مسكوتشو هشة وخفيفة من يريد الوصفة

didou89 · 2013-12-19, 17:13

درت مسكوتشو لبارح وخصوصارجتلي هشة وتشهي..درتها لماما كانت حابتها.لي يحب نمدلو الوصفة.

2013-12-19, 17:42

بصحتكم اختي وربي يخليلك ماماك
اكيد بغينا الوصفة من باب التغيير خاصة وانك قلتي خرجت هشة وتشهي

رجاها 22 · 2013-12-19, 23:27

نتمنى تفيدينا بالوصفة اختي اكيد الكل يرغب الحصول على وصفات تشهي
و المسكوتشو من الوصقات اللي يحبها الجميع
في انتظارك

didou89 · 2013-12-20, 09:24

وصفة مسكوتشو.انا درت 2بيض+كاس سكر وخلطتهم مليح بالفوي حتى ذاب السكر+كاس زيت ودرت بلعقل كيما المايونيز.هذا هو سر باش جي خفيفة و هشة.+كاس حليب دافئوخلطي+قشور برتقال مرابيين.+2خمارة.+فرينة حتى ولات عجينة ثقيلة شوية.دهنت مول مسكوتشو وفرغت خليط وخليت شوية درتلها كاكاو وفرغتها ملفوق.كنت مسخنا فور درتها طيب.وحضرت خليط الابيض لاو رامي .كي طابت قلبتها ودرت خطوط بخليط الابيض.وبنة كع البرتقال يايييييياي لا توصف.جربوها.
وسمحولي طولت باه حطيت الوصفة.وردولي لخبر.وماتنساوش.دعولي ربي يفرج عليا.

رانيا لوك · 2013-12-20, 10:12

يعطيك الصحة
الخليط الابيض انا درتو وجاني سايح ماهوش ثقيل مقادير من فضلك

cuisineshowdalatifa · 2013-12-20, 11:31

ربي يفرج عليك وعلى كل المؤمنين, بارك الله فيك

wafa foufa12 · 2013-12-20, 11:58

بارك الله فيكي

2013-12-20, 12:20

يعطاك الصحة اختي صح تبان هاااااااااااااااااااااايلة
ربي يجازيك كل خير ويفرج همك ياااارب
قوليلي قطر الصينية من فظلك

didou89 · 2013-12-20, 12:34

بالنسبة لصينية درت تع المسكوتشو دائري ومثقوب في الوسط.
اما الخليط الابيض ديري4م.ك سكر قلاصي+
م.ص مايزينة+لافاني.2م.ك.حليب+مغرف .ك.ملون ابيض تع ميزان.وخلطي حتى تتحصلي على خليط ثقيل.انا درت حليب مغرف1 وخلطت وكي يخص زيدي.وزيني بيه.نشابه يخرجلك.هذي المرة.