بحاجة الى اراء حكيمة

[مشكلتي]

السلام عليكم
افكاري مختلطة لكني ساحاول شرح الموضوع ببساطة
مشكلتي مع خطيبي، اكتشفت عن طريق الصدفة ان له صداقات ف الفايسبوك مع فتيات اقل ما يقال غير محترمات يضعن صور فاضحة
انا في حيرة من امري كيف اتصرف حيال هذا
من جهة انا اكن له الكثير من الحب، و هو ايضا دائما يخبرني باهميتي في حياته وكم يتمنى ان اكون اما لاولاده
هو بار بوالديه كثيرا، لي ثقة في اخلاقه
بحصوص ما عرفته مؤخرا، اعتبرها هفوة لا خيانة
اريد ان اعالج الموضوع دون مواجهته بما رايت، لان ذلك سيكسر مساحة الاحترام و الثقة بيننا و حتى لا يتبادر الى ذهنه بانه من الممكن ان اتقبل اشياء كهذه

من فضلكم انيروني بارائكم و ما الذي يجب علي فعله

[نورسين.داية]

السلام عليكم

السؤال الدي حيرني كيف لديكي ثقة في اخلاقه في حين انتي إكتشفتي العكس .....عزيزتي إنسان خلوق لا يصادق فتيات عبر وسائل التواصل الإجتماعي خصوصا أنه خاطب يعني من المفروض يكون أكثر إلتزاما

ثم تقولين أود حل المشكل بدون مواجهة .....بل قولي لا تردين أن تخسريه .....عزيزتي في هذه الأمور لا تصح إلا المواجهة ........
ثم تعتبرين الأمر مجرد هفوة .............ما أدراكي .......الهفوة أنسان يرتكب خطأ و لا يعود إليه أما أن الصديقات لا يزلن في قائمة أصدقائه ....معناه التواصل لا يزال و الصداقة قائمة ....................يعني كيما نقولوا ما تغطيش الشمس بالغربال ....................واجهيه و ضعي النقاط على الأحرف ......

الرزق على الله عزيزتي ثقي بالله ..............خير من لي تباصي روحك ....تحت لواء الحب ...الذي أعمى الكثير .....
وفقكي الله أختي

[محبة الله الجزائرية]

اوافق رايك اختي نورسين.داية

[kaout]

انا مع نورسين.داية
بصح خمي بعقلك راكي تقولي شوفتي صدفة يعني لوكان تواجهيه راح يكون عليك الخطا تعرفي علاه
يقولك اول شيئ انك تعسي فيه ماكيش مدايرة في ثقة ويخرجلك على الموضوع تماما ويهربلك منه
وثانيا يقولك كيفاه عرفتي يعني عندك فيسبوك وروحي انت حليها
كوني اذكى من هك اول شيئ حبيه صح بصح ماتخدعكش كلمة حابك تولي ام لاطفالي راكي تتلاقي به في الشارع يقولهالك
من الاخير ماتتعلقيش فيه كوني ديما فاتح عينيك
انا مانعرفش ظروفك انت ادرى اعرفي كيفاه تقوليهالو وفي اي وقت او احكيلوا مثلا على وقوليلو عندي صديقة واكتشفت انه خطيبها حال فيسبوك ولقات عندو صديقات وهذا الشيئ جرحها وحسسها بلي مايحباش وهكذا نوع من الحكايات وفوتي عليها ماتبقايش تعاودي فيها وتابعي الامر ممكن يخاف ويمحيهم
المهم كوني ذكية ماتفسديهاش على روحك وتاكدي كلشي مكتوب
مانيش حاب نقولك حبسي الحكاية لازم بتدرج واذا كبر الامر راكي تعرفي الحل
ربي يهديه ويهدينا جميعا

[وحيدة**]

مشكلتك أنك تخافين من أن يرحل ....الحب ألآعمى ....لكن ينام الحب ليصحو على العقل فيلومه فكري

[الصديق قروف]

لوكنت مكانه انا وهفوت
و واجهتني انتي ساتقبل خوفك علي وغيرتك و نطلب السماح من ربي. و منك

اما ادا كنت معتاد على المخالطة و كثرت الصديقات وواجهته بما فعل
ممكن ان يتوب
وممكن يبق على حالو و يواجهك انتي كلي غالطة
وادا فعل الفعل الاخير النساء الي عايشين مع رجالة كيفهم يتمناو ميتزوجوش خلاص

