تابع ل حائرة في أمر خطوبتي ساعدوني

[مشكلتي]

السلام عليكم
أنا صاحبة هذه المشكلة:
https://www.djelfa.info/vb/showthread.php?t=1672631
شكرا لكل من رد على مشاركتي
كاين الي سقساوني على مستواي الدراسي أنا درست في المدرسة العليا للأساتذة تخصص انجليزية وتخرجت العام الماضي
وانا ذكرت من قبل اني صليت صلاة استخارة وبعدها وافقت ولكن بعد مدة ما حسيتش بالراحة
والي قالولي مش عاجبك شكلو بالعكس تماما هو على قدر من الجمال ما شاء الله
وأيضا كاين الي قالولي على مستواه المادي أول حاجة هاذي ما تهمنيش ولكن هم من الأغنياء في ولايتهم
وكاين حاجة وخدوخرا أنا شارطة خدمتي و كي قتلو واش رايك قالي انا من عندي نورمال بصح نزيد نسقسي ماما وانا على ما أظن هاذي حاجة تخصنا حنا برك ولا علاقة لأمه بها يعني بعد ما قالي كما هاك حسيتو نتع ماماه في كل شي يشاورها ويدي رايها حتى اذا كانت هاذي الحاجة تخصنا برك كعملي مثلا هاذي النقطة بالضبط نحوس على رايكم فيها
وشكرااا لكم مسبقا وان شاء الله ربي يجازيكم

[fatah0099]

الزواج يجب ان يكون على قناعة..اذا مقتنعة بيه وبشخصيتو وشايفاتيه قادر يتحمل مسؤولية عائلة اتكلي على ربي..اما اذا ماكش مرتاحة او عندم شكوك او مترددة..يا اما تحاولي تفهميه اكثر يا اما تخليه..وربي يجيب الخير نشاءلله...

[اياد حياتي]

صراحة العمل يكون يخصكم انتو الاثنين ولا دخل للوالدة فيه وربي يريح بالك

[عبد الله 22]

عفوا ضحكتني نزيد نسقسي ماما تخيلتو تلميذ بصرحة هذه من المبادئ الذي يجب ان يقف عندها الرجل المراة عاملة او لا امه قد يكون لها دخل في امور بسيطة هذا من المرجح أنتاع مامها لا يعول عليه حاولي ان تتأكدي من هذه النقطة

[amineb64]

و علاش تعايروه يا ناس وليد ماماه ماهوش راجل الله يهديكم ولداته و كبراته في الاخير امر زواج ما يشاورش الوالدة لي سهرت عليه ليالي انا شخصبا نشوف تفكيره سليم 100
قاع ولاد ماماتنا و انا شخصيا نقولها مااااااااامممااااا وين راه المشكل و ناخد رايها و نشاورها علاش لا مازال تولدو و تكبرو و تحسو بولادكم الجنة تحت اقدام الامهات
هو قصدو يشاورها ما تفهميش غلط ادا بالك ولد ماماه ماهوش راجل غدوا تكبري ولادك انشاء الله و تعرفي كاين فرق انه يشاور و انه يعمل بيما تقول و ماتحكميش عليه في موقف واحد برك نتي شدي فالقرار نتاعك و خليه يشاور ادا ماقبلتش شدي فالقرار و قولي ماتفاهمناش و خلاص

[نارينا]

المشكل الاساسي لايكمن في العمل أو في أمه ..المشكل يكمن في أنك تخلقين مبررات لكي تقنعي نفسك أولا والناس ثانيا أنه غير مناسب لك ..أي انك لم ترتاحي له ...الحل التخلي عنه وأدع الله أن يعوضك بمن ترتاحين له وهناك حتى لو قال نشاور عمتي راح تبلعيها برضا منك لأنك بالاساس تريدين ذلك الشيء ...

[hanin h]

نزيد نسقسي ماما؟؟؟؟؟؟؟ من أكثر الصفات اللي تنفر في الرجل يكون عديم الشخصية (ولد أمو،أو أبوه ،أو أختو ،أو......) +ويكون بخيل لا تتسرعي عندك حياة وحدة ماشي 10 ،صلي صلاة الاستخارة مرة و2 و3 ....وربي يسهلك، هذه حياتك و القرار لك.

[aya911]

جابلي ربي هاذي تساعدك أكثر مما تضرك.
اذا قبل بعملك فما مشكلتك من الزواج به.
و اذا كان تاع ماماه، نهار تموت يماه لمن يولي ؟ يولي تاعك و تحكمي فيه لالا

[zalamite]

المشكل ليس في ماما و لا بابا المشكل انك مازلت صغيرة في بداية العشرينيات حتى نظرتك للاشياء مازالت ضيقة ..تعتقدين انك تستطعين ان تحصلى على احسن من هدا الشخص لكن ربما ستجبرك لايام على القبول بما هو اقل بكثير مما لديك اليوم ادا لا تتسرعي و ابني قناعاتك على امور موضوعية و لا ترفضى الشخص لاسباب و همية او تافهة ادا كان هدا الشخص و ليد فاميلية او متربي لما لا. توكلى على الله

[coolman31]

