gateau sec marocain يوالم للعيد

[fella food art]

السلام
هادي الحلوة اقتصادية مافيهاش البيض و السكر و توالم في العيد ان شاء الله لان شكلها شباب و البنة بنينة

المقادير
(هادي كمية كبيرة )
*500غ زبدة من الاحسن لابال
*8ملاعق كبار عسل
*2ملاعق كبار كاكاو
*1باكي levure chimique
*1ملعقة كبيرة لافاني
*فرينة حتى تتلم العجينة

للتزيين
*معجون او ناباج nappage
*نوات كوكو noix de coco

طريقة التحضير
انا درت نصف الكمية

ديري الزبدة مع العسل


من بعد الكاكاو و لافاني

من بعد شوية فرينة و levure chimique

و زيدي الفرينة بشوية حتى تتحصلي على عجينة متماسكة ماتكون طرية ماتكون يابسة


غطيها و خليها تريح شوية حوالي 15 دقيقة


طريقة التشكيل


الادوات المستعملة


حلي العجينة

وبواسطة شوكة ديري خطوط


قطعي الشكل لي تحبيه هو اصلو هادا الشكل كل وحد و دوقو




كي يطيب ديريلو النباج و لا المعجون لي عندك في الوسط و في الحواف
لصقي 2 حبات مع بعضاهم


و ديريه في noix de coco

ان شاء الله يكون عجبكم و جربوه ساهل و اقتصادي و لديد 3في1 ههههههه


صحة فطوركم

[nassima imene]

الطريقة لوسمحت فأنا أثق في ذوقك و حلوياتك بارك الله فيك

[zineb_saib]

يعطيك الصحة فلة
تعيشي سقسيتك من قبل على لاغوسات تاع قاطو السيقار ومجاوبتينيش
هداك اللي كي يخرج من الفرن مباشرة نروليه وهو سخون ويحكم هاديك لافورم
عاابالي بلي فيه بياض بيض وفرينة وزبدة وسكر بصح معنديش المعايير المظبوطة والطريقة راني نستنى فيك

[fella food art]

المشاركة الأصلية كتبت بواسطة zineb_saib

يعطيك الصحة فلة
تعيشي سقسيتك من قبل على لاغوسات تاع قاطو السيقار ومجاوبتينيش
هداك اللي كي يخرج من الفرن مباشرة نروليه وهو سخون ويحكم هاديك لافورم
عاابالي بلي فيه بياض بيض وفرينة وزبدة وسكر بصح معنديش المعايير المظبوطة والطريقة راني نستنى فيك

انا اسفة والله كاين بزاف لي يطلبو مني وصفات نديرهم ماعنديش الوقت انا نخدم علا هاديك pliz اسمحيلي
دوك ناطيك لاغوسات و الله كنت حابة نديرو في المنتدى
دقيقة نروح نجيب الوصفة و نجي

[fella food art]

المشاركة الأصلية كتبت بواسطة zineb_saib

يعطيك الصحة فلة
تعيشي سقسيتك من قبل على لاغوسات تاع قاطو السيقار ومجاوبتينيش
هداك اللي كي يخرج من الفرن مباشرة نروليه وهو سخون ويحكم هاديك لافورم
عاابالي بلي فيه بياض بيض وفرينة وزبدة وسكر بصح معنديش المعايير المظبوطة والطريقة راني نستنى فيك

هاداك واسمو cigar russe
المقادير
*250غ سكر عادي
*250غ زبدة دايبة و باردة
*250غ فرينة
*5 حبات بيض
*1 ملعقة كبيرة لافاني
تخلطي كامل المقادير مع بعض من بعد فرغي بالملعقة في السنيوا م ابلاطي لابت على شكل دائري دخليها للكوشة غير تحمار من الطراف نحيها و روليها في المول تع السيقاغ يلزم تكون شخونة خاطرش تبرد بالخف و تيبس
غير شتي باش تفهمي ان شاء الله تكوني فهمتي

ادا مفهمتيش قوليلي

[imane khaled]

يعطيك الصحة حبيبتي يبان هايل حبيت نسقسيك برك انا جربت مرة حلوى بالعسل و جاتني يابسة شوية و لا بالاك هذا كي ما فيهش البيض؟
و بحكم خبرتك حبيت نسقسيك على كاش وصفة ما تتنفخش و ما يتغيرش شكلها في الفرن لاني راح نستعمل هذا الطابع

[fella food art]

المشاركة الأصلية كتبت بواسطة imane khaled

يعطيك الصحة حبيبتي يبان هايل حبيت نسقسيك برك انا جربت مرة حلوى و جاتني يابسة شوية و لا بالاك هذا كي ما فيهش البيض؟
و بحكم خبرتك حبيت نسقسيك على كاش وصفة ما تتنفخش و ما يتغيرش شكلها في الفرن لاني راح نستعمل هذا الطابع

waw وين شريتيه شحال ونا نحوس على واحد هكدا
هادي الوصفة تقدري ديري بيه https://www.djelfa.info/vb/showthread.php?t=1166117

[imane khaled]

فلة راني نبعثلك في رسائل خاصة لكن ما لحقوش

[سيليا22]

حلوياتك روووووووعة واكيد انت الاروع

[chahinez_alg]

[minn]

بارك الله فيك

[*عاشقة الجنة*]

فلة.......شمعة...........منورة

والله نورتينا بمواضيعك الرائعة

ربي يخليك حبيبتي ويعطيك ما تتمناي

[حياتي نبع امل]

اوووووو فلةهايل يعطيك الصحة

[tong2]

يعــــطيـــــــك الصــحـة

[راجية غفران ربها]

حبيبتي عاش من قرالك يا الغالية دايما متميزة كالعادة ربي يعطيك و يمنيك يا الغالية