عندي مشكلة وحابة تعونوني ربي يجازيكم
انا طالبة جامعية في سنة ثانية عمري 22 سنة نة لي على قدر من الجمال وخجولة جدا مشكلتي ليس عندي خظ مع البنات قضيت مرحلة الثانوية بدون صديقة وفي البيت لا توجد عندي صديقة ت وامي متوفية مند ان كنت صغيرة وعندي اخ واحد من امي وهو اكبر مني وعلاقتنا جيدة الحمد الله فهو الوحيد في الحياة الدي جيد معي يدللني ويشتري لي ملابس ويوصلني احيانا الى الجامعة وينصحني ويقولي لازم تقاري ولازم تخدمي وابي كانه غير موجود وكاننا لسنا اولاده متزوج امراة اخرى وزوجة ابي لا تتحلمنا انا واخي فاخي لما كان صغير استغلته وعملته خادم تبعثه وين ماتحب وخرجته من المدرسة رغم انه كان مجتهد ولما صار مراهق صار يخدم عليها يخدم مسكين كي الجمل ودارهم تاكلهم هي يعني استغلته اسوء استغلال وهو لتضرر منها كثر ولكنه الان يرد عليها الهدرة .اما انا فكانت تحب تخرجني ثاني باش نخدم شغل دار ووحبستني مقريتش سنتين باش نخدم عليها كي كنت صغيرة وابي كان موافق لانها كان ب اولاد وزعم باش نعاونها وانا كنت صغيرة ومرحمتنيش ولكن اخي رفض بشدة وهو لدافع علي لحتى اكمل دراستي وكي يلقاني دركا نخدم عليها شغل دار يزعف ويقلب دار ويقولها هدي تقرا خلي بنتك لاخرى تخدم ماشي برك غير هادي مع العلم ان زوجة ابي عندها بنت خرجت من المدرسة اصغر مني ب 4 سنوات ولكن ماتخدم والو انا نجي من الجامعة ونخدم شغل وهي لالا واخي كيلقاني هكداك يغضب بزاف وبالاول هدد ابي انه يروح يخرج من دار ويكري دار ويديني انا ثاني نسكنه وحدنا بصح بابا رفض بصح زوجة ابي حابة بزاف تخرجنا من دار وتديرها بلعاني كلما تشوف خويا تدخل تصرخ علي باش خويا يتقلق واخر حاجة درتها مرت بابا هي انها رفضت زواجي جابلي خالي راجل يسكن في انجلترا لاباس بيه صحيح انه يكبرني ب 13 سنة بصح قاري ووسيم يعني عريس ميتعوضش وانا لاني صديقي الوحيد بدنيا هو خويا وانا موالفة نحكيله حكيتله فطلب انه يحكي معاه الاول وحكا معاه وقالي خويا بلي يبان ناس ملاح وطلب مني اني نحكي معاه وحكيت معاه وتفقنا بلي يستناني حتى نخلص قريتي لانه خويا رفض انه نتزوج قبل مانجيب دبلوم وهدا راجل قبل بصح يجي دركا يخطب وتفقه مع خويا وكي حددنا الموعد خويا قال لبابا بلي غادي يجي واحد يخطبني ومرت بابا فرحت لحتى تتهنى مني بصح كي جا وعرفت مرت بابا كامل هدا المميزات زعفت بزاف وبدات تقولي ماينسبكش كبير عليك بلاك راه متزوج ماتمنيش بدات تدخلي راسي حوايج غريبة وانا صدقت اهدرتها وليت نشك ويمبعد قالتلي عطيني رقم نعيطله ونعرف اد مليح ولالا انتي ماتعرفيش وعطيتها رقم وزعم درات روحها في هديك الفترة كي شغل ماما تحبني وحتى سمعتها هي وبنتها يحكيو كانت تقولها واش قالك وهي قالتها ولو كان مايقبلينيش وقالتها امها غادي يتزوج بيك هدا يناسبك انتي ماشي انتي وجه انجلترا ماشي هديك كي سمعتها تشوكيت نتاع صح وصابني مرض شفت دنيا كحلة وحكيت لخويا كي جا زعف عليا قالي علاه تصدقي هدرتها علاه تعطيها نميرو وراح عندها تدبزو وقهي نكرات وخويا قال لبابا بصح نكرت كلشي وبدات تبكي قدام بابا وانا سمعتها بوداني بصح خويا شد عليها صحيح ومبعد هي قالتله ايه هو غادي يتزوج بنتي انا اد معجبكش الحال خرجوا من داري وهدا كله بغياب ابي لانه لما يكون ابي موجود تدير روحها ملاك واخي قرر انه ننتقلو من دار ونكريو وحدنا وامرني انه متنحكيش اسراري لحتى واحد فدار بصح المشكل كي سمع بابا بالقرار رفض بزاف وقال لكان تخرجه غادي نتبرا منكم ناس واش غادي تقول تقول بلي باباكم لطردكم وقالنا مرتي مليحة معاكم انتوما لتديرو مشاكل مع انه تبعنا ونقوله مرتك ماشب مليحة بصح محبش يصدقنا واش ندير خويا شد صحيح وبابا شد صحيح ثاني وخويا قالي انا غادي ننتقل انتي حبيتي ارواحي واد مجتيش متبكيش علي واي حاجة تصيرلك انتي المسؤولة عليها انا علبالي لو كان نقعد في دارنا حياتي غادي تخسر ولوكان نروح مع خويا بابا غادي يتبرا مني وخايفة دعاوي نتاع الوالدين نصحوني راني في حيرة وراجل المغترب خلاني وراح وحتة اختي هرب منها واصلا كيما فهمت ممدلهاش الوجه . انصحوني بارك الله فيكم
( تقرير عن مشاركة سيئة )، و الموجودة أسفل كل مشاركة .
2018-02-25, 13:25
انصحوني
العرض العادي
