طعام او سكسو باللحم مرقة حمرا و خضار بطريقة الاعراس القبائلية

[انا هي رزيقة]

السلام عليكم . اليوم جبتلكم الطعام او السكسو بااللحم بالمرق الاحمر و الخضار طبقي المفضل على الاطلاق . راني طيبتولكم بطريقة الاعراس القبائلية طريقة ساهلة و بنينة موووووووت غير امنوني و اتبعوني ....خخخخخ

هذي المقادير نظن انها واضحة بلا منهدر بزاف
هذي مقادير لعائلة متكونة من حوالي 12 فرد و انتوما عينكم ميزانكم نقصو او زيدو

نبداو على بركة االله

خذي قدر مليان الى النصف بالماء و حطيه يغلي
و نقي كامل الخضار تاعك و غسلي اللحم

كي يبدا الماء يغلي ارمي فيه االلحم تاعك مع الحميصة و البصل و الطماطم مقطعين صغار مشي مرابييين باه جيك الصوص صافية جميلة

ثم زيدي الملح و فلفل اكحل و فلفل عكري و راس الحانوت و كسبر و ملعقة كبيرة طماطم مصبرة . هنا نقولكم ملاحظة في إحدى العطل رحت لسطيف شريت من ثم توابل يقولولها "افاح " و درت بهم طعام خرجلي هبال و االله سكر . اذا لعندها افاح تديرو و بنة طعامها مضمونة.

بعد ميعاود الماء يغلي و التوابل تبدا تفحفح حطي الزروديا

و خلي المرق يطيب على نار متوسطة . في هذا الاثناء نغسل الطعام تاعي و نحطو يستقطر في كسكاس و نحط ثان اللوبيا تاخذ غلوة وحدة في كاسرونة باه يتنحالها هذاك الماء لخضر باه ميخسريش المرقة ثم نخليها بجيه

نفرغ السكسو تاعي في قصعة و نفتح الحبات ما بين صباعتيا و نحطو يفور التفويرة الاولى كي يفور مليح نرميه في قصعة و نحطلو الملح ثم نفرغ الماء بالشوية حتي يولي شغل راه مشمخ و ثقيل شوية ما بين يديك هنا زيدي فيه حوالي 3 مغارف زيت زيتون و خلطيهم مليح و غطي عليه بقماشة نظيفةالمرقة تكون راهي تطيب منذ حوالي 30 دقيقة نرمي فيها اللوبيا. و هنا نسيت االلفت في المقادير زدت رميته مع ديك االلوبيا و نخليهم يطيبو مع بضاهم. بعد حوالي 15 دقيقة زيدي الكورجيت مع البطاطا . و خلي يزيدو يطيبو
الهدف من وضع الخضار واحد تلو الاخر هو باه كل خضرة تحتفظ بالقوام تاعها و متذوبش في الصوص . بعد حوالي 15 دقيقة طلي على الصوص تاعك و ذوقيها و شوفي كاش متزيدي ملح او توابل او ماء لازم الماء يكون مغلي و شوفي اذا االلحم طاب ايضا .
هنا خلاص طابت المرقة تاعي هاوليك الطعام وجد مدو يديكم متحشموش لي يحب يزيد المرقة هايليك تم بحمد االله و لي عجبها الموضوع دعوة خير ليما لي علماتلي الوصفة و ليا كطبقتها بحذافيرها تكفينا و لكن بالمثل حبيباتي

نزيدلكم هذه الصورة لطعام بنفس الوصفة فقط مدرتش اللفت

[ام محمد 05]

باركك الله فيك وفي اهلك روووووووووووووووعة سلمت يمناك حبيبتي تستاهلي الف جااااااااااااااام

[oum ibrahim]

يعطيك الصحة رزيقة فعلا يشهي ربي حفظلك الميمة و يطول في عمرها و يرزقك الي في بالك يااااااااااااااااارب

[prettylady]

يعطيك الصحة راهو يشهي و زاهي بالالوان
تسلم الايادي أختي

[om_nour]

اللَّهُمَّ اقْسِمْ لَنا مِنْ خَشْيَتِكَ مَا تَحُولَ بِهِ بَينَنَا وَبَينَ مَعَاصِيكَ، وَمِنْ طَاعَتِكَ مَا تُبَلِّغُنا بِهِ جَنَّتَكَ، وَمِنَ اليَقِينِ مَا تُهَوِّنُ بِهِ عَلَينَا مَصَائِبَ الدُّنيَا، وَمَتِّعنَا ا

