اتحكم في نفسي و كيف اكون بارة بامي و اكسب رضاها

[الأصيــل]

ولا تقل لهما أف ... أف

[kacimo.samy]

السلام عليكم
قبل فتح فمك حكمي عقلك فكري جيدا
اوزني كلامك
عند جرح شخص عمرها كلمة اسف تفي بالغرض
اطرقي مسمار في جدار ونبعد نحيه يبقا الاثر؟؟
ربي يسهلك ان شاء الله وينجحك في البكالوريا

[زبدة ذايبة]

مع حباباتك تضحكي وتلعبي

وتتحملي لعياط والتبهديل تاع الأساتذة.

وكي تدخلي للدار تولي غولة ووحش كاسر يأذي أقرب الناس إليه.

أنت بعيدة كل البعد عن بر الوالدين.

وراكي دخلتي من الباب الواسع في العقوق.

في النهاية لوكان ماتسقميش روحك ماتربحي لا دنيا ولا آخرة.

[بناتي نور العين]

الله يهديك ولا تقل لهما اف

ربناتك تعبت عليك و ممبعد تصرخ عليك و ممبعد تضربك

وهدا كلو لمصلحتك

الله يسنرنا في هاد الوقت

تزيدي تطلعي للجامعة تولي تضربيها

اسمحيلي في هاد الموضوع نكون قاسية

لانو في هاد الوقت الام راهي محقورة

ونتي حسابك مع الله و تاكدي انك لن تنجحي ابدا ان واصلتي بهذه الطريقة

روحي توبي لله و اطلبي السماح من والدتك

و ماتعاوديش تردي عليهاالكلام غلقي فمك و حطي راسك و قولي سمحيلي يا لميمة

الله يهدينا و يهديك

[mimi_belle]

الردود كانت قاسية عليك نوعا ما
لكن امك كي تزقي بزااااف اوتوماتيكنون الاولاد يخرجو يزقو لانو هذي هي البيئة لي ترباو فيها لغة الصراخ
امك بالاك ما عندهاش منهجية جيدة في التربية او ربما هي عصبية المزاج او لانها ما كبرتش في بيئة حسنة او هي تعيش ضغوطات نفسية لكن في جميع الاحوال يجب ان تكوني انت البنت المطيعة و بدلا من ان تردي عليها اصمتي و حطي راسك و تم تشوفي بلي هي بروحها راح تتغير و تراجع نفسها في المرات الجاية