مشكله اختي

[مشكلتي]

الحمد لله الذي لا إله إلا هو
أريد كتابة مشكلة وقعت فيه أختي و أتمنى أن أجد آراءا صادفة من عندكم بعيدا كل البعد عن التهكمات ....
لدي أخت قي قمة الأخلاق و ألاداب ..لكن
لكن غرها الشيطان و تعرفت على شاب و الفراغ العاطفي خلاها تهدر معاه في الهاتف .....----
و آخر مرة تلاقات معاه ...كانت تمشي في الطريق العام فجأة فات خويا بالسيارة و شافها أخي لم يتحمل المنظر و لم يصدق ما رأته عيناه ........
خبس السيارة و تحدث مع الشاب و قال له إن كنت إبن عائلة تعال و إخطبها الشاب أخبره أنه بصدد التحظير لذلك
أختي شبعت بكا .......و اخبرت أمي بالموضوع أمي أصيبت بالصدمة لأنو أختي هادي تحشم بزاف و جامي خلطت ة هدرت في الهاتف لم نفهم كيف غلطت هاد الغلطة
المهم أمي طلبت مني الإستفسار عت الشاب فقمت بدلك
مواصفات الشاب هي :
- مستوى التاسع أساسي ----------------------أختي جامعية .
- ماشي خدام يخدم بالكونترا حاليا راح طباخ في الإبتدائي .... أختي موظفة و مرسمة
- لديه 07 أخوات بنات 5 متزوجات 02 مريحات في الدر...
-----------------+++++++++++++++++++
أريد أيضا إخباركم بشيء حدث لها مع هاد الشاب أختي هادي تعرفت عليه عام
مرة كان لدى أختي هاتف samsung degital جديد ...هاد الشاب طلب منها أن تعيره الهاتف و يرجعه إياه ..تبادلو الهاتف هو أعطالها هاتف قديم ماعند حتى option و هاتف أختي جديد و متطور
وأخبرها انو راه يرجعها إياه يصور قي العرس و يرجعهولها
بعد مضي مدة الشاب أبى أن يرجع الهاتف يعني خدها أخذ منها الهاتف و إختفي ......و مع مضي مدة عاد و راه يحكي معاها ..........و هي لغبائها و سذاجتها عادت تتكلم معاه ...
...................
موضوع الهاتف أقلقني كثيرا بيني بلى هاد الراجل ماشي راجل يبروفيطي فيها فقط كي شافها خدامه و نية حب إخدعها و يستغلها ...
هاد ممشكلة أختي
أمي لم ترتح للشاب و أخبرتني أنها لن تتزوجه و لو إنقلبت السماء ..أما عن أخي أمي أخبرتني أنها سوف تتحدث إليه .. و لا أنا و نريد إبعاد أختي عنه و حتى إن طلبها رسميا لأنه ماشي خدام و لن يظمن لها العيش الكريم ..
للعلم أختى لا تريد الحديث عن الموضوع كرهتنا حياتنا شادة الغرفة تاعها و ماتخرجش منها
.................
...............
مارايكم في مواصفات هاد الشاب
واش رايكم و لو كنتم في بلاصتي واش ديرو

[مراد سابقا6]

اختك صاحبة خلق ودين

وفي نفس الوقت تخالط الرجال وتتحدث معهم وتمشي معهم في الطرقات والله اعلم ان كانت هناك أمور اخرى

سؤالي فقط :

فرضا اختك هذه لم يتزوجها هذا الشخص

واتى شخص آخر وخطبها :

سيقال له من المجتمع مبروك عليك تزوجت ذات الخلق والدين وهي كانت تصاحب الشباب من قبل

نحن في من الخداع وأنا قررت عدم الزواج هنا والزواج من اجنبية أنتهى

[" أبو عبود"]

اللي فات فات. الشيء اللي مش دايرة حسابه أنه اخذ هاتفها واستخرج صورها وصور عائلتها وسوف يستعملها ضدها باش يستغلها ماديا أو حتى ................... وهذه هي المشكلة الحقيقية.
مدام ماجاش من الباب يعني هذا مش تاع زواج. وخوك راه كان في قمة الرجولة كي تصرف هكذا وقسما لو كنت مكانه نذبحهم في زوج.
لازم أمك تروحتجيب الهاتف وتحذره انه سوف تبلغ الشرطة في خحلا ظهرت اي صورة لابنتها او لعائلتها في اي مكانم وانه المسؤول.
وقلي لاختك تقطع علاقها بيه نهائيا واذا استلزم الامر تخبر خوك يدير حل بدون مشاكل كي يتوقف عن مضايقتها.