للَّهُمَّ بِأَسْمَاعِنا وَأَبْصَارِنا وَقُوَّاتِنا أَبَداً ما أَبْقَيْتَنا، وَاجْعَلهُ الوَارِثَ مِنَّا، وَاجْعَل ثَأرَنا عَلَى مَنْ ظَلَمَنا، وَلاَ تَجْعَلْ مُصِيبَتَنا فِي دِينِنَا،

وَلا تَجْعَل الدُّنْيا أَكْبَرَ هَمِّنَا، وَلاَ مَبْلَغَ عِلْمِنَا، وَلاَ إِلىَ النَّارِ مَصِيرَنا، وَاجْعَل الجَنَّةَ هِيَ دَارَنَا، وَلاَ تُسَلِّطْ عَلَيْنَا بِذُنُوبِنا مَنْ لاَ يَخَافُكَ فِينَا وَلاَ يَرْحَمُنَا،

بِرَحْمَتِكَ يَا أَرْحَمَ الرَّاحِمِين.

[أم سدرة]

امممممم زقزوقة يشهي وربي يحفظلك لميمة ويطول في عمرها إن شاء الله

[انا هي رزيقة]

المشاركة الأصلية كتبت بواسطة ام محمد 05

باركك الله فيك وفي اهلك روووووووووووووووعة سلمت يمناك حبيبتي تستاهلي الف جااااااااااااااام

يا عمري على امال انتي لي تستاهلي الف جام على تشريفك ليا بدخولك موضوعي حبيبتي و الروعة روعتك يا احلى امولة ربي يعيشك اختي

المشاركة الأصلية كتبت بواسطة oum ibrahim

يعطيك الصحة رزيقة فعلا يشهي ربي حفظلك الميمة و يطول في عمرها و يرزقك الي في بالك يااااااااااااااااارب

ياي ماتتصوريش شحال فرحتيني بدخولك ام ابراهيم نورتي موضوعي يا ملكة الباتسري و الحلو و المالح مخليتيلنا والو .... خخخخ شهيتك في الجنة حبيبتي و ربي يحفظلك ميمتك انتيا ثان اختي

المشاركة الأصلية كتبت بواسطة prettylady

يعطيك الصحة راهو يشهي و زاهي بالالوان
تسلم الايادي أختي

تسلميلي على دخولك العطر يا سيدتي الجميلة الف شكر لك على دخولك موضوعي حبيبتي

المشاركة الأصلية كتبت بواسطة om_nour

اللَّهُمَّ اقْسِمْ لَنا مِنْ خَشْيَتِكَ مَا تَحُولَ بِهِ بَينَنَا وَبَينَ مَعَاصِيكَ، وَمِنْ طَاعَتِكَ مَا تُبَلِّغُنا بِهِ جَنَّتَكَ، وَمِنَ اليَقِينِ مَا تُهَوِّنُ بِهِ عَلَينَا مَصَائِبَ الدُّنيَا، وَمَتِّعنَا ا

للَّهُمَّ بِأَسْمَاعِنا وَأَبْصَارِنا وَقُوَّاتِنا أَبَداً ما أَبْقَيْتَنا، وَاجْعَلهُ الوَارِثَ مِنَّا، وَاجْعَل ثَأرَنا عَلَى مَنْ ظَلَمَنا، وَلاَ تَجْعَلْ مُصِيبَتَنا فِي دِينِنَا،

وَلا تَجْعَل الدُّنْيا أَكْبَرَ هَمِّنَا، وَلاَ مَبْلَغَ عِلْمِنَا، وَلاَ إِلىَ النَّارِ مَصِيرَنا، وَاجْعَل الجَنَّةَ هِيَ دَارَنَا، وَلاَ تُسَلِّطْ عَلَيْنَا بِذُنُوبِنا مَنْ لاَ يَخَافُكَ فِينَا وَلاَ يَرْحَمُنَا،

بِرَحْمَتِكَ يَا أَرْحَمَ الرَّاحِمِين.

الف الف شكر على تعطيرك لصفحتي بهذ الدعاء الجميل اختي ام نور ربي ينور ايامك بنوره يا رب

المشاركة الأصلية كتبت بواسطة أم سدرة

امممممم زقزوقة يشهي وربي يحفظلك لميمة ويطول في عمرها إن شاء الله

الفين اهلا و سهلا بام سدرة في موضوعي البسيط نورتيني و شرفتيني حبيبتي ربي يفرحك كيما فرحتيني و ينولك لي في بالك يا رب

[wahibaazel]

ربي يحفظها الوالدة ويديم عليها الصحة والعافية ويرزقها صحبة النبيين والاخيار.
ياااه يازيييكا تحححححفة تسلم الايااادي،البربوسة راهي راح تنطق واول مرة نسخخخخخخف على البربوشة لاني متأكدة بلي بنيييببببنة،وباذن الله نطبقها كي نشري اللحم.

