تأنيب الضمير

[مشكلتي]

السلام عليكم
عنوان مشكلتي تانيب الضمير
انا شاركت في مسابقة توظيف و تم رفض ملفي بسبب ليس لديا اقامة في تلك المنطقة و تقدمت بطعن الى هنا كل شيئ عادي ولاكن المشكل اني اكتشفت انوا كاين مترشحين من نفس منطقتي تم قبولهم هنا ذهبت للاستفسار مصدقونيش بلي كاين منها وهنيا انيا غلطت وعطيتلهم اسم شخص بعدما وعدوني انهم مايتخذوا حتي اجراء ضدوا و اكتشفوا بلي عندي الحق واكدولي بلي هذا الخطا في لاسيزي هنيا سماطلي كلش وحسين اني خائن و جاني تانيب الضمير وخفت يديروا اي اجراء ضذ هذا الشخص و يتحرم من المسابقة رغم انوا ماشي هو الوحيد نعرف ناس بزاف نفس حالتوا او انوا يسمع بلي انا مدتلهم اسموا
هنيا فشلت رغم اني كنت ناوي نصعد احتجاج تاعي و نوصلوا للوظيف العمومي لاكن كي نطقت باسم هذا الانسان فشلت ودوك اني حاير واش ندير ولوكان نتوما صرلكم نفس شيئ واش ديروا ولوكان جيتوا في مكان هذا الشخص كي تسمعوا واش درت واش تكون ردت فعلكم

[amine60]

تسرعت يا أخي بزاااف يعني لوكان خبرتهم بكامل لي تعرفهم و لا ماتخبرهمش كامل أما ضرك و كي فات الحال شوف مع هاذ لي خبرت عليه و شوف كيفاش تطلب منو السماح اذا عرف بلي أنت سبابو و الا ماعرفش راه ربي سترك

[مراد سابقا6]

ربي يسترنا

الحسد اول معصية في السماء واول معصية في الأرض

أنا شخصيا في حياتي حين أقابل شخصا وأكتشف فيه بذرة الحسد

الغيه تماما من القائمة

[minomido]

ما دير والو في راسك وهذا ما حسد ما والو يا خويا كل طير يلغا بلغاه حرام علاه واحد يقبلوه ولاخر لا هذي نورمال انا ولا اي واحد فينا يكذب لوكان يقول مانديرهاش متلعبوهاش ائمة ويا خويا هذا تصرف عادي ولوكان قاع يلومك الشخص قوله دير روحك في بلاصتي واش تدير

[naamane3]

والله مشكلة
انا في مكانك ندعي ربي باش ما يديرولو والو
وندعي ربي باش يسترني من ان اكتشف
وما نعاودهاش مرة اخري

[salem1985]

ربي يهديك خويا الواحد يطلب بحقو بصح موش هاك

[ابوبكر17.00]

كان الله في عونك

[zahra viva]

ان شاء الله ما يديرولو والو
كل بني ادم خطاء و ربي يسامحنا اجمعين

[فارس وجواد]

أخي , أخطأت مرتين ,
أولا أنت بالذات ليس لك الحق في المشاركة و شاركت , فعلى أي أساس تحتج على عدم النجاح ,
فأنت لا تتوفر فيك أحد الشروط و هي الإقامة ,
ثانيا السيد اللي ذكرت إسمه , لماذا ذكرت إسمه , هو باغي ياكل الحرام , بينه بين مولاه ,
بإختصار أخي حالتك ينطبق عليها القول بالعامية , نلعب ولا نحرم ,
أدع الله أن لا يكتشف ذلك الشخص بأنك أنت من ذكرت إسمه , و كنت السبب في إقصائه .

[اميرة الابتسامة]

وعليكم السلام ورحمة الله تعالى وبركاته

أخطأت كثيرا عندما أخبرت عن ذلك الشخص ميش راح نبداو نعاتبوا فيك انت أدرى بالخطأ لي درتوا ... ماداام حدث ذلك وانتهى اربي يصلح الأحوال

أناكون جيت في بلاصتك ماش راح تكون عندي القدرة باه نواجهوا ونقولوابلي أنا ... ذا صح اتخذوا اي اجراء ندعيلوا ربي كيما تغلق باب يتحلوا لخرين ان شاء الله ... ومرة أخرى ميش اذا مانجحتش انا لازم لخرين تاني ...

وهو أكيد كون يسمع بلي انت راح يغيضوا الحال خاصة أنك قلت أنوا ميش هو الوحيد لي نجح رغم أنوا ليس مقيم هناك

أنت برك حط روحك في بلاصتوا بما أنك شاركت وباقامة مختلفة لو كنت أنت الناجح مااردة فعلك ؟؟

[المشتاق للاحبة]

اسعد الله مساءكم
الله يهدينا اجمعين .