هههههههههههههههههه

ماما ... أريد أن أسأل هل قال لك بالحرف الواحد انه يريد أن يسأل ماما

هههه

[saidi2007]

وين المشكل كي شاور امه ولا عيب

[DJ-aminoo]

السلام عليكم
اول حاجة لازم تفهميها هي انك رايحة لبيت اخر غير بيتك في هذاك البيت فيه قوانين لازم تحترميها مدام انك رضيتي بالزواج بيه
اما قضية يشاور امو معناه انو راه انسان يفكر و حاب يرضيك ويرضي الاهل تاعو باه من بعد ما يكون حتى مشكل ولا كلام زايد ونأكدلك بلي رايح يقوف معاك
هذا الانسان يا اختى راه دبلوماسي كبير ويعرفلها تحية كبيرة ليه على الرغم انى منعرفوش
________________________________________________

اما انت فلو جيت نعرف خطيبك رايح ننصحو انو هو ليفسخ الخطوبة معاك مش انت لانك من كلامك متسلطة وتحبي ترفضي رايك وافكارك يعنى عندك نوع من الغرور او ثقة زايدة في نفسك ربما لمستوى التعليمى تاعك لخلاك تعتقدى هذا وانا نظن في نفسى والله اعلم انك عندك خيار اخر المهم نبهك من درك انو الانسان كيما هذا مستحيل تسيطري عليه وتفرضي افكارك عليه وتذكرى هذا الرد ان كان الزواج مكتوبكم
__________________________________________________

نصيحتى ليك اذا راكي مقتنعة الله يبارك مبروك اذا العكس درك خير من غدوة هو ربي يجيبلو بنت الحلال من مكان اخر وانت ربي يجيبلك ولد الحلال ايضا

[OM AYA]

يا اختي عادي يصقصي يماه والظاهر انك حمقتي وكثرتي عليه بخصوص الموضوع ولا طريقة طرحك للموضوع كانت غالطة حسستيه بلي هادي حاجة كبيرة وخطيرة ولازم فيها تشاور وتحاور كبير والسيد توسوس وو خاف قال بالاك لازم نشاور يما كي شغل مهر ولا ذهب

عااااادي ما تكبريهاش وصدقيني اذا فعلا ما كانتش حابة وخلاك رغما عنها راح تمشكلهالك برضاها خير

سلاااااام

[hamza18]

بصراحة هدا يبان علية ابن مماه انا منحبش انوا اموا تدخل في الامور الي تخصنيني خصوصا العمل عليها لنقولك اخطيك منو ورغم دللك يمكن يكون انوا مماه كلش هي في حياتواوانوا يقدرها بزاف

['مــــــــــــرجان نينو']

سلام عليكم ورحمة الله وبركاته .

ايو زمن وصلنا له حاليا والله قمة عالية في المتسوى الاخلاقي . تنادون الرجل الذي يبر والديه بالرجل ابن ماماه . ايوه يا اخي ابن ماماه وعنده الحق.

اصلا وشكون لي جابه . اننتي ؟ ام انت؟

بالاضافة لذلك انا نقولها مفيش حب اعظم واجمل واحق من حب الأم . واحد مايقلي حب زوجتي والأخر حبيبتي . وراك تخلط كل وحده في مكانه . لالا مانيش نخلط .

علبالي كل واحد في مكانه . بصح باش نجي نشاور والديا لي وصاعليهم ربي سباحنه وتعالى تقولو عليه ابن ماماه .!!!!!!!!!!!!!!!!!!! هذي ابد ماتصيرش !@!.

غدا لاسامح الله الزوج رحل يعني توفى وشكون لي تفكره؟؟؟؟؟ ؟؟ انت تربطين العدة وعام وعامين وثلاث وتعدين الزواج وتنسايه!!!!!!!! . لكن أمه لاتنساه ابدا .

---------------------------------------------------------------------------------------------------------------------------------
ومن خلال كلامك يظهر لي انكي متكبرة وخائفة من مستواك !!!!!!!!!!.

وانا هذا الشخص لي خاطبك رجل شهم وفيه الخير كثيرا + بار بهم . وتحية ليه مني شخصيا .

انتم بنات حوى تحبون الرجل الذي تلبسونه كخاتم .

ما اخطركم بلــــــــــــــــــيس دخلتوه في قارورة.

---------------------------------------------------------------------------------------------------------------------

اختي مايغرش مستواك ومايغركش الجمال ومايغركش المال ======| لي تهمك الاخلاق.

احمدي ربي راه جاك خطاب فيه بنات راه تحلم برائحة خطاب . لذى راجع الموضوع ونفسك جيدا .

غدا تنجبون الاولاد وتربون الكبدى وتشوف كيفاه يصير؟؟؟؟؟؟. احكو ظرك انت في حرية . لكن متنساوش قاعدة (كما تدين تدان).

ومانحكيش على الوقت هذا لي رانا فيه + واش رانا نشوفو مايحصل من مفاسد وتيرج وزنى وانحطاط و...الخ

ومن هذا المنطلق نقول للنساء بأن لي تزوجت راهي تسترت .

والحديث قياس .

وسلام عليكم ورحمة الله وبراكته .

ربي يفتح عليك وعلينا أجمعين .