[Majrouha]

Ya okhti nasihti hati niqat 3la lhourouf qbal maytih fass fi rass,ana rani nahdarlak hadh lhadra liani fi nafes almouchkil W lakin m3a zawji li wadart m3ah 10 snin men onto W 2 wlad binatna,3raft bli ykhounu men li zawjna W ana mafouqtch,W lyoum Rama 3la abwab talaq,khamemi mlih,li fih San3a matatnaha

[سحابة مسافرة]

هذه خيانة ...الحب اعمى
فكري مليح ..متفوتيهاش

[السي محمد]

كي تدخلي حياتو...ينساهم

حاولي ملء الفراغ الذي تسيطر عليه صديقات الفايس

[OM AYA]

عادي مجرد هفوة ولا دارهالك بلعاني سعات يحبو يخرجولك قلبك ويولو كي لي بيبي ما تقوليلو ما والو اذا مفتحين قربيه منك وسمعيه لكلام الزين وحدو ينساهم ويمحيهم وحسيه بلي كيفو ما فيش ومنو واقطع بلاك نقص حنان برك ههه حب يخلط فيك باه يحسك بلي راكي في خطر و البنات كالبين عليه سينو كيفاه تقدري تدخلي ولا تقرعجي عليه كون ماشي هو موجدلك الطريق ما صدفة ما والو وما شي ذكاء منك صدقيني ولو صدفة شدي فيه خاصة اذا كان بهاذالمواصفات واللي قال كاين غيرو نخالفوا سامحوني الرجال خلاصو و العنوسة مدايرة حالة و تقعدي بلا راجل صعيبة بزاااااف راجل هو الصح ولازم تتجاوزي كامل يضعفوا امام بنات اليومالا من رحم ربك انا وحدة كي نخرج ونشوف البانيت نحل فمي نبغى ندخل في الحيوط من قوة مانقدرش نحي عيني لا منالشعر لا من اللاظافر لا من عينين لا من لبسة لا من لاطاي سواء اصطناعية ولا طبيعية هههه احمدي ربي مش خيانة عالمباشر راهي لبنات هاجت يا لطيف الا من رحم ربك

[.kiki]

السلام عليكم و رحمة الله
أعجبني كثيرا أنك تثقين به، الثقة أساس كل العلاقات
أما فيما يخص المشكلة.. فأنا أقترح أن تطلبي منه التوقف عن استخدام الفيسبوك بصفة كلية، و هذا ما يجب أن تفعليه أنت أيضا، اخبريه أنه مجرد مصيعة للوقت و أنك لا تريدين لزوجك أن يكون في مواضع لا يرضاها الله، أخبريه أن تقارين عليه و أننك ستكونين له خير عوض...
هذا طبعا اذا كنتما قد عقدتما شرعيا.. و الّا فنصيحتي هي التوقف عن الحديث معه اللى غاية ان يصبح ذلك مما لا حرج فيه

لهذا بالضبط أنا أفضل عدم التواصل بين المخطوبين.. و أن لا تكون فترة الخطوبة طويلة أبدا..
المهم... أسأل الله أن يهديه و يرشده سواء السبيل و أن يجعلك قرة عين له ويرزقكما السعادة و السكينة

في أمان الله

[hamza18]

انهم مجرد اصدقاء وهميون ولكنك الحقيقة في حياته لا اقول لك ان تقبلي بهدا ولكن حاولي تغييره باخباره انك غير راضية عن تلك الصدقات

[salem1985]

ربي يوفقك اختي صبري ونصحيه وعجلي زواجك

[hodahodahoda]

قد يتزوجك و ينسى كل هدا

[Kawthar77]

اختي نحاولو بدلو المعادلة وادا خطيبك دخل فيس تاعك وشاف عندك أصدقاء هل يرضى بهدا وهل يسكت ويقول حتى نتزوجو ونحاسبوا بعضنا طبعا وبالتأكيد لا سيفكر ويفكر الف مرة في الارتباط معك ونفس المشكلة مع زوجي تشاجرنا على فيس وتفهمنا نحدفوه نهائيا من حياتنا والحمدلله وانتي اعلم بخطيبك والله المستعان