ترتولات بالفواكه هايلين من مطبخي

ام اماني77 · 2012-08-28, 20:38

السلام عليكم اخواتي
جبتلكم اليوم عجينة مناسبة لكل انواع التارت سواء بالفواكه او الليمون او الشكولة تجي تذوب في الفم
المقادير
العجينة
250غ فرينة،125غ زبدة او مرقرين تكون باردة ومقطعة الى قطع،2ملاعق كبار معمرين مليح سكر رطب،2ملاعق كبار زيت،2ملاعق كبارحليب،فاني،صفار بيضة
كريم باتسيير انا استعملت الجاهزة
فواكه مشكلة
لاجولي
الطريقة:
نخلط الفرينة مع الزبدة والفاني باطراف الاصابع جيدا ثم نضيف السكر ونخلط ثم نضيف الزيت والحليب وصفارالبيضة ونجمع العجينة دون عجنها ويمكن نستعملها مباشرة دون وضعها في الثلاجة
نبسطها بالحلال لازم يكون سمكها متوسط باه كطيب ماتتكسرش ونحطها في لي مول ونثقبها بالشوكة وندخلها تطيب تحت درجة حرارة180 درجة تقريبا 15د بعدها نخليها تبرد تماما ونحيها من لي مول
في هذا الوقت نكون حضرت الكريم باتسيير نخليها تبرد ونعمر الحبات بالكريم ونحط فوقها الفواكه المتوفرة
نسخن لاجولي وبواسطة بانسو ندهن الفاكهة ونقدمها .
وهذا شكلها النهائي
https://
وهذا شكلها عن قرب
https://

موسى2207 · 2012-08-28, 20:56

انا الاوووووووووووولىىىىىىىىى
وصفاتك هايلين ربي يبارك راني متابعاتك في منتديات اخرى

safou2as1 · 2012-08-28, 21:19

الله يبارك ..........تبان بنينه ومليحه

ننكن تقوليلنا وصفتك لكريم باتيسيار؟ ولا تستعملي تع الحانوت؟

ام اماني77 · 2012-08-28, 21:19

شكرا للك اختي على المرور والحمد لله لعجبوك مواضيعي ربي يخليك

ام اماني77 · 2012-08-28, 21:26

اقتباس:

المشاركة الأصلية كتبت بواسطة safou2as1

الله يبارك ..........تبان بنينه ومليحه

ننكن تقوليلنا وصفتك لكريم باتيسيار؟ ولا تستعملي تع الحانوت؟

هنا استعملت لتتباع ساهلة وبنينة واليلك وصفة الكريم باتسيير نحضرها وتجي هايلة
250مل حليب نحط على النار يسخن
من جهة نخلط60غ من السكر مع3 صفار بيض وفاني و25غ نشا نخلط بالفوي او الباتور شوية برك ونسكب شوية من الحليب على الخليط ونحرك ثم نرجعهم فوق النار ونحرك حتى تثقال نضيف25غ زبدة نحرك ونخليها تبرد ونستعملها