احتاج دعوة برك امري عسير

[عزف الكمان]

السلام عليكم
والله يا خاوتي ضاقت بيا الدنيا ومالقيت وش ندير ومنيش عارف مظلوم ولا ظالم
انا متزوج وبطال وعندي طفلة عندها شهر و19 يوم زوجتي متحصلة على شهادة الجامعة بصح مزال مكتبش ربي باه تلقى خدمة
امي عندها سكنة في باطيمو زوج شنابر وصالو وكوزينة وعندي زوج خاوة عمرهم 32 عام و29 عام وانا عمري 35 عام ومرتي عمرها 23 عام
امي تبغي مرتي تخدم على العيلة كامل تطيبلهم تسيقلهم وتنوضهم لسحور في رمضان وانا منحبش مرتي تدور في نصاف ليالي قدام خاوتي رام رجال وواحد فيهم شوي تع نسا
والله وربي لي يعلم قولت لمرتي خدميهم مدام حنا قاعدين عندها بنتي صغيرة وتبكي فوق اللازم من لي غاز
الوالدة راحت عند بنتها في ولاية وحدا اخرى قعدت عندها نص رمضان كامل جات غير من ورا العيد بلعاني والمرا وحدها
قلبي ولا جمر نخليها وحدها في الدار ونروح نجيب رزق نهاري
كي جات
الوالدة جابت معاها بناتها في زوج جاو معمرين حكمو المرا ماخلاو فيها تقابضو معاها قالولها تغسلي وتطيبي وتسيقي على خاوتنا كي الكلبة وملزمة تخدميهم بغيتي ولا قعدتي
والله مرتي مظلومة وكون شفت مرتي ظالمة نبعتها لدار باباها
والكارته لكبيرا الوالدة طردتني من الدار وانا معنديش وين نروح دوك راني في دار صاحبي سيما ورمل والماصون يبني
والله راني مدمر وربي يعلم بحالي
غير ساكت ومقدرت نهدر والو
ملقيت حتى حل
ادعولي برك ربي يسهلي امري

[hajer.joujou]

اخي قطعت قلبي واحزنني وضع زوجتك قبلها من راسها لانها صابرة على الظلم ولم تهجرك ومن حقك ان تغار على زوجتك وتصن عرضك مادام لك اخ كما ذكرت الله يرزقه زوجة
صحيح ان امك اخطات معك وانت تعاني اقل لك اصبر لعله خير فقط لا تتنازل عن حق زوجتك ودافع عنها امامهم وامامها بطريقة لبقة وصارمة وحازمة فعندما يروك متمسك بها ولا تبغي الظلم عليها لن يتجراو على التطاول عليها وان تحتم الامر خذ زوجتك عند ابيها بحجة الضيافة ولا تخبرهم بالامر حتى لا تزيد الطين بلة وتودد الى زوجتك وعدها انك عندما تفرج ستعوضها عن ايام العذاب وان استعطعت اكري ولو غرفة واعمل اي شيء افضل من تحمل الظلم والبهتان
فرج الله كربتك ورزقك من اوسع الابواب فهو يرزق الحوت في البحر فما بالك بالعباد

[couscousa]

عَنِ عَبْدِ اللَّهِ بْنِ مَسْعُودٍ رَضِيَ الله عَنْهُ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ

"مَا قَالَ عَبْدٌ قَطُّ إِذَا أَصَابَهُ هَمٌّ وَحَزَنٌ" اللَّهُمَّ إِنِّي عَبْدُكَ وَابْنُ عَبْدِكَ وَابْنُ أَمَتِكَ نَاصِيَتِي بِيَدِكَ مَاضٍ فِيَّ حُكْمُكَ عَدْلٌ فِيَّ قَضَاؤُكَ أَسْأَلُكَ بِكُلِّ اسْمٍ هُوَ لَكَ سَمَّيْتَ بِهِ نَفْسَكَ أَوْ أَنْزَلْتَهُ فِي كِتَابِكَ أَوْ عَلَّمْتَهُ أَحَدًا مِنْ خَلْقِكَ أَوْ اسْتَأْثَرْتَ بِهِ فِي عِلْمِ الْغَيْبِ عِنْدَكَ أَنْ تَجْعَلَ الْقُرْآنَ رَبِيعَ قَلْبِي وَنُورَ صَدْرِي وَجِلَاءَ حُزْنِي وَذَهَابَ هَمِّي"، إِلَّا أَذْهَبَ اللَّهُ عَزَّ وَجَلَّ هَمَّهُ وَأَبْدَلَهُ مَكَانَ حُزْنِهِ فَرَحًا قَالُوا يَا رَسُولَ اللَّهِ يَنْبَغِي لَنَا أَنْ نَتَعَلَّمَ هَؤُلَاءِ الْكَلِمَاتِ قَالَ أَجَلْ يَنْبَغِي لِمَنْ سَمِعَهُنَّ أَنْ يَتَعَلَّمَهُنَّ

[شخصية مهمة]

ربي لا سهل الا مجعلته سهلا
ربنا افرج عليك يارب امييييييييين