[فارس وجواد]

قصص مألوفة و متشابهة المتغير فيها أبطال القصة فقط :
أنا فتاة مثقفة و متزنة , قمة في الأخلاق و الإحتشام , و الكل يشهد على ذلك , لكن ذات يوم أصابني فراغ عاطفي , و غرني الشيطان ,
فتعرفت على شاب صدفة , و أعطيته رقم هاتفي صدفة , و بعدها تكلمنا في الهاتف صدفة , و ذات يوم طلب مني اللقاء ,
فإلتقينا في الشارع صدفة , و مشينا مع بعض صدفة , (و لكن الله عز و جل أحيانا يفضح عبده) , مر أخي علينا صدفة , و رآنا مع بعض صدفة ,
.
لدي تعليق بسيط على تصرف ذلك الأخ , المفروض منه أنه أقل شيء يلقنهما درسا لن ينسياه و يكونا عبرة لمن يعتبر أو تعتبر , و لكن هو
بكل بساطة و برودة أعصاب قال لذلك الشاب الذي وجده مع أخته , إذا كنت ناوي الحلال , تعال أخطب ,( أي نية و أي حلال يا أخي الكريم و السيد يمشي مع أختك في الشارع , هذا عرضك يا أخي العزيز ) .
ذهبت الغيرة و النخوة في بعض الآباء و الإخوة ,( حتى لا نعمم لأنه مازال هناك نخوة , فقد حضرت لموقف مشابه , رفعت فيه القبعة لذلك الأخ إحتراما له ) .
و ما نراه اليوم من مناظر و كوارث إلا نتيجة لسكوت بعض أولياء الأمور ,
حتى أصبح الحديث في الهاتف مع شاب غريب , و المشي معه في الشارع , أصبحت من توافه الأمور , عادي يعني , تنصحها تقول لك عادي ,
واش راني ندير , أنا قمة في الأخلاق و الثقافة .

[رغيوة]

يا اختي ماذا اقول لك:

الله يهديها وييسر امورها ما نقدروش نحكموا عليها بدون ما نشوفو الواقع.

عذرا *مراد سابقا6* وهل ضمنت ان الاجنبية ليس لها ماضي ، صحيح في هذا الزمن كثر الخداع بنات في زي حجاب ومخربين الارض (من

ناس صادقين بمعنى الكلمة حكاولي على بنات يبانو ذوات دين وخلق ما امنتش بلي يديرو حوايج كيما هاك )

مازال كاين بنات ما شاء الله والله يعافينا

[آنثى آلمطر]

وعليكم السلام


اختك صاحبة خلق ودين الله يبارك
مكاش الشجرة الي ميهزهاش الريح
لكن تتعلم من خطئها
وتبتعد عن هدا الشاب
ههههههه واش دالها تيليفون وعطالها واحد ميصلحش هدا ماشي راجل راه حاب يبروفيتي منها
ويدعي بحبه لها

اختي انصحك تبعدعلى هدا الشاب ومتديرش مشكل لخوها
راه عندها زهر خوك كمضرباش ولا ذبحها
وشد في روحو
والله كان الاخوة في هديك اللحظة الي يشوفها ينزل يخسرلو وجهو ويقتلها مي حمدي ربي
ورجعي لطريق الصحيح
وطلبي من خوك السماح
وتاني امك ماشي قابلا بيه
اختي هدا باين يتمسخر الي يحوس عليك يجي لداركم
ماشي في طريق كامل ناس تشوف

وربي يرزقك بزوج صالح
سلام

[آنثى آلمطر]

المشاركة الأصلية كتبت بواسطة مراد سابقا6

اختك صاحبة خلق ودين

وفي نفس الوقت تخالط الرجال وتتحدث معهم وتمشي معهم في الطرقات والله اعلم ان كانت هناك أمور اخرى

سؤالي فقط :

فرضا اختك هذه لم يتزوجها هذا الشخص

واتى شخص آخر وخطبها :

سيقال له من المجتمع مبروك عليك تزوجت ذات الخلق والدين وهي كانت تصاحب الشباب من قبل

نحن في من الخداع وأنا قررت عدم الزواج هنا والزواج من اجنبية أنتهى

اخي مراد


قول ربي يرزقني بزوجة صالحة
ماشي تقول ندي وحدة اجنبية وعلاه الجنبية ليس لها ماضي

[anissa90]

المشاركة الأصلية كتبت بواسطة مراد سابقا6

اختك صاحبة خلق ودين

وفي نفس الوقت تخالط الرجال وتتحدث معهم وتمشي معهم في الطرقات والله اعلم ان كانت هناك أمور اخرى

سؤالي فقط :

فرضا اختك هذه لم يتزوجها هذا الشخص

واتى شخص آخر وخطبها :

سيقال له من المجتمع مبروك عليك تزوجت ذات الخلق والدين وهي كانت تصاحب الشباب من قبل

نحن في من الخداع وأنا قررت عدم الزواج هنا والزواج من اجنبية أنتهى

الحمد لله ربي ليغفر وليس الانسان بانسبة للاجنبية راهي هردتها زانية تشرب وتاكل ماحرمه الله كتر من هذه الفتاة ياخي عقلية و كان بنتكم ملائكة

[التـــــــــــــــــــائهة]

الأخت دارت مشكلة تحتاج نصيخة و أنتم ..........
يا أخي مكاش واحد مشاعرو ماتحركتش
مانقدروش نحكمو على البنات كامل أهن ماشي بنات فاملية و لكن بنات فاميلية راحو في جرة بنات ...............................