[omjoujou]

اممممم زقزوقتي الله الله على هذيك البربوشة تقتتتتتتل يعطيك الف صحة
وربي يحفظلك لميمة ويرزقها حجة

[ام هدول]

ربي يحفض لميمة ويسلم يدها على البربوشة ....تشهي
مديلها بوسة على الجبين تقديرا واحتراما لها

[oum Haroun]

ماشاء الله سكسو بطبع ربي اخليك و يعطيك ماتتمناي

[Fifilondon]

الله يبارك اختي يشهي انا نموت على لسكسو بالمرقة الحمراء لكن عندي سؤال شفت بلي ما قليتيش اللحم والبصل في الزيت قبل ما تمرقي يعني رميتي مباشرة في الماء يعني متعودين نقلو مليح على نار قليلة باه تجني بنية زعمة ههههه

[انا هي رزيقة]

المشاركة الأصلية كتبت بواسطة wahibaazel

ربي يحفظها الوالدة ويديم عليها الصحة والعافية ويرزقها صحبة النبيين والاخيار.
ياااه يازيييكا تحححححفة تسلم الايااادي،البربوسة راهي راح تنطق واول مرة نسخخخخخخف على البربوشة لاني متأكدة بلي بنيييببببنة،وباذن الله نطبقها كي نشري اللحم.

يا عمري على وهيبة تعيشي حبيبتي و االله حشمتيني بكلامك الجميل و الراقي الف شكر على الدعاء ربي يحفظلك الوالدة الكريمة و يرزقها حجة يا رب و يا ريت ترجعيلي لخبار كي تطبقي الوصفة راني نعرف طيابك الزين و علابالي بلي يجيك احسن مني ربي يحفظك اختي

المشاركة الأصلية كتبت بواسطة omjoujou

اممممم زقزوقتي الله الله على هذيك البربوشة تقتتتتتتل يعطيك الف صحة
وربي يحفظلك لميمة ويرزقها حجة

و االله انتي لي قتلتيني بكلامك الجميل يا احلى فحلة في الجلفة وين تجي البربوشة تاعي قدام طعامات و شخشوخاتك الزينين و البنان اكيد ربي يحفظك ام جوجو و يحفظلك الوالدة الكريمة يا رب

المشاركة الأصلية كتبت بواسطة ام هدول

ربي يحفض لميمة ويسلم يدها على البربوشة ....تشهي
مديلها بوسة على الجبين تقديرا واحتراما لها

يا مامي على ام هدول شرفتيني و نورتي موضوعي بدخولك حبيبتي شرف ليا اني نشهي طباخة مثلك و االله انا من المعجبات الكبيرات باكلك اختي

المشاركة الأصلية كتبت بواسطة oum haroun

ماشاء الله سكسو بطبع ربي اخليك و يعطيك ماتتمناي

ربي يبارك فيك ام هارون تعيشي اختي على الاطراء الجميل ربي يحفظك حبيبتي

المشاركة الأصلية كتبت بواسطة fifilondon

الله يبارك اختي يشهي انا نموت على لسكسو بالمرقة الحمراء لكن عندي سؤال شفت بلي ما قليتيش اللحم والبصل في الزيت قبل ما تمرقي يعني رميتي مباشرة في الماء يعني متعودين نقلو مليح على نار قليلة باه تجني بنية زعمة ههههه

يهلا بيك في موضوعي يا فيفي نورتيني حبيبتي .ايه صح حنا في بلادنا منقليوش مرقة السكسو و صدقيني راهي جي بنينة سكر لانو البنة راهي في اليدين .....خخخخ ... لالا صح مني اختي الطياب راه كيما يقولو المصريين نفس و على كل حال اكيد المرقة جي بنتها خاصة كي تقليها و بنينة اكيد . و نزيدلك ملاحظة هذ الطريقة متبعة في الاعراس يعني كي تكون كمية اللحم و البصل كبيرة فاكيد من غير ميتعبو روحهم في القليان الماكلة رايحة جي بنينة بفضل كمية االلحم الكبيرة

[روعة الصحراء]

بارك الله فيكي ربي يسعدك دنيا واخرة

[**وحدها غريبة **]

تتتشششششهييييي يعطيك الصحة اختيي