مساعدة بسييييطة ولكنها مهمة عندي

[*أم جابر*]

السلام عليكم ورحمة الله انا ابحث عن وصفة الجولي بالتفاح من تعرفها لاتبخل علي وجزاكم الله خيرا

[الونشريسية]

افة والله ما نعرفها انشاء الله يفيدوك الاخوات

[ryhem 16]

سلام أختي
بالصراحة عندي مدة ما طيبتوش لاجولي تاع التفاح(مجمد التفاح) لكن نعطيك واش شفيت راهي مضمونة باذن الله و نتمنى تتوفقي فيها
بسم الله
لاجولي تطيب على مرحلتين
المرحلة الأولى

• حبات تفاح حوالي 6 حبات تكون التفاحات سليمة
  

• ماء
  
• عصير ليمونة(قارس)
  

التحضير

• قشري التفاح و قطعيه قطع مايهمش اذا قطعتيه مربعات أو شراثح و انزعي اللب و البذور ثم لفي البذور و القشور في شاش الجراحة ألي يكون بالطبع جديد و ديريه على شكل رزمة (البذور و اللب فيهم كمية معتبرة من مادة البكتين ألي تحافظ على المربى و تخليه هولامي)

• في قدر و لا كوكوط حطي قطع التفاح و الرزمة(البذور+ اللب)

• ضعي كمية من الماء لازم تغطي التفاح فقط ثم ضيفي عصير ليمونة
  
• حطي القدر فوق النار حتى يطيب التفاح يعني يطرى
• كي يطيب التفاح فرغي الخليط فوق غربال أو مصفاة تكون ثقوبها شوية مفتوحة و خليه يقطر وحده بلا ما تضغطي عليه باش يبقى السائل المتحصل عليه صافي و شفاف
• راح يبقى التفاح في الغربال هذاك اذا حبيتي زيديلو سكر و دريه عجينة التفاح كما تاع السفرجل نعيطولو معجون التباسة
• و ألي تصفى من تحت هذاك السائل هو ألي نسحقوه لتحضير لاجولي تاع التفاح
  

المرحلة الثانية

• تأخذي حوالي 1 لتر من السائل حطيه في كسرونة و زيديلو 800 غ من السكر العادي و حركي بالمعلقة و طيبيه فوق النار و خليه يغلي حوالي 20 دقيقة و جربي كما المعجون يعني أحكي ملعقة من لاجولي و فرغيها فوق صحن اذا ثبت يعني طابت لاجولي
  
• و بصحتك أختي راه ساهل و نتمنالك تنجحي فيه