-----------------
انا ردا لصاحب المشكل
لوكنت مكتنك اقنع اختي لعدم القبول
السيد مستوى التاسع اساسي و ماشي خدام كيف تقبل به و هي جامعية
احترامي

[loufa]

السلام عليكم
قولي لاختك تحمد ربي اللي خوها مادرلها والو ولم يقتلها او يذبحها وكفاها بكاءا وتحشم وتعتذر لكل العائلة وايضا اخبريها اان اهلكم لن يثقوا فيكم كلكم بعد اليوم بسببها
حاولي اقناعها بتذكيرها بحكاية الهاتف
ايضا اخوك هو اللي لازم يتصرف ويبعدها عنه والا لماذا هو رجل
ربي يستركم

[اسم مرا]

والله غير نصحوها قلولها تخطيه هذا شخص مادي

حتى لو عادت تجنبكم صمطو عليها

حتي تبعده هذا مصير ابدي
ربي يجيب الخير

[amine60]

المشكلة مشي في الخدمة يعني اليوم راه يخدم بالكونترا غدوة يفتحها عليه ربي و يولي مرسم و يخلص مليح و يفتح دار عادي المشكل في الجاست نتاع التيليفون لي دارو و الله غير عيب عليه يحقر بنت الناس و ختك هادي لازم ترقولها بالاك راه ساحرها و مشي مليح تتعلق بشخص هاذ التعلق و هو مهوش زوجها الله يهديها

[طيف السعادة]

المشاركة الأصلية كتبت بواسطة مراد سابقا6

اختك صاحبة خلق ودين

وفي نفس الوقت تخالط الرجال وتتحدث معهم وتمشي معهم في الطرقات والله اعلم ان كانت هناك أمور اخرى

سؤالي فقط :

فرضا اختك هذه لم يتزوجها هذا الشخص

واتى شخص آخر وخطبها :

سيقال له من المجتمع مبروك عليك تزوجت ذات الخلق والدين وهي كانت تصاحب الشباب من قبل

نحن في من الخداع وأنا قررت عدم الزواج هنا والزواج من اجنبية أنتهى

اعتذر منك هل تظن ان الاجنيية التي تعيش في بلاد الكفار ملتزمة بالا خلاق مهما تكون عا ئلتها واصلها و تربيتها
فهي تصاحب الشباب اما هنا فمهما قد تكون وقحة فهي لا تدخل بيته ولاتخرج معه في الليل و ........... لان هنا فهي تعرف ان هناك من يحميها او من تخاف منه لا زال يحتفظ برجولة اخوها او ابوها اما هناك لا اب ولا اخ 18 سنة الحرية
والطيبون لطيبات الطيور على اشكالها تقع

[الجواهر]

هل سيخطبها حقا هذا هو السؤال فربما سيهرب و هنا لن يفيد رفض الام في شيء
اذا قرر خطبتها فعلى الام ان توافق لان الفتاة من اختارت .. هي خرجت معه و اعطته هاتفها و الله يعلم مادار بينهما .. لا مجال للحديث عن الموافقة او الرفض المهم ان ياتي للخطبه و قولي لاختك تعيش معاه على الحلو و المر

[*ألخيال*]

السلام عليكم

في زمننا هذا اختلط الحابل بالنابل ولا ندري الى اين سيصل حالنا من هذا الفساد و الانحلال الأخلاقي ...

ما حصل هو ان اختك ساقها الشيطان الى واد نحمد لله على انه ليس بعميق فيكفي ان تقطع علاقتها بكل صعلوك وان تكف هي عن الصعلكة ايضا .. وعليها ان تعتذر عما بدر منها ولتحمد اله على ان اخاها لم يرفع عصا حديدية في وجهها او ما شابه ..

في اماكن العمل تقل احتمالية تعرف شاب على فتاة فما بالك في الطريق العام المخصص لطاولات المقاهي والشواء ؟

كرد جانبي للذين ردوا على الشاب الذي اراد ان يتزوج باجنبية فذلك من شانه وحتى ان كانت شاربة خمر فيكفي ان تدخل للاسلام وهذه حرية شخصية وعلى ما اظن انها افضل من كاسية عارية مسلمة وتعرف الاسلام من فطرتها فهل يجب ان تعيد الدخول في الاسلام مرة اخرى ام ان الأمر كطلاء اسلام ثان عافانا الله ثم ان هنالك الكثير ممنهن احسن خلقا منا

والسلام