حريرة الروز من مطبخ سمراء الدنيا

[سمراء الدنيا]

[B]

بغيت نفيد البنات الجديدات في عالم الطبخ بطريقة تحضير حريرة بسيطة و لذيذة
المقادير
قطع لحم أي نوع
كمشة حمص مشمخ ومنقي
كمشة عدس مغسول
بصلة صغيرة محكوكة
قصبر+كرافس مقطعين رقاق
زيت+ملح+فلفل+كركم+كمون+ رأس الحانوت
حبة طماطم محكوكة+2مغارف كبار طماطم مصبرة
ملعقتين كبيرتين روز
2ملاعق كبيرة فرينة

التحضير
نضع الزيت في الطنجرة و نقلي قطع اللحم مع البصل جيدا

نضيف الطماطم المحكوكة و التوابل ثم الحمص و العدس و القصبر والكرافس ونقلي جيدا

ثم نمرق بلترين ماء و نضيف الطماطم المصبرة و نغلق الطنجرة .

نخلوها حتى طيب المقادير جيدا .... نرمو الروز

و نذوبو الفرينة في شوية ماء

ونضيفوها للطنجرة مع التحريك و نخلوها طيب حوالي 15 دقيقة

نحضرو القوام اللي هو أوراق قصبر + 2 سنات ثوم شوية كمون و على راس الملعقة قرفة
ندقوها في المهراس و نضيفولها شوية طماطم مصبرة حسب الحاجة
و نرميوها في الحريرة دقيقة و نطفيو

(طبعا نذوقو الا خاصها حاجة نزيدولها )
بالهناء و الشفا